Ecclésiaste 4

¹ וְשַׁ֣בְתִּֽי אֲנִ֗י וָאֶרְאֶה֙ אֶת־כָּל־הָ֣עֲשֻׁקִ֔ים אֲשֶׁ֥ר נַעֲשִׂ֖ים תַּ֣חַת הַשָּׁ֑מֶשׁ וְהִנֵּ֣ה ׀ דִּמְעַ֣ת הָעֲשֻׁקִ֗ים וְאֵ֤ין לָהֶם֙ מְנַחֵ֔ם וּמִיַּ֤ד עֹֽשְׁקֵיהֶם֙ כֹּ֔חַ וְאֵ֥ין לָהֶ֖ם מְנַחֵֽם׃ weshavetiy ʾaniy waʾereʾeh ʾet־kal־haʿashuqiym ʾasher naʿasiym taḥat hashamesh wehineh ׀ dimeʿat haʿashuqiym weʾeyn lahem menaḥem umiyad ʿosheqeyhem koaḥ weʾeyn lahem menaḥem׃

² וְשַׁבֵּ֧חַ אֲנִ֛י אֶת־הַמֵּתִ֖ים שֶׁכְּבָ֣ר מֵ֑תוּ מִן־הַ֣חַיִּ֔ים אֲשֶׁ֛ר הֵ֥מָּה חַיִּ֖ים עֲדֶֽנָה׃ weshabeaḥ ʾaniy ʾet־hametiym shekevar metu min־haḥayiym ʾasher hemah ḥayiym ʿadenah׃

³ וְטֹוב֙ מִשְּׁנֵיהֶ֔ם אֵ֥ת אֲשֶׁר־עֲדֶ֖ן לֹ֣א הָיָ֑ה אֲשֶׁ֤ר לֹֽא־רָאָה֙ אֶת־הַמַּעֲשֶׂ֣ה הָרָ֔ע אֲשֶׁ֥ר נַעֲשָׂ֖ה תַּ֥חַת הַשָּֽׁמֶשׁ׃ weṭowv misheneyhem ʾet ʾasher־ʿaden loʾ hayah ʾasher loʾ־raʾah ʾet־hamaʿaseh haraʿ ʾasher naʿasah taḥat hashamesh׃

⁴ וְרָאִ֨יתִֽי אֲנִ֜י אֶת־כָּל־עָמָ֗ל וְאֵת֙ כָּל־כִּשְׁרֹ֣ון הַֽמַּעֲשֶׂ֔ה כִּ֛י הִ֥יא קִנְאַת־אִ֖ישׁ מֵרֵעֵ֑הוּ גַּם־זֶ֥ה הֶ֖בֶל וּרְע֥וּת רֽוּחַ׃ weraʾiytiy ʾaniy ʾet־kal־ʿamal weʾet kal־kisherown hamaʿaseh kiy hiyʾ qineʾat־ʾiysh mereʿehu gam־zeh hevel ureʿut ruaḥ׃

⁵ הַכְּסִיל֙ חֹבֵ֣ק אֶת־יָדָ֔יו וְאֹכֵ֖ל אֶת־בְּשָׂרֹֽו׃ hakesiyl ḥoveq ʾet־yadayw weʾokhel ʾet־besarow׃

⁶ טֹ֕וב מְלֹ֥א כַ֖ף נָ֑חַת מִמְּלֹ֥א חָפְנַ֛יִם עָמָ֖ל וּרְע֥וּת רֽוּחַ׃ ṭowv meloʾ khaf naḥat mimeloʾ ḥafenayim ʿamal ureʿut ruaḥ׃

⁷ וְשַׁ֧בְתִּי אֲנִ֛י וָאֶרְאֶ֥ה הֶ֖בֶל תַּ֥חַת הַשָּֽׁמֶשׁ׃ weshavetiy ʾaniy waʾereʾeh hevel taḥat hashamesh׃

⁸ יֵ֣שׁ אֶחָד֩ וְאֵ֨ין שֵׁנִ֜י גַּ֣ם בֵּ֧ן וָאָ֣ח אֵֽין־לֹ֗ו וְאֵ֥ין קֵץ֙ לְכָל־עֲמָלֹ֔ו גַּם־ [עֵינָיו כ] (עֵינֹ֖ו ק) לֹא־תִשְׂבַּ֣ע עֹ֑שֶׁר וּלְמִ֣י ׀ אֲנִ֣י עָמֵ֗ל וּמְחַסֵּ֤ר אֶת־נַפְשִׁי֙ מִטֹּובָ֔ה גַּם־זֶ֥ה הֶ֛בֶל וְעִנְיַ֥ן רָ֖ע הֽוּא׃ yesh ʾeḥad weʾeyn sheniy gam ben waʾaḥ ʾeyn־low weʾeyn qets lekhal־ʿamalow gam־ [ʿeynayw kh] (ʿeynow q) loʾ־tisebaʿ ʿosher ulemiy ׀ ʾaniy ʿamel umeḥaser ʾet־nafeshiy miṭowvah gam־zeh hevel weʿineyan raʿ huʾ׃

⁹ טֹובִ֥ים הַשְּׁנַ֖יִם מִן־הָאֶחָ֑ד אֲשֶׁ֧ר יֵשׁ־לָהֶ֛ם שָׂכָ֥ר טֹ֖וב בַּעֲמָלָֽם׃ ṭowviym hashenayim min־haʾeḥad ʾasher yesh־lahem sakhar ṭowv baʿamalam׃

¹⁰ כִּ֣י אִם־יִפֹּ֔לוּ הָאֶחָ֖ד יָקִ֣ים אֶת־חֲבֵרֹ֑ו וְאִ֣ילֹ֗ו הָֽאֶחָד֙ שֶׁיִּפֹּ֔ול וְאֵ֥ין שֵׁנִ֖י לַהֲקִימֹֽו׃ kiy ʾim־yipolu haʾeḥad yaqiym ʾet־ḥaverow weʾiylow haʾeḥad sheyipowl weʾeyn sheniy lahaqiymow׃

¹¹ גַּ֛ם אִם־יִשְׁכְּב֥וּ שְׁנַ֖יִם וְחַ֣ם לָהֶ֑ם וּלְאֶחָ֖ד אֵ֥יךְ יֵחָֽם׃ gam ʾim־yishekevu shenayim weḥam lahem uleʾeḥad ʾeykhe yeḥam׃

¹² וְאִֽם־יִתְקְפֹו֙ הָאֶחָ֔ד הַשְּׁנַ֖יִם יַעַמְד֣וּ נֶגְדֹּ֑ו וְהַחוּט֙ הַֽמְשֻׁלָּ֔שׁ לֹ֥א בִמְהֵרָ֖ה יִנָּתֵֽק׃ weʾim־yiteqefow haʾeḥad hashenayim yaʿamedu negedow wehaḥuṭ hameshulash loʾ vimeherah yinateq׃

¹³ טֹ֛וב יֶ֥לֶד מִסְכֵּ֖ן וְחָכָ֑ם מִמֶּ֤לֶךְ זָקֵן֙ וּכְסִ֔יל אֲשֶׁ֛ר לֹא־יָדַ֥ע לְהִזָּהֵ֖ר עֹֽוד׃ ṭowv yeled miseken weḥakham mimelekhe zaqen ukhesiyl ʾasher loʾ־yadaʿ lehizaher ʿowd׃

¹⁴ כִּֽי־מִבֵּ֥ית הָסוּרִ֖ים יָצָ֣א לִמְלֹ֑ךְ כִּ֛י גַּ֥ם בְּמַלְכוּתֹ֖ו נֹולַ֥ד רָֽשׁ׃ kiy־mibeyt hasuriym yatsaʾ limelokhe kiy gam bemalekhutow nowlad rash׃

¹⁵ רָאִ֙יתִי֙ אֶת־כָּל־הַ֣חַיִּ֔ים הַֽמְהַלְּכִ֖ים תַּ֣חַת הַשָּׁ֑מֶשׁ עִ֚ם הַיֶּ֣לֶד הַשֵּׁנִ֔י אֲשֶׁ֥ר יַעֲמֹ֖ד תַּחְתָּֽיו׃ raʾiytiy ʾet־kal־haḥayiym hamehalekhiym taḥat hashamesh ʿim hayeled hasheniy ʾasher yaʿamod taḥetayw׃

¹⁶ אֵֽין־קֵ֣ץ לְכָל־הָעָ֗ם לְכֹ֤ל אֲשֶׁר־הָיָה֙ לִפְנֵיהֶ֔ם גַּ֥ם הָאַחֲרֹונִ֖ים לֹ֣א יִשְׂמְחוּ־בֹ֑ו כִּֽי־גַם־זֶ֥ה הֶ֖בֶל וְרַעְיֹ֥ון רֽוּחַ׃ ʾeyn־qets lekhal־haʿam lekhol ʾasher־hayah lifeneyhem gam haʾaḥarowniym loʾ yisemeḥu־vow kiy־gam־zeh hevel weraʿeyown ruaḥ׃

¹⁷ שְׁמֹ֣ר [רַגְלֶיךָ כ] (רַגְלְךָ֗ ק) כַּאֲשֶׁ֤ר תֵּלֵךְ֙ אֶל־בֵּ֣ית הָאֱלֹהִ֔ים וְקָרֹ֣וב לִשְׁמֹ֔עַ מִתֵּ֥ת הַכְּסִילִ֖ים זָ֑בַח כִּֽי־אֵינָ֥ם יֹודְעִ֖ים לַעֲשֹׂ֥ות רָֽע׃ shemor [rageleykha kh] (ragelekha q) kaʾasher telekhe ʾel־beyt haʾelohiym weqarowv lishemoaʿ mitet hakesiyliym zavaḥ kiy־ʾeynam yowdeʿiym laʿasowt raʿ׃