1 וְעָשָׂה֩ בְצַלְאֵ֨ל וְאָהֳלִיאָ֜ב וְכֹ֣ל ׀ אִ֣ישׁ חֲכַם־לֵ֗ב אֲשֶׁר֩ נָתַ֨ן יְהוָ֜ה חָכְמָ֤ה וּתְבוּנָה֙ בָּהֵ֔מָּה לָדַ֣עַת לַעֲשֹׂ֔ת אֶֽת־כָּל־מְלֶ֖אכֶת עֲבֹדַ֣ת הַקֹּ֑דֶשׁ לְכֹ֥ל אֲשֶׁר־צִוָּ֖ה יְהוָֽה׃ weʿasah vetsaleʾel weʾaholiyʾav wekhol ׀ ʾiysh ḥakham־lev ʾasher natan yehwah ḥakhemah utevunah bahemah ladaʿat laʿasot ʾet־kal־meleʾkhet ʿavodat haqodesh lekhol ʾasher־tsiuah yehwah׃
2 וַיִּקְרָ֣א מֹשֶׁ֗ה אֶל־בְּצַלְאֵל֮ וְאֶל־אָֽהֳלִיאָב֒ וְאֶל֙ כָּל־אִ֣ישׁ חֲכַם־לֵ֔ב אֲשֶׁ֨ר נָתַ֧ן יְהוָ֛ה חָכְמָ֖ה בְּלִבֹּ֑ו כֹּ֚ל אֲשֶׁ֣ר נְשָׂאֹ֣ו לִבֹּ֔ו לְקָרְבָ֥ה אֶל־הַמְּלָאכָ֖ה לַעֲשֹׂ֥ת אֹתָֽהּ׃ wayiqeraʾ mosheh ʾel־betsaleʾel weʾel־ʾaholiyʾav weʾel kal־ʾiysh ḥakham־lev ʾasher natan yehwah ḥakhemah belibow kol ʾasher nesaʾow libow leqarevah ʾel־hamelaʾkhah laʿasot ʾotah׃
3 וַיִּקְח֞וּ מִלִּפְנֵ֣י מֹשֶׁ֗ה אֵ֤ת כָּל־הַתְּרוּמָה֙ אֲשֶׁ֨ר הֵבִ֜יאוּ בְּנֵ֣י יִשְׂרָאֵ֗ל לִמְלֶ֛אכֶת עֲבֹדַ֥ת הַקֹּ֖דֶשׁ לַעֲשֹׂ֣ת אֹתָ֑הּ וְ֠הֵם הֵבִ֨יאוּ אֵלָ֥יו עֹ֛וד נְדָבָ֖ה בַּבֹּ֥קֶר בַּבֹּֽקֶר׃ wayiqeḥu milifeney mosheh ʾet kal־haterumah ʾasher heviyʾu beney yiseraʾel limeleʾkhet ʿavodat haqodesh laʿasot ʾotah wehem heviyʾu ʾelayw ʿowd nedavah baboqer baboqer׃
4 וַיָּבֹ֙אוּ֙ כָּל־הַ֣חֲכָמִ֔ים הָעֹשִׂ֕ים אֵ֖ת כָּל־מְלֶ֣אכֶת הַקֹּ֑דֶשׁ אִֽישׁ־אִ֥ישׁ מִמְּלַאכְתֹּ֖ו אֲשֶׁר־הֵ֥מָּה עֹשִֽׂים׃ wayavoʾu kal־haḥakhamiym haʿosiym ʾet kal־meleʾkhet haqodesh ʾiysh־ʾiysh mimelaʾkhetow ʾasher־hemah ʿosiym׃
5 וַיֹּאמְרוּ֙ אֶל־מֹשֶׁ֣ה לֵּאמֹ֔ר מַרְבִּ֥ים הָעָ֖ם לְהָבִ֑יא מִדֵּ֤י הָֽעֲבֹדָה֙ לַמְּלָאכָ֔ה אֲשֶׁר־צִוָּ֥ה יְהוָ֖ה לַעֲשֹׂ֥ת אֹתָֽהּ׃ wayoʾmeru ʾel־mosheh leʾmor marebiym haʿam lehaviyʾ midey haʿavodah lamelaʾkhah ʾasher־tsiuah yehwah laʿasot ʾotah׃
6 וַיְצַ֣ו מֹשֶׁ֗ה וַיַּעֲבִ֨ירוּ קֹ֥ול בַּֽמַּחֲנֶה֮ לֵאמֹר֒ אִ֣ישׁ וְאִשָּׁ֗ה אַל־יַעֲשׂוּ־עֹ֛וד מְלָאכָ֖ה לִתְרוּמַ֣ת הַקֹּ֑דֶשׁ וַיִּכָּלֵ֥א הָעָ֖ם מֵהָבִֽיא׃ wayetsaw mosheh wayaʿaviyru qowl bamaḥaneh leʾmor ʾiysh weʾishah ʾal־yaʿasu־ʿowd melaʾkhah literumat haqodesh wayikaleʾ haʿam mehaviyʾ׃
7 וְהַמְּלָאכָ֗ה הָיְתָ֥ה דַיָּ֛ם לְכָל־הַמְּלָאכָ֖ה לַעֲשֹׂ֣ות אֹתָ֑הּ וְהֹותֵֽר׃ ס wehamelaʾkhah hayetah dayam lekhal־hamelaʾkhah laʿasowt ʾotah wehowter׃ s
8 וַיַּעֲשׂ֨וּ כָל־חֲכַם־לֵ֜ב בְּעֹשֵׂ֧י הַמְּלָאכָ֛ה אֶת־הַמִּשְׁכָּ֖ן עֶ֣שֶׂר יְרִיעֹ֑ת שֵׁ֣שׁ מָשְׁזָ֗ר וּתְכֵ֤לֶת וְאַרְגָּמָן֙ וְתֹולַ֣עַת שָׁנִ֔י כְּרֻבִ֛ים מַעֲשֵׂ֥ה חֹשֵׁ֖ב עָשָׂ֥ה אֹתָֽם׃ wayaʿasu khal־ḥakham־lev beʿosey hamelaʾkhah ʾet־hamishekan ʿeser yeriyʿot shesh mashezar utekhelet weʾaregaman wetowlaʿat shaniy keruviym maʿaseh ḥoshev ʿasah ʾotam׃
9 אֹ֜רֶךְ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֙חַב֙ אַרְבַּ֣ע בָּֽאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃ ʾorekhe hayeriyʿah haʾaḥat shemoneh weʿeseriym baʾamah weroḥav ʾarebaʿ baʾamah hayeriyʿah haʾeḥat midah ʾaḥat lekhal־hayeriyʿot׃
10 וַיְחַבֵּר֙ אֶת־חֲמֵ֣שׁ הַיְרִיעֹ֔ת אַחַ֖ת אֶל־אֶחָ֑ת וְחָמֵ֤שׁ יְרִיעֹת֙ חִבַּ֔ר אַחַ֖ת אֶל־אֶחָֽת׃ wayeḥaber ʾet־ḥamesh hayeriyʿot ʾaḥat ʾel־ʾeḥat weḥamesh yeriyʿot ḥibar ʾaḥat ʾel־ʾeḥat׃
11 וַיַּ֜עַשׂ לֻֽלְאֹ֣ת תְּכֵ֗לֶת עַ֣ל שְׂפַ֤ת הַיְרִיעָה֙ הָֽאֶחָ֔ת מִקָּצָ֖ה בַּמַּחְבָּ֑רֶת כֵּ֤ן עָשָׂה֙ בִּשְׂפַ֣ת הַיְרִיעָ֔ה הַקִּ֣יצֹונָ֔ה בַּמַּחְבֶּ֖רֶת הַשֵּׁנִֽית׃ wayaʿas luleʾot tekhelet ʿal sefat hayeriyʿah haʾeḥat miqatsah bamaḥebaret ken ʿasah bisefat hayeriyʿah haqiytsownah bamaḥeberet hasheniyt׃
12 חֲמִשִּׁ֣ים לֻלָאֹ֗ת עָשָׂה֮ בַּיְרִיעָ֣ה הָאֶחָת֒ וַחֲמִשִּׁ֣ים לֻלָאֹ֗ת עָשָׂה֙ בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶת הַשֵּׁנִ֑ית מַקְבִּילֹת֙ הַלֻּ֣לָאֹ֔ת אַחַ֖ת אֶל־אֶחָֽת׃ ḥamishiym lulaʾot ʿasah bayeriyʿah haʾeḥat waḥamishiym lulaʾot ʿasah biqetseh hayeriyʿah ʾasher bamaḥeberet hasheniyt maqebiylot halulaʾot ʾaḥat ʾel־ʾeḥat׃
13 וַיַּ֕עַשׂ חֲמִשִּׁ֖ים קַרְסֵ֣י זָהָ֑ב וַיְחַבֵּ֨ר אֶת־הַיְרִעֹ֜ת אַחַ֤ת אֶל־אַחַת֙ בַּקְּרָסִ֔ים וַֽיְהִ֥י הַמִּשְׁכָּ֖ן אֶחָֽד׃ ס wayaʿas ḥamishiym qaresey zahav wayeḥaber ʾet־hayeriʿot ʾaḥat ʾel־ʾaḥat baqerasiym wayehiy hamishekan ʾeḥad׃ s
14 וַיַּ֙עַשׂ֙ יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּֽי־עֶשְׂרֵ֥ה יְרִיעֹ֖ת עָשָׂ֥ה אֹתָֽם׃ wayaʿas yeriyʿot ʿiziym leʾohel ʿal־hamishekan ʿashetey־ʿesereh yeriyʿot ʿasah ʾotam׃
15 אֹ֜רֶךְ הַיְרִיעָ֣ה הָאַחַ֗ת שְׁלֹשִׁים֙ בָּֽאַמָּ֔ה וְאַרְבַּ֣ע אַמֹּ֔ות רֹ֖חַב הַיְרִיעָ֣ה הָאֶחָ֑ת מִדָּ֣ה אַחַ֔ת לְעַשְׁתֵּ֥י עֶשְׂרֵ֖ה יְרִיעֹֽת׃ ʾorekhe hayeriyʿah haʾaḥat sheloshiym baʾamah weʾarebaʿ ʾamowt roḥav hayeriyʿah haʾeḥat midah ʾaḥat leʿashetey ʿesereh yeriyʿot׃
16 וַיְחַבֵּ֛ר אֶת־חֲמֵ֥שׁ הַיְרִיעֹ֖ת לְבָ֑ד וְאֶת־שֵׁ֥שׁ הַיְרִיעֹ֖ת לְבָֽד׃ wayeḥaber ʾet־ḥamesh hayeriyʿot levad weʾet־shesh hayeriyʿot levad׃
17 וַיַּ֜עַשׂ לֻֽלָאֹ֣ת חֲמִשִּׁ֗ים עַ֚ל שְׂפַ֣ת הַיְרִיעָ֔ה הַקִּיצֹנָ֖ה בַּמַּחְבָּ֑רֶת וַחֲמִשִּׁ֣ים לֻלָאֹ֗ת עָשָׂה֙ עַל־שְׂפַ֣ת הַיְרִיעָ֔ה הַחֹבֶ֖רֶת הַשֵּׁנִֽית׃ wayaʿas lulaʾot ḥamishiym ʿal sefat hayeriyʿah haqiytsonah bamaḥebaret waḥamishiym lulaʾot ʿasah ʿal־sefat hayeriyʿah haḥoveret hasheniyt׃
18 וַיַּ֛עַשׂ קַרְסֵ֥י נְחֹ֖שֶׁת חֲמִשִּׁ֑ים לְחַבֵּ֥ר אֶת־הָאֹ֖הֶל לִהְיֹ֥ת אֶחָֽד׃ wayaʿas qaresey neḥoshet ḥamishiym leḥaber ʾet־haʾohel liheyot ʾeḥad׃
19 וַיַּ֤עַשׂ מִכְסֶה֙ לָאֹ֔הֶל עֹרֹ֥ת אֵלִ֖ים מְאָדָּמִ֑ים וּמִכְסֵ֛ה עֹרֹ֥ת תְּחָשִׁ֖ים מִלְמָֽעְלָה׃ ס wayaʿas mikheseh laʾohel ʿorot ʾeliym meʾadamiym umikheseh ʿorot teḥashiym milemaʿelah׃ s
20 וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖ים עֹמְדִֽים׃ wayaʿas ʾet־haqerashiym lamishekan ʿatsey shiṭiym ʿomediym׃
21 עֶ֥שֶׂר אַמֹּ֖ת אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃ ʿeser ʾamot ʾorekhe haqaresh weʾamah waḥatsiy haʾamah roḥav haqeresh haʾeḥad׃
22 שְׁתֵּ֣י יָדֹ֗ת לַקֶּ֙רֶשׁ֙ הָֽאֶחָ֔ד מְשֻׁלָּבֹ֔ת אַחַ֖ת אֶל־אֶחָ֑ת כֵּ֣ן עָשָׂ֔ה לְכֹ֖ל קַרְשֵׁ֥י הַמִּשְׁכָּֽן׃ shetey yadot laqeresh haʾeḥad meshulavot ʾaḥat ʾel־ʾeḥat ken ʿasah lekhol qareshey hamishekan׃
23 וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קְרָשִׁ֔ים לִפְאַ֖ת נֶ֥גֶב תֵּימָֽנָה׃ wayaʿas ʾet־haqerashiym lamishekan ʿeseriym qerashiym lifeʾat negev teymanah׃
24 וְאַרְבָּעִים֙ אַדְנֵי־כֶ֔סֶף עָשָׂ֕ה תַּ֖חַת עֶשְׂרִ֣ים הַקְּרָשִׁ֑ים שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃ weʾarebaʿiym ʾadeney־khesef ʿasah taḥat ʿeseriym haqerashiym sheney ʾadaniym taḥat־haqeresh haʾeḥad lishetey yedotayw usheney ʾadaniym taḥat־haqeresh haʾeḥad lishetey yedotayw׃
25 וּלְצֶ֧לַע הַמִּשְׁכָּ֛ן הַשֵּׁנִ֖ית לִפְאַ֣ת צָפֹ֑ון עָשָׂ֖ה עֶשְׂרִ֥ים קְרָשִֽׁים׃ uletselaʿ hamishekan hasheniyt lifeʾat tsafown ʿasah ʿeseriym qerashiym׃
26 וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃ weʾarebaʿiym ʾadeneyhem kasef sheney ʾadaniym taḥat haqeresh haʾeḥad usheney ʾadaniym taḥat haqeresh haʾeḥad׃
27 וּֽלְיַרְכְּתֵ֥י הַמִּשְׁכָּ֖ן יָ֑מָּה עָשָׂ֖ה שִׁשָּׁ֥ה קְרָשִֽׁים׃ uleyareketey hamishekan yamah ʿasah shishah qerashiym׃
28 וּשְׁנֵ֤י קְרָשִׁים֙ עָשָׂ֔ה לִמְקֻצְעֹ֖ת הַמִּשְׁכָּ֑ן בַּיַּרְכָתָֽיִם׃ usheney qerashiym ʿasah limequtseʿot hamishekan bayarekhatayim׃
29 וְהָי֣וּ תֹואֲמִם֮ מִלְּמַטָּה֒ וְיַחְדָּ֗ו יִהְי֤וּ תַמִּים֙ אֶל־רֹאשֹׁ֔ו אֶל־הַטַּבַּ֖עַת הָאֶחָ֑ת כֵּ֚ן עָשָׂ֣ה לִשְׁנֵיהֶ֔ם לִשְׁנֵ֖י הַמִּקְצֹעֹֽת׃ wehayu towʾamim milemaṭah weyaḥedaw yiheyu tamiym ʾel־roʾshow ʾel־haṭabaʿat haʾeḥat ken ʿasah lisheneyhem lisheney hamiqetsoʿot׃
30 וְהָיוּ֙ שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֤י אֲדָנִים֙ שְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃ wehayu shemonah qerashiym weʾadeneyhem kesef shishah ʿasar ʾadaniym sheney ʾadaniym sheney ʾadaniym taḥat haqeresh haʾeḥad׃
31 וַיַּ֥עַשׂ בְּרִיחֵ֖י עֲצֵ֣י שִׁטִּ֑ים חֲמִשָּׁ֕ה לְקַרְשֵׁ֥י צֶֽלַע־הַמִּשְׁכָּ֖ן הָאֶחָֽת׃ wayaʿas beriyḥey ʿatsey shiṭiym ḥamishah leqareshey tselaʿ־hamishekan haʾeḥat׃
32 וַחֲמִשָּׁ֣ה בְרִיחִ֔ם לְקַרְשֵׁ֥י צֶֽלַע־הַמִּשְׁכָּ֖ן הַשֵּׁנִ֑ית וַחֲמִשָּׁ֤ה בְרִיחִם֙ לְקַרְשֵׁ֣י הַמִּשְׁכָּ֔ן לַיַּרְכָתַ֖יִם יָֽמָּה׃ waḥamishah veriyḥim leqareshey tselaʿ־hamishekan hasheniyt waḥamishah veriyḥim leqareshey hamishekan layarekhatayim yamah׃
33 וַיַּ֖עַשׂ אֶת־הַבְּרִ֣יחַ הַתִּיכֹ֑ן לִבְרֹ֙חַ֙ בְּתֹ֣וךְ הַקְּרָשִׁ֔ים מִן־הַקָּצֶ֖ה אֶל־הַקָּצֶֽה׃ wayaʿas ʾet־haberiyḥa hatiykhon liveroaḥ betowkhe haqerashiym min־haqatseh ʾel־haqatseh׃
34 וְֽאֶת־הַקְּרָשִׁ֞ים צִפָּ֣ה זָהָ֗ב וְאֶת־טַבְּעֹתָם֙ עָשָׂ֣ה זָהָ֔ב בָּתִּ֖ים לַבְּרִיחִ֑ם וַיְצַ֥ף אֶת־הַבְּרִיחִ֖ם זָהָֽב׃ weʾet־haqerashiym tsipah zahav weʾet־ṭabeʿotam ʿasah zahav batiym laberiyḥim wayetsaf ʾet־haberiyḥim zahav׃
35 וַיַּ֙עַשׂ֙ אֶת־הַפָּרֹ֔כֶת תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֥ה חֹשֵׁ֛ב עָשָׂ֥ה אֹתָ֖הּ כְּרֻבִֽים׃ wayaʿas ʾet־haparokhet tekhelet weʾaregaman wetowlaʿat shaniy weshesh mashezar maʿaseh ḥoshev ʿasah ʾotah keruviym׃
36 וַיַּ֣עַשׂ לָ֗הּ אַרְבָּעָה֙ עַמּוּדֵ֣י שִׁטִּ֔ים וַיְצַפֵּ֣ם זָהָ֔ב וָוֵיהֶ֖ם זָהָ֑ב וַיִּצֹ֣ק לָהֶ֔ם אַרְבָּעָ֖ה אַדְנֵי־כָֽסֶף׃ wayaʿas lah ʾarebaʿah ʿamudey shiṭiym wayetsapem zahav waweyhem zahav wayitsoq lahem ʾarebaʿah ʾadeney־khasef׃
37 וַיַּ֤עַשׂ מָסָךְ֙ לְפֶ֣תַח הָאֹ֔הֶל תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֖ה רֹקֵֽם׃ wayaʿas masakhe lefetaḥ haʾohel tekhelet weʾaregaman wetowlaʿat shaniy weshesh mashezar maʿaseh roqem׃
38 וְאֶת־עַמּוּדָ֤יו חֲמִשָּׁה֙ וְאֶת־וָ֣וֵיהֶ֔ם וְצִפָּ֧ה רָאשֵׁיהֶ֛ם וַחֲשֻׁקֵיהֶ֖ם זָהָ֑ב וְאַדְנֵיהֶ֥ם חֲמִשָּׁ֖ה נְחֹֽשֶׁת׃ פ weʾet־ʿamudayw ḥamishah weʾet־waweyhem wetsipah raʾsheyhem waḥashuqeyhem zahav weʾadeneyhem ḥamishah neḥoshet׃ f