Psaumes 140

¹ לַמְנַצֵּ֗חַ מִזְמֹ֥ור לְדָוִֽד׃ lamenatseaḥ mizemowr ledawid׃

² חַלְּצֵ֣נִי יְ֭הוָה מֵאָדָ֣ם רָ֑ע מֵאִ֖ישׁ חֲמָסִ֣ים תִּנְצְרֵֽנִי׃ ḥaletseniy yehwah meʾadam raʿ meʾiysh ḥamasiym tinetsereniy׃

³ אֲשֶׁ֤ר חָשְׁב֣וּ רָעֹ֣ות בְּלֵ֑ב כָּל־יֹ֝֗ום יָג֥וּרוּ מִלְחָמֹֽות׃ ʾasher ḥashevu raʿowt belev kal־yowm yaguru mileḥamowt׃

⁴ שָֽׁנֲנ֣וּ לְשֹׁונָם֮ כְּֽמֹו־נָ֫חָ֥שׁ חֲמַ֥ת עַכְשׁ֑וּב תַּ֖חַת שְׂפָתֵ֣ימֹו סֶֽלָה׃ shananu leshownam kemow־naḥash ḥamat ʿakheshuv taḥat sefateymow selah׃

⁵ שָׁמְרֵ֤נִי יְהוָ֨ה ׀ מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצְרֵ֑נִי אֲשֶׁ֥ר חָ֝שְׁב֗וּ לִדְחֹ֥ות פְּעָמָֽי׃ shamereniy yehwah ׀ miydey rashaʿ meʾiysh ḥamasiym tinetsereniy ʾasher ḥashevu lideḥowt peʿamay׃

⁶ טָֽמְנֽוּ־גֵאִ֨ים ׀ פַּ֡ח לִ֗י וַחֲבָלִ֗ים פָּ֣רְשׂוּ רֶ֭שֶׁת לְיַד־מַעְגָּ֑ל מֹקְשִׁ֖ים שָֽׁתוּ־לִ֣י סֶֽלָה׃ ṭamenu־geʾiym ׀ paḥ liy waḥavaliym paresu reshet leyad־maʿegal moqeshiym shatu־liy selah׃

⁷ אָמַ֣רְתִּי לַ֭יהוָה אֵ֣לִי אָ֑תָּה הַאֲזִ֥ינָה יְ֝הוָ֗ה קֹ֣ול תַּחֲנוּנָֽי׃ ʾamaretiy layhwah ʾeliy ʾatah haʾaziynah yehwah qowl taḥanunay׃

⁸ יְהֹוִ֣ה אֲ֭דֹנָי עֹ֣ז יְשׁוּעָתִ֑י סַכֹּ֥תָה לְ֝רֹאשִׁ֗י בְּיֹ֣ום נָֽשֶׁק׃ yehowih ʾadonay ʿoz yeshuʿatiy sakotah leroʾshiy beyowm nasheq׃

⁹ אַל־תִּתֵּ֣ן יְ֭הוָה מַאֲוַיֵּ֣י רָשָׁ֑ע זְמָמֹ֥ו אַל־תָּ֝פֵ֗ק יָר֥וּמוּ סֶֽלָה׃ ʾal־titen yehwah maʾawayey rashaʿ zemamow ʾal־tafeq yarumu selah׃

¹⁰ רֹ֥אשׁ מְסִבָּ֑י עֲמַ֖ל שְׂפָתֵ֣ימֹו [יְכַסּוּמֹו כ] (יְכַסֵּֽמֹו ׃ ק) roʾsh mesibay ʿamal sefateymow [yekhasumow kh] (yekhasemow ׃ q)

¹¹ [יָמִיטוּ כ] (יִמֹּ֥וטוּ ק) עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בְּ֝מַהֲמֹרֹ֗ות בַּֽל־יָקֽוּמוּ׃ [yamiyṭu kh] (yimowṭu q) ʿaleyhem geḥaliym baʾesh yapilem bemahamorowt bal־yaqumu׃

¹² אִ֥ישׁ לָשֹׁון֮ בַּל־יִכֹּ֪ון בָּ֫אָ֥רֶץ אִישׁ־חָמָ֥ס רָ֑ע יְ֝צוּדֶ֗נּוּ לְמַדְחֵפֹֽת׃ ʾiysh lashown bal־yikown baʾarets ʾiysh־ḥamas raʿ yetsudenu lemadeḥefot׃

¹³ [יָדַעְתָּ כ] (יָדַ֗עְתִּי ק) כִּֽי־יַעֲשֶׂ֣ה יְ֭הוָה דִּ֣ין עָנִ֑י מִ֝שְׁפַּ֗ט אֶבְיֹנִֽים׃ [yadaʿeta kh] (yadaʿetiy q) kiy־yaʿaseh yehwah diyn ʿaniy mishepaṭ ʾeveyoniym׃

¹⁴ אַ֣ךְ צַ֭דִּיקִים יֹוד֣וּ לִשְׁמֶ֑ךָ יֵשְׁב֥וּ יְ֝שָׁרִ֗ים אֶת־פָּנֶֽיךָ׃ ʾakhe tsadiyqiym yowdu lishemekha yeshevu yeshariym ʾet־paneykha׃