Michée 7

¹ אַ֣לְלַי לִ֗י כִּ֤י הָיִ֙יתִי֙ כְּאָסְפֵּי־קַ֔יִץ כְּעֹלְלֹ֖ת בָּצִ֑יר אֵין־אֶשְׁכֹּ֣ול לֶאֱכֹ֔ול בִּכּוּרָ֖ה אִוְּתָ֥ה נַפְשִֽׁי׃ ʾalelay liy kiy hayiytiy keʾasepey־qayits keʿolelot batsiyr ʾeyn־ʾeshekowl leʾekhowl bikurah ʾiuetah nafeshiy׃

² אָבַ֤ד חָסִיד֙ מִן־הָאָ֔רֶץ וְיָשָׁ֥ר בָּאָדָ֖ם אָ֑יִן כֻּלָּם֙ לְדָמִ֣ים יֶאֱרֹ֔בוּ אִ֥ישׁ אֶת־אָחִ֖יהוּ יָצ֥וּדוּ חֵֽרֶם׃ ʾavad ḥasiyd min־haʾarets weyashar baʾadam ʾayin kulam ledamiym yeʾerovu ʾiysh ʾet־ʾaḥiyhu yatsudu ḥerem׃

³ עַל־הָרַ֤ע כַּפַּ֙יִם֙ לְהֵיטִ֔יב הַשַּׂ֣ר שֹׁאֵ֔ל וְהַשֹּׁפֵ֖ט בַּשִּׁלּ֑וּם וְהַגָּדֹ֗ול דֹּבֵ֨ר הַוַּ֥ת נַפְשֹׁ֛ו ה֖וּא וַֽיְעַבְּתֽוּהָ׃ ʿal־haraʿ kapayim leheyṭiyv hasar shoʾel wehashofeṭ bashilum wehagadowl dover hauat nafeshow huʾ wayeʿabetuah׃

⁴ טֹובָ֣ם כְּחֵ֔דֶק יָשָׁ֖ר מִמְּסוּכָ֑ה יֹ֤ום מְצַפֶּ֙יךָ֙ פְּקֻדָּתְךָ֣ בָ֔אָה עַתָּ֥ה תִהְיֶ֖ה מְבוּכָתָֽם׃ ṭowvam keḥedeq yashar mimesukhah yowm metsapeykha pequdatekha vaʾah ʿatah tiheyeh mevukhatam׃

⁵ אַל־תַּאֲמִ֣ינוּ בְרֵ֔עַ אַֽל־תִּבְטְח֖וּ בְּאַלּ֑וּף מִשֹּׁכֶ֣בֶת חֵיקֶ֔ךָ שְׁמֹ֖ר פִּתְחֵי־פִֽיךָ׃ ʾal־taʾamiynu vereaʿ ʾal־tiveṭeḥu beʾaluf mishokhevet ḥeyqekha shemor piteḥey־fiykha׃

⁶ כִּֽי־בֵן֙ מְנַבֵּ֣ל אָ֔ב בַּ֚ת קָמָ֣ה בְאִמָּ֔הּ כַּלָּ֖ה בַּחֲמֹתָ֑הּ אֹיְבֵ֥י אִ֖ישׁ אַנְשֵׁ֥י בֵיתֹֽו׃ kiy־ven menabel ʾav bat qamah veʾimah kalah baḥamotah ʾoyevey ʾiysh ʾaneshey veytow׃

⁷ וַאֲנִי֙ בַּיהוָ֣ה אֲצַפֶּ֔ה אֹוחִ֖ילָה לֵאלֹהֵ֣י יִשְׁעִ֑י יִשְׁמָעֵ֖נִי אֱלֹהָֽי׃ waʾaniy bayhwah ʾatsapeh ʾowḥiylah leʾlohey yisheʿiy yishemaʿeniy ʾelohay׃

⁸ אַֽל־תִּשְׂמְחִ֤י אֹיַ֙בְתִּי֙ לִ֔י כִּ֥י נָפַ֖לְתִּי קָ֑מְתִּי כִּֽי־אֵשֵׁ֣ב בַּחֹ֔שֶׁךְ יְהוָ֖ה אֹ֥ור לִֽי׃ ס ʾal־tisemeḥiy ʾoyavetiy liy kiy nafaletiy qametiy kiy־ʾeshev baḥoshekhe yehwah ʾowr liy׃ s

⁹ זַ֤עַף יְהוָה֙ אֶשָּׂ֔א כִּ֥י חָטָ֖אתִי לֹ֑ו עַד֩ אֲשֶׁ֨ר יָרִ֤יב רִיבִי֙ וְעָשָׂ֣ה מִשְׁפָּטִ֔י יֹוצִיאֵ֣נִי לָאֹ֔ור אֶרְאֶ֖ה בְּצִדְקָתֹֽו׃ zaʿaf yehwah ʾesaʾ kiy ḥaṭaʾtiy low ʿad ʾasher yariyv riyviy weʿasah mishepaṭiy yowtsiyʾeniy laʾowr ʾereʾeh betsideqatow׃

¹⁰ וְתֵרֶ֤א אֹיַ֙בְתִּי֙ וּתְכַסֶּ֣הָ בוּשָׁ֔ה הָאֹמְרָ֣ה אֵלַ֔י אַיֹּ֖ו יְהוָ֣ה אֱלֹהָ֑יִךְ עֵינַי֙ תִּרְאֶ֣ינָּה בָּ֔הּ עַתָּ֛ה תִּֽהְיֶ֥ה לְמִרְמָ֖ס כְּטִ֥יט חוּצֹֽות׃ wetereʾ ʾoyavetiy utekhaseah vushah haʾomerah ʾelay ʾayow yehwah ʾelohayikhe ʿeynay tireʾeynah bah ʿatah tiheyeh lemiremas keṭiyṭ ḥutsowt׃

¹¹ יֹ֖ום לִבְנֹ֣ות גְּדֵרָ֑יִךְ יֹ֥ום הַה֖וּא יִרְחַק־חֹֽק׃ yowm livenowt gederayikhe yowm hahuʾ yireḥaq־ḥoq׃

¹² יֹ֥ום הוּא֙ וְעָדֶ֣יךָ יָבֹ֔וא לְמִנִּ֥י אַשּׁ֖וּר וְעָרֵ֣י מָצֹ֑ור וּלְמִנִּ֤י מָצֹור֙ וְעַד־נָהָ֔ר וְיָ֥ם מִיָּ֖ם וְהַ֥ר הָהָֽר׃ yowm huʾ weʿadeykha yavowʾ leminiy ʾashur weʿarey matsowr uleminiy matsowr weʿad־nahar weyam miyam wehar hahar׃

¹³ וְהָיְתָ֥ה הָאָ֛רֶץ לִשְׁמָמָ֖ה עַל־יֹֽשְׁבֶ֑יהָ מִפְּרִ֖י מַֽעַלְלֵיהֶֽם׃ ס wehayetah haʾarets lishemamah ʿal־yosheveyha miperiy maʿaleleyhem׃ s

¹⁴ רְעֵ֧ה עַמְּךָ֣ בְשִׁבְטֶ֗ךָ צֹ֚אן נַֽחֲלָתֶ֔ךָ שֹׁכְנִ֣י לְבָדָ֔ד יַ֖עַר בְּתֹ֣וךְ כַּרְמֶ֑ל יִרְע֥וּ בָשָׁ֛ן וְגִלְעָ֖ד כִּימֵ֥י עֹולָֽם׃ reʿeh ʿamekha veshiveṭekha tsoʾn naḥalatekha shokheniy levadad yaʿar betowkhe karemel yireʿu vashan wegileʿad kiymey ʿowlam׃

¹⁵ כִּימֵ֥י צֵאתְךָ֖ מֵאֶ֣רֶץ מִצְרָ֑יִם אַרְאֶ֖נּוּ נִפְלָאֹֽות׃ kiymey tseʾtekha meʾerets mitserayim ʾareʾenu nifelaʾowt׃

¹⁶ יִרְא֤וּ גֹויִם֙ וְיֵבֹ֔שׁוּ מִכֹּ֖ל גְּבֽוּרָתָ֑ם יָשִׂ֤ימוּ יָד֙ עַל־פֶּ֔ה אָזְנֵיהֶ֖ם תֶּחֱרַֽשְׁנָה׃ yireʾu gowyim weyevoshu mikol gevuratam yasiymu yad ʿal־peh ʾazeneyhem teḥerashenah׃

¹⁷ יְלַחֲכ֤וּ עָפָר֙ כַּנָּחָ֔שׁ כְּזֹחֲלֵ֣י אֶ֔רֶץ יִרְגְּז֖וּ מִמִּסְגְּרֹֽתֵיהֶ֑ם אֶל־יְהוָ֤ה אֱלֹהֵ֙ינוּ֙ יִפְחָ֔דוּ וְיִֽרְא֖וּ מִמֶּֽךָּ׃ yelaḥakhu ʿafar kanaḥash kezoḥaley ʾerets yiregezu mimisegeroteyhem ʾel־yehwah ʾeloheynu yifeḥadu weyireʾu mimeka׃

¹⁸ מִי־אֵ֣ל כָּמֹ֗וךָ נֹשֵׂ֤א עָוֹן֙ וְעֹבֵ֣ר עַל־פֶּ֔שַׁע לִשְׁאֵרִ֖ית נַחֲלָתֹ֑ו לֹא־הֶחֱזִ֤יק לָעַד֙ אַפֹּ֔ו כִּֽי־חָפֵ֥ץ חֶ֖סֶד הֽוּא׃ miy־ʾel kamowkha noseʾ ʿaon weʿover ʿal־peshaʿ lisheʾeriyt naḥalatow loʾ־heḥeziyq laʿad ʾapow kiy־ḥafets ḥesed huʾ׃

¹⁹ יָשׁ֣וּב יְרַֽחֲמֵ֔נוּ יִכְבֹּ֖שׁ עֲוֹֽנֹתֵ֑ינוּ וְתַשְׁלִ֛יךְ בִּמְצֻלֹ֥ות יָ֖ם כָּל־חַטֹּאותָֽם׃ yashuv yeraḥamenu yikhebosh ʿaonoteynu wetasheliykhe bimetsulowt yam kal־ḥaṭoʾwtam׃

²⁰ תִּתֵּ֤ן אֱמֶת֙ לְיַֽעֲקֹ֔ב חֶ֖סֶד לְאַבְרָהָ֑ם אֲשֶׁר־נִשְׁבַּ֥עְתָּ לַאֲבֹתֵ֖ינוּ מִ֥ימֵי קֶֽדֶם׃ titen ʾemet leyaʿaqov ḥesed leʾaveraham ʾasher־nishebaʿeta laʾavoteynu miymey qedem׃