2 Chroniques 34

¹ בֶּן־שְׁמֹונֶ֥ה שָׁנִ֖ים יֹאשִׁיָּ֣הוּ בְמָלְכֹ֑ו וּשְׁלֹשִׁ֤ים וְאַחַת֙ שָׁנָ֔ה מָלַ֖ךְ בִּירוּשָׁלִָֽם׃ ben־shemowneh shaniym yoʾshiyahu vemalekhow usheloshiym weʾaḥat shanah malakhe biyrushalim׃

² וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה וַיֵּ֗לֶךְ בְּדַרְכֵי֙ דָּוִ֣יד אָבִ֔יו וְלֹא־סָ֖ר יָמִ֥ין וּשְׂמֹֽאול׃ wayaʿas hayashar beʿeyney yehwah wayelekhe bedarekhey dawiyd ʾaviyw weloʾ־sar yamiyn usemoʾwl׃

³ וּבִשְׁמֹונֶ֨ה שָׁנִ֜ים לְמָלְכֹ֗ו וְהוּא֙ עֹודֶ֣נּוּ נַ֔עַר הֵחֵ֕ל לִדְרֹ֕ושׁ לֵאלֹהֵ֖י דָּוִ֣יד אָבִ֑יו וּבִשְׁתֵּ֧ים עֶשְׂרֵ֣ה שָׁנָ֗ה הֵחֵל֙ לְטַהֵ֔ר אֶת־יְהוּדָה֙ וִיר֣וּשָׁלִַ֔ם מִן־הַבָּמֹות֙ וְהָ֣אֲשֵׁרִ֔ים וְהַפְּסִלִ֖ים וְהַמַּסֵּכֹֽות׃ uvishemowneh shaniym lemalekhow wehuʾ ʿowdenu naʿar heḥel liderowsh leʾlohey dawiyd ʾaviyw uvisheteym ʿesereh shanah heḥel leṭaher ʾet־yehudah wiyrushalim min־habamowt wehaʾasheriym wehapesiliym wehamasekhowt׃

⁴ וַיְנַתְּצ֣וּ לְפָנָ֗יו אֵ֚ת מִזְבְּחֹ֣ות הַבְּעָלִ֔ים וְהַֽחַמָּנִ֛ים אֲשֶׁר־לְמַ֥עְלָה מֵעֲלֵיהֶ֖ם גִּדֵּ֑עַ וְ֠הָאֲשֵׁרִים וְהַפְּסִלִ֤ים וְהַמַּסֵּכֹות֙ שִׁבַּ֣ר וְהֵדַ֔ק וַיִּזְרֹק֙ עַל־פְּנֵ֣י הַקְּבָרִ֔ים הַזֹּבְחִ֖ים לָהֶֽם׃ wayenatetsu lefanayw ʾet mizebeḥowt habeʿaliym wehaḥamaniym ʾasher־lemaʿelah meʿaleyhem gideaʿ wehaʾasheriym wehapesiliym wehamasekhowt shibar wehedaq wayizeroq ʿal־peney haqevariym hazoveḥiym lahem׃

⁵ וְעַצְמֹות֙ כֹּֽהֲנִ֔ים שָׂרַ֖ף עַל־ [מִזְבְּחֹותָים כ] (מִזְבְּחֹותָ֑ם ק) וַיְטַהֵ֥ר אֶת־יְהוּדָ֖ה וְאֶת־יְרוּשָׁלִָֽם׃ weʿatsemowt kohaniym saraf ʿal־ [mizebeḥowtaym kh] (mizebeḥowtam q) wayeṭaher ʾet־yehudah weʾet־yerushalim׃

⁶ וּבְעָרֵ֨י מְנַשֶּׁ֧ה וְאֶפְרַ֛יִם וְשִׁמְעֹ֖ון וְעַד־נַפְתָּלִ֑י [בָּהַר כ] [בָּתֵּיהֶם כ] (בְּחַרְבֹתֵיהֶ֖ם ק) סָבִֽיב׃ uveʿarey menasheh weʾeferayim weshimeʿown weʿad־nafetaliy [bahar kh] [bateyhem kh] (beḥarevoteyhem q) saviyv׃

⁷ וַיְנַתֵּ֣ץ אֶת־הַֽמִּזְבְּחֹ֗ות וְאֶת־הָאֲשֵׁרִ֤ים וְהַפְּסִלִים֙ כִּתַּ֣ת לְהֵדַ֔ק וְכָל־הַֽחַמָּנִ֥ים גִּדַּ֖ע בְּכָל־אֶ֣רֶץ יִשְׂרָאֵ֑ל וַיָּ֖שָׁב לִירוּשָׁלִָֽם׃ ס wayenatets ʾet־hamizebeḥowt weʾet־haʾasheriym wehapesiliym kitat lehedaq wekhal־haḥamaniym gidaʿ bekhal־ʾerets yiseraʾel wayashav liyrushalim׃ s

⁸ וּבִשְׁנַ֨ת שְׁמֹונֶ֤ה עֶשְׂרֵה֙ לְמָלְכֹ֔ו לְטַהֵ֥ר הָאָ֖רֶץ וְהַבָּ֑יִת לַח אֶת־שָׁפָ֨ן בֶּן־אֲצַלְיָ֜הוּ וְאֶת־מַעֲשֵׂיָ֣הוּ שַׂר־הָעִ֗יר וְ֠אֵת יֹואָ֤ח בֶּן־יֹֽואָחָז֙ הַמַּזְכִּ֔יר לְחַזֵּ֕ק אֶת־בֵּ֖ית יְהוָ֥ה אֱלֹהָֽיו׃ uvishenat shemowneh ʿesereh lemalekhow leṭaher haʾarets wehabayit laḥ ʾet־shafan ben־ʾatsaleyahu weʾet־maʿaseyahu sar־haʿiyr weʾet yowʾaḥ ben־yowʾaḥaz hamazekiyr leḥazeq ʾet־beyt yehwah ʾelohayw׃

⁹ וַיָּבֹ֜אוּ אֶל־חִלְקִיָּ֣הוּ ׀ הַכֹּהֵ֣ן הַגָּדֹ֗ול וַֽיִּתְּנוּ֮ אֶת־הַכֶּסֶף֮ הַמּוּבָ֣א בֵית־אֱלֹהִים֒ אֲשֶׁ֣ר אָסְפֽוּ־הַלְוִיִּם֩ שֹׁמְרֵ֨י הַסַּ֜ף מִיַּ֧ד מְנַשֶּׁ֣ה וְאֶפְרַ֗יִם וּמִכֹּל֙ שְׁאֵרִ֣ית יִשְׂרָאֵ֔ל וּמִכָּל־יְהוּדָ֖ה וּבִנְיָמִ֑ן [וְיֹשְׁבֵי כ] (וַיָּשֻׁ֖בוּ ק) יְרֽוּשָׁלִָֽם׃ wayavoʾu ʾel־ḥileqiyahu ׀ hakohen hagadowl wayitenu ʾet־hakesef hamuvaʾ veyt־ʾelohiym ʾasher ʾasefu־halewiyim shomerey hasaf miyad menasheh weʾeferayim umikol sheʾeriyt yiseraʾel umikal־yehudah uvineyamin [weyoshevey kh] (wayashuvu q) yerushalim׃

¹⁰ וַֽיִּתְּנ֗וּ עַל־יַד֙ עֹשֵׂ֣ה הַמְּלָאכָ֔ה הַמֻּפְקָדִ֖ים בְּבֵ֣ית יְהוָ֑ה וַיִּתְּנ֨וּ אֹתֹ֜ו עֹושֵׂ֣י הַמְּלָאכָ֗ה אֲשֶׁ֤ר עֹשִׂים֙ בְּבֵ֣ית יְהוָ֔ה לִבְדֹּ֥וק וּלְחַזֵּ֖ק הַבָּֽיִת׃ wayitenu ʿal־yad ʿoseh hamelaʾkhah hamufeqadiym beveyt yehwah wayitenu ʾotow ʿowsey hamelaʾkhah ʾasher ʿosiym beveyt yehwah livedowq uleḥazeq habayit׃

¹¹ וַֽיִּתְּנ֗וּ לֶחָֽרָשִׁים֙ וְלַבֹּנִ֔ים לִקְנֹות֙ אַבְנֵ֣י מַחְצֵ֔ב וְעֵצִ֖ים לַֽמְחַבְּרֹ֑ות וּלְקָרֹות֙ אֶת־הַבָּ֣תִּ֔ים אֲשֶׁ֥ר הִשְׁחִ֖יתוּ מַלְכֵ֥י יְהוּדָֽה׃ wayitenu leḥarashiym welaboniym liqenowt ʾaveney maḥetsev weʿetsiym lameḥaberowt uleqarowt ʾet־habatiym ʾasher hisheḥiytu malekhey yehudah׃

¹² וְהָאֲנָשִׁים֩ עֹשִׂ֨ים בֶּאֱמוּנָ֜ה בַּמְּלָאכָ֗ה וַעֲלֵיהֶ֣ם ׀ מֻ֠פְקָדִים יַ֣חַת וְעֹבַדְיָ֤הוּ הַלְוִיִּם֙ מִן־בְּנֵ֣י מְרָרִ֔י וּזְכַרְיָ֧ה וּמְשֻׁלָּ֛ם מִן־בְּנֵ֥י הַקְּהָתִ֖ים לְנַצֵּ֑חַ וְהַ֨לְוִיִּ֔ם כָּל־מֵבִ֖ין בִּכְלֵי־שִֽׁיר׃ wehaʾanashiym ʿosiym beʾemunah bamelaʾkhah waʿaleyhem ׀ mufeqadiym yaḥat weʿovadeyahu halewiyim min־beney merariy uzekhareyah umeshulam min־beney haqehatiym lenatseaḥ wehalewiyim kal־meviyn bikheley־shiyr׃

¹³ וְעַ֣ל הַסַּבָּלִ֗ים וּֽמְנַצְּחִים֙ לְכֹל֙ עֹשֵׂ֣ה מְלָאכָ֔ה לַעֲבֹודָ֖ה וַעֲבֹודָ֑ה וּמֵֽהַלְוִיִּ֔ם סֹופְרִ֥ים וְשֹׁטְרִ֖ים וְשֹׁועֲרִֽים׃ weʿal hasabaliym umenatseḥiym lekhol ʿoseh melaʾkhah laʿavowdah waʿavowdah umehalewiyim sowferiym weshoṭeriym weshowʿariym׃

¹⁴ וּבְהֹוצִיאָ֣ם אֶת־הַכֶּ֔סֶף הַמּוּבָ֖א בֵּ֣ית יְהוָ֑ה מָצָא֙ חִלְקִיָּ֣הוּ הַכֹּהֵ֔ן אֶת־סֵ֥פֶר תֹּֽורַת־יְהוָ֖ה בְּיַד־מֹשֶֽׁה׃ uvehowtsiyʾam ʾet־hakesef hamuvaʾ beyt yehwah matsaʾ ḥileqiyahu hakohen ʾet־sefer towrat־yehwah beyad־mosheh׃

¹⁵ וַיַּ֣עַן חִלְקִיָּ֗הוּ וַיֹּ֙אמֶר֙ אֶל־שָׁפָ֣ן הַסֹּופֵ֔ר סֵ֧פֶר הַתֹּורָ֛ה מָצָ֖אתִי בְּבֵ֣ית יְהוָ֑ה וַיִּתֵּ֧ן חִלְקִיָּ֛הוּ אֶת־הַסֵּ֖פֶר אֶל־שָׁפָֽן׃ wayaʿan ḥileqiyahu wayoʾmer ʾel־shafan hasowfer sefer hatowrah matsaʾtiy beveyt yehwah wayiten ḥileqiyahu ʾet־hasefer ʾel־shafan׃

¹⁶ וַיָּבֵ֨א שָׁפָ֤ן אֶת־הַסֵּ֙פֶר֙ אֶל־הַמֶּ֔לֶךְ וַיָּ֨שֶׁב עֹ֧וד אֶת־הַמֶּ֛לֶךְ דָּבָ֖ר לֵאמֹ֑ר כֹּ֛ל אֲשֶׁר־נִתַּ֥ן בְּיַד־עֲבָדֶ֖יךָ הֵ֥ם עֹשִֽׂים׃ wayaveʾ shafan ʾet־hasefer ʾel־hamelekhe wayashev ʿowd ʾet־hamelekhe davar leʾmor kol ʾasher־nitan beyad־ʿavadeykha hem ʿosiym׃

¹⁷ וַיַּתִּ֕יכוּ אֶת־הַכֶּ֖סֶף הַנִּמְצָ֣א בְּבֵית־יְהוָ֑ה וַֽיִּתְּנ֗וּהוּ עַל־יַד֙ הַמֻּפְקָדִ֔ים וְעַל־יַ֖ד עֹושֵׂ֥י הַמְּלָאכָֽה׃ wayatiykhu ʾet־hakesef hanimetsaʾ beveyt־yehwah wayitenuhu ʿal־yad hamufeqadiym weʿal־yad ʿowsey hamelaʾkhah׃

¹⁸ וַיַּגֵּ֞ד שָׁפָ֤ן הַסֹּופֵר֙ לַמֶּ֣לֶךְ לֵאמֹ֔ר סֵ֚פֶר נָ֣תַן לִ֔י חִלְקִיָּ֖הוּ הַכֹּהֵ֑ן וַיִּקְרָא־בֹ֥ו שָׁפָ֖ן לִפְנֵ֥י הַמֶּֽלֶךְ׃ wayaged shafan hasowfer lamelekhe leʾmor sefer natan liy ḥileqiyahu hakohen wayiqeraʾ־vow shafan lifeney hamelekhe׃

¹⁹ וַיְהִי֙ כִּשְׁמֹ֣עַ הַמֶּ֔לֶךְ אֵ֖ת דִּבְרֵ֣י הַתֹּורָ֑ה וַיִּקְרַ֖ע אֶת־בְּגָדָֽיו׃ wayehiy kishemoaʿ hamelekhe ʾet diverey hatowrah wayiqeraʿ ʾet־begadayw׃

²⁰ וַיְצַ֣ו הַמֶּ֡לֶךְ אֶת־חִלְקִיָּ֡הוּ וְאֶת־אֲחִיקָ֣ם בֶּןשָׁ֠־פָן וְאֶת־עַבְדֹּ֨ון בֶּן־מִיכָ֜ה וְאֵ֣ת ׀ שָׁפָ֣ן הַסֹּופֵ֗ר וְאֵ֛ת עֲשָׂיָ֥ה עֶֽבֶד־הַמֶּ֖לֶךְ לֵאמֹֽר׃ wayetsaw hamelekhe ʾet־ḥileqiyahu weʾet־ʾaḥiyqam bensha־fan weʾet־ʿavedown ben־miykhah weʾet ׀ shafan hasowfer weʾet ʿasayah ʿeved־hamelekhe leʾmor׃

²¹ לְכוּ֩ דִרְשׁ֨וּ אֶת־יְהוָ֜ה בַּעֲדִ֗י וּבְעַד֙ הַנִּשְׁאָר֙ בְּיִשְׂרָאֵ֣ל וּבִֽיהוּדָ֔ה עַל־דִּבְרֵ֥י הַסֵּ֖פֶר אֲשֶׁ֣ר נִמְצָ֑א כִּֽי־גְדֹולָ֤ה חֲמַת־יְהוָה֙ אֲשֶׁ֣ר נִתְּכָ֣ה בָ֔נוּ עַל֩ אֲשֶׁ֨ר לֹא־שָׁמְר֤וּ אֲבֹותֵ֙ינוּ֙ אֶת־דְּבַ֣ר יְהוָ֔ה לַעֲשֹׂ֕ות כְּכָל־הַכָּת֖וּב עַל־הַסֵּ֥פֶר הַזֶּֽה׃ פ lekhu direshu ʾet־yehwah baʿadiy uveʿad hanisheʾar beyiseraʾel uviyhudah ʿal־diverey hasefer ʾasher nimetsaʾ kiy־gedowlah ḥamat־yehwah ʾasher nitekhah vanu ʿal ʾasher loʾ־shameru ʾavowteynu ʾet־devar yehwah laʿasowt kekhal־hakatuv ʿal־hasefer hazeh׃ f

²² וַיֵּ֨לֶךְ חִלְקִיָּ֜הוּ וַאֲשֶׁ֣ר הַמֶּ֗לֶךְ אֶל־חֻלְדָּ֨ה הַנְּבִיאָ֜ה אֵ֣שֶׁת ׀ שַׁלֻּ֣ם בֶּן־ [תֹּוקְהַת כ] (תָּקְהַ֗ת ק) בֶּן־חַסְרָה֙ שֹׁומֵ֣ר הַבְּגָדִ֔ים וְהִ֛יא יֹושֶׁ֥בֶת בִּירוּשָׁלִַ֖ם בַּמִּשְׁנֶ֑ה וַיְדַבְּר֥וּ אֵלֶ֖יהָ כָּזֹֽאת׃ ס wayelekhe ḥileqiyahu waʾasher hamelekhe ʾel־ḥuledah haneviyʾah ʾeshet ׀ shalum ben־ [towqehat kh] (taqehat q) ben־ḥaserah showmer habegadiym wehiyʾ yowshevet biyrushalim bamisheneh wayedaberu ʾeleyha kazoʾt׃ s

²³ וַתֹּ֣אמֶר לָהֶ֔ם כֹּה־אָמַ֥ר יְהוָ֖ה אֱלֹהֵ֣י יִשְׂרָאֵ֑ל אִמְר֣וּ לָאִ֔ישׁ אֲשֶׁר־שָׁלַ֥ח אֶתְכֶ֖ם אֵלָֽי׃ ס watoʾmer lahem koh־ʾamar yehwah ʾelohey yiseraʾel ʾimeru laʾiysh ʾasher־shalaḥ ʾetekhem ʾelay׃ s

²⁴ כֹּ֚ה אָמַ֣ר יְהוָ֔ה הִנְנִ֨י מֵבִ֥יא רָעָ֛ה עַל־הַמָּקֹ֥ום הַזֶּ֖ה וְעַל־יֹושְׁבָ֑יו אֵ֤ת כָּל־הָאָלֹות֙ הַכְּתוּבֹ֣ות עַל־הַסֵּ֔פֶר אֲשֶׁ֣ר קָֽרְא֔וּ לִפְנֵ֖י מֶ֥לֶךְ יְהוּדָֽה׃ koh ʾamar yehwah hineniy meviyʾ raʿah ʿal־hamaqowm hazeh weʿal־yowshevayw ʾet kal־haʾalowt haketuvowt ʿal־hasefer ʾasher qareʾu lifeney melekhe yehudah׃

²⁵ תַּ֣חַת ׀ אֲשֶׁ֣ר עֲזָב֗וּנִי [וַיַּקְטִירוּ כ] (וַֽיְקַטְּרוּ֙ ק) לֵֽאלֹהִ֣ים אֲחֵרִ֔ים לְמַ֙עַן֙ הַכְעִיסֵ֔נִי בְּכֹ֖ל מַעֲשֵׂ֣י יְדֵיהֶ֑ם וְתִתַּ֧ךְ חֲמָתִ֛י בַּמָּקֹ֥ום הַזֶּ֖ה וְלֹ֥א תִכְבֶּֽה׃ taḥat ׀ ʾasher ʿazavuniy [wayaqeṭiyru kh] (wayeqaṭeru q) leʾlohiym ʾaḥeriym lemaʿan hakheʿiyseniy bekhol maʿasey yedeyhem wetitakhe ḥamatiy bamaqowm hazeh weloʾ tikhebeh׃

²⁶ וְאֶל־מֶ֣לֶךְ יְהוּדָ֗ה הַשֹּׁלֵ֤חַ אֶתְכֶם֙ לִדְרֹ֣ושׁ בַּֽיהוָ֔ה כֹּ֥ה תֹאמְר֖וּ אֵלָ֑יו ס כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל הַדְּבָרִ֖ים אֲשֶׁ֥ר שָׁמָֽעְתָּ׃ weʾel־melekhe yehudah hasholeaḥ ʾetekhem liderowsh bayhwah koh toʾmeru ʾelayw s koh־ʾamar yehwah ʾelohey yiseraʾel hadevariym ʾasher shamaʿeta׃

²⁷ יַ֠עַן רַךְ־לְבָ֨בְךָ֜ וַתִּכָּנַ֣ע ׀ מִלִּפְנֵ֣י אֱלֹהִ֗ים בְּשָׁמְעֲךָ֤ אֶת־דְּבָרָיו֙ עַל־הַמָּקֹ֤ום הַזֶּה֙ וְעַל־יֹ֣שְׁבָ֔יו וַתִּכָּנַ֣ע לְפָנַ֔י וַתִּקְרַ֥ע אֶת־בְּגָדֶ֖יךָ וַתֵּ֣בְךְּ לְפָנָ֑י וְגַם־אֲנִ֥י שָׁמַ֖עְתִּי נְאֻם־יְהוָֽה׃ yaʿan rakhe־levavekha watikanaʿ ׀ milifeney ʾelohiym beshameʿakha ʾet־devarayw ʿal־hamaqowm hazeh weʿal־yoshevayw watikanaʿ lefanay watiqeraʿ ʾet־begadeykha wateveke lefanay wegam־ʾaniy shamaʿetiy neʾum־yehwah׃

²⁸ הִנְנִ֨י אֹֽסִפְךָ֜ אֶל־אֲבֹתֶ֗יךָ וְנֶאֱסַפְתָּ֣ אֶל־קִבְרֹתֶיךָ֮ בְּשָׁלֹום֒ וְלֹא־תִרְאֶ֣ינָה עֵינֶ֔יךָ בְּכֹל֙ הָֽרָעָ֔ה אֲשֶׁ֨ר אֲנִ֥י מֵבִ֛יא עַל־הַמָּקֹ֥ום הַזֶּ֖ה וְעַל־יֹשְׁבָ֑יו וַיָּשִׁ֥יבוּ אֶת־הַמֶּ֖לֶךְ דָּבָֽר׃ פ hineniy ʾosifekha ʾel־ʾavoteykha weneʾesafeta ʾel־qiveroteykha beshalowm weloʾ־tireʾeynah ʿeyneykha bekhol haraʿah ʾasher ʾaniy meviyʾ ʿal־hamaqowm hazeh weʿal־yoshevayw wayashiyvu ʾet־hamelekhe davar׃ f

²⁹ וַיִּשְׁלַ֖ח הַמֶּ֑לֶךְ וַיֶּאֱסֹ֕ף אֶת־כָּל־זִקְנֵ֥י יְהוּדָ֖ה וִירוּשָׁלִָֽם׃ wayishelaḥ hamelekhe wayeʾesof ʾet־kal־ziqeney yehudah wiyrushalim׃

³⁰ וַיַּ֣עַל הַמֶּ֣לֶךְ בֵּית־יְ֠הוָה וְכָל־אִ֨ישׁ יְהוּדָ֜ה וְיֹשְׁבֵ֣י יְרוּשָׁלִַ֗ם וְהַכֹּֽהֲנִים֙ וְהַלְוִיִּ֔ם וְכָל־הָעָ֖ם מִגָּדֹ֣ול וְעַד־קָטָ֑ן וַיִּקְרָ֣א בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖א בֵּ֥ית יְהוָֽה׃ wayaʿal hamelekhe beyt־yehwah wekhal־ʾiysh yehudah weyoshevey yerushalim wehakohaniym wehalewiyim wekhal־haʿam migadowl weʿad־qaṭan wayiqeraʾ veʾazeneyhem ʾet־kal־diverey sefer haberiyt hanimetsaʾ beyt yehwah׃

³¹ וַיַּעֲמֹ֨ד הַמֶּ֜לֶךְ עַל־עָמְדֹ֗ו וַיִּכְרֹ֣ת אֶֽת־הַבְּרִית֮ לִפְנֵ֣י יְהוָה֒ לָלֶ֜כֶת אַחֲרֵ֣י יְהוָ֗ה וְלִשְׁמֹ֤ור אֶת־מִצְוֹתָיו֙ וְעֵֽדְוֹתָ֣יו וְחֻקָּ֔יו בְּכָל־לְבָבֹ֖ו וּבְכָל־נַפְשֹׁ֑ו לַעֲשֹׂות֙ אֶת־דִּבְרֵ֣י הַבְּרִ֔ית הַכְּתוּבִ֖ים עַל־הַסֵּ֥פֶר הַזֶּֽה׃ wayaʿamod hamelekhe ʿal־ʿamedow wayikherot ʾet־haberiyt lifeney yehwah lalekhet ʾaḥarey yehwah welishemowr ʾet־mitseotayw weʿedeotayw weḥuqayw bekhal־levavow uvekhal־nafeshow laʿasowt ʾet־diverey haberiyt haketuviym ʿal־hasefer hazeh׃

³² וַיַּעֲמֵ֕ד אֵ֛ת כָּל־הַנִּמְצָ֥א בִירוּשָׁלִַ֖ם וּבִנְיָמִ֑ן וַֽיַּעֲשׂוּ֙ יֹשְׁבֵ֣י יְרוּשָׁלִַ֔ם כִּבְרִ֥ית אֱלֹהִ֖ים אֱלֹהֵ֥י אֲבֹותֵיהֶֽם׃ wayaʿamed ʾet kal־hanimetsaʾ viyrushalim uvineyamin wayaʿasu yoshevey yerushalim kiveriyt ʾelohiym ʾelohey ʾavowteyhem׃

³³ וַיָּ֨סַר יֹֽאשִׁיָּ֜הוּ אֶת־כָּל־הַתֹּועֵבֹ֗ות מִֽכָּל־הָאֲרָצֹות֮ אֲשֶׁ֣ר לִבְנֵ֣י יִשְׂרָאֵל֒ וַֽיַּעֲבֵ֗ד אֵ֤ת כָּל־הַנִּמְצָא֙ בְּיִשְׂרָאֵ֔ל לַעֲבֹ֖וד אֶת־יְהוָ֣ה אֱלֹהֵיהֶ֑ם כָּל־יָמָ֕יו לֹ֣א סָ֔רוּ מֵֽאַחֲרֵ֕י יְהוָ֖ה אֱלֹהֵ֥י אֲבֹותֵיהֶֽם׃ פ wayasar yoʾshiyahu ʾet־kal־hatowʿevowt mikal־haʾaratsowt ʾasher liveney yiseraʾel wayaʿaved ʾet kal־hanimetsaʾ beyiseraʾel laʿavowd ʾet־yehwah ʾeloheyhem kal־yamayw loʾ saru meʾaḥarey yehwah ʾelohey ʾavowteyhem׃ f