Lamentations de Jérémie 4

¹ אֵיכָה֙ יוּעַ֣ם זָהָ֔ב יִשְׁנֶ֖א הַכֶּ֣תֶם הַטֹּ֑וב תִּשְׁתַּפֵּ֙כְנָה֙ אַבְנֵי־קֹ֔דֶשׁ בְּרֹ֖אשׁ כָּל־חוּצֹֽות׃ ס ʾeykhah yuʿam zahav yisheneʾ haketem haṭowv tishetapekhenah ʾaveney־qodesh beroʾsh kal־ḥutsowt׃ s

² בְּנֵ֤י צִיֹּון֙ הַיְקָרִ֔ים הַמְסֻלָּאִ֖ים בַּפָּ֑ז אֵיכָ֤ה נֶחְשְׁבוּ֙ לְנִבְלֵי־חֶ֔רֶשׂ מַעֲשֵׂ֖ה יְדֵ֥י יֹוצֵֽר׃ ס beney tsiyown hayeqariym hamesulaʾiym bapaz ʾeykhah neḥeshevu leniveley־ḥeres maʿaseh yedey yowtser׃ s

³ גַּם־ [תַּנִּין כ] (תַּנִּים֙ ק) חָ֣לְצוּ שַׁ֔ד הֵינִ֖יקוּ גּוּרֵיהֶ֑ן בַּת־עַמִּ֣י לְאַכְזָ֔ר [כִּי כ] [עֵנִים כ] (כַּיְעֵנִ֖ים ק) בַּמִּדְבָּֽר׃ ס gam־ [taniyn kh] (taniym q) ḥaletsu shad heyniyqu gureyhen bat־ʿamiy leʾakhezar [kiy kh] [ʿeniym kh] (kayeʿeniym q) bamidebar׃ s

⁴ דָּבַ֨ק לְשֹׁ֥ון יֹונֵ֛ק אֶל־חִכֹּ֖ו בַּצָּמָ֑א עֹֽולָלִים֙ שָׁ֣אֲלוּ לֶ֔חֶם פֹּרֵ֖שׂ אֵ֥ין לָהֶֽם׃ ס davaq leshown yowneq ʾel־ḥikow batsamaʾ ʿowlaliym shaʾalu leḥem pores ʾeyn lahem׃ s

⁵ הָאֹֽכְלִים֙ לְמַ֣עֲדַנִּ֔ים נָשַׁ֖מּוּ בַּחוּצֹ֑ות הָאֱמֻנִים֙ עֲלֵ֣י תֹולָ֔ע חִבְּק֖וּ אַשְׁפַּתֹּֽות׃ ס haʾokheliym lemaʿadaniym nashamu baḥutsowt haʾemuniym ʿaley towlaʿ ḥibequ ʾashepatowt׃ s

⁶ וַיִּגְדַּל֙ עֲוֹ֣ן בַּת־עַמִּ֔י מֵֽחַטַּ֖את סְדֹ֑ם הַֽהֲפוּכָ֣ה כְמֹו־רָ֔גַע וְלֹא־חָ֥לוּ בָ֖הּ יָדָֽיִם׃ ס wayigedal ʿaon bat־ʿamiy meḥaṭaʾt sedom hahafukhah khemow־ragaʿ weloʾ־ḥalu vah yadayim׃ s

⁷ זַכּ֤וּ נְזִירֶ֙יהָ֙ מִשֶּׁ֔לֶג צַח֖וּ מֵחָלָ֑ב אָ֤דְמוּ עֶ֙צֶם֙ מִפְּנִינִ֔ים סַפִּ֖יר גִּזְרָתָֽם׃ ס zaku neziyreyha misheleg tsaḥu meḥalav ʾademu ʿetsem mipeniyniym sapiyr gizeratam׃ s

⁸ חָשַׁ֤ךְ מִשְּׁחֹור֙ תָּֽאֳרָ֔ם לֹ֥א נִכְּר֖וּ בַּחוּצֹ֑ות צָפַ֤ד עֹורָם֙ עַל־עַצְמָ֔ם יָבֵ֖שׁ הָיָ֥ה כָעֵֽץ׃ ס ḥashakhe misheḥowr taʾoram loʾ nikeru baḥutsowt tsafad ʿowram ʿal־ʿatsemam yavesh hayah khaʿets׃ s

⁹ טֹובִ֤ים הָיוּ֙ חַלְלֵי־חֶ֔רֶב מֵֽחַלְלֵ֖י רָעָ֑ב שֶׁ֣הֵ֤ם יָז֙וּבוּ֙ מְדֻקָּרִ֔ים מִתְּנוּבֹ֖ת שָׂדָֽי׃ ס ṭowviym hayu ḥaleley־ḥerev meḥaleley raʿav shehem yazuvu meduqariym mitenuvot saday׃ s

¹⁰ יְדֵ֗י נָשִׁים֙ רַחֲמָ֣נִיֹּ֔ות בִּשְּׁל֖וּ יַלְדֵיהֶ֑ן הָי֤וּ לְבָרֹות֙ לָ֔מֹו בְּשֶׁ֖בֶר בַּת־עַמִּֽי׃ ס yedey nashiym raḥamaniyowt bishelu yaledeyhen hayu levarowt lamow beshever bat־ʿamiy׃ s

¹¹ כִּלָּ֤ה יְהוָה֙ אֶת־חֲמָתֹ֔ו שָׁפַ֖ךְ חֲרֹ֣ון אַפֹּ֑ו וַיַּצֶּת־אֵ֣שׁ בְּצִיֹּ֔ון וַתֹּ֖אכַל יְסֹודֹתֶֽיהָ׃ ס kilah yehwah ʾet־ḥamatow shafakhe ḥarown ʾapow wayatset־ʾesh betsiyown watoʾkhal yesowdoteyha׃ s

¹² לֹ֤א הֶאֱמִ֙ינוּ֙ מַלְכֵי־אֶ֔רֶץ [וְכֹל כ] (כֹּ֖ל ק) יֹשְׁבֵ֣י תֵבֵ֑ל כִּ֤י יָבֹא֙ צַ֣ר וְאֹויֵ֔ב בְּשַׁעֲרֵ֖י יְרוּשָׁלִָֽם׃ ס loʾ heʾemiynu malekhey־ʾerets [wekhol kh] (kol q) yoshevey tevel kiy yavoʾ tsar weʾowyev beshaʿarey yerushalim׃ s

¹³ מֵֽחַטֹּ֣את נְבִיאֶ֔יהָ עֲוֹנֹ֖ות כֹּהֲנֶ֑יהָ הַשֹּׁפְכִ֥ים בְּקִרְבָּ֖הּ דַּ֥ם צַדִּיקִֽים׃ ס meḥaṭoʾt neviyʾeyha ʿaonowt kohaneyha hashofekhiym beqirebah dam tsadiyqiym׃ s

¹⁴ נָע֤וּ עִוְרִים֙ בַּֽחוּצֹ֔ות נְגֹֽאֲל֖וּ בַּדָּ֑ם בְּלֹ֣א יֽוּכְל֔וּ יִגְּע֖וּ בִּלְבֻשֵׁיהֶֽם׃ ס naʿu ʿiweriym baḥutsowt negoʾalu badam beloʾ yukhelu yigeʿu bilevusheyhem׃ s

¹⁵ ס֣וּרוּ טָמֵ֞א קָ֣רְאוּ לָ֗מֹו ס֤וּרוּ ס֙וּרוּ֙ אַל־תִּגָּ֔עוּ כִּ֥י נָצ֖וּ גַּם־נָ֑עוּ אָֽמְרוּ֙ בַּגֹּויִ֔ם לֹ֥א יֹוסִ֖יפוּ לָגֽוּר׃ ס suru ṭameʾ qareʾu lamow suru suru ʾal־tigaʿu kiy natsu gam־naʿu ʾameru bagowyim loʾ yowsiyfu lagur׃ s

¹⁶ פְּנֵ֤י יְהוָה֙ חִלְּקָ֔ם לֹ֥א יֹוסִ֖יף לְהַבִּיטָ֑ם פְּנֵ֤י כֹהֲנִים֙ לֹ֣א נָשָׂ֔אוּ [זְקֵנִים כ] (וּזְקֵנִ֖ים ק) לֹ֥א חָנָֽנוּ׃ ס peney yehwah ḥileqam loʾ yowsiyf lehabiyṭam peney khohaniym loʾ nasaʾu [zeqeniym kh] (uzeqeniym q) loʾ ḥananu׃ s

¹⁷ [עֹודֵינָה כ] (עֹודֵ֙ינוּ֙ ק) תִּכְלֶ֣ינָה עֵינֵ֔ינוּ אֶל־עֶזְרָתֵ֖נוּ הָ֑בֶל בְּצִפִּיָּתֵ֣נוּ צִפִּ֔ינוּ אֶל־גֹּ֖וי לֹ֥א יֹושִֽׁעַ׃ ס [ʿowdeynah kh] (ʿowdeynu q) tikheleynah ʿeyneynu ʾel־ʿezeratenu havel betsipiyatenu tsipiynu ʾel־gowy loʾ yowshiaʿ׃ s

¹⁸ צָד֣וּ צְעָדֵ֔ינוּ מִלֶּ֖כֶת בִּרְחֹבֹתֵ֑ינוּ קָרַ֥ב קִצֵּ֛ינוּ מָלְא֥וּ יָמֵ֖ינוּ כִּי־בָ֥א קִצֵּֽינוּ׃ ס tsadu tseʿadeynu milekhet bireḥovoteynu qarav qitseynu maleʾu yameynu kiy־vaʾ qitseynu׃ s

¹⁹ קַלִּ֤ים הָיוּ֙ רֹדְפֵ֔ינוּ מִנִּשְׁרֵ֖י שָׁמָ֑יִם עַל־הֶהָרִ֣ים דְּלָקֻ֔נוּ בַּמִּדְבָּ֖ר אָ֥רְבוּ לָֽנוּ׃ ס qaliym hayu rodefeynu minisherey shamayim ʿal־hehariym delaqunu bamidebar ʾarevu lanu׃ s

²⁰ ר֤וּחַ אַפֵּ֙ינוּ֙ מְשִׁ֣יחַ יְהוָ֔ה נִלְכַּ֖ד בִּשְׁחִיתֹותָ֑ם אֲשֶׁ֣ר אָמַ֔רְנוּ בְּצִלֹּ֖ו נִֽחְיֶ֥ה בַגֹּויִֽם׃ ס ruaḥ ʾapeynu meshiyḥa yehwah nilekad bisheḥiytowtam ʾasher ʾamarenu betsilow niḥeyeh vagowyim׃ s

²¹ שִׂ֤ישִׂי וְשִׂמְחִי֙ בַּת־אֱדֹ֔ום [יֹושַׁבְתִּי כ] (יֹושֶׁ֖בֶת ק) בְּאֶ֣רֶץ ע֑וּץ גַּם־עָלַ֙יִךְ֙ תַּעֲבָר־כֹּ֔וס תִּשְׁכְּרִ֖י וְתִתְעָרִֽי׃ ס siysiy wesimeḥiy bat־ʾedowm [yowshavetiy kh] (yowshevet q) beʾerets ʿuts gam־ʿalayikhe taʿavar־kows tishekeriy wetiteʿariy׃ s

²² תַּם־עֲוֹנֵךְ֙ בַּת־צִיֹּ֔ון לֹ֥א יֹוסִ֖יף לְהַגְלֹותֵ֑ךְ פָּקַ֤ד עֲוֹנֵךְ֙ בַּת־אֱדֹ֔ום גִּלָּ֖ה עַל־חַטֹּאתָֽיִךְ׃ פ tam־ʿaonekhe bat־tsiyown loʾ yowsiyf lehagelowtekhe paqad ʿaonekhe bat־ʾedowm gilah ʿal־ḥaṭoʾtayikhe׃ f