1 וְאֵ֙לֶּה֙ הַכֹּהֲנִ֣ים וְהַלְוִיִּ֔ם אֲשֶׁ֥ר עָל֛וּ עִם־זְרֻבָּבֶ֥ל בֶּן־שְׁאַלְתִּיאֵ֖ל וְיֵשׁ֑וּעַ שְׂרָיָ֥ה יִרְמְיָ֖ה עֶזְרָֽא׃ weʾeleh hakohaniym wehalewiyim ʾasher ʿalu ʿim־zerubavel ben־sheʾaletiyʾel weyeshuaʿ serayah yiremeyah ʿezeraʾ׃
2 אֲמַרְיָ֥ה מַלּ֖וּךְ חַטּֽוּשׁ׃ ʾamareyah malukhe ḥaṭush׃
3 שְׁכַנְיָ֥ה רְחֻ֖ם מְרֵמֹֽת׃ shekhaneyah reḥum meremot׃
4 עִדֹּ֥וא גִנְּתֹ֖וי אֲבִיָּֽה׃ ʿidowʾ ginetowy ʾaviyah׃
5 מִיָּמִ֥ין מַֽעַדְיָ֖ה בִּלְגָּֽה׃ miyamiyn maʿadeyah bilegah׃
6 שְׁמַֽעְיָ֥ה וְיֹויָרִ֖יב יְדַֽעְיָֽה׃ shemaʿeyah weyowyariyv yedaʿeyah׃
7 סַלּ֣וּ עָמֹ֔וק חִלְקִיָּ֖ה יְדַֽעְיָ֑ה אֵ֣לֶּה רָאשֵׁ֧י הַכֹּהֲנִ֛ים וַאֲחֵיהֶ֖ם בִּימֵ֥י יֵשֽׁוּעַ׃ פ salu ʿamowq ḥileqiyah yedaʿeyah ʾeleh raʾshey hakohaniym waʾaḥeyhem biymey yeshuaʿ׃ f
8 וְהַלְוִיִּ֗ם יֵשׁ֧וּעַ בִּנּ֛וּי קַדְמִיאֵ֥ל שֵׁרֵבְיָ֖ה יְהוּדָ֣ה מַתַּנְיָ֑ה עַֽל־הֻיְּדֹ֖ות ה֥וּא וְאֶחָֽיו ׃ wehalewiyim yeshuaʿ binuy qademiyʾel shereveyah yehudah mataneyah ʿal־huyedowt huʾ weʾeḥayw ׃
9 וּבַקְבֻּֽקְיָ֨ה [וְעֻנֹּו כ] (וְעֻנִּ֧י ק) אֲחֵיהֶ֛ם לְנֶגְדָּ֖ם לְמִשְׁמָרֹֽות׃ uvaqebuqeyah [weʿunow kh] (weʿuniy q) ʾaḥeyhem lenegedam lemishemarowt׃
10 וְיֵשׁ֖וּעַ הֹולִ֣יד אֶת־יֹֽויָקִ֑ים וְיֹֽויָקִים֙ הֹולִ֣יד אֶת־אֶלְיָשִׁ֔יב וְאֶלְיָשִׁ֖יב אֶת־יֹויָדָֽע׃ weyeshuaʿ howliyd ʾet־yowyaqiym weyowyaqiym howliyd ʾet־ʾeleyashiyv weʾeleyashiyv ʾet־yowyadaʿ׃
11 וְיֹויָדָע֙ הֹולִ֣יד אֶת־יֹונָתָ֔ן וְיֹונָתָ֖ן הֹולִ֥יד אֶת־יַדּֽוּעַ׃ weyowyadaʿ howliyd ʾet־yownatan weyownatan howliyd ʾet־yaduaʿ׃
12 וּבִימֵי֙ יֹֽויָקִ֔ים הָי֥וּ כֹהֲנִ֖ים רָאשֵׁ֣י הָאָבֹ֑ות לִשְׂרָיָ֣ה מְרָיָ֔ה לְיִרְמְיָ֖ה חֲנַנְיָֽה׃ uviymey yowyaqiym hayu khohaniym raʾshey haʾavowt liserayah merayah leyiremeyah ḥananeyah׃
13 לְעֶזְרָ֣א מְשֻׁלָּ֔ם לַאֲמַרְיָ֖ה יְהֹוחָנָֽן׃ leʿezeraʾ meshulam laʾamareyah yehowḥanan׃
14 [לִמְלוּכִי כ] (לִמְלִ֙יכוּ֙ ק) יֹֽונָתָ֔ן לִשְׁבַנְיָ֖ה יֹוסֵֽף׃ [limelukhiy kh] (limeliykhu q) yownatan lishevaneyah yowsef׃
15 לְחָרִ֣ם עַדְנָ֔א לִמְרָיֹ֖ות חֶלְקָֽי׃ leḥarim ʿadenaʾ limerayowt ḥeleqay׃
16 [לַעֲדָיָא כ] (לְעִדֹּ֥וא ק) זְכַרְיָ֖ה לְגִנְּתֹ֥ון מְשֻׁלָּֽם׃ [laʿadayaʾ kh] (leʿidowʾ q) zekhareyah leginetown meshulam׃
17 לַאֲבִיָּ֖ה זִכְרִ֑י לְמִ֨נְיָמִ֔ין לְמֹועַדְיָ֖ה פִּלְטָֽי׃ laʾaviyah zikheriy lemineyamiyn lemowʿadeyah pileṭay׃
18 לְבִלְגָּ֣ה שַׁמּ֔וּעַ לִֽשְׁמַעְיָ֖ה יְהֹונָתָֽן׃ levilegah shamuaʿ lishemaʿeyah yehownatan׃
19 וּלְיֹויָרִ֣יב מַתְּנַ֔י לִֽידַֽעְיָ֖ה עֻזִּֽי׃ uleyowyariyv matenay liydaʿeyah ʿuziy׃
20 לְסַלַּ֥י קַלָּ֖י לְעָמֹ֥וק עֵֽבֶר׃ lesalay qalay leʿamowq ʿever׃
21 לְחִלְקִיָּ֣ה חֲשַׁבְיָ֔ה לִֽידַֽעְיָ֖ה נְתַנְאֵֽל׃ leḥileqiyah ḥashaveyah liydaʿeyah netaneʾel׃
22 הַלְוִיִּם֩ בִּימֵ֨י אֶלְיָשִׁ֜יב יֹויָדָ֤ע וְיֹוחָנָן֙ וְיַדּ֔וּעַ כְּתוּבִ֖ים רָאשֵׁ֣י אָבֹ֑ות וְהַכֹּ֣הֲנִ֔ים עַל־מַלְכ֖וּת דָּרְיָ֥וֶשׁ הַפָּֽרְסִֽי׃ פ halewiyim biymey ʾeleyashiyv yowyadaʿ weyowḥanan weyaduaʿ ketuviym raʾshey ʾavowt wehakohaniym ʿal־malekhut dareyawesh haparesiy׃ f
23 בְּנֵ֤י לֵוִי֙ רָאשֵׁ֣י הָֽאָבֹ֔ות כְּתוּבִ֕ים עַל־סֵ֖פֶר דִּבְרֵ֣י הַיָּמִ֑ים וְעַד־יְמֵ֖י יֹֽוחָנָ֥ן בֶּן־אֶלְיָשִֽׁיב׃ beney lewiy raʾshey haʾavowt ketuviym ʿal־sefer diverey hayamiym weʿad־yemey yowḥanan ben־ʾeleyashiyv׃
24 וְרָאשֵׁ֣י הַ֠לְוִיִּם חֲשַׁבְיָ֨ה שֵֽׁרֵבְיָ֜ה וְיֵשׁ֤וּעַ בֶּן־קַדְמִיאֵל֙ וַאֲחֵיהֶ֣ם לְנֶגְדָּ֔ם לְהַלֵּ֣ל לְהֹודֹ֔ות בְּמִצְוַ֖ת דָּוִ֣יד אִישׁ־הָאֱלֹהִ֑ים מִשְׁמָ֖ר לְעֻמַּ֥ת מִשְׁמָֽר׃ weraʾshey halewiyim ḥashaveyah shereveyah weyeshuaʿ ben־qademiyʾel waʾaḥeyhem lenegedam lehalel lehowdowt bemitsewat dawiyd ʾiysh־haʾelohiym mishemar leʿumat mishemar׃
25 מַתַּנְיָ֧ה וּבַקְבֻּֽקְיָ֛ה עֹבַדְיָ֥ה מְשֻׁלָּ֖ם טַלְמֹ֣ון עַקּ֑וּב שֹׁמְרִ֤ים שֹֽׁועֲרִים֙ מִשְׁמָ֔ר בַּאֲסֻפֵּ֖י הַשְּׁעָרִֽים׃ mataneyah uvaqebuqeyah ʿovadeyah meshulam ṭalemown ʿaquv shomeriym showʿariym mishemar baʾasupey hasheʿariym׃
26 אֵ֕לֶּה בִּימֵ֛י יֹויָקִ֥ים בֶּן־יֵשׁ֖וּעַ בֶּן־יֹוצָדָ֑ק וּבִימֵי֙ נְחֶמְיָ֣ה הַפֶּחָ֔ה וְעֶזְרָ֥א הַכֹּהֵ֖ן הַסֹּופֵֽר׃ פ ʾeleh biymey yowyaqiym ben־yeshuaʿ ben־yowtsadaq uviymey neḥemeyah hapeḥah weʿezeraʾ hakohen hasowfer׃ f
27 וּבַחֲנֻכַּ֞ת חֹומַ֣ת יְרוּשָׁלִַ֗ם בִּקְשׁ֤וּ אֶת־הַלְוִיִּם֙ מִכָּל־מְקֹ֣ומֹתָ֔ם לַהֲבִיאָ֖ם לִֽירוּשָׁלִָ֑ם לַעֲשֹׂ֨ת חֲנֻכָּ֤ה וְשִׂמְחָה֙ וּבְתֹודֹ֣ות וּבְשִׁ֔יר מְצִלְתַּ֖יִם נְבָלִ֥ים וּבְכִנֹּרֹֽות׃ uvaḥanukat ḥowmat yerushalim biqeshu ʾet־halewiyim mikal־meqowmotam lahaviyʾam liyrushalim laʿasot ḥanukah wesimeḥah uvetowdowt uveshiyr metsiletayim nevaliym uvekhinorowt׃
28 וַיֵּאָ֣סְפ֔וּ בְּנֵ֖י הַמְשֹׁרְרִ֑ים וּמִן־הַכִּכָּר֙ סְבִיבֹ֣ות יְרוּשָׁלִַ֔ם וּמִן־חַצְרֵ֖י נְטֹפָתִֽי׃ wayeʾasefu beney hameshoreriym umin־hakikar seviyvowt yerushalim umin־ḥatserey neṭofatiy׃
29 וּמִבֵּית֙ הַגִּלְגָּ֔ל וּמִשְּׂדֹ֥ות גֶּ֖בַע וְעַזְמָ֑וֶת כִּ֣י חֲצֵרִ֗ים בָּנ֤וּ לָהֶם֙ הַמְשֹׁ֣רֲרִ֔ים סְבִיבֹ֖ות יְרוּשָׁלִָֽם׃ umibeyt hagilegal umisedowt gevaʿ weʿazemawet kiy ḥatseriym banu lahem hameshorariym seviyvowt yerushalim׃
30 וַיִּֽטַּהֲר֔וּ הַכֹּהֲנִ֖ים וְהַלְוִיִּ֑ם וַֽיְטַהֲרוּ֙ אֶת־הָעָ֔ם וְאֶת־הַשְּׁעָרִ֖ים וְאֶֽת־הַחֹומָֽה׃ wayiṭaharu hakohaniym wehalewiyim wayeṭaharu ʾet־haʿam weʾet־hasheʿariym weʾet־haḥowmah׃
31 וָאַעֲלֶה֙ אֶת־שָׂרֵ֣י יְהוּדָ֔ה מֵעַ֖ל לַחֹומָ֑ה וָאַעֲמִ֡ידָה שְׁתֵּ֣י תֹודֹת֩ גְּדֹולֹ֨ת וְתַהֲלֻכֹ֤ת לַיָּמִין֙ מֵעַ֣ל לַחֹומָ֔ה לְשַׁ֖עַר הָאַשְׁפֹּֽת׃ waʾaʿaleh ʾet־sarey yehudah meʿal laḥowmah waʾaʿamiydah shetey towdot gedowlot wetahalukhot layamiyn meʿal laḥowmah leshaʿar haʾashepot׃
32 וַיֵּ֤לֶךְ אַחֲרֵיהֶם֙ הֹושַׁ֣עְיָ֔ה וַחֲצִ֖י שָׂרֵ֥י יְהוּדָֽה׃ wayelekhe ʾaḥareyhem howshaʿeyah waḥatsiy sarey yehudah׃
33 וַעֲזַרְיָ֥ה עֶזְרָ֖א וּמְשֻׁלָּֽם׃ waʿazareyah ʿezeraʾ umeshulam׃
34 יְהוּדָה֙ וּבִנְיָמִ֔ן וּֽשְׁמַֽעְיָ֖ה וְיִרְמְיָֽה׃ ס yehudah uvineyamin ushemaʿeyah weyiremeyah׃ s
35 וּמִבְּנֵ֥י הַכֹּהֲנִ֖ים בַּחֲצֹצְרֹ֑ות זְכַרְיָ֨ה בֶן־יֹֽונָתָ֜ן בֶּן־שְׁמַֽעְיָ֗ה בֶּן־מַתַּנְיָה֙ בֶּן־מִ֣יכָיָ֔ה בֶּן־זַכּ֖וּר בֶּן־אָסָֽף׃ umibeney hakohaniym baḥatsotserowt zekhareyah ven־yownatan ben־shemaʿeyah ben־mataneyah ben־miykhayah ben־zakur ben־ʾasaf׃
36 וְֽאֶחָ֡יו שְֽׁמַעְיָ֡ה וַעֲזַרְאֵ֡ל מִֽלֲלַ֡י גִּֽלֲלַ֡י מָעַ֞י נְתַנְאֵ֤ל וִֽיהוּדָה֙ חֲנָ֔נִי בִּכְלֵי־שִׁ֥יר דָּוִ֖יד אִ֣ישׁ הָאֱלֹהִ֑ים וְעֶזְרָ֥א הַסֹּופֵ֖ר לִפְנֵיהֶֽם׃ weʾeḥayw shemaʿeyah waʿazareʾel milalay gilalay maʿay netaneʾel wiyhudah ḥananiy bikheley־shiyr dawiyd ʾiysh haʾelohiym weʿezeraʾ hasowfer lifeneyhem׃
37 וְעַל֩ שַׁ֨עַר הָעַ֜יִן וְנֶגְדָּ֗ם עָלוּ֙ עַֽל־מַעֲלֹות֙ עִ֣יר דָּוִ֔יד בַּֽמַּעֲלֶ֖ה לַחֹומָ֑ה מֵעַל֙ לְבֵ֣ית דָּוִ֔יד וְעַ֛ד שַׁ֥עַר הַמַּ֖יִם מִזְרָֽח׃ weʿal shaʿar haʿayin wenegedam ʿalu ʿal־maʿalowt ʿiyr dawiyd bamaʿaleh laḥowmah meʿal leveyt dawiyd weʿad shaʿar hamayim mizeraḥ׃
38 וְהַתֹּודָ֧ה הַשֵּׁנִ֛ית הַהֹולֶ֥כֶת לְמֹ֖ואל וַאֲנִ֣י אַחֲרֶ֑יהָ וַחֲצִ֨י הָעָ֜ם מֵעַ֣ל לְהַחֹומָ֗ה מֵעַל֙ לְמִגְדַּ֣ל הַתַּנּוּרִ֔ים וְעַ֖ד הַחֹומָ֥ה הָרְחָבָֽה׃ wehatowdah hasheniyt hahowlekhet lemowʾl waʾaniy ʾaḥareyha waḥatsiy haʿam meʿal lehaḥowmah meʿal lemigedal hatanuriym weʿad haḥowmah hareḥavah׃
39 וּמֵעַ֣ל לְשַֽׁעַר־אֶ֠פְרַיִם וְעַל־שַׁ֨עַר הַיְשָׁנָ֜ה וְעַל־שַׁ֣עַר הַדָּגִ֗ים וּמִגְדַּ֤ל חֲנַנְאֵל֙ וּמִגְדַּ֣ל הַמֵּאָ֔ה וְעַ֖ד שַׁ֣עַר הַצֹּ֑אן וְעָ֣מְד֔וּ בְּשַׁ֖עַר הַמַּטָּרָֽה׃ umeʿal leshaʿar־ʾeferayim weʿal־shaʿar hayeshanah weʿal־shaʿar hadagiym umigedal ḥananeʾel umigedal hameʾah weʿad shaʿar hatsoʾn weʿamedu beshaʿar hamaṭarah׃
40 וַֽתַּעֲמֹ֛דְנָה שְׁתֵּ֥י הַתֹּודֹ֖ת בְּבֵ֣ית הָאֱלֹהִ֑ים וַאֲנִ֕י וַחֲצִ֥י הַסְּגָנִ֖ים עִמִּֽי׃ wataʿamodenah shetey hatowdot beveyt haʾelohiym waʾaniy waḥatsiy haseganiym ʿimiy׃
41 וְהַכֹּהֲנִ֡ים אֶלְיָקִ֡ים מַעֲשֵׂיָ֡ה מִ֠נְיָמִין מִיכָיָ֧ה אֶלְיֹועֵינַ֛י זְכַרְיָ֥ה חֲנַנְיָ֖ה בַּחֲצֹצְרֹֽות׃ wehakohaniym ʾeleyaqiym maʿaseyah mineyamiyn miykhayah ʾeleyowʿeynay zekhareyah ḥananeyah baḥatsotserowt׃
42 וּמַעֲשֵׂיָ֨ה וּֽשְׁמַֽעְיָ֜ה וְאֶלְעָזָ֧ר וְעֻזִּ֛י וִֽיהֹוחָנָ֥ן וּמַלְכִּיָּ֖ה וְעֵילָ֣ם וָעָ֑זֶר וַיַּשְׁמִ֙יעוּ֙ הַמְשֹׁ֣רְרִ֔ים וְיִֽזְרַחְיָ֖ה הַפָּקִֽיד׃ umaʿaseyah ushemaʿeyah weʾeleʿazar weʿuziy wiyhowḥanan umalekiyah weʿeylam waʿazer wayashemiyʿu hameshoreriym weyizeraḥeyah hapaqiyd׃
43 וַיִּזְבְּח֣וּ בַיֹּום־הַ֠הוּא זְבָחִ֨ים גְּדֹולִ֜ים וַיִּשְׂמָ֗חוּ כִּ֤י הָאֱלֹהִים֙ שִׂמְּחָם֙ שִׂמְחָ֣ה גְדֹולָ֔ה וְגַ֧ם הַנָּשִׁ֛ים וְהַיְלָדִ֖ים שָׂמֵ֑חוּ וַתִּשָּׁמַ֛ע שִׂמְחַ֥ת יְרוּשָׁלִַ֖ם מֵרָחֹֽוק׃ wayizebeḥu vayowm־hahuʾ zevaḥiym gedowliym wayisemaḥu kiy haʾelohiym simeḥam simeḥah gedowlah wegam hanashiym wehayeladiym sameḥu watishamaʿ simeḥat yerushalim meraḥowq׃
44 וַיִּפָּקְד֣וּ בַיֹּום֩ הַה֨וּא אֲנָשִׁ֜ים עַל־הַנְּשָׁכֹ֗ות לָאֹ֨וצָרֹ֥ות לַתְּרוּמֹות֮ לָרֵאשִׁ֣ית וְלַמַּֽעַשְׂרֹות֒ לִכְנֹ֨וס בָּהֶ֜ם לִשְׂדֵ֤י הֶעָרִים֙ מְנָאֹ֣ות הַתֹּורָ֔ה לַכֹּהֲנִ֖ים וְלַלְוִיִּ֑ם כִּ֚י שִׂמְחַ֣ת יְהוּדָ֔ה עַל־הַכֹּהֲנִ֥ים וְעַל־הַלְוִיִּ֖ם הָעֹמְדִֽים׃ wayipaqedu vayowm hahuʾ ʾanashiym ʿal־haneshakhowt laʾowtsarowt laterumowt lareʾshiyt welamaʿaserowt likhenows bahem lisedey heʿariym menaʾowt hatowrah lakohaniym welalewiyim kiy simeḥat yehudah ʿal־hakohaniym weʿal־halewiyim haʿomediym׃
45 וַֽיִּשְׁמְר֞וּ מִשְׁמֶ֤רֶת אֱלֹֽהֵיהֶם֙ וּמִשְׁמֶ֣רֶת הַֽטָּהֳרָ֗ה וְהַמְשֹׁרְרִ֖ים וְהַשֹּׁעֲרִ֑ים כְּמִצְוַ֥ת דָּוִ֖יד שְׁלֹמֹ֥ה בְנֹֽו׃ wayishemeru mishemeret ʾeloheyhem umishemeret haṭahorah wehameshoreriym wehashoʿariym kemitsewat dawiyd shelomoh venow׃
46 כִּֽי־בִימֵ֥י דָוִ֛יד וְאָסָ֖ף מִקֶּ֑דֶם [רֹאשׁ כ] (רָאשֵׁי֙ ק) הַמְשֹׁ֣רְרִ֔ים וְשִׁיר־תְּהִלָּ֥ה וְהֹדֹ֖ות לֵֽאלֹהִֽים׃ kiy־viymey dawiyd weʾasaf miqedem [roʾsh kh] (raʾshey q) hameshoreriym weshiyr־tehilah wehodowt leʾlohiym׃
47 וְכָל־יִשְׂרָאֵל֩ בִּימֵ֨י זְרֻבָּבֶ֜ל וּבִימֵ֣י נְחֶמְיָ֗ה נֹֽתְנִ֛ים מְנָיֹ֛ות הַמְשֹׁרְרִ֥ים וְהַשֹּׁעֲרִ֖ים דְּבַר־יֹ֣ום בְּיֹומֹ֑ו וּמַקְדִּשִׁים֙ לַלְוִיִּ֔ם וְהַלְוִיִּ֔ם מַקְדִּשִׁ֖ים לִבְנֵ֥י אַהֲרֹֽן׃ פ wekhal־yiseraʾel biymey zerubavel uviymey neḥemeyah noteniym menayowt hameshoreriym wehashoʿariym devar־yowm beyowmow umaqedishiym lalewiyim wehalewiyim maqedishiym liveney ʾaharon׃ f