1 אַל־תְּבַהֵ֨ל עַל־פִּ֜יךָ וְלִבְּךָ֧ אַל־יְמַהֵ֛ר לְהֹוצִ֥יא דָבָ֖ר לִפְנֵ֣י הָאֱלֹהִ֑ים כִּ֣י הָאֱלֹהִ֤ים בַּשָּׁמַ֙יִם֙ וְאַתָּ֣ה עַל־הָאָ֔רֶץ עַֽל־כֵּ֛ן יִהְי֥וּ דְבָרֶ֖יךָ מְעַטִּֽים׃ ʾal־tevahel ʿal־piykha welibekha ʾal־yemaher lehowtsiyʾ davar lifeney haʾelohiym kiy haʾelohiym bashamayim weʾatah ʿal־haʾarets ʿal־ken yiheyu devareykha meʿaṭiym׃
2 כִּ֛י בָּ֥א הַחֲלֹ֖ום בְּרֹ֣ב עִנְיָ֑ן וְקֹ֥ול כְּסִ֖יל בְּרֹ֥ב דְּבָרִֽים׃ kiy baʾ haḥalowm berov ʿineyan weqowl kesiyl berov devariym׃
3 כַּאֲשֶׁר֩ תִּדֹּ֨ר נֶ֜דֶר לֵֽאלֹהִ֗ים אַל־תְּאַחֵר֙ לְשַׁלְּמֹ֔ו כִּ֛י אֵ֥ין חֵ֖פֶץ בַּכְּסִילִ֑ים אֵ֥ת אֲשֶׁר־תִּדֹּ֖ר שַׁלֵּֽם׃ kaʾasher tidor neder leʾlohiym ʾal־teʾaḥer leshalemow kiy ʾeyn ḥefets bakesiyliym ʾet ʾasher־tidor shalem׃
4 טֹ֖וב אֲשֶׁ֣ר לֹֽא־תִדֹּ֑ר מִשֶּׁתִּדֹּ֖ור וְלֹ֥א תְשַׁלֵּֽם׃ ṭowv ʾasher loʾ־tidor mishetidowr weloʾ teshalem׃
5 אַל־תִּתֵּ֤ן אֶת־פִּ֙יךָ֙ לַחֲטִ֣יא אֶת־בְּשָׂרֶ֔ךָ וְאַל־תֹּאמַר֙ לִפְנֵ֣י הַמַּלְאָ֔ךְ כִּ֥י שְׁגָגָ֖ה הִ֑יא לָ֣מָּה יִקְצֹ֤ף הָֽאֱלֹהִים֙ עַל־קֹולֶ֔ךָ וְחִבֵּ֖ל אֶת־מַעֲשֵׂ֥ה יָדֶֽיךָ׃ ʾal־titen ʾet־piykha laḥaṭiyʾ ʾet־besarekha weʾal־toʾmar lifeney hamaleʾakhe kiy shegagah hiyʾ lamah yiqetsof haʾelohiym ʿal־qowlekha weḥibel ʾet־maʿaseh yadeykha׃
6 כִּ֣י בְרֹ֤ב חֲלֹמֹות֙ וַהֲבָלִ֔ים וּדְבָרִ֖ים הַרְבֵּ֑ה כִּ֥י אֶת־הָאֱלֹהִ֖ים יְרָֽא׃ kiy verov ḥalomowt wahavaliym udevariym harebeh kiy ʾet־haʾelohiym yeraʾ׃
7 אִם־עֹ֣שֶׁק רָ֠שׁ וְגֵ֨זֶל מִשְׁפָּ֤ט וָצֶ֙דֶק֙ תִּרְאֶ֣ה בַמְּדִינָ֔ה אַל־תִּתְמַ֖הּ עַל־הַחֵ֑פֶץ כִּ֣י גָבֹ֜הַּ מֵעַ֤ל גָּבֹ֙הַּ֙ שֹׁמֵ֔ר וּגְבֹהִ֖ים עֲלֵיהֶֽם׃ ʾim־ʿosheq rash wegezel mishepaṭ watsedeq tireʾeh vamediynah ʾal־titemah ʿal־haḥefets kiy gavoah meʿal gavoah shomer ugevohiym ʿaleyhem׃
8 וְיִתְרֹ֥ון אֶ֖רֶץ בַּכֹּ֣ל [הִיא כ] (ה֑וּא ק) מֶ֥לֶךְ לְשָׂדֶ֖ה נֶעֱבָֽד׃ weyiterown ʾerets bakol [hiyʾ kh] (huʾ q) melekhe lesadeh neʿevad׃
9 אֹהֵ֥ב כֶּ֙סֶף֙ לֹא־יִשְׂבַּ֣ע כֶּ֔סֶף וּמִֽי־אֹהֵ֥ב בֶּהָמֹ֖ון לֹ֣א תְבוּאָ֑ה גַּם־זֶ֖ה הָֽבֶל׃ ʾohev kesef loʾ־yisebaʿ kesef umiy־ʾohev behamown loʾ tevuʾah gam־zeh havel׃
10 בִּרְבֹות֙ הַטֹּובָ֔ה רַבּ֖וּ אֹוכְלֶ֑יהָ וּמַה־כִּשְׁרֹון֙ לִבְעָלֶ֔יהָ כִּ֖י אִם־ [רְאִיַּת כ] (רְא֥וּת ק) עֵינָֽיו׃ birevowt haṭowvah rabu ʾowkheleyha umah־kisherown liveʿaleyha kiy ʾim־ [reʾiyat kh] (reʾut q) ʿeynayw׃
11 מְתוּקָה֙ שְׁנַ֣ת הָעֹבֵ֔ד אִם־מְעַ֥ט וְאִם־הַרְבֵּ֖ה יֹאכֵ֑ל וְהַשָּׂבָע֙ לֶֽעָשִׁ֔יר אֵינֶ֛נּוּ מַנִּ֥יחַֽ לֹ֖ו לִישֹֽׁון׃ metuqah shenat haʿoved ʾim־meʿaṭ weʾim־harebeh yoʾkhel wehasavaʿ leʿashiyr ʾeynenu maniyḥa low liyshown׃
12 יֵ֚שׁ רָעָ֣ה חֹולָ֔ה רָאִ֖יתִי תַּ֣חַת הַשָּׁ֑מֶשׁ עֹ֛שֶׁר שָׁמ֥וּר לִבְעָלָ֖יו לְרָעָתֹֽו׃ yesh raʿah ḥowlah raʾiytiy taḥat hashamesh ʿosher shamur liveʿalayw leraʿatow׃
13 וְאָבַ֛ד הָעֹ֥שֶׁר הַה֖וּא בְּעִנְיַ֣ן רָ֑ע וְהֹולִ֣יד בֵּ֔ן וְאֵ֥ין בְּיָדֹ֖ו מְאֽוּמָה׃ weʾavad haʿosher hahuʾ beʿineyan raʿ wehowliyd ben weʾeyn beyadow meʾumah׃
14 כַּאֲשֶׁ֤ר יָצָא֙ מִבֶּ֣טֶן אִמֹּ֔ו עָרֹ֛ום יָשׁ֥וּב לָלֶ֖כֶת כְּשֶׁבָּ֑א וּמְא֙וּמָה֙ לֹא־יִשָּׂ֣א בַעֲמָלֹ֔ו שֶׁיֹּלֵ֖ךְ בְּיָדֹֽו׃ kaʾasher yatsaʾ mibeṭen ʾimow ʿarowm yashuv lalekhet keshebaʾ umeʾumah loʾ־yisaʾ vaʿamalow sheyolekhe beyadow׃
15 וְגַם־זֹה֙ רָעָ֣ה חֹולָ֔ה כָּל־עֻמַּ֥ת שֶׁבָּ֖א כֵּ֣ן יֵלֵ֑ךְ וּמַה־יִּתְרֹ֣ון לֹ֔ו שֶֽׁיַּעֲמֹ֖ל לָרֽוּחַ׃ wegam־zoh raʿah ḥowlah kal־ʿumat shebaʾ ken yelekhe umah־yiterown low sheyaʿamol laruaḥ׃
16 גַּ֥ם כָּל־יָמָ֖יו בַּחֹ֣שֶׁךְ יֹאכֵ֑ל וְכָעַ֥ס הַרְבֵּ֖ה וְחָלְיֹ֥ו וָקָֽצֶף׃ gam kal־yamayw baḥoshekhe yoʾkhel wekhaʿas harebeh weḥaleyow waqatsef׃
17 הִנֵּ֞ה אֲשֶׁר־רָאִ֣יתִי אָ֗נִי טֹ֣וב אֲשֶׁר־יָפֶ֣ה לֶֽאֶכֹול־וְ֠לִשְׁתֹּות וְלִרְאֹ֨ות טֹובָ֜ה בְּכָל־עֲמָלֹ֣ו ׀ שֶׁיַּעֲמֹ֣ל תַּֽחַת־הַשֶּׁ֗מֶשׁ מִסְפַּ֧ר יְמֵי־ [חַיָּו כ] (חַיָּ֛יו ק) אֲשֶׁר־נָֽתַן־לֹ֥ו הָאֱלֹהִ֖ים כִּי־ה֥וּא חֶלְקֹֽו׃ hineh ʾasher־raʾiytiy ʾaniy ṭowv ʾasher־yafeh leʾekhowl־welishetowt welireʾowt ṭowvah bekhal־ʿamalow ׀ sheyaʿamol taḥat־hashemesh misepar yemey־ [ḥayaw kh] (ḥayayw q) ʾasher־natan־low haʾelohiym kiy־huʾ ḥeleqow׃
18 גַּ֣ם כָּֽל־הָאָדָ֡ם אֲשֶׁ֣ר נָֽתַן־לֹ֣ו הָאֱלֹהִים֩ עֹ֨שֶׁר וּנְכָסִ֜ים וְהִשְׁלִיטֹ֨ו לֶאֱכֹ֤ל מִמֶּ֙נּוּ֙ וְלָשֵׂ֣את אֶת־חֶלְקֹ֔ו וְלִשְׂמֹ֖חַ בַּעֲמָלֹ֑ו זֹ֕ה מַתַּ֥ת אֱלֹהִ֖ים הִֽיא׃ gam kal־haʾadam ʾasher natan־low haʾelohiym ʿosher unekhasiym wehisheliyṭow leʾekhol mimenu welaseʾt ʾet־ḥeleqow welisemoaḥ baʿamalow zoh matat ʾelohiym hiyʾ׃
19 כִּ֚י לֹ֣א הַרְבֵּ֔ה יִזְכֹּ֖ר אֶת־יְמֵ֣י חַיָּ֑יו כִּ֧י הָאֱלֹהִ֛ים מַעֲנֶ֖ה בְּשִׂמְחַ֥ת לִבֹּֽו׃ kiy loʾ harebeh yizekor ʾet־yemey ḥayayw kiy haʾelohiym maʿaneh besimeḥat libow׃