2 Samuel 13

¹ וַיְהִ֣י אַֽחֲרֵי־כֵ֗ן וּלְאַבְשָׁלֹ֧ום בֶּן־דָּוִ֛ד אָחֹ֥ות יָפָ֖ה וּשְׁמָ֣הּ תָּמָ֑ר וַיֶּאֱהָבֶ֖הָ אַמְנֹ֥ון בֶּן־דָּוִֽד׃ wayehiy ʾaḥarey־khen uleʾaveshalowm ben־dawid ʾaḥowt yafah ushemah tamar wayeʾehaveah ʾamenown ben־dawid׃

² וַיֵּ֨צֶר לְאַמְנֹ֜ון לְהִתְחַלֹּ֗ות בַּֽעֲבוּר֙ תָּמָ֣ר אֲחֹתֹ֔ו כִּ֥י בְתוּלָ֖ה הִ֑יא וַיִּפָּלֵא֙ בְּעֵינֵ֣י אַמְנֹ֔ון לַעֲשֹׂ֥ות לָ֖הּ מְאֽוּמָה׃ wayetser leʾamenown lehiteḥalowt baʿavur tamar ʾaḥotow kiy vetulah hiyʾ wayipaleʾ beʿeyney ʾamenown laʿasowt lah meʾumah׃

³ וּלְאַמְנֹ֣ון רֵ֗עַ וּשְׁמֹו֙ יֹֽונָדָ֔ב בֶּן־שִׁמְעָ֖ה אֲחִ֣י דָוִ֑ד וְיֹ֣ונָדָ֔ב אִ֥ישׁ חָכָ֖ם מְאֹֽד׃ uleʾamenown reaʿ ushemow yownadav ben־shimeʿah ʾaḥiy dawid weyownadav ʾiysh ḥakham meʾod׃

⁴ וַיֹּ֣אמֶר לֹ֗ו מַדּ֣וּעַ אַ֠תָּה כָּ֣כָה דַּ֤ל בֶּן־הַמֶּ֙לֶךְ֙ בַּבֹּ֣קֶר בַּבֹּ֔קֶר הֲלֹ֖וא תַּגִּ֣יד לִ֑י וַיֹּ֤אמֶר לֹו֙ אַמְנֹ֔ון אֶת־תָּמָ֗ר אֲחֹ֛ות אַבְשָׁלֹ֥ם אָחִ֖י אֲנִ֥י אֹהֵֽב׃ wayoʾmer low maduaʿ ʾatah kakhah dal ben־hamelekhe baboqer baboqer halowʾ tagiyd liy wayoʾmer low ʾamenown ʾet־tamar ʾaḥowt ʾaveshalom ʾaḥiy ʾaniy ʾohev׃

⁵ וַיֹּ֤אמֶר לֹו֙ יְהֹ֣ונָדָ֔ב שְׁכַ֥ב עַל־מִשְׁכָּבְךָ֖ וְהִתְחָ֑ל וּבָ֧א אָבִ֣יךָ לִרְאֹותֶ֗ךָ וְאָמַרְתָּ֣ אֵלָ֡יו תָּ֣בֹא נָא֩ תָמָ֨ר אֲחֹותִ֜י וְתַבְרֵ֣נִי לֶ֗חֶם וְעָשְׂתָ֤ה לְעֵינַי֙ אֶת־הַבִּרְיָ֔ה לְמַ֙עַן֙ אֲשֶׁ֣ר אֶרְאֶ֔ה וְאָכַלְתִּ֖י מִיָּדָֽהּ׃ wayoʾmer low yehownadav shekhav ʿal־mishekavekha wehiteḥal uvaʾ ʾaviykha lireʾowtekha weʾamareta ʾelayw tavoʾ naʾ tamar ʾaḥowtiy wetavereniy leḥem weʿasetah leʿeynay ʾet־habireyah lemaʿan ʾasher ʾereʾeh weʾakhaletiy miyadah׃

⁶ וַיִּשְׁכַּ֥ב אַמְנֹ֖ון וַיִּתְחָ֑ל וַיָּבֹ֨א הַמֶּ֜לֶךְ לִרְאֹתֹ֗ו וַיֹּ֨אמֶר אַמְנֹ֤ון אֶל־הַמֶּ֙לֶךְ֙ תָּֽבֹוא־נָ֞א תָּמָ֣ר אֲחֹתִ֗י וּתְלַבֵּ֤ב לְעֵינַי֙ שְׁתֵּ֣י לְבִבֹ֔ות וְאֶבְרֶ֖ה מִיָּדָֽהּ׃ wayishekav ʾamenown wayiteḥal wayavoʾ hamelekhe lireʾotow wayoʾmer ʾamenown ʾel־hamelekhe tavowʾ־naʾ tamar ʾaḥotiy utelabev leʿeynay shetey levivowt weʾevereh miyadah׃

⁷ וַיִּשְׁלַ֥ח דָּוִ֛ד אֶל־תָּמָ֖ר הַבַּ֣יְתָה לֵאמֹ֑ר לְכִ֣י נָ֗א בֵּ֚ית אַמְנֹ֣ון אָחִ֔יךְ וַעֲשִׂי־לֹ֖ו הַבִּרְיָֽה׃ wayishelaḥ dawid ʾel־tamar habayetah leʾmor lekhiy naʾ beyt ʾamenown ʾaḥiykhe waʿasiy־low habireyah׃

⁸ וַתֵּ֣לֶךְ תָּמָ֗ר בֵּ֛ית אַמְנֹ֥ון אָחִ֖יהָ וְה֣וּא שֹׁכֵ֑ב וַתִּקַּ֨ח אֶת־הַבָּצֵ֤ק [וַתָּלֹושׁ כ] (וַתָּ֙לָשׁ֙ ק) וַתְּלַבֵּ֣ב לְעֵינָ֔יו וַתְּבַשֵּׁ֖ל אֶת־הַלְּבִבֹֽות׃ watelekhe tamar beyt ʾamenown ʾaḥiyha wehuʾ shokhev watiqaḥ ʾet־habatseq [watalowsh kh] (watalash q) watelabev leʿeynayw watevashel ʾet־halevivowt׃

⁹ וַתִּקַּ֤ח אֶת־הַמַּשְׂרֵת֙ וַתִּצֹ֣ק לְפָנָ֔יו וַיְמָאֵ֖ן לֶאֱכֹ֑ול וַיֹּ֣אמֶר אַמְנֹ֗ון הֹוצִ֤יאוּ כָל־אִישׁ֙ מֵֽעָלַ֔י וַיֵּצְא֥וּ כָל־אִ֖ישׁ מֵעָלָֽיו׃ watiqaḥ ʾet־hamaseret watitsoq lefanayw wayemaʾen leʾekhowl wayoʾmer ʾamenown howtsiyʾu khal־ʾiysh meʿalay wayetseʾu khal־ʾiysh meʿalayw׃

¹⁰ וַיֹּ֨אמֶר אַמְנֹ֜ון אֶל־תָּמָ֗ר הָבִ֤יאִי הַבִּרְיָה֙ הַחֶדֶ֔ר וְאֶבְרֶ֖ה מִיָּדֵ֑ךְ וַתִּקַּ֣ח תָּמָ֗ר אֶת־הַלְּבִבֹות֙ אֲשֶׁ֣ר עָשָׂ֔תָה וַתָּבֵ֛א לְאַמְנֹ֥ון אָחִ֖יהָ הֶחָֽדְרָה׃ wayoʾmer ʾamenown ʾel־tamar haviyʾiy habireyah haḥeder weʾevereh miyadekhe watiqaḥ tamar ʾet־halevivowt ʾasher ʿasatah wataveʾ leʾamenown ʾaḥiyha heḥaderah׃

¹¹ וַתַּגֵּ֥שׁ אֵלָ֖יו לֶֽאֱכֹ֑ל וַיַּֽחֲזֶק־בָּהּ֙ וַיֹּ֣אמֶר לָ֔הּ בֹּ֛ואִי שִׁכְבִ֥י עִמִּ֖י אֲחֹותִֽי׃ watagesh ʾelayw leʾekhol wayaḥazeq־bah wayoʾmer lah bowʾiy shikheviy ʿimiy ʾaḥowtiy׃

¹² וַתֹּ֣אמֶר לֹ֗ו אַל־אָחִי֙ אַל־תְּעַנֵּ֔נִי כִּ֛י לֹא־יֵֽעָשֶׂ֥ה כֵ֖ן בְּיִשְׂרָאֵ֑ל אַֽל־תַּעֲשֵׂ֖ה אֶת־הַנְּבָלָ֥ה הַזֹּֽאת׃ watoʾmer low ʾal־ʾaḥiy ʾal־teʿaneniy kiy loʾ־yeʿaseh khen beyiseraʾel ʾal־taʿaseh ʾet־hanevalah hazoʾt׃

¹³ וַאֲנִ֗י אָ֤נָה אֹולִיךְ֙ אֶת־חֶרְפָּתִ֔י וְאַתָּ֗ה תִּהְיֶ֛ה כְּאַחַ֥ד הַנְּבָלִ֖ים בְּיִשְׂרָאֵ֑ל וְעַתָּה֙ דַּבֶּר־נָ֣א אֶל־הַמֶּ֔לֶךְ כִּ֛י לֹ֥א יִמְנָעֵ֖נִי מִמֶּֽךָּ׃ waʾaniy ʾanah ʾowliykhe ʾet־ḥerepatiy weʾatah tiheyeh keʾaḥad hanevaliym beyiseraʾel weʿatah daber־naʾ ʾel־hamelekhe kiy loʾ yimenaʿeniy mimeka׃

¹⁴ וְלֹ֥א אָבָ֖ה לִשְׁמֹ֣עַ בְּקֹולָ֑הּ וַיֶּחֱזַ֤ק מִמֶּ֙נָּה֙ וַיְעַנֶּ֔הָ וַיִּשְׁכַּ֖ב אֹתָֽהּ׃ weloʾ ʾavah lishemoaʿ beqowlah wayeḥezaq mimenah wayeʿaneah wayishekav ʾotah׃

¹⁵ וַיִּשְׂנָאֶ֣הָ אַמְנֹ֗ון שִׂנְאָה֙ גְּדֹולָ֣ה מְאֹ֔ד כִּ֣י גְדֹולָ֗ה הַשִּׂנְאָה֙ אֲשֶׁ֣ר שְׂנֵאָ֔הּ מֵאַהֲבָ֖ה אֲשֶׁ֣ר אֲהֵבָ֑הּ וַֽיֹּאמֶר־לָ֥הּ אַמְנֹ֖ון ק֥וּמִי לֵֽכִי׃ wayisenaʾeah ʾamenown sineʾah gedowlah meʾod kiy gedowlah hasineʾah ʾasher seneʾah meʾahavah ʾasher ʾahevah wayoʾmer־lah ʾamenown qumiy lekhiy׃

¹⁶ וַתֹּ֣אמֶר לֹ֗ו אַל־אֹודֹ֞ת הָרָעָ֤ה הַגְּדֹולָה֙ הַזֹּ֔את מֵאַחֶ֛רֶת אֲשֶׁר־עָשִׂ֥יתָ עִמִּ֖י לְשַׁלְּחֵ֑נִי וְלֹ֥א אָבָ֖ה לִשְׁמֹ֥עַֽ לָֽהּ׃ watoʾmer low ʾal־ʾowdot haraʿah hagedowlah hazoʾt meʾaḥeret ʾasher־ʿasiyta ʿimiy leshaleḥeniy weloʾ ʾavah lishemoaʿ lah׃

¹⁷ וַיִּקְרָ֗א אֶֽת־נַעֲרֹו֙ מְשָׁ֣רְתֹ֔ו וַיֹּ֕אמֶר שִׁלְחוּ־נָ֥א אֶת־זֹ֛את מֵעָלַ֖י הַח֑וּצָה וּנְעֹ֥ל הַדֶּ֖לֶת אַחֲרֶֽיהָ׃ wayiqeraʾ ʾet־naʿarow mesharetow wayoʾmer shileḥu־naʾ ʾet־zoʾt meʿalay haḥutsah uneʿol hadelet ʾaḥareyha׃

¹⁸ וְעָלֶ֙יהָ֙ כְּתֹ֣נֶת פַּסִּ֔ים כִּי֩ כֵ֨ן תִּלְבַּ֧שְׁןָ בְנֹות־הַמֶּ֛לֶךְ הַבְּתוּלֹ֖ת מְעִילִ֑ים וַיֹּצֵ֨א אֹותָ֤הּ מְשָֽׁרְתֹו֙ הַח֔וּץ וְנָעַ֥ל הַדֶּ֖לֶת אַחֲרֶֽיהָ׃ weʿaleyha ketonet pasiym kiy khen tilebashena venowt־hamelekhe habetulot meʿiyliym wayotseʾ ʾowtah mesharetow haḥuts wenaʿal hadelet ʾaḥareyha׃

¹⁹ וַתִּקַּ֨ח תָּמָ֥ר אֵ֙פֶר֙ עַל־רֹאשָׁ֔הּ וּכְתֹ֧נֶת הַפַּסִּ֛ים אֲשֶׁ֥ר עָלֶ֖יהָ קָרָ֑עָה וַתָּ֤שֶׂם יָדָהּ֙ עַל־רֹאשָׁ֔הּ וַתֵּ֥לֶךְ הָלֹ֖וךְ וְזָעָֽקָה׃ watiqaḥ tamar ʾefer ʿal־roʾshah ukhetonet hapasiym ʾasher ʿaleyha qaraʿah watasem yadah ʿal־roʾshah watelekhe halowkhe wezaʿaqah׃

²⁰ וַיֹּ֨אמֶר אֵלֶ֜יהָ אַבְשָׁלֹ֣ום אָחִ֗יהָ הַאֲמִינֹ֣ון אָחִיךְ֮ הָיָ֣ה עִמָּךְ֒ וְעַתָּ֞ה אֲחֹותִ֤י הַחֲרִ֙ישִׁי֙ אָחִ֣יךְ ה֔וּא אַל־תָּשִׁ֥יתִי אֶת־לִבֵּ֖ךְ לַדָּבָ֣ר הַזֶּ֑ה וַתֵּ֤שֶׁב תָּמָר֙ וְשֹׁ֣מֵמָ֔ה בֵּ֖ית אַבְשָׁלֹ֥ום אָחִֽיהָ׃ wayoʾmer ʾeleyha ʾaveshalowm ʾaḥiyha haʾamiynown ʾaḥiykhe hayah ʿimakhe weʿatah ʾaḥowtiy haḥariyshiy ʾaḥiykhe huʾ ʾal־tashiytiy ʾet־libekhe ladavar hazeh wateshev tamar weshomemah beyt ʾaveshalowm ʾaḥiyha׃

²¹ וְהַמֶּ֣לֶךְ דָּוִ֔ד שָׁמַ֕ע אֵ֥ת כָּל־הַדְּבָרִ֖ים הָאֵ֑לֶּה וַיִּ֥חַר לֹ֖ו מְאֹֽד׃ wehamelekhe dawid shamaʿ ʾet kal־hadevariym haʾeleh wayiḥar low meʾod׃

²² וְלֹֽא־דִבֶּ֧ר אַבְשָׁלֹ֛ום עִם־אַמְנֹ֖ון לְמֵרָ֣ע וְעַד־טֹ֑וב כִּֽי־שָׂנֵ֤א אַבְשָׁלֹום֙ אֶת־אַמְנֹ֔ון עַל־דְּבַר֙ אֲשֶׁ֣ר עִנָּ֔ה אֵ֖ת תָּמָ֥ר אֲחֹתֹֽו׃ פ weloʾ־diber ʾaveshalowm ʿim־ʾamenown lemeraʿ weʿad־ṭowv kiy־saneʾ ʾaveshalowm ʾet־ʾamenown ʿal־devar ʾasher ʿinah ʾet tamar ʾaḥotow׃ f

²³ וַֽיְהִי֙ לִשְׁנָתַ֣יִם יָמִ֔ים וַיִּהְי֤וּ גֹֽזְזִים֙ לְאַבְשָׁלֹ֔ום בְּבַ֥עַל חָצֹ֖ור אֲשֶׁ֣ר עִם־אֶפְרָ֑יִם וַיִּקְרָ֥א אַבְשָׁלֹ֖ום לְכָל־בְּנֵ֥י הַמֶּֽלֶךְ׃ wayehiy lishenatayim yamiym wayiheyu gozeziym leʾaveshalowm bevaʿal ḥatsowr ʾasher ʿim־ʾeferayim wayiqeraʾ ʾaveshalowm lekhal־beney hamelekhe׃

²⁴ וַיָּבֹ֤א אַבְשָׁלֹום֙ אֶל־הַמֶּ֔לֶךְ וַיֹּ֕אמֶר הִנֵּה־נָ֥א גֹזְזִ֖ים לְעַבְדֶּ֑ךָ יֵֽלֶךְ־נָ֥א הַמֶּ֛לֶךְ וַעֲבָדָ֖יו עִם־עַבְדֶּֽךָ׃ wayavoʾ ʾaveshalowm ʾel־hamelekhe wayoʾmer hineh־naʾ gozeziym leʿavedekha yelekhe־naʾ hamelekhe waʿavadayw ʿim־ʿavedekha׃

²⁵ וַיֹּ֨אמֶר הַמֶּ֜לֶךְ אֶל־אַבְשָׁלֹ֗ום אַל־בְּנִי֙ אַל־נָ֤א נֵלֵךְ֙ כֻּלָּ֔נוּ וְלֹ֥א נִכְבַּ֖ד עָלֶ֑יךָ וַיִּפְרָץ־בֹּ֛ו וְלֹֽא־אָבָ֥ה לָלֶ֖כֶת וַֽיְבָרֲכֵֽהוּ׃ wayoʾmer hamelekhe ʾel־ʾaveshalowm ʾal־beniy ʾal־naʾ nelekhe kulanu weloʾ nikhebad ʿaleykha wayiferats־bow weloʾ־ʾavah lalekhet wayevarakhehu׃

²⁶ וַיֹּ֙אמֶר֙ אַבְשָׁלֹ֔ום וָלֹ֕א יֵֽלֶךְ־נָ֥א אִתָּ֖נוּ אַמְנֹ֣ון אָחִ֑י וַיֹּ֤אמֶר לֹו֙ הַמֶּ֔לֶךְ לָ֥מָּה יֵלֵ֖ךְ עִמָּֽךְ׃ wayoʾmer ʾaveshalowm waloʾ yelekhe־naʾ ʾitanu ʾamenown ʾaḥiy wayoʾmer low hamelekhe lamah yelekhe ʿimakhe׃

²⁷ וַיִּפְרָץ־בֹּ֖ו אַבְשָׁלֹ֑ום וַיִּשְׁלַ֤ח אִתֹּו֙ אֶת־אַמְנֹ֔ון וְאֵ֖ת כָּל־בְּנֵ֥י הַמֶּֽלֶךְ׃ ס wayiferats־bow ʾaveshalowm wayishelaḥ ʾitow ʾet־ʾamenown weʾet kal־beney hamelekhe׃ s

²⁸ וַיְצַו֩ אַבְשָׁלֹ֨ום אֶת־נְעָרָ֜יו לֵאמֹ֗ר רְא֣וּ נָ֠א כְּטֹ֨וב לֵב־אַמְנֹ֤ון בַּיַּ֙יִן֙ וְאָמַרְתִּ֣י אֲלֵיכֶ֔ם הַכּ֧וּ אֶת־אַמְנֹ֛ון וַהֲמִתֶּ֥ם אֹתֹ֖ו אַל־תִּירָ֑אוּ הֲלֹ֗וא כִּ֤י אָֽנֹכִי֙ צִוִּ֣יתִי אֶתְכֶ֔ם חִזְק֖וּ וִהְי֥וּ לִבְנֵי־חָֽיִל׃ wayetsaw ʾaveshalowm ʾet־neʿarayw leʾmor reʾu naʾ keṭowv lev־ʾamenown bayayin weʾamaretiy ʾaleykhem haku ʾet־ʾamenown wahamitem ʾotow ʾal־tiyraʾu halowʾ kiy ʾanokhiy tsiuiytiy ʾetekhem ḥizequ wiheyu liveney־ḥayil׃

²⁹ וַֽיַּעֲשׂ֞וּ נַעֲרֵ֤י אַבְשָׁלֹום֙ לְאַמְנֹ֔ון כַּאֲשֶׁ֥ר צִוָּ֖ה אַבְשָׁלֹ֑ום וַיָּקֻ֣מוּ ׀ כָּל־בְּנֵ֣י הַמֶּ֗לֶךְ וַֽיִּרְכְּב֛וּ אִ֥ישׁ עַל־פִּרְדֹּ֖ו וַיָּנֻֽסוּ׃ wayaʿasu naʿarey ʾaveshalowm leʾamenown kaʾasher tsiuah ʾaveshalowm wayaqumu ׀ kal־beney hamelekhe wayirekevu ʾiysh ʿal־piredow wayanusu׃

³⁰ וַֽיְהִי֙ הֵ֣מָּה בַדֶּ֔רֶךְ וְהַשְּׁמֻעָ֣ה בָ֔אָה אֶל־דָּוִ֖ד לֵאמֹ֑ר הִכָּ֤ה אַבְשָׁלֹום֙ אֶת־כָּל־בְּנֵ֣י הַמֶּ֔לֶךְ וְלֹֽא־נֹותַ֥ר מֵהֶ֖ם אֶחָֽד׃ ס wayehiy hemah vaderekhe wehashemuʿah vaʾah ʾel־dawid leʾmor hikah ʾaveshalowm ʾet־kal־beney hamelekhe weloʾ־nowtar mehem ʾeḥad׃ s

³¹ וַיָּ֧קָם הַמֶּ֛לֶךְ וַיִּקְרַ֥ע אֶת־בְּגָדָ֖יו וַיִּשְׁכַּ֣ב אָ֑רְצָה וְכָל־עֲבָדָ֥יו נִצָּבִ֖ים קְרֻעֵ֥י בְגָדִֽים׃ ס wayaqam hamelekhe wayiqeraʿ ʾet־begadayw wayishekav ʾaretsah wekhal־ʿavadayw nitsaviym qeruʿey vegadiym׃ s

³² וַיַּ֡עַן יֹונָדָ֣ב ׀ בֶּן־שִׁמְעָ֨ה אֲחִֽי־דָוִ֜ד וַיֹּ֗אמֶר אַל־יֹאמַ֤ר אֲדֹנִי֙ אֵ֣ת כָּל־הַנְּעָרִ֤ים בְּנֵֽי־הַמֶּ֙לֶךְ֙ הֵמִ֔יתוּ כִּֽי־אַמְנֹ֥ון לְבַדֹּ֖ו מֵ֑ת כִּֽי־עַל־פִּ֤י אַבְשָׁלֹום֙ הָיְתָ֣ה שׂוּמָ֔ה מִיֹּום֙ עַנֹּתֹ֔ו אֵ֖ת תָּמָ֥ר אֲחֹתֹֽו׃ wayaʿan yownadav ׀ ben־shimeʿah ʾaḥiy־dawid wayoʾmer ʾal־yoʾmar ʾadoniy ʾet kal־haneʿariym beney־hamelekhe hemiytu kiy־ʾamenown levadow met kiy־ʿal־piy ʾaveshalowm hayetah sumah miyowm ʿanotow ʾet tamar ʾaḥotow׃

³³ וְעַתָּ֡ה אַל־יָשֵׂם֩ אֲדֹנִ֨י הַמֶּ֤לֶךְ אֶל־לִבֹּו֙ דָּבָ֣ר לֵאמֹ֔ר כָּל־בְּנֵ֥י הַמֶּ֖לֶךְ מֵ֑תוּ כִּֽי־אִם־אַמְנֹ֥ון לְבַדֹּ֖ו מֵֽת׃ פ weʿatah ʾal־yasem ʾadoniy hamelekhe ʾel־libow davar leʾmor kal־beney hamelekhe metu kiy־ʾim־ʾamenown levadow met׃ f

³⁴ וַיִּבְרַ֖ח אַבְשָׁלֹ֑ום וַיִּשָּׂ֞א הַנַּ֤עַר הַצֹּפֶה֙ אֶת־ [עֵינֹו כ] (עֵינָ֔יו ק) וַיַּ֗רְא וְהִנֵּ֨ה עַם־רַ֜ב הֹלְכִ֥ים מִדֶּ֛רֶךְ אַחֲרָ֖יו מִצַּ֥ד הָהָֽר׃ wayiveraḥ ʾaveshalowm wayisaʾ hanaʿar hatsofeh ʾet־ [ʿeynow kh] (ʿeynayw q) wayareʾ wehineh ʿam־rav holekhiym miderekhe ʾaḥarayw mitsad hahar׃

³⁵ וַיֹּ֤אמֶר יֹֽונָדָב֙ אֶל־הַמֶּ֔לֶךְ הִנֵּ֥ה בְנֵֽי־הַמֶּ֖לֶךְ בָּ֑אוּ כִּדְבַ֥ר עַבְדְּךָ֖ כֵּ֥ן הָיָֽה׃ wayoʾmer yownadav ʾel־hamelekhe hineh veney־hamelekhe baʾu kidevar ʿavedekha ken hayah׃

³⁶ וַיְהִ֣י ׀ כְּכַלֹּתֹ֣ו לְדַבֵּ֗ר וְהִנֵּ֤ה בְנֵֽי־הַמֶּ֙לֶךְ֙ בָּ֔אוּ וַיִּשְׂא֥וּ קֹולָ֖ם וַיִּבְכּ֑וּ וְגַם־הַמֶּ֙לֶךְ֙ וְכָל־עֲבָדָ֔יו בָּכ֕וּ בְּכִ֖י גָּדֹ֥ול מְאֹֽד׃ wayehiy ׀ kekhalotow ledaber wehineh veney־hamelekhe baʾu wayiseʾu qowlam wayiveku wegam־hamelekhe wekhal־ʿavadayw bakhu bekhiy gadowl meʾod׃

³⁷ וְאַבְשָׁלֹ֣ום בָּרַ֔ח וַיֵּ֛לֶךְ אֶל־תַּלְמַ֥י בֶּן־ [עַמִּיחוּר כ] (עַמִּיה֖וּד ק) מֶ֣לֶךְ גְּשׁ֑וּר וַיִּתְאַבֵּ֥ל עַל־בְּנֹ֖ו כָּל־הַיָּמִֽים׃ weʾaveshalowm baraḥ wayelekhe ʾel־talemay ben־ [ʿamiyḥur kh] (ʿamiyhud q) melekhe geshur wayiteʾabel ʿal־benow kal־hayamiym׃

³⁸ וְאַבְשָׁלֹ֥ום בָּרַ֖ח וַיֵּ֣לֶךְ גְּשׁ֑וּר וַיְהִי־שָׁ֖ם שָׁלֹ֥שׁ שָׁנִֽים׃ weʾaveshalowm baraḥ wayelekhe geshur wayehiy־sham shalosh shaniym׃

³⁹ וַתְּכַל֙ דָּוִ֣ד הַמֶּ֔לֶךְ לָצֵ֖את אֶל־אַבְשָׁלֹ֑ום כִּֽי־נִחַ֥ם עַל־אַמְנֹ֖ון כִּֽי־מֵֽת׃ ס watekhal dawid hamelekhe latseʾt ʾel־ʾaveshalowm kiy־niḥam ʿal־ʾamenown kiy־met׃ s