1 Rois 6

¹ וַיְהִ֣י בִשְׁמֹונִ֣ים שָׁנָ֣ה וְאַרְבַּ֣ע מֵאֹ֣ות שָׁנָ֡ה לְצֵ֣את בְּנֵֽי־יִשְׂרָאֵ֣ל מֵאֶֽרֶץ־מִצְרַיִם֩ בַּשָּׁנָ֨ה הָרְבִיעִ֜ית בְּחֹ֣דֶשׁ זִ֗ו ה֚וּא הַחֹ֣דֶשׁ הַשֵּׁנִ֔י לִמְלֹ֥ךְ שְׁלֹמֹ֖ה עַל־יִשְׂרָאֵ֑ל וַיִּ֥בֶן הַבַּ֖יִת לַיהוָֽה׃ wayehiy vishemowniym shanah weʾarebaʿ meʾowt shanah letseʾt beney־yiseraʾel meʾerets־mitserayim bashanah hareviyʿiyt beḥodesh ziw huʾ haḥodesh hasheniy limelokhe shelomoh ʿal־yiseraʾel wayiven habayit layhwah׃

² וְהַבַּ֗יִת אֲשֶׁ֨ר בָּנָ֜ה הַמֶּ֤לֶךְ שְׁלֹמֹה֙ לַֽיהוָ֔ה שִׁשִּֽׁים־אַמָּ֥ה אָרְכֹּ֖ו וְעֶשְׂרִ֤ים רָחְבֹּ֑ו וּשְׁלֹשִׁ֥ים אַמָּ֖ה קֹומָתֹֽו׃ wehabayit ʾasher banah hamelekhe shelomoh layhwah shishiym־ʾamah ʾarekow weʿeseriym raḥebow usheloshiym ʾamah qowmatow׃

³ וְהָאוּלָ֗ם עַל־פְּנֵי֙ הֵיכַ֣ל הַבַּ֔יִת עֶשְׂרִ֣ים אַמָּה֙ אָרְכֹּ֔ו עַל־פְּנֵ֖י רֹ֣חַב הַבָּ֑יִת עֶ֧שֶׂר בָּאַמָּ֛ה רָחְבֹּ֖ו עַל־פְּנֵ֥י הַבָּֽיִת׃ wehaʾulam ʿal־peney heykhal habayit ʿeseriym ʾamah ʾarekow ʿal־peney roḥav habayit ʿeser baʾamah raḥebow ʿal־peney habayit׃

⁴ וַיַּ֣עַשׂ לַבָּ֔יִת חַלֹּונֵ֖י שְׁקֻפִ֥ים אֲטֻמִֽים׃ wayaʿas labayit ḥalowney shequfiym ʾaṭumiym׃

⁵ וַיִּבֶן֩ עַל־קִ֨יר הַבַּ֤יִת [יָצֹועַ כ] (יָצִ֙יעַ֙ ק) סָבִ֔יב אֶת־קִירֹ֤ות הַבַּ֙יִת֙ סָבִ֔יב לַֽהֵיכָ֖ל וְלַדְּבִ֑יר וַיַּ֥עַשׂ צְלָעֹ֖ות סָבִֽיב׃ wayiven ʿal־qiyr habayit [yatsowʿa kh] (yatsiyʿa q) saviyv ʾet־qiyrowt habayit saviyv laheykhal weladeviyr wayaʿas tselaʿowt saviyv׃

⁶ [הַיָּצֹועַ כ] (הַיָּצִ֨יעַ ק) הַתַּחְתֹּנָ֜ה חָמֵ֧שׁ בָּאַמָּ֣ה רָחְבָּ֗הּ וְהַתִּֽיכֹנָה֙ שֵׁ֤שׁ בָּֽאַמָּה֙ רָחְבָּ֔הּ וְהַ֨שְּׁלִישִׁ֔ית שֶׁ֥בַע בָּאַמָּ֖ה רָחְבָּ֑הּ כִּ֡י מִגְרָעֹות֩ נָתַ֨ן לַבַּ֤יִת סָבִיב֙ ח֔וּצָה לְבִלְתִּ֖י אֲחֹ֥ז בְּקִֽירֹות־הַבָּֽיִת׃ [hayatsowʿa kh] (hayatsiyʿa q) hataḥetonah ḥamesh baʾamah raḥebah wehatiykhonah shesh baʾamah raḥebah wehasheliyshiyt shevaʿ baʾamah raḥebah kiy migeraʿowt natan labayit saviyv ḥutsah leviletiy ʾaḥoz beqiyrowt־habayit׃

⁷ וְהַבַּ֙יִת֙ בְּהִבָּ֣נֹתֹ֔ו אֶֽבֶן־שְׁלֵמָ֥ה מַסָּ֖ע נִבְנָ֑ה וּמַקָּבֹ֤ות וְהַגַּרְזֶן֙ כָּל־כְּלִ֣י בַרְזֶ֔ל לֹֽא־נִשְׁמַ֥ע בַּבַּ֖יִת בְּהִבָּנֹתֹֽו׃ wehabayit behibanotow ʾeven־shelemah masaʿ nivenah umaqavowt wehagarezen kal־keliy varezel loʾ־nishemaʿ babayit behibanotow׃

⁸ פֶּ֗תַח הַצֵּלָע֙ הַתִּ֣יכֹנָ֔ה אֶל־כֶּ֥תֶף הַבַּ֖יִת הַיְמָנִ֑ית וּבְלוּלִּ֗ים יַֽעֲלוּ֙ עַל־הַתִּ֣יכֹנָ֔ה וּמִן־הַתִּֽיכֹנָ֖ה אֶל־הַשְּׁלִשִֽׁים׃ petaḥ hatselaʿ hatiykhonah ʾel־ketef habayit hayemaniyt uveluliym yaʿalu ʿal־hatiykhonah umin־hatiykhonah ʾel־hashelishiym׃

⁹ וַיִּ֥בֶן אֶת־הַבַּ֖יִת וַיְכַלֵּ֑הוּ וַיִּסְפֹּ֤ן אֶת־הַבַּ֙יִת֙ גֵּבִ֔ים וּשְׂדֵרֹ֖ת בָּאֲרָזִֽים׃ wayiven ʾet־habayit wayekhalehu wayisepon ʾet־habayit geviym usederot baʾaraziym׃

¹⁰ וַיִּ֤בֶן אֶת־ [הַיָּצֹועַ כ] (הַיָּצִ֙יעַ֙ ק) עַל־כָּל־הַבַּ֔יִת חָמֵ֥שׁ אַמֹּ֖ות קֹֽומָתֹ֑ו וַיֶּאֱחֹ֥ז אֶת־הַבַּ֖יִת בַּעֲצֵ֥י אֲרָזִֽים׃ פ wayiven ʾet־ [hayatsowʿa kh] (hayatsiyʿa q) ʿal־kal־habayit ḥamesh ʾamowt qowmatow wayeʾeḥoz ʾet־habayit baʿatsey ʾaraziym׃ f

¹¹ וַֽיְהִי֙ דְּבַר־יְהוָ֔ה אֶל־שְׁלֹמֹ֖ה לֵאמֹֽר׃ wayehiy devar־yehwah ʾel־shelomoh leʾmor׃

¹² הַבַּ֨יִת הַזֶּ֜ה אֲשֶׁר־אַתָּ֣ה בֹנֶ֗ה אִם־תֵּלֵ֤ךְ בְּחֻקֹּתַי֙ וְאֶת־מִשְׁפָּטַ֣י תַּֽעֲשֶׂ֔ה וְשָׁמַרְתָּ֥ אֶת־כָּל־מִצְוֹתַ֖י לָלֶ֣כֶת בָּהֶ֑ם וַהֲקִמֹתִ֤י אֶת־דְּבָרִי֙ אִתָּ֔ךְ אֲשֶׁ֥ר דִּבַּ֖רְתִּי אֶל־דָּוִ֥ד אָבִֽיךָ׃ habayit hazeh ʾasher־ʾatah voneh ʾim־telekhe beḥuqotay weʾet־mishepaṭay taʿaseh weshamareta ʾet־kal־mitseotay lalekhet bahem wahaqimotiy ʾet־devariy ʾitakhe ʾasher dibaretiy ʾel־dawid ʾaviykha׃

¹³ וְשָׁ֣כַנְתִּ֔י בְּתֹ֖וךְ בְּנֵ֣י יִשְׂרָאֵ֑ל וְלֹ֥א אֶעֱזֹ֖ב אֶת־עַמִּ֥י יִשְׂרָאֵֽל׃ ס weshakhanetiy betowkhe beney yiseraʾel weloʾ ʾeʿezov ʾet־ʿamiy yiseraʾel׃ s

¹⁴ וַיִּ֧בֶן שְׁלֹמֹ֛ה אֶת־הַבַּ֖יִת וַיְכַלֵּֽהוּ׃ wayiven shelomoh ʾet־habayit wayekhalehu׃

¹⁵ וַיִּבֶן֩ אֶת־קִירֹ֨ות הַבַּ֤יִת מִבַּ֙יְתָה֙ בְּצַלְעֹ֣ות אֲרָזִ֔ים מִקַּרְקַ֤ע הַבַּ֙יִת֙ עַד־קִירֹ֣ות הַסִּפֻּ֔ן צִפָּ֥ה עֵ֖ץ מִבָּ֑יִת וַיְצַ֛ף אֶת־קַרְקַ֥ע הַבַּ֖יִת בְּצַלְעֹ֥ות בְּרֹושִֽׁים׃ wayiven ʾet־qiyrowt habayit mibayetah betsaleʿowt ʾaraziym miqareqaʿ habayit ʿad־qiyrowt hasipun tsipah ʿets mibayit wayetsaf ʾet־qareqaʿ habayit betsaleʿowt berowshiym׃

¹⁶ וַיִּבֶן֩ אֶת־עֶשְׂרִ֨ים אַמָּ֜ה [מִיַּרְכֹּותֵי כ] (מִֽיַּרְכְּתֵ֤י ק) הַבַּ֙יִת֙ בְּצַלְעֹ֣ות אֲרָזִ֔ים מִן־הַקַּרְקַ֖ע עַד־הַקִּירֹ֑ות וַיִּ֤בֶן לֹו֙ מִבַּ֣יִת לִדְבִ֔יר לְקֹ֖דֶשׁ הַקֳּדָשִֽׁים׃ wayiven ʾet־ʿeseriym ʾamah [miyarekowtey kh] (miyareketey q) habayit betsaleʿowt ʾaraziym min־haqareqaʿ ʿad־haqiyrowt wayiven low mibayit lideviyr leqodesh haqodashiym׃

¹⁷ וְאַרְבָּעִ֥ים בָּאַמָּ֖ה הָיָ֣ה הַבָּ֑יִת ה֖וּא הַהֵיכָ֥ל לִפְנָֽי׃ weʾarebaʿiym baʾamah hayah habayit huʾ haheykhal lifenay׃

¹⁸ וְאֶ֤רֶז אֶל־הַבַּ֙יִת֙ פְּנִ֔ימָה מִקְלַ֣עַת פְּקָעִ֔ים וּפְטוּרֵ֖י צִצִּ֑ים הַכֹּ֣ל אֶ֔רֶז אֵ֥ין אֶ֖בֶן נִרְאָֽה׃ weʾerez ʾel־habayit peniymah miqelaʿat peqaʿiym ufeṭurey tsitsiym hakol ʾerez ʾeyn ʾeven nireʾah׃

¹⁹ וּדְבִ֧יר בְּתֹוךְ־הַבַּ֛יִת מִפְּנִ֖ימָה הֵכִ֑ין לְתִתֵּ֣ן שָׁ֔ם אֶת־אֲרֹ֖ון בְּרִ֥ית יְהוָֽה׃ udeviyr betowkhe־habayit mipeniymah hekhiyn letiten sham ʾet־ʾarown beriyt yehwah׃

²⁰ וְלִפְנֵ֣י הַדְּבִ֡יר עֶשְׂרִים֩ אַמָּ֨ה אֹ֜רֶךְ וְעֶשְׂרִ֧ים אַמָּ֣ה רֹ֗חַב וְעֶשְׂרִ֤ים אַמָּה֙ קֹֽומָתֹ֔ו וַיְצַפֵּ֖הוּ זָהָ֣ב סָג֑וּר וַיְצַ֥ף מִזְבֵּ֖חַ אָֽרֶז׃ welifeney hadeviyr ʿeseriym ʾamah ʾorekhe weʿeseriym ʾamah roḥav weʿeseriym ʾamah qowmatow wayetsapehu zahav sagur wayetsaf mizebeaḥ ʾarez׃

²¹ וַיְצַ֨ף שְׁלֹמֹ֧ה אֶת־הַבַּ֛יִת מִפְּנִ֖ימָה זָהָ֣ב סָג֑וּר וַיְעַבֵּ֞ר [בְּרַתִּיקֹות כ] (בְּרַתּוּקֹ֤ות ק) זָהָב֙ לִפְנֵ֣י הַדְּבִ֔יר וַיְצַפֵּ֖הוּ זָהָֽב׃ wayetsaf shelomoh ʾet־habayit mipeniymah zahav sagur wayeʿaber [beratiyqowt kh] (beratuqowt q) zahav lifeney hadeviyr wayetsapehu zahav׃

²² וְאֶת־כָּל־הַבַּ֛יִת צִפָּ֥ה זָהָ֖ב עַד־תֹּ֣ם כָּל־הַבָּ֑יִת וְכָל־הַמִּזְבֵּ֥חַ אֲ‍ֽשֶׁר־לַדְּבִ֖יר צִפָּ֥ה זָהָֽב׃ weʾet־kal־habayit tsipah zahav ʿad־tom kal־habayit wekhal־hamizebeaḥ א‍sher־ladeviyr tsipah zahav׃

²³ וַיַּ֣עַשׂ בַּדְּבִ֔יר שְׁנֵ֥י כְרוּבִ֖ים עֲצֵי־שָׁ֑מֶן עֶ֥שֶׂר אַמֹּ֖ות קֹומָתֹֽו׃ wayaʿas badeviyr sheney kheruviym ʿatsey־shamen ʿeser ʾamowt qowmatow׃

²⁴ וְחָמֵ֣שׁ אַמֹּ֗ות כְּנַ֤ף הַכְּרוּב֙ הָֽאֶחָ֔ת וְחָמֵ֣שׁ אַמֹּ֔ות כְּנַ֥ף הַכְּר֖וּב הַשֵּׁנִ֑ית עֶ֣שֶׂר אַמֹּ֔ות מִקְצֹ֥ות כְּנָפָ֖יו וְעַד־קְצֹ֥ות כְּנָפָֽיו׃ weḥamesh ʾamowt kenaf hakeruv haʾeḥat weḥamesh ʾamowt kenaf hakeruv hasheniyt ʿeser ʾamowt miqetsowt kenafayw weʿad־qetsowt kenafayw׃

²⁵ וְעֶ֙שֶׂר֙ בָּֽאַמָּ֔ה הַכְּר֖וּב הַשֵּׁנִ֑י מִדָּ֥ה אַחַ֛ת וְקֶ֥צֶב אֶחָ֖ד לִשְׁנֵ֥י הַכְּרֻבִֽים׃ weʿeser baʾamah hakeruv hasheniy midah ʾaḥat weqetsev ʾeḥad lisheney hakeruviym׃

²⁶ קֹומַת֙ הַכְּר֣וּב הָֽאֶחָ֔ד עֶ֖שֶׂר בָּֽאַמָּ֑ה וְכֵ֖ן הַכְּר֥וּב הַשֵּׁנִֽי׃ qowmat hakeruv haʾeḥad ʿeser baʾamah wekhen hakeruv hasheniy׃

²⁷ וַיִּתֵּ֨ן אֶת־הַכְּרוּבִ֜ים בְּתֹ֣וךְ ׀ הַבַּ֣יִת הַפְּנִימִ֗י וַֽיִּפְרְשׂוּ֮ אֶת־כַּנְפֵ֣י הַכְּרֻבִים֒ וַתִּגַּ֤ע כְּנַף־הָֽאֶחָד֙ בַּקִּ֔יר וּכְנַף֙ הַכְּר֣וּב הַשֵּׁנִ֔י נֹגַ֖עַת בַּקִּ֣יר הַשֵּׁנִ֑י וְכַנְפֵיהֶם֙ אֶל־תֹּ֣וךְ הַבַּ֔יִת נֹגְעֹ֖ת כָּנָ֥ף אֶל־כָּנָֽף׃ wayiten ʾet־hakeruviym betowkhe ׀ habayit hapeniymiy wayiferesu ʾet־kanefey hakeruviym watigaʿ kenaf־haʾeḥad baqiyr ukhenaf hakeruv hasheniy nogaʿat baqiyr hasheniy wekhanefeyhem ʾel־towkhe habayit nogeʿot kanaf ʾel־kanaf׃

²⁸ וַיְצַ֥ף אֶת־הַכְּרוּבִ֖ים זָהָֽב׃ wayetsaf ʾet־hakeruviym zahav׃

²⁹ וְאֵת֩ כָּל־קִירֹ֨ות הַבַּ֜יִת מֵסַ֣ב ׀ קָלַ֗ע פִּתּוּחֵי֙ מִקְלְעֹות֙ כְּרוּבִ֣ים וְתִֽמֹרֹ֔ת וּפְטוּרֵ֖י צִצִּ֑ים מִלִּפְנִ֖ים וְלַחִיצֹֽון׃ weʾet kal־qiyrowt habayit mesav ׀ qalaʿ pituḥey miqeleʿowt keruviym wetimorot ufeṭurey tsitsiym milifeniym welaḥiytsown׃

³⁰ וְאֶת־קַרְקַ֥ע הַבַּ֖יִת צִפָּ֣ה זָהָ֑ב לִפְנִ֖ימָה וְלַחִיצֹֽון׃ weʾet־qareqaʿ habayit tsipah zahav lifeniymah welaḥiytsown׃

³¹ וְאֵת֙ פֶּ֣תַח הַדְּבִ֔יר עָשָׂ֖ה דַּלְתֹ֣ות עֲצֵי־שָׁ֑מֶן הָאַ֥יִל מְזוּזֹ֖ות חֲמִשִֽׁית׃ weʾet petaḥ hadeviyr ʿasah daletowt ʿatsey־shamen haʾayil mezuzowt ḥamishiyt׃

³² וּשְׁתֵּי֮ דַּלְתֹ֣ות עֲצֵי־שֶׁמֶן֒ וְקָלַ֣ע עֲ֠לֵיהֶם מִקְלְעֹ֨ות כְּרוּבִ֧ים וְתִמֹרֹ֛ות וּפְטוּרֵ֥י צִצִּ֖ים וְצִפָּ֣ה זָהָ֑ב וַיָּ֛רֶד עַל־הַכְּרוּבִ֥ים וְעַל־הַתִּֽמֹרֹ֖ות אֶת־הַזָּהָֽב׃ ushetey daletowt ʿatsey־shemen weqalaʿ ʿaleyhem miqeleʿowt keruviym wetimorowt ufeṭurey tsitsiym wetsipah zahav wayared ʿal־hakeruviym weʿal־hatimorowt ʾet־hazahav׃

³³ וְכֵ֥ן עָשָׂ֛ה לְפֶ֥תַח הַֽהֵיכָ֖ל מְזוּזֹ֣ות עֲצֵי־שָׁ֑מֶן מֵאֵ֖ת רְבִעִֽית׃ wekhen ʿasah lefetaḥ haheykhal mezuzowt ʿatsey־shamen meʾet reviʿiyt׃

³⁴ וּשְׁתֵּ֥י דַלְתֹ֖ות עֲצֵ֣י בְרֹושִׁ֑ים שְׁנֵ֨י צְלָעִ֜ים הַדֶּ֤לֶת הָֽאַחַת֙ גְּלִילִ֔ים וּשְׁנֵ֧י קְלָעִ֛ים הַדֶּ֥לֶת הַשֵּׁנִ֖ית גְּלִילִֽים׃ ushetey daletowt ʿatsey verowshiym sheney tselaʿiym hadelet haʾaḥat geliyliym usheney qelaʿiym hadelet hasheniyt geliyliym׃

³⁵ וְקָלַ֤ע כְּרוּבִים֙ וְתִ֣מֹרֹ֔ות וּפְטֻרֵ֖י צִצִּ֑ים וְצִפָּ֣ה זָהָ֔ב מְיֻשָּׁ֖ר עַל־הַמְּחֻקֶּֽה׃ weqalaʿ keruviym wetimorowt ufeṭurey tsitsiym wetsipah zahav meyushar ʿal־hameḥuqeh׃

³⁶ וַיִּ֙בֶן֙ אֶת־הֶחָצֵ֣ר הַפְּנִימִ֔ית שְׁלֹשָׁ֖ה טוּרֵ֣י גָזִ֑ית וְט֖וּר כְּרֻתֹ֥ת אֲרָזִֽים׃ wayiven ʾet־heḥatser hapeniymiyt sheloshah ṭurey gaziyt weṭur kerutot ʾaraziym׃

³⁷ בַּשָּׁנָה֙ הָֽרְבִיעִ֔ית יֻסַּ֖ד בֵּ֣ית יְהוָ֑ה בְּיֶ֖רַח זִֽו׃ bashanah hareviyʿiyt yusad beyt yehwah beyeraḥ ziw׃

³⁸ וּבַשָּׁנָה֩ הָאַחַ֨ת עֶשְׂרֵ֜ה בְּיֶ֣רַח בּ֗וּל ה֚וּא הַחֹ֣דֶשׁ הַשְּׁמִינִ֔י כָּלָ֣ה הַבַּ֔יִת לְכָל־דְּבָרָ֖יו וּלְכָל־ [מִשְׁפָּטֹו כ] (מִשְׁפָּטָ֑יו ק) וַיִּבְנֵ֖הוּ שֶׁ֥בַע שָׁנִֽים׃ uvashanah haʾaḥat ʿesereh beyeraḥ bul huʾ haḥodesh hashemiyniy kalah habayit lekhal־devarayw ulekhal־ [mishepaṭow kh] (mishepaṭayw q) wayivenehu shevaʿ shaniym׃