1 בָּ֣אתִי לְגַנִּי֮ אֲחֹתִ֣י כַלָּה֒ אָרִ֤יתִי מֹורִי֙ עִם־בְּשָׂמִ֔י אָכַ֤לְתִּי יַעְרִי֙ עִם־דִּבְשִׁ֔י שָׁתִ֥יתִי יֵינִ֖י עִם־חֲלָבִ֑י אִכְל֣וּ רֵעִ֔ים שְׁת֥וּ וְשִׁכְר֖וּ דֹּודִֽים׃ ס baʾtiy leganiy ʾaḥotiy khalah ʾariytiy mowriy ʿim־besamiy ʾakhaletiy yaʿeriy ʿim־diveshiy shatiytiy yeyniy ʿim־ḥalaviy ʾikhelu reʿiym shetu weshikheru dowdiym׃ s
2 אֲנִ֥י יְשֵׁנָ֖ה וְלִבִּ֣י עֵ֑ר קֹ֣ול ׀ דֹּודִ֣י דֹופֵ֗ק פִּתְחִי־לִ֞י אֲחֹתִ֤י רַעְיָתִי֙ יֹונָתִ֣י תַמָּתִ֔י שֶׁרֹּאשִׁי֙ נִמְלָא־טָ֔ל קְוֻּצֹּותַ֖י רְסִ֥יסֵי לָֽיְלָה׃ ʾaniy yeshenah welibiy ʿer qowl ׀ dowdiy dowfeq piteḥiy־liy ʾaḥotiy raʿeyatiy yownatiy tamatiy sheroʾshiy nimelaʾ־ṭal qeuutsowtay resiysey layelah׃
3 פָּשַׁ֙טְתִּי֙ אֶת־כֻּתָּנְתִּ֔י אֵיכָ֖כָה אֶלְבָּשֶׁ֑נָּה רָחַ֥צְתִּי אֶת־רַגְלַ֖י אֵיכָ֥כָה אֲטַנְּפֵֽם׃ pashaṭetiy ʾet־kutanetiy ʾeykhakhah ʾelebashenah raḥatsetiy ʾet־ragelay ʾeykhakhah ʾaṭanefem׃
4 דֹּודִ֗י שָׁלַ֤ח יָדֹו֙ מִן־הַחֹ֔ר וּמֵעַ֖י הָמ֥וּ עָלָֽיו׃ dowdiy shalaḥ yadow min־haḥor umeʿay hamu ʿalayw׃
5 קַ֥מְתִּֽי אֲנִ֖י לִפְתֹּ֣חַ לְדֹודִ֑י וְיָדַ֣י נָֽטְפוּ־מֹ֗ור וְאֶצְבְּעֹתַי֙ מֹ֣ור עֹבֵ֔ר עַ֖ל כַּפֹּ֥ות הַמַּנְעֽוּל׃ qametiy ʾaniy lifetoaḥ ledowdiy weyaday naṭefu־mowr weʾetsebeʿotay mowr ʿover ʿal kapowt hamaneʿul׃
6 פָּתַ֤חְתִּֽי אֲנִי֙ לְדֹודִ֔י וְדֹודִ֖י חָמַ֣ק עָבָ֑ר נַפְשִׁי֙ יָֽצְאָ֣ה בְדַבְּרֹ֔ו בִּקַּשְׁתִּ֙יהוּ֙ וְלֹ֣א מְצָאתִ֔יהוּ קְרָאתִ֖יו וְלֹ֥א עָנָֽנִי׃ pataḥetiy ʾaniy ledowdiy wedowdiy ḥamaq ʿavar nafeshiy yatseʾah vedaberow biqashetiyhu weloʾ metsaʾtiyhu qeraʾtiyw weloʾ ʿananiy׃
7 מְצָאֻ֧נִי הַשֹּׁמְרִ֛ים הַסֹּבְבִ֥ים בָּעִ֖יר הִכּ֣וּנִי פְצָע֑וּנִי נָשְׂא֤וּ אֶת־רְדִידִי֙ מֵֽעָלַ֔י שֹׁמְרֵ֖י הַחֹמֹֽות׃ metsaʾuniy hashomeriym hasoveviym baʿiyr hikuniy fetsaʿuniy naseʾu ʾet־rediydiy meʿalay shomerey haḥomowt׃
8 הִשְׁבַּ֥עְתִּי אֶתְכֶ֖ם בְּנֹ֣ות יְרוּשָׁלִָ֑ם אִֽם־תִּמְצְאוּ֙ אֶת־דֹּודִ֔י מַה־תַּגִּ֣ידוּ לֹ֔ו שֶׁחֹולַ֥ת אַהֲבָ֖ה אָֽנִי׃ hishebaʿetiy ʾetekhem benowt yerushalim ʾim־timetseʾu ʾet־dowdiy mah־tagiydu low sheḥowlat ʾahavah ʾaniy׃
9 מַה־דֹּודֵ֣ךְ מִדֹּ֔וד הַיָּפָ֖ה בַּנָּשִׁ֑ים מַה־דֹּודֵ֣ךְ מִדֹּ֔וד שֶׁכָּ֖כָה הִשְׁבַּעְתָּֽנוּ׃ mah־dowdekhe midowd hayafah banashiym mah־dowdekhe midowd shekakhah hishebaʿetanu׃
10 דֹּודִ֥י צַח֙ וְאָדֹ֔ום דָּג֖וּל מֵרְבָבָֽה׃ dowdiy tsaḥ weʾadowm dagul merevavah׃
11 רֹאשֹׁ֖ו כֶּ֣תֶם פָּ֑ז קְוּצֹּותָיו֙ תַּלְתַּלִּ֔ים שְׁחֹרֹ֖ות כָּעֹורֵֽב׃ roʾshow ketem paz qeutsowtayw taletaliym sheḥorowt kaʿowrev׃
12 עֵינָ֕יו כְּיֹונִ֖ים עַל־אֲפִ֣יקֵי מָ֑יִם רֹֽחֲצֹות֙ בֶּֽחָלָ֔ב יֹשְׁבֹ֖ות עַל־מִלֵּֽאת׃ ʿeynayw keyowniym ʿal־ʾafiyqey mayim roḥatsowt beḥalav yoshevowt ʿal־mileʾt׃
13 לְחָיָו֙ כַּעֲרוּגַ֣ת הַבֹּ֔שֶׂם מִגְדְּלֹ֖ות מֶרְקָחִ֑ים שִׂפְתֹותָיו֙ שֹֽׁושַׁנִּ֔ים נֹטְפֹ֖ות מֹ֥ור עֹבֵֽר׃ leḥayaw kaʿarugat habosem migedelowt mereqaḥiym sifetowtayw showshaniym noṭefowt mowr ʿover׃
14 יָדָיו֙ גְּלִילֵ֣י זָהָ֔ב מְמֻלָּאִ֖ים בַּתַּרְשִׁ֑ישׁ מֵעָיו֙ עֶ֣שֶׁת שֵׁ֔ן מְעֻלֶּ֖פֶת סַפִּירִֽים׃ yadayw geliyley zahav memulaʾiym batareshiysh meʿayw ʿeshet shen meʿulefet sapiyriym׃
15 שֹׁוקָיו֙ עַמּ֣וּדֵי שֵׁ֔שׁ מְיֻסָּדִ֖ים עַל־אַדְנֵי־פָ֑ז מַרְאֵ֙הוּ֙ כַּלְּבָנֹ֔ון בָּח֖וּר כָּאֲרָזִֽים׃ showqayw ʿamudey shesh meyusadiym ʿal־ʾadeney־faz mareʾehu kalevanown baḥur kaʾaraziym׃
16 חִכֹּו֙ מַֽמְתַקִּ֔ים וְכֻלֹּ֖ו מַחֲמַדִּ֑ים זֶ֤ה דֹודִי֙ וְזֶ֣ה רֵעִ֔י בְּנֹ֖ות יְרוּשָׁלִָֽם׃ ḥikow mametaqiym wekhulow maḥamadiym zeh dowdiy wezeh reʿiy benowt yerushalim׃