Psaumes 40

¹ לַ֝מְנַצֵּ֗חַ לְדָוִ֥ד מִזְמֹֽור׃ lamenatseaḥ ledawid mizemowr׃

² קַוֹּ֣ה קִוִּ֣יתִי יְהוָ֑ה וַיֵּ֥ט אֵ֝לַ֗י וַיִּשְׁמַ֥ע שַׁוְעָתִֽי׃ qaoh qiuiytiy yehwah wayeṭ ʾelay wayishemaʿ shaweʿatiy׃

³ וַיַּעֲלֵ֤נִי ׀ מִבֹּ֥ור שָׁאֹון֮ מִטִּ֪יט הַיָּ֫וֵ֥ן וַיָּ֖קֶם עַל־סֶ֥לַע רַגְלַ֗י כֹּונֵ֥ן אֲשֻׁרָֽי׃ wayaʿaleniy ׀ mibowr shaʾown miṭiyṭ hayawen wayaqem ʿal־selaʿ ragelay kownen ʾashuray׃

⁴ וַיִּתֵּ֬ן בְּפִ֨י ׀ שִׁ֥יר חָדָשׁ֮ תְּהִלָּ֪ה לֵֽאלֹ֫הֵ֥ינוּ יִרְא֣וּ רַבִּ֣ים וְיִירָ֑אוּ וְ֝יִבְטְח֗וּ בַּיהוָֽה׃ wayiten befiy ׀ shiyr ḥadash tehilah leʾloheynu yireʾu rabiym weyiyraʾu weyiveṭeḥu bayhwah׃

⁵ אַ֥שְֽׁרֵי הַגֶּ֗בֶר אֲשֶׁר־שָׂ֣ם יְ֭הֹוָה מִבְטַחֹ֑ו וְֽלֹא־פָנָ֥ה אֶל־רְ֝הָבִ֗ים וְשָׂטֵ֥י כָזָֽב׃ ʾasherey hagever ʾasher־sam yehowah miveṭaḥow weloʾ־fanah ʾel־rehaviym wesaṭey khazav׃

⁶ רַבֹּ֤ות עָשִׂ֨יתָ ׀ אַתָּ֤ה ׀ יְהוָ֣ה אֱלֹהַי֮ נִֽפְלְאֹתֶ֥יךָ וּמַחְשְׁבֹתֶ֗יךָ אֵ֫לֵ֥ינוּ אֵ֤ין ׀ עֲרֹ֬ךְ אֵלֶ֗יךָ אַגִּ֥ידָה וַאֲדַבֵּ֑רָה עָ֝צְמ֗וּ מִסַּפֵּֽר׃ rabowt ʿasiyta ׀ ʾatah ׀ yehwah ʾelohay nifeleʾoteykha umaḥeshevoteykha ʾeleynu ʾeyn ׀ ʿarokhe ʾeleykha ʾagiydah waʾadaberah ʿatsemu misaper׃

⁷ זֶ֤בַח וּמִנְחָ֨ה ׀ לֹֽא־חָפַ֗צְתָּ אָ֭זְנַיִם כָּרִ֣יתָ לִּ֑י עֹולָ֥ה וַ֝חֲטָאָ֗ה לֹ֣א שָׁאָֽלְתָּ׃ zevaḥ umineḥah ׀ loʾ־ḥafatseta ʾazenayim kariyta liy ʿowlah waḥaṭaʾah loʾ shaʾaleta׃

⁸ אָ֣ז אָ֭מַרְתִּי הִנֵּה־בָ֑אתִי בִּמְגִלַּת־סֵ֝֗פֶר כָּת֥וּב עָלָֽי׃ ʾaz ʾamaretiy hineh־vaʾtiy bimegilat־sefer katuv ʿalay׃

⁹ לַֽעֲשֹֽׂות־רְצֹונְךָ֣ אֱלֹהַ֣י חָפָ֑צְתִּי וְ֝תֹ֥ורָתְךָ֗ בְּתֹ֣וךְ מֵעָֽי׃ laʿasowt־retsownekha ʾelohay ḥafatsetiy wetowratekha betowkhe meʿay׃

¹⁰ בִּשַּׂ֤רְתִּי צֶ֨דֶק ׀ בְּקָ֘הָ֤ל רָ֗ב הִנֵּ֣ה פָתַי לֹ֣א אֶכְלָ֑א יְ֝הוָ֗ה אַתָּ֥ה יָדָֽעְתָּ׃ bisaretiy tsedeq ׀ beqahal rav hineh fatay loʾ ʾekhelaʾ yehwah ʾatah yadaʿeta׃

¹¹ צִדְקָתְךָ֬ לֹא־כִסִּ֨יתִי ׀ בְּתֹ֬וךְ לִבִּ֗י אֱמוּנָתְךָ֣ וּתְשׁוּעָתְךָ֣ אָמָ֑רְתִּי לֹא־כִחַ֥דְתִּי חַסְדְּךָ֥ וַ֝אֲמִתְּךָ֗ לְקָהָ֥ל רָֽב׃ tsideqatekha loʾ־khisiytiy ׀ betowkhe libiy ʾemunatekha uteshuʿatekha ʾamaretiy loʾ־khiḥadetiy ḥasedekha waʾamitekha leqahal rav׃

¹² אַתָּ֤ה יְהוָ֗ה לֹא־תִכְלָ֣א רַחֲמֶ֣יךָ מִמֶּ֑נִּי חַסְדְּךָ֥ וַ֝אֲמִתְּךָ֗ תָּמִ֥יד יִצְּרֽוּנִי׃ ʾatah yehwah loʾ־tikhelaʾ raḥameykha mimeniy ḥasedekha waʾamitekha tamiyd yitseruniy׃

¹³ כִּ֤י אָפְפ֥וּ־עָלַ֨י ׀ רָעֹ֡ות עַד־אֵ֬ין מִסְפָּ֗ר הִשִּׂיג֣וּנִי עֲ֭וֹנֹתַי וְלֹא־יָכֹ֣לְתִּי לִרְאֹ֑ות עָצְמ֥וּ מִשַּֽׂעֲרֹ֥ות רֹ֝אשִׁ֗י וְלִבִּ֥י עֲזָבָֽנִי׃ kiy ʾafefu־ʿalay ׀ raʿowt ʿad־ʾeyn misepar hisiyguniy ʿaonotay weloʾ־yakholetiy lireʾowt ʿatsemu misaʿarowt roʾshiy welibiy ʿazavaniy׃

¹⁴ רְצֵ֣ה יְ֭הוָה לְהַצִּילֵ֑נִי יְ֝הוָ֗ה לְעֶזְרָ֥תִי חֽוּשָׁה׃ retseh yehwah lehatsiyleniy yehwah leʿezeratiy ḥushah׃

¹⁵ יֵ֘בֹ֤שׁוּ וְיַחְפְּר֨וּ ׀ יַחַד֮ מְבַקְשֵׁ֥י נַפְשִׁ֗י לִסְפֹּ֫ותָ֥הּ יִסֹּ֣גוּ אָ֭חֹור וְיִכָּלְמ֑וּ חֲ֝פֵצֵ֗י רָעָתִֽי׃ yevoshu weyaḥeperu ׀ yaḥad mevaqeshey nafeshiy lisepowtah yisogu ʾaḥowr weyikalemu ḥafetsey raʿatiy׃

¹⁶ יָ֭שֹׁמּוּ עַל־עֵ֣קֶב בָּשְׁתָּ֑ם הָאֹמְרִ֥ים לִ֝֗י הֶאָ֥ח ׀ הֶאָֽח׃ yashomu ʿal־ʿeqev bashetam haʾomeriym liy heʾaḥ ׀ heʾaḥ׃

¹⁷ יָ֘שִׂ֤ישׂוּ וְיִשְׂמְח֨וּ ׀ בְּךָ֗ כָּֽל־מְבַ֫קְשֶׁ֥יךָ יֹאמְר֣וּ תָ֭מִיד יִגְדַּ֣ל יְהוָ֑ה אֹֽ֝הֲבֵ֗י תְּשׁוּעָתֶֽךָ׃ yasiysu weyisemeḥu ׀ bekha kal־mevaqesheykha yoʾmeru tamiyd yigedal yehwah ʾohavey teshuʿatekha׃

¹⁸ וַאֲנִ֤י ׀ עָנִ֣י וְאֶבְיֹון֮ אֲדֹנָ֪י יַחֲשָׁ֫ב לִ֥י עֶזְרָתִ֣י וּמְפַלְטִ֣י אַ֑תָּה אֱ֝לֹהַ֗י אַל־תְּאַחַֽר׃ waʾaniy ׀ ʿaniy weʾeveyown ʾadonay yaḥashav liy ʿezeratiy umefaleṭiy ʾatah ʾelohay ʾal־teʾaḥar׃