1 וַיֹּ֖אמֶר אֵלָ֑י בֶּן־אָדָם֙ עֲמֹ֣ד עַל־רַגְלֶ֔יךָ וַאֲדַבֵּ֖ר אֹתָֽךְ׃ wayoʾmer ʾelay ben־ʾadam ʿamod ʿal־rageleykha waʾadaber ʾotakhe׃
2 וַתָּ֧בֹא בִ֣י ר֗וּחַ כַּֽאֲשֶׁר֙ דִּבֶּ֣ר אֵלַ֔י וַתַּעֲמִדֵ֖נִי עַל־רַגְלָ֑י וָאֶשְׁמַ֕ע אֵ֖ת מִדַּבֵּ֥ר אֵלָֽי׃ פ watavoʾ viy ruaḥ kaʾasher diber ʾelay wataʿamideniy ʿal־ragelay waʾeshemaʿ ʾet midaber ʾelay׃ f
3 וַיֹּ֣אמֶר אֵלַ֗י בֶּן־אָדָם֙ שֹׁולֵ֨חַ אֲנִ֤י אֹֽותְךָ֙ אֶל־בְּנֵ֣י יִשְׂרָאֵ֔ל אֶל־גֹּויִ֥ם הַמֹּורְדִ֖ים אֲשֶׁ֣ר מָרְדוּ־בִ֑י הֵ֤מָּה וַאֲבֹותָם֙ פָּ֣שְׁעוּ בִ֔י עַד־עֶ֖צֶם הַיֹּ֥ום הַזֶּֽה׃ wayoʾmer ʾelay ben־ʾadam showleaḥ ʾaniy ʾowtekha ʾel־beney yiseraʾel ʾel־gowyim hamowrediym ʾasher maredu־viy hemah waʾavowtam pasheʿu viy ʿad־ʿetsem hayowm hazeh׃
4 וְהַבָּנִ֗ים קְשֵׁ֤י פָנִים֙ וְחִזְקֵי־לֵ֔ב אֲנִ֛י שֹׁולֵ֥חַ אֹותְךָ֖ אֲלֵיהֶ֑ם וְאָמַרְתָּ֣ אֲלֵיהֶ֔ם כֹּ֥ה אָמַ֖ר אֲדֹנָ֥י יְהֹוִֽה׃ wehabaniym qeshey faniym weḥizeqey־lev ʾaniy showleaḥ ʾowtekha ʾaleyhem weʾamareta ʾaleyhem koh ʾamar ʾadonay yehowih׃
5 וְהֵ֙מָּה֙ אִם־יִשְׁמְע֣וּ וְאִם־יֶחְדָּ֔לוּ כִּ֛י בֵּ֥ית מְרִ֖י הֵ֑מָּה וְיָ֣דְע֔וּ כִּ֥י נָבִ֖יא הָיָ֥ה בְתֹוכָֽם׃ פ wehemah ʾim־yishemeʿu weʾim־yeḥedalu kiy beyt meriy hemah weyadeʿu kiy naviyʾ hayah vetowkham׃ f
6 וְאַתָּ֣ה בֶן־אָ֠דָם אַל־תִּירָ֨א מֵהֶ֜ם וּמִדִּבְרֵיהֶ֣ם אַל־תִּירָ֗א כִּ֣י סָרָבִ֤ים וְסַלֹּונִים֙ אֹותָ֔ךְ וְאֶל־עַקְרַבִּ֖ים אַתָּ֣ה יֹושֵׁ֑ב מִדִּבְרֵיהֶ֤ם אַל־תִּירָא֙ וּמִפְּנֵיהֶ֣ם אַל־תֵּחָ֔ת כִּ֛י בֵּ֥ית מְרִ֖י הֵֽמָּה׃ weʾatah ven־ʾadam ʾal־tiyraʾ mehem umidivereyhem ʾal־tiyraʾ kiy saraviym wesalowniym ʾowtakhe weʾel־ʿaqerabiym ʾatah yowshev midivereyhem ʾal־tiyraʾ umipeneyhem ʾal־teḥat kiy beyt meriy hemah׃
7 וְדִבַּרְתָּ֤ אֶת־דְּבָרַי֙ אֲלֵיהֶ֔ם אִֽם־יִשְׁמְע֖וּ וְאִם־יֶחְדָּ֑לוּ כִּ֥י מְרִ֖י הֵֽמָּה׃ פ wedibareta ʾet־devaray ʾaleyhem ʾim־yishemeʿu weʾim־yeḥedalu kiy meriy hemah׃ f
8 וְאַתָּ֣ה בֶן־אָדָ֗ם שְׁמַע֙ אֵ֤ת אֲשֶׁר־אֲנִי֙ מְדַבֵּ֣ר אֵלֶ֔יךָ אַל־תְּהִי־מֶ֖רִי כְּבֵ֣ית הַמֶּ֑רִי פְּצֵ֣ה פִ֔יךָ וֶאֱכֹ֕ל אֵ֥ת אֲשֶׁר־אֲנִ֖י נֹתֵ֥ן אֵלֶֽיךָ׃ weʾatah ven־ʾadam shemaʿ ʾet ʾasher־ʾaniy medaber ʾeleykha ʾal־tehiy־meriy keveyt hameriy petseh fiykha weʾekhol ʾet ʾasher־ʾaniy noten ʾeleykha׃
9 וָאֶרְאֶ֕ה וְהִנֵּה־יָ֖ד שְׁלוּחָ֣ה אֵלָ֑י וְהִנֵּה־בֹ֖ו מְגִלַּת־סֵֽפֶר׃ waʾereʾeh wehineh־yad sheluḥah ʾelay wehineh־vow megilat־sefer׃
10 וַיִּפְרֹ֤שׂ אֹותָהּ֙ לְפָנַ֔י וְהִ֥יא כְתוּבָ֖ה פָּנִ֣ים וְאָחֹ֑ור וְכָת֣וּב אֵלֶ֔יהָ קִנִ֥ים וָהֶ֖גֶה וָהִֽי׃ ס wayiferos ʾowtah lefanay wehiyʾ khetuvah paniym weʾaḥowr wekhatuv ʾeleyha qiniym wahegeh wahiy׃ s