Ésaïe 54

¹ רָנִּ֥י עֲקָרָ֖ה לֹ֣א יָלָ֑דָה פִּצְחִ֨י רִנָּ֤ה וְצַהֲלִי֙ לֹא־חָ֔לָה כִּֽי־רַבִּ֧ים בְּֽנֵי־שֹׁומֵמָ֛ה מִבְּנֵ֥י בְעוּלָ֖ה אָמַ֥ר יְהוָֽה׃ raniy ʿaqarah loʾ yaladah pitseḥiy rinah wetsahaliy loʾ־ḥalah kiy־rabiym beney־showmemah mibeney veʿulah ʾamar yehwah׃

² הַרְחִ֣יבִי ׀ מְקֹ֣ום אָהֳלֵ֗ךְ וִירִיעֹ֧ות מִשְׁכְּנֹותַ֛יִךְ יַטּ֖וּ אַל־תַּחְשֹׂ֑כִי הַאֲרִ֙יכִי֙ מֵֽיתָרַ֔יִךְ וִיתֵדֹתַ֖יִךְ חַזֵּֽקִי׃ hareḥiyviy ׀ meqowm ʾaholekhe wiyriyʿowt mishekenowtayikhe yaṭu ʾal־taḥesokhiy haʾariykhiy meytarayikhe wiytedotayikhe ḥazeqiy׃

³ כִּי־יָמִ֥ין וּשְׂמֹ֖אול תִּפְרֹ֑צִי וְזַרְעֵךְ֙ גֹּויִ֣ם יִירָ֔שׁ וְעָרִ֥ים נְשַׁמֹּ֖ות יֹושִֽׁיבוּ׃ kiy־yamiyn usemoʾwl tiferotsiy wezareʿekhe gowyim yiyrash weʿariym neshamowt yowshiyvu׃

⁴ אַל־תִּֽירְאִי֙ כִּי־לֹ֣א תֵבֹ֔ושִׁי וְאַל־תִּכָּלְמִ֖י כִּ֣י לֹ֣א תַחְפִּ֑ירִי כִּ֣י בֹ֤שֶׁת עֲלוּמַ֙יִךְ֙ תִּשְׁכָּ֔חִי וְחֶרְפַּ֥ת אַלְמְנוּתַ֖יִךְ לֹ֥א תִזְכְּרִי־עֹֽוד׃ ʾal־tiyreʾiy kiy־loʾ tevowshiy weʾal־tikalemiy kiy loʾ taḥepiyriy kiy voshet ʿalumayikhe tishekaḥiy weḥerepat ʾalemenutayikhe loʾ tizekeriy־ʿowd׃

⁵ כִּ֤י בֹעֲלַ֙יִךְ֙ עֹשַׂ֔יִךְ יְהוָ֥ה צְבָאֹ֖ות שְׁמֹ֑ו וְגֹֽאֲלֵךְ֙ קְדֹ֣ושׁ יִשְׂרָאֵ֔ל אֱלֹהֵ֥י כָל־הָאָ֖רֶץ יִקָּרֵֽא׃ kiy voʿalayikhe ʿosayikhe yehwah tsevaʾowt shemow wegoʾalekhe qedowsh yiseraʾel ʾelohey khal־haʾarets yiqareʾ׃

⁶ כִּֽי־כְאִשָּׁ֧ה עֲזוּבָ֛ה וַעֲצ֥וּבַת ר֖וּחַ קְרָאָ֣ךְ יְהוָ֑ה וְאֵ֧שֶׁת נְעוּרִ֛ים כִּ֥י תִמָּאֵ֖ס אָמַ֥ר אֱלֹהָֽיִךְ׃ kiy־kheʾishah ʿazuvah waʿatsuvat ruaḥ qeraʾakhe yehwah weʾeshet neʿuriym kiy timaʾes ʾamar ʾelohayikhe׃

⁷ בְּרֶ֥גַע קָטֹ֖ן עֲזַבְתִּ֑יךְ וּבְרַחֲמִ֥ים גְּדֹלִ֖ים אֲקַבְּצֵֽךְ׃ beregaʿ qaṭon ʿazavetiykhe uveraḥamiym gedoliym ʾaqabetsekhe׃

⁸ בְּשֶׁ֣צֶף קֶ֗צֶף הִסְתַּ֨רְתִּי פָנַ֥י רֶ֙גַע֙ מִמֵּ֔ךְ וּבְחֶ֥סֶד עֹולָ֖ם רִֽחַמְתִּ֑יךְ אָמַ֥ר גֹּאֲלֵ֖ךְ יְהוָֽה׃ ס beshetsef qetsef hisetaretiy fanay regaʿ mimekhe uveḥesed ʿowlam riḥametiykhe ʾamar goʾalekhe yehwah׃ s

⁹ כִּי־מֵ֥י נֹ֙חַ֙ זֹ֣את לִ֔י אֲשֶׁ֣ר נִשְׁבַּ֗עְתִּי מֵעֲבֹ֥ר מֵי־נֹ֛חַ עֹ֖וד עַל־הָאָ֑רֶץ כֵּ֥ן נִשְׁבַּ֛עְתִּי מִקְּצֹ֥ף עָלַ֖יִךְ וּמִגְּעָר־בָּֽךְ׃ kiy־mey noaḥ zoʾt liy ʾasher nishebaʿetiy meʿavor mey־noaḥ ʿowd ʿal־haʾarets ken nishebaʿetiy miqetsof ʿalayikhe umigeʿar־bakhe׃

¹⁰ כִּ֤י הֶֽהָרִים֙ יָמ֔וּשׁוּ וְהַגְּבָעֹ֖ות תְּמוּטֶ֑נָה וְחַסְדִּ֞י מֵאִתֵּ֣ךְ לֹֽא־יָמ֗וּשׁ וּבְרִ֤ית שְׁלֹומִי֙ לֹ֣א תָמ֔וּט אָמַ֥ר מְרַחֲמֵ֖ךְ יְהוָֽה׃ ס kiy hehariym yamushu wehagevaʿowt temuṭenah weḥasediy meʾitekhe loʾ־yamush uveriyt shelowmiy loʾ tamuṭ ʾamar meraḥamekhe yehwah׃ s

¹¹ עֲנִיָּ֥ה סֹעֲרָ֖ה לֹ֣א נֻחָ֑מָה הִנֵּ֨ה אָנֹכִ֜י מַרְבִּ֤יץ בַּפּוּךְ֙ אֲבָנַ֔יִךְ וִיסַדְתִּ֖יךְ בַּסַּפִּירִֽים׃ ʿaniyah soʿarah loʾ nuḥamah hineh ʾanokhiy marebiyts bapukhe ʾavanayikhe wiysadetiykhe basapiyriym׃

¹² וְשַׂמְתִּ֤י כַּֽדְכֹד֙ שִׁמְשֹׁתַ֔יִךְ וּשְׁעָרַ֖יִךְ לְאַבְנֵ֣י אֶקְדָּ֑ח וְכָל־גְּבוּלֵ֖ךְ לְאַבְנֵי־חֵֽפֶץ׃ wesametiy kadekhod shimeshotayikhe usheʿarayikhe leʾaveney ʾeqedaḥ wekhal־gevulekhe leʾaveney־ḥefets׃

¹³ וְכָל־בָּנַ֖יִךְ לִמּוּדֵ֣י יְהוָ֑ה וְרַ֖ב שְׁלֹ֥ום בָּנָֽיִךְ׃ wekhal־banayikhe limudey yehwah werav shelowm banayikhe׃

¹⁴ בִּצְדָקָ֖ה תִּכֹּונָ֑נִי רַחֲקִ֤י מֵעֹ֙שֶׁק֙ כִּֽי־לֹ֣א תִירָ֔אִי וּמִ֨מְּחִתָּ֔ה כִּ֥י לֹֽא־תִקְרַ֖ב אֵלָֽיִךְ׃ bitsedaqah tikownaniy raḥaqiy meʿosheq kiy־loʾ tiyraʾiy umimeḥitah kiy loʾ־tiqerav ʾelayikhe׃

¹⁵ הֵ֣ן גֹּ֥ור יָג֛וּר אֶ֖פֶס מֵֽאֹותִ֑י מִי־גָ֥ר אִתָּ֖ךְ עָלַ֥יִךְ יִפֹּֽול׃ hen gowr yagur ʾefes meʾowtiy miy־gar ʾitakhe ʿalayikhe yipowl׃

¹⁶ [הֵן כ] (הִנֵּ֤ה ק) אָֽנֹכִי֙ בָּרָ֣אתִי חָרָ֔שׁ נֹפֵ֙חַ֙ בְּאֵ֣שׁ פֶּחָ֔ם וּמֹוצִ֥יא כְלִ֖י לְמַעֲשֵׂ֑הוּ וְאָנֹכִ֛י בָּרָ֥אתִי מַשְׁחִ֖ית לְחַבֵּֽל׃ [hen kh] (hineh q) ʾanokhiy baraʾtiy ḥarash nofeaḥ beʾesh peḥam umowtsiyʾ kheliy lemaʿasehu weʾanokhiy baraʾtiy masheḥiyt leḥabel׃

¹⁷ כָּל־כְּלִ֞י יוּצַ֤ר עָלַ֙יִךְ֙ לֹ֣א יִצְלָ֔ח וְכָל־לָשֹׁ֛ון תָּֽקוּם־אִתָּ֥ךְ לַמִּשְׁפָּ֖ט תַּרְשִׁ֑יעִי זֹ֡את נַחֲלַת֩ עַבְדֵ֨י יְהוָ֧ה וְצִדְקָתָ֛ם מֵאִתִּ֖י נְאֻם־יְהוָֽה׃ ס kal־keliy yutsar ʿalayikhe loʾ yitselaḥ wekhal־lashown taqum־ʾitakhe lamishepaṭ tareshiyʿiy zoʾt naḥalat ʿavedey yehwah wetsideqatam meʾitiy neʾum־yehwah׃ s