Joël 4

¹ כִּ֗י הִנֵּ֛ה בַּיָּמִ֥ים הָהֵ֖מָּה וּבָעֵ֣ת הַהִ֑יא אֲשֶׁ֥ר [אָשׁוּב כ] (אָשִׁ֛יב ק) אֶת־שְׁב֥וּת יְהוּדָ֖ה וִירוּשָׁלִָֽם׃ kiy hineh bayamiym hahemah uvaʿet hahiyʾ ʾasher [ʾashuv kh] (ʾashiyv q) ʾet־shevut yehudah wiyrushalim׃

² וְקִבַּצְתִּי֙ אֶת־כָּל־הַגֹּויִ֔ם וְהֹ֣ורַדְתִּ֔ים אֶל־עֵ֖מֶק יְהֹֽושָׁפָ֑ט וְנִשְׁפַּטְתִּ֨י עִמָּ֜ם שָׁ֗ם עַל־עַמִּ֨י וְנַחֲלָתִ֤י יִשְׂרָאֵל֙ אֲשֶׁ֣ר פִּזְּר֣וּ בַגֹּויִ֔ם וְאֶת־אַרְצִ֖י חִלֵּֽקוּ׃ weqibatsetiy ʾet־kal־hagowyim wehowradetiym ʾel־ʿemeq yehowshafaṭ wenishepaṭetiy ʿimam sham ʿal־ʿamiy wenaḥalatiy yiseraʾel ʾasher pizeru vagowyim weʾet־ʾaretsiy ḥilequ׃

³ וְאֶל־עַמִּ֖י יַדּ֣וּ גֹורָ֑ל וַיִּתְּנ֤וּ הַיֶּ֙לֶד֙ בַּזֹּונָ֔ה וְהַיַּלְדָּ֛ה מָכְר֥וּ בַיַּ֖יִן וַיִּשְׁתּֽוּ׃ weʾel־ʿamiy yadu gowral wayitenu hayeled bazownah wehayaledah makheru vayayin wayishetu׃

⁴ וְ֠גַם מָה־אַתֶּ֥ם לִי֙ צֹ֣ר וְצִידֹ֔ון וְכֹ֖ל גְּלִילֹ֣ות פְּלָ֑שֶׁת הַגְּמ֗וּל אַתֶּם֙ מְשַׁלְּמִ֣ים עָלָ֔י וְאִם־גֹּמְלִ֤ים אַתֶּם֙ עָלַ֔י קַ֣ל מְהֵרָ֔ה אָשִׁ֥יב גְּמֻלְכֶ֖ם בְּרֹאשְׁכֶֽם׃ wegam mah־ʾatem liy tsor wetsiydown wekhol geliylowt pelashet hagemul ʾatem meshalemiym ʿalay weʾim־gomeliym ʾatem ʿalay qal meherah ʾashiyv gemulekhem beroʾshekhem׃

⁵ אֲשֶׁר־כַּסְפִּ֥י וּזְהָבִ֖י לְקַחְתֶּ֑ם וּמַֽחֲמַדַּי֙ הַטֹּבִ֔ים הֲבֵאתֶ֖ם לְהֵיכְלֵיכֶֽם׃ ʾasher־kasepiy uzehaviy leqaḥetem umaḥamaday haṭoviym haveʾtem leheykheleykhem׃

⁶ וּבְנֵ֤י יְהוּדָה֙ וּבְנֵ֣י יְרוּשָׁלִַ֔ם מְכַרְתֶּ֖ם לִבְנֵ֣י הַיְּוָנִ֑ים לְמַ֥עַן הַרְחִיקָ֖ם מֵעַ֥ל גְּבוּלָֽם׃ uveney yehudah uveney yerushalim mekharetem liveney hayewaniym lemaʿan hareḥiyqam meʿal gevulam׃

⁷ הִנְנִ֣י מְעִירָ֔ם מִן־הַ֨מָּקֹ֔ום אֲשֶׁר־מְכַרְתֶּ֥ם אֹתָ֖ם שָׁ֑מָּה וַהֲשִׁבֹתִ֥י גְמֻלְכֶ֖ם בְּרֹאשְׁכֶֽם׃ hineniy meʿiyram min־hamaqowm ʾasher־mekharetem ʾotam shamah wahashivotiy gemulekhem beroʾshekhem׃

⁸ וּמָכַרְתִּ֞י אֶת־בְּנֵיכֶ֣ם וְאֶת־בְּנֹֽותֵיכֶ֗ם בְּיַד֙ בְּנֵ֣י יְהוּדָ֔ה וּמְכָר֥וּם לִשְׁבָאיִ֖ם אֶל־גֹּ֣וי רָחֹ֑וק כִּ֥י יְהוָ֖ה דִּבֵּֽר׃ ס umakharetiy ʾet־beneykhem weʾet־benowteykhem beyad beney yehudah umekharum lishevaʾyim ʾel־gowy raḥowq kiy yehwah diber׃ s

⁹ קִרְאוּ־זֹאת֙ בַּגֹּויִ֔ם קַדְּשׁ֖וּ מִלְחָמָ֑ה הָעִ֙ירוּ֙ הַגִּבֹּורִ֔ים יִגְּשׁ֣וּ יַֽעֲל֔וּ כֹּ֖ל אַנְשֵׁ֥י הַמִּלְחָמָֽה׃ qireʾu־zoʾt bagowyim qadeshu mileḥamah haʿiyru hagibowriym yigeshu yaʿalu kol ʾaneshey hamileḥamah׃

¹⁰ כֹּ֤תּוּ אִתֵּיכֶם֙ לַֽחֲרָבֹ֔ות וּמַזְמְרֹֽתֵיכֶ֖ם לִרְמָחִ֑ים הַֽחַלָּ֔שׁ יֹאמַ֖ר גִּבֹּ֥ור אָֽנִי׃ kotu ʾiteykhem laḥaravowt umazemeroteykhem liremaḥiym haḥalash yoʾmar gibowr ʾaniy׃

¹¹ ע֣וּשׁוּ וָבֹ֧אוּ כָֽל־הַגֹּויִ֛ם מִסָּבִ֖יב וְנִקְבָּ֑צוּ שָׁ֕מָּה הַֽנְחַ֥ת יְהוָ֖ה גִּבֹּורֶֽיךָ׃ ʿushu wavoʾu khal־hagowyim misaviyv weniqebatsu shamah haneḥat yehwah gibowreykha׃

¹² יֵעֹ֙ורוּ֙ וְיַעֲל֣וּ הַגֹּויִ֔ם אֶל־עֵ֖מֶק יְהֹֽושָׁפָ֑ט כִּ֣י שָׁ֗ם אֵשֵׁ֛ב לִשְׁפֹּ֥ט אֶת־כָּל־הַגֹּויִ֖ם מִסָּבִֽיב׃ yeʿowru weyaʿalu hagowyim ʾel־ʿemeq yehowshafaṭ kiy sham ʾeshev lishepoṭ ʾet־kal־hagowyim misaviyv׃

¹³ שִׁלְח֣וּ מַגָּ֔ל כִּ֥י בָשַׁ֖ל קָצִ֑יר בֹּ֤אֽוּ רְדוּ֙ כִּֽי־מָ֣לְאָה גַּ֔ת הֵשִׁ֙יקוּ֙ הַיְקָבִ֔ים כִּ֥י רַבָּ֖ה רָעָתָֽם׃ shileḥu magal kiy vashal qatsiyr boʾu redu kiy־maleʾah gat heshiyqu hayeqaviym kiy rabah raʿatam׃

¹⁴ הֲמֹונִ֣ים הֲמֹונִ֔ים בְּעֵ֖מֶק הֶֽחָר֑וּץ כִּ֤י קָרֹוב֙ יֹ֣ום יְהוָ֔ה בְּעֵ֖מֶק הֶחָרֽוּץ׃ hamowniym hamowniym beʿemeq heḥaruts kiy qarowv yowm yehwah beʿemeq heḥaruts׃

¹⁵ שֶׁ֥מֶשׁ וְיָרֵ֖חַ קָדָ֑רוּ וְכֹוכָבִ֖ים אָסְפ֥וּ נָגְהָֽם׃ shemesh weyareaḥ qadaru wekhowkhaviym ʾasefu nageham׃

¹⁶ וַיהוָ֞ה מִצִּיֹּ֣ון יִשְׁאָ֗ג וּמִירוּשָׁלִַ֙ם֙ יִתֵּ֣ן קֹולֹ֔ו וְרָעֲשׁ֖וּ שָׁמַ֣יִם וָאָ֑רֶץ וַֽיהוָה֙ מַֽחֲסֶ֣ה לְעַמֹּ֔ו וּמָעֹ֖וז לִבְנֵ֥י יִשְׂרָאֵֽל׃ wayhwah mitsiyown yisheʾag umiyrushalim yiten qowlow weraʿashu shamayim waʾarets wayhwah maḥaseh leʿamow umaʿowz liveney yiseraʾel׃

¹⁷ וִֽידַעְתֶּ֗ם כִּ֣י אֲנִ֤י יְהוָה֙ אֱלֹ֣הֵיכֶ֔ם שֹׁכֵ֖ן בְּצִיֹּ֣ון הַר־קָדְשִׁ֑י וְהָיְתָ֤ה יְרוּשָׁלִַ֙ם֙ קֹ֔דֶשׁ וְזָרִ֥ים לֹא־יַֽעַבְרוּ־בָ֖הּ עֹֽוד׃ ס wiydaʿetem kiy ʾaniy yehwah ʾeloheykhem shokhen betsiyown har־qadeshiy wehayetah yerushalim qodesh wezariym loʾ־yaʿaveru־vah ʿowd׃ s

¹⁸ וְהָיָה֩ בַיֹּ֨ום הַה֜וּא יִטְּפ֧וּ הֶהָרִ֣ים עָסִ֗יס וְהַגְּבָעֹות֙ תֵּלַ֣כְנָה חָלָ֔ב וְכָל־אֲפִיקֵ֥י יְהוּדָ֖ה יֵ֣לְכוּ מָ֑יִם וּמַעְיָ֗ן מִבֵּ֤ית יְהוָה֙ יֵצֵ֔א וְהִשְׁקָ֖ה אֶת־נַ֥חַל הַשִּׁטִּֽים׃ wehayah vayowm hahuʾ yiṭefu hehariym ʿasiys wehagevaʿowt telakhenah ḥalav wekhal־ʾafiyqey yehudah yelekhu mayim umaʿeyan mibeyt yehwah yetseʾ wehisheqah ʾet־naḥal hashiṭiym׃

¹⁹ מִצְרַ֙יִם֙ לִשְׁמָמָ֣ה תִֽהְיֶ֔ה וֶאֱדֹ֕ום לְמִדְבַּ֥ר שְׁמָמָ֖ה תִּֽהְיֶ֑ה מֵֽחֲמַס֙ בְּנֵ֣י יְהוּדָ֔ה אֲשֶׁר־שָׁפְכ֥וּ דָם־נָקִ֖יא בְּאַרְצָֽם׃ mitserayim lishemamah tiheyeh weʾedowm lemidebar shemamah tiheyeh meḥamas beney yehudah ʾasher־shafekhu dam־naqiyʾ beʾaretsam׃

²⁰ וִיהוּדָ֖ה לְעֹולָ֣ם תֵּשֵׁ֑ב וִירוּשָׁלִַ֖ם לְדֹ֥ור וָדֹֽור׃ wiyhudah leʿowlam teshev wiyrushalim ledowr wadowr׃

²¹ וְנִקֵּ֖יתִי דָּמָ֣ם לֹֽא־נִקֵּ֑יתִי וַֽיהוָ֖ה שֹׁכֵ֥ן בְּצִיֹּֽון׃ weniqeytiy damam loʾ־niqeytiy wayhwah shokhen betsiyown׃