1 הִֽתְקֹושְׁשׁ֖וּ וָקֹ֑ושּׁוּ הַגֹּ֖וי לֹ֥א נִכְסָֽף׃ hiteqowsheshu waqowshu hagowy loʾ nikhesaf׃
2 בְּטֶ֙רֶם֙ לֶ֣דֶת חֹ֔ק כְּמֹ֖ץ עָ֣בַר יֹ֑ום בְּטֶ֣רֶם ׀ לֹא־יָבֹ֣וא עֲלֵיכֶ֗ם חֲרֹון֙ אַף־יְהוָ֔ה בְּטֶ֙רֶם֙ לֹא־יָבֹ֣וא עֲלֵיכֶ֔ם יֹ֖ום אַף־יְהוָֽה׃ beṭerem ledet ḥoq kemots ʿavar yowm beṭerem ׀ loʾ־yavowʾ ʿaleykhem ḥarown ʾaf־yehwah beṭerem loʾ־yavowʾ ʿaleykhem yowm ʾaf־yehwah׃
3 בַּקְּשׁ֤וּ אֶת־יְהוָה֙ כָּל־עַנְוֵ֣י הָאָ֔רֶץ אֲשֶׁ֥ר מִשְׁפָּטֹ֖ו פָּעָ֑לוּ בַּקְּשׁוּ־צֶ֙דֶק֙ בַּקְּשׁ֣וּ עֲנָוָ֔ה אוּלַי֙ תִּסָּ֣תְר֔וּ בְּיֹ֖ום אַף־יְהוָֽה׃ baqeshu ʾet־yehwah kal־ʿanewey haʾarets ʾasher mishepaṭow paʿalu baqeshu־tsedeq baqeshu ʿanawah ʾulay tisateru beyowm ʾaf־yehwah׃
4 כִּ֤י עַזָּה֙ עֲזוּבָ֣ה תִֽהְיֶ֔ה וְאַשְׁקְלֹ֖ון לִשְׁמָמָ֑ה אַשְׁדֹּ֗וד בַּֽצָּהֳרַ֙יִם֙ יְגָ֣רְשׁ֔וּהָ וְעֶקְרֹ֖ון תֵּעָקֵֽר׃ ס kiy ʿazah ʿazuvah tiheyeh weʾasheqelown lishemamah ʾashedowd batsahorayim yegareshuah weʿeqerown teʿaqer׃ s
5 הֹ֗וי יֹֽשְׁבֵ֛י חֶ֥בֶל הַיָּ֖ם גֹּ֣וי כְּרֵתִ֑ים דְּבַר־יְהוָ֣ה עֲלֵיכֶ֗ם כְּנַ֙עַן֙ אֶ֣רֶץ פְּלִשְׁתִּ֔ים וְהַאֲבַדְתִּ֖יךְ מֵאֵ֥ין יֹושֵֽׁב׃ howy yoshevey ḥevel hayam gowy keretiym devar־yehwah ʿaleykhem kenaʿan ʾerets pelishetiym wehaʾavadetiykhe meʾeyn yowshev׃
6 וְֽהָיְתָ֞ה חֶ֣בֶל הַיָּ֗ם נְוֹ֛ת כְּרֹ֥ת רֹעִ֖ים וְגִדְרֹ֥ות צֹֽאן׃ wehayetah ḥevel hayam neot kerot roʿiym wegiderowt tsoʾn׃
7 וְהָ֣יָה חֶ֗בֶל לִשְׁאֵרִ֛ית בֵּ֥ית יְהוּדָ֖ה עֲלֵיהֶ֣ם יִרְע֑וּן בְּבָתֵּ֣י אַשְׁקְלֹ֗ון בָּעֶ֙רֶב֙ יִרְבָּצ֔וּן כִּ֧י יִפְקְדֵ֛ם יְהוָ֥ה אֱלֹהֵיהֶ֖ם וְשָׁ֥ב [שְׁבוּתָם כ] (שְׁבִיתָֽם׃ ק) wehayah ḥevel lisheʾeriyt beyt yehudah ʿaleyhem yireʿun bevatey ʾasheqelown baʿerev yirebatsun kiy yifeqedem yehwah ʾeloheyhem weshav [shevutam kh] (sheviytam׃ q)
8 שָׁמַ֙עְתִּי֙ חֶרְפַּ֣ת מֹואָ֔ב וְגִדּוּפֵ֖י בְּנֵ֣י עַמֹּ֑ון אֲשֶׁ֤ר חֵֽרְפוּ֙ אֶת־עַמִּ֔י וַיַּגְדִּ֖ילוּ עַל־גְּבוּלָֽם׃ shamaʿetiy ḥerepat mowʾav wegidufey beney ʿamown ʾasher ḥerefu ʾet־ʿamiy wayagediylu ʿal־gevulam׃
9 לָכֵ֣ן חַי־אָ֡נִי נְאֻם֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל כִּֽי־מֹואָ֞ב כִּסְדֹ֤ם תִּֽהְיֶה֙ וּבְנֵ֤י עַמֹּון֙ כַּֽעֲמֹרָ֔ה מִמְשַׁ֥ק חָר֛וּל וּמִכְרֵה־מֶ֥לַח וּשְׁמָמָ֖ה עַד־עֹולָ֑ם שְׁאֵרִ֤ית עַמִּי֙ יְבָזּ֔וּם וְיֶ֥תֶר [גֹּוי כ] (גֹּויִ֖י ק) יִנְחָלֽוּם׃ lakhen ḥay־ʾaniy neʾum yehwah tsevaʾowt ʾelohey yiseraʾel kiy־mowʾav kisedom tiheyeh uveney ʿamown kaʿamorah mimeshaq ḥarul umikhereh־melaḥ ushemamah ʿad־ʿowlam sheʾeriyt ʿamiy yevazum weyeter [gowy kh] (gowyiy q) yineḥalum׃
10 זֹ֥את לָהֶ֖ם תַּ֣חַת גְּאֹונָ֑ם כִּ֤י חֵֽרְפוּ֙ וַיַּגְדִּ֔לוּ עַל־עַ֖ם יְהוָ֥ה צְבָאֹֽות׃ zoʾt lahem taḥat geʾownam kiy ḥerefu wayagedilu ʿal־ʿam yehwah tsevaʾowt׃
11 נֹורָ֤א יְהוָה֙ עֲלֵיהֶ֔ם כִּ֣י רָזָ֔ה אֵ֖ת כָּל־אֱלֹהֵ֣י הָאָ֑רֶץ וְיִשְׁתַּֽחֲווּ־לֹו֙ אִ֣ישׁ מִמְּקֹומֹ֔ו כֹּ֖ל אִיֵּ֥י הַגֹּויִֽם׃ nowraʾ yehwah ʿaleyhem kiy razah ʾet kal־ʾelohey haʾarets weyishetaḥawu־low ʾiysh mimeqowmow kol ʾiyey hagowyim׃
12 גַּם־אַתֶּ֣ם כּוּשִׁ֔ים חַֽלְלֵ֥י חַרְבִּ֖י הֵֽמָּה׃ gam־ʾatem kushiym ḥaleley ḥarebiy hemah׃
13 וְיֵ֤ט יָדֹו֙ עַל־צָפֹ֔ון וִֽיאַבֵּ֖ד אֶת־אַשּׁ֑וּר וְיָשֵׂ֤ם אֶת־נִֽינְוֵה֙ לִשְׁמָמָ֔ה צִיָּ֖ה כַּמִּדְבָּֽר׃ weyeṭ yadow ʿal־tsafown wiyʾabed ʾet־ʾashur weyasem ʾet־niyneweh lishemamah tsiyah kamidebar׃
14 וְרָבְצ֨וּ בְתֹוכָ֤הּ עֲדָרִים֙ כָּל־חַיְתֹו־גֹ֔וי גַּם־קָאַת֙ גַּם־קִפֹּ֔ד בְּכַפְתֹּרֶ֖יהָ יָלִ֑ינוּ קֹ֠ול יְשֹׁורֵ֤ר בַּֽחַלֹּון֙ חֹ֣רֶב בַּסַּ֔ף כִּ֥י אַרְזָ֖ה עֵרָֽה׃ weravetsu vetowkhah ʿadariym kal־ḥayetow־gowy gam־qaʾat gam־qipod bekhafetoreyha yaliynu qowl yeshowrer baḥalown ḥorev basaf kiy ʾarezah ʿerah׃
15 זֹ֞א֠ת הָעִ֤יר הָעַלִּיזָה֙ הַיֹּושֶׁ֣בֶת לָבֶ֔טַח הָאֹֽמְרָה֙ בִּלְבָבָ֔הּ אֲנִ֖י וְאַפְסִ֣י עֹ֑וד אֵ֣יךְ ׀ הָיְתָ֣ה לְשַׁמָּ֗ה מַרְבֵּץ֙ לַֽחַיָּ֔ה כֹּ֚ל עֹובֵ֣ר עָלֶ֔יהָ יִשְׁרֹ֖ק יָנִ֥יעַ יָדֹֽו׃ ס zoʾt haʿiyr haʿaliyzah hayowshevet laveṭaḥ haʾomerah bilevavah ʾaniy weʾafesiy ʿowd ʾeykhe ׀ hayetah leshamah marebets laḥayah kol ʿowver ʿaleyha yisheroq yaniyʿa yadow׃ s