Michée 1

¹ דְּבַר־יְהוָ֣ה ׀ אֲשֶׁ֣ר הָיָ֗ה אֶל־מִיכָה֙ הַמֹּ֣רַשְׁתִּ֔י בִּימֵ֥י יֹותָ֛ם אָחָ֥ז יְחִזְקִיָּ֖ה מַלְכֵ֣י יְהוּדָ֑ה אֲשֶׁר־חָזָ֥ה עַל־שֹׁמְרֹ֖ון וִירֽוּשָׁלִָֽם׃ devar־yehwah ׀ ʾasher hayah ʾel־miykhah hamorashetiy biymey yowtam ʾaḥaz yeḥizeqiyah malekhey yehudah ʾasher־ḥazah ʿal־shomerown wiyrushalim׃

² שִׁמְעוּ֙ עַמִּ֣ים כֻּלָּ֔ם הַקְשִׁ֖יבִי אֶ֣רֶץ וּמְלֹאָ֑הּ וִיהִי֩ אֲדֹנָ֨י יְהוִ֤ה בָּכֶם֙ לְעֵ֔ד אֲדֹנָ֖י מֵהֵיכַ֥ל קָדְשֹֽׁו׃ shimeʿu ʿamiym kulam haqeshiyviy ʾerets umeloʾah wiyhiy ʾadonay yehwih bakhem leʿed ʾadonay meheykhal qadeshow׃

³ כִּֽי־הִנֵּ֥ה יְהוָ֖ה יֹצֵ֣א מִמְּקֹומֹ֑ו וְיָרַ֥ד וְדָרַ֖ךְ עַל־ [בָּמֹותֵי כ] (בָּ֥מֳתֵי ק) אָֽרֶץ׃ kiy־hineh yehwah yotseʾ mimeqowmow weyarad wedarakhe ʿal־ [bamowtey kh] (bamotey q) ʾarets׃

⁴ וְנָמַ֤סּוּ הֶֽהָרִים֙ תַּחְתָּ֔יו וְהָעֲמָקִ֖ים יִתְבַּקָּ֑עוּ כַּדֹּונַג֙ מִפְּנֵ֣י הָאֵ֔שׁ כְּמַ֖יִם מֻגָּרִ֥ים בְּמֹורָֽד׃ wenamasu hehariym taḥetayw wehaʿamaqiym yitebaqaʿu kadownag mipeney haʾesh kemayim mugariym bemowrad׃

⁵ בְּפֶ֤שַׁע יַֽעֲקֹב֙ כָּל־זֹ֔את וּבְחַטֹּ֖אות בֵּ֣ית יִשְׂרָאֵ֑ל מִֽי־פֶ֣שַׁע יַעֲקֹ֗ב הֲלֹוא֙ שֹֽׁמְרֹ֔ון וּמִי֙ בָּמֹ֣ות יְהוּדָ֔ה הֲלֹ֖וא יְרוּשָׁלִָֽם׃ befeshaʿ yaʿaqov kal־zoʾt uveḥaṭoʾwt beyt yiseraʾel miy־feshaʿ yaʿaqov halowʾ shomerown umiy bamowt yehudah halowʾ yerushalim׃

⁶ וְשַׂמְתִּ֥י שֹׁמְרֹ֛ון לְעִ֥י הַשָּׂדֶ֖ה לְמַטָּ֣עֵי כָ֑רֶם וְהִגַּרְתִּ֤י לַגַּי֙ אֲבָנֶ֔יהָ וִיסֹדֶ֖יהָ אֲגַלֶּֽה׃ wesametiy shomerown leʿiy hasadeh lemaṭaʿey kharem wehigaretiy lagay ʾavaneyha wiysodeyha ʾagaleh׃

⁷ וְכָל־פְּסִילֶ֣יהָ יֻכַּ֗תּוּ וְכָל־אֶתְנַנֶּ֙יהָ֙ יִשָּׂרְפ֣וּ בָאֵ֔שׁ וְכָל־עֲצַבֶּ֖יהָ אָשִׂ֣ים שְׁמָמָ֑ה כִּ֠י מֵאֶתְנַ֤ן זֹונָה֙ קִבָּ֔צָה וְעַד־אֶתְנַ֥ן זֹונָ֖ה יָשֽׁוּבוּ׃ wekhal־pesiyleyha yukatu wekhal־ʾetenaneyha yisarefu vaʾesh wekhal־ʿatsabeyha ʾasiym shemamah kiy meʾetenan zownah qibatsah weʿad־ʾetenan zownah yashuvu׃

⁸ עַל־זֹאת֙ אֶסְפְּדָ֣ה וְאֵילִ֔ילָה אֵילְכָ֥ה [שִׁילַל כ] (שֹׁולָ֖ל ק) וְעָרֹ֑ום אֶעֱשֶׂ֤ה מִסְפֵּד֙ כַּתַּנִּ֔ים וְאֵ֖בֶל כִּבְנֹ֥ות יַעֲנָֽה׃ ʿal־zoʾt ʾesepedah weʾeyliylah ʾeylekhah [shiylal kh] (showlal q) weʿarowm ʾeʿeseh miseped kataniym weʾevel kivenowt yaʿanah׃

⁹ כִּ֥י אֲנוּשָׁ֖ה מַכֹּותֶ֑יהָ כִּי־בָ֙אָה֙ עַד־יְהוּדָ֔ה נָגַ֛ע עַד־שַׁ֥עַר עַמִּ֖י עַד־יְרוּשָׁלִָֽם׃ kiy ʾanushah makowteyha kiy־vaʾah ʿad־yehudah nagaʿ ʿad־shaʿar ʿamiy ʿad־yerushalim׃

¹⁰ בְּגַת֙ אַל־תַּגִּ֔ידוּ בָּכֹ֖ו אַל־תִּבְכּ֑וּ בְּבֵ֣ית לְעַפְרָ֔ה עָפָ֖ר [הִתְפַּלָּשְׁתִּי כ] (הִתְפַּלָּֽשִׁי׃ ק) begat ʾal־tagiydu bakhow ʾal־tiveku beveyt leʿaferah ʿafar [hitepalashetiy kh] (hitepalashiy׃ q)

¹¹ עִבְרִ֥י לָכֶ֛ם יֹושֶׁ֥בֶת שָׁפִ֖יר עֶרְיָה־בֹ֑שֶׁת לֹ֤א יָֽצְאָה֙ יֹושֶׁ֣בֶת צַֽאֲנָ֔ן מִסְפַּד֙ בֵּ֣ית הָאֵ֔צֶל יִקַּ֥ח מִכֶּ֖ם עֶמְדָּתֹֽו׃ ʿiveriy lakhem yowshevet shafiyr ʿereyah־voshet loʾ yatseʾah yowshevet tsaʾanan misepad beyt haʾetsel yiqaḥ mikem ʿemedatow׃

¹² כִּֽי־חָ֥לָֽה לְטֹ֖וב יֹושֶׁ֣בֶת מָרֹ֑ות כִּֽי־יָ֤רַד רָע֙ מֵאֵ֣ת יְהוָ֔ה לְשַׁ֖עַר יְרוּשָׁלִָֽם׃ kiy־ḥalah leṭowv yowshevet marowt kiy־yarad raʿ meʾet yehwah leshaʿar yerushalim׃

¹³ רְתֹ֧ם הַמֶּרְכָּבָ֛ה לָרֶ֖כֶשׁ יֹושֶׁ֣בֶת לָכִ֑ישׁ רֵאשִׁ֨ית חַטָּ֥את הִיא֙ לְבַת־צִיֹּ֔ון כִּי־בָ֥ךְ נִמְצְא֖וּ פִּשְׁעֵ֥י יִשְׂרָאֵֽל׃ retom hamerekavah larekhesh yowshevet lakhiysh reʾshiyt ḥaṭaʾt hiyʾ levat־tsiyown kiy־vakhe nimetseʾu pisheʿey yiseraʾel׃

¹⁴ לָכֵן֙ תִּתְּנִ֣י שִׁלּוּחִ֔ים עַ֖ל מֹורֶ֣שֶׁת גַּ֑ת בָּתֵּ֤י אַכְזִיב֙ לְאַכְזָ֔ב לְמַלְכֵ֖י יִשְׂרָאֵֽל׃ lakhen titeniy shiluḥiym ʿal mowreshet gat batey ʾakheziyv leʾakhezav lemalekhey yiseraʾel׃

¹⁵ עֹ֗ד הַיֹּרֵשׁ֙ אָ֣בִי לָ֔ךְ יֹושֶׁ֖בֶת מָֽרֵשָׁ֑ה עַד־עֲדֻלָּ֥ם יָבֹ֖וא כְּבֹ֥וד יִשְׂרָאֵֽל׃ ʿod hayoresh ʾaviy lakhe yowshevet mareshah ʿad־ʿadulam yavowʾ kevowd yiseraʾel׃

¹⁶ קָרְחִ֣י וָגֹ֔זִּי עַל־בְּנֵ֖י תַּעֲנוּגָ֑יִךְ הַרְחִ֤בִי קָרְחָתֵךְ֙ כַּנֶּ֔שֶׁר כִּ֥י גָל֖וּ מִמֵּֽךְ׃ ס qareḥiy wagoziy ʿal־beney taʿanugayikhe hareḥiviy qareḥatekhe kanesher kiy galu mimekhe׃ s