1 בַּחֹ֙דֶשׁ֙ הַשְּׁמִינִ֔י בִּשְׁנַ֥ת שְׁתַּ֖יִם לְדָרְיָ֑וֶשׁ הָיָ֣ה דְבַר־יְהוָ֗ה אֶל־זְכַרְיָה֙ בֶּן־בֶּ֣רֶכְיָ֔ה בֶּן־עִדֹּ֥ו הַנָּבִ֖יא לֵאמֹֽר׃ baḥodesh hashemiyniy bishenat shetayim ledareyawesh hayah devar־yehwah ʾel־zekhareyah ben־berekheyah ben־ʿidow hanaviyʾ leʾmor׃

2 קָצַ֧ף יְהוָ֛ה עַל־אֲבֹֽותֵיכֶ֖ם קָֽצֶף׃ qatsaf yehwah ʿal־ʾavowteykhem qatsef׃

3 וְאָמַרְתָּ֣ אֲלֵהֶ֗ם כֹּ֤ה אָמַר֙ יְהוָ֣ה צְבָאֹ֔ות שׁ֣וּבוּ אֵלַ֔י נְאֻ֖ם יְהוָ֣ה צְבָאֹ֑ות וְאָשׁ֣וּב אֲלֵיכֶ֔ם אָמַ֖ר יְהוָ֥ה צְבָאֹֽות׃ weʾamareta ʾalehem koh ʾamar yehwah tsevaʾowt shuvu ʾelay neʾum yehwah tsevaʾowt weʾashuv ʾaleykhem ʾamar yehwah tsevaʾowt׃

4 אַל־תִּהְי֣וּ כַאֲבֹֽתֵיכֶ֡ם אֲשֶׁ֣ר קָרְאֽוּ־אֲלֵיהֶם֩ הַנְּבִיאִ֨ים הָרִֽאשֹׁנִ֜ים לֵאמֹ֗ר כֹּ֤ה אָמַר֙ יְהוָ֣ה צְבָאֹ֔ות שׁ֤וּבוּ נָא֙ מִדַּרְכֵיכֶ֣ם הָרָעִ֔ים [וּמַעֲלִילֵיכֶם כ] (וּמַֽעַלְלֵיכֶ֖ם ק) הָֽרָעִ֑ים וְלֹ֥א שָׁמְע֛וּ וְלֹֽא־הִקְשִׁ֥יבוּ אֵלַ֖י נְאֻם־יְהוָֽה׃ ʾal־tiheyu khaʾavoteykhem ʾasher qareʾu־ʾaleyhem haneviyʾiym hariʾshoniym leʾmor koh ʾamar yehwah tsevaʾowt shuvu naʾ midarekheykhem haraʿiym [umaʿaliyleykhem kh] (umaʿaleleykhem q) haraʿiym weloʾ shameʿu weloʾ־hiqeshiyvu ʾelay neʾum־yehwah׃

5 אֲבֹֽותֵיכֶ֖ם אַיֵּה־הֵ֑ם וְהַ֨נְּבִאִ֔ים הַלְעֹולָ֖ם יִֽחְיֽוּ׃ ʾavowteykhem ʾayeh־hem wehaneviʾiym haleʿowlam yiḥeyu׃

6 אַ֣ךְ ׀ דְּבָרַ֣י וְחֻקַּ֗י אֲשֶׁ֤ר צִוִּ֙יתִי֙ אֶת־עֲבָדַ֣י הַנְּבִיאִ֔ים הֲלֹ֥וא הִשִּׂ֖יגוּ אֲבֹתֵיכֶ֑ם וַיָּשׁ֣וּבוּ וַיֹּאמְר֗וּ כַּאֲשֶׁ֨ר זָמַ֜ם יְהוָ֤ה צְבָאֹות֙ לַעֲשֹׂ֣ות לָ֔נוּ כִּדְרָכֵ֙ינוּ֙ וּכְמַ֣עֲלָלֵ֔ינוּ כֵּ֖ן עָשָׂ֥ה אִתָּֽנוּ׃ ס ʾakhe ׀ devaray weḥuqay ʾasher tsiuiytiy ʾet־ʿavaday haneviyʾiym halowʾ hisiygu ʾavoteykhem wayashuvu wayoʾmeru kaʾasher zamam yehwah tsevaʾowt laʿasowt lanu kiderakheynu ukhemaʿalaleynu ken ʿasah ʾitanu׃ s

7 בְּיֹום֩ עֶשְׂרִ֨ים וְאַרְבָּעָ֜ה לְעַשְׁתֵּֽי־עָשָׂ֥ר חֹ֙דֶשׁ֙ הוּא־חֹ֣דֶשׁ שְׁבָ֔ט בִּשְׁנַ֥ת שְׁתַּ֖יִם לְדָרְיָ֑וֶשׁ הָיָ֣ה דְבַר־יְהוָ֗ה אֶל־זְכַרְיָה֙ בֶּן־בֶּ֣רֶכְיָ֔הוּ בֶּן־עִדֹּ֥וא הַנָּבִ֖יא לֵאמֹֽר׃ beyowm ʿeseriym weʾarebaʿah leʿashetey־ʿasar ḥodesh huʾ־ḥodesh shevaṭ bishenat shetayim ledareyawesh hayah devar־yehwah ʾel־zekhareyah ben־berekheyahu ben־ʿidowʾ hanaviyʾ leʾmor׃

8 רָאִ֣יתִי ׀ הַלַּ֗יְלָה וְהִנֵּה־אִישׁ֙ רֹכֵב֙ עַל־ס֣וּס אָדֹ֔ם וְה֣וּא עֹמֵ֔ד בֵּ֥ין הַהֲדַסִּ֖ים אֲשֶׁ֣ר בַּמְּצֻלָ֑ה וְאַחֲרָיו֙ סוּסִ֣ים אֲדֻמִּ֔ים שְׂרֻקִּ֖ים וּלְבָנִֽים׃ raʾiytiy ׀ halayelah wehineh־ʾiysh rokhev ʿal־sus ʾadom wehuʾ ʿomed beyn hahadasiym ʾasher bametsulah weʾaḥarayw susiym ʾadumiym seruqiym ulevaniym׃

9 וָאֹמַ֖ר מָה־אֵ֣לֶּה אֲדֹנִ֑י וַיֹּ֣אמֶר אֵלַ֗י הַמַּלְאָךְ֙ הַדֹּבֵ֣ר בִּ֔י אֲנִ֥י אַרְאֶ֖ךָּ מָה־הֵ֥מָּה אֵֽלֶּה׃ waʾomar mah־ʾeleh ʾadoniy wayoʾmer ʾelay hamaleʾakhe hadover biy ʾaniy ʾareʾeka mah־hemah ʾeleh׃

10 וַיַּ֗עַן הָאִ֛ישׁ הָעֹמֵ֥ד בֵּין־הַהֲדַסִּ֖ים וַיֹּאמַ֑ר אֵ֚לֶּה אֲשֶׁ֣ר שָׁלַ֣ח יְהוָ֔ה לְהִתְהַלֵּ֖ךְ בָּאָֽרֶץ׃ wayaʿan haʾiysh haʿomed beyn־hahadasiym wayoʾmar ʾeleh ʾasher shalaḥ yehwah lehitehalekhe baʾarets׃

11 וַֽיַּעֲנ֞וּ אֶת־מַלְאַ֣ךְ יְהוָ֗ה הָֽעֹמֵד֙ בֵּ֣ין הַהֲדַסִּ֔ים וַיֹּאמְר֖וּ הִתְהַלַּ֣כְנוּ בָאָ֑רֶץ וְהִנֵּ֥ה כָל־הָאָ֖רֶץ יֹשֶׁ֥בֶת וְשֹׁקָֽטֶת׃ wayaʿanu ʾet־maleʾakhe yehwah haʿomed beyn hahadasiym wayoʾmeru hitehalakhenu vaʾarets wehineh khal־haʾarets yoshevet weshoqaṭet׃

12 וַיַּ֣עַן מַלְאַךְ־יְהוָה֮ וַיֹּאמַר֒ יְהוָ֣ה צְבָאֹ֔ות עַד־מָתַ֗י אַתָּה֙ לֹֽא־תְרַחֵ֣ם אֶת־יְרוּשָׁלִַ֔ם וְאֵ֖ת עָרֵ֣י יְהוּדָ֑ה אֲשֶׁ֣ר זָעַ֔מְתָּה זֶ֖ה שִׁבְעִ֥ים שָׁנָֽה׃ wayaʿan maleʾakhe־yehwah wayoʾmar yehwah tsevaʾowt ʿad־matay ʾatah loʾ־teraḥem ʾet־yerushalim weʾet ʿarey yehudah ʾasher zaʿametah zeh shiveʿiym shanah׃

13 וַיַּ֣עַן יְהוָ֗ה אֶת־הַמַּלְאָ֛ךְ הַדֹּבֵ֥ר בִּ֖י דְּבָרִ֣ים טֹובִ֑ים דְּבָרִ֖ים נִחֻמִֽים׃ wayaʿan yehwah ʾet־hamaleʾakhe hadover biy devariym ṭowviym devariym niḥumiym׃

14 וַיֹּ֣אמֶר אֵלַ֗י הַמַּלְאָךְ֙ הַדֹּבֵ֣ר בִּ֔י קְרָ֣א לֵאמֹ֔ר כֹּ֥ה אָמַ֖ר יְהוָ֣ה צְבָאֹ֑ות קִנֵּ֧אתִי לִירוּשָׁלִַ֛ם וּלְצִיֹּ֖ון קִנְאָ֥ה גְדֹולָֽה׃ wayoʾmer ʾelay hamaleʾakhe hadover biy qeraʾ leʾmor koh ʾamar yehwah tsevaʾowt qineʾtiy liyrushalim uletsiyown qineʾah gedowlah׃

15 וְקֶ֤צֶף גָּדֹול֙ אֲנִ֣י קֹצֵ֔ף עַל־הַגֹּויִ֖ם הַשַּֽׁאֲנַנִּ֑ים אֲשֶׁ֤ר אֲנִי֙ קָצַ֣פְתִּי מְּעָ֔ט וְהֵ֖מָּה עָזְר֥וּ לְרָעָֽה׃ weqetsef gadowl ʾaniy qotsef ʿal־hagowyim hashaʾananiym ʾasher ʾaniy qatsafetiy meʿaṭ wehemah ʿazeru leraʿah׃

16 לָכֵ֞ן כֹּֽה־אָמַ֣ר יְהוָ֗ה שַׁ֤בְתִּי לִירוּשָׁלִַ֙ם֙ בְּֽרַחֲמִ֔ים בֵּיתִי֙ יִבָּ֣נֶה בָּ֔הּ נְאֻ֖ם יְהוָ֣ה צְבָאֹ֑ות [וְקָוָה כ] (וְקָ֥ו ק) יִנָּטֶ֖ה עַל־יְרוּשָׁלִָֽם׃ lakhen koh־ʾamar yehwah shavetiy liyrushalim beraḥamiym beytiy yibaneh bah neʾum yehwah tsevaʾowt [weqawah kh] (weqaw q) yinaṭeh ʿal־yerushalim׃

17 עֹ֣וד ׀ קְרָ֣א לֵאמֹ֗ר כֹּ֤ה אָמַר֙ יְהוָ֣ה צְבָאֹ֔ות עֹ֛וד תְּפוּצֶ֥ינָה עָרַ֖י מִטֹּ֑וב וְנִחַ֨ם יְהוָ֥ה עֹוד֙ אֶת־צִיֹּ֔ון וּבָחַ֥ר עֹ֖וד בִּירוּשָׁלִָֽם׃ ס ʿowd ׀ qeraʾ leʾmor koh ʾamar yehwah tsevaʾowt ʿowd tefutseynah ʿaray miṭowv weniḥam yehwah ʿowd ʾet־tsiyown uvaḥar ʿowd biyrushalim׃ s