1 מַשָּׂ֥א דְבַר־יְהוָ֖ה אֶל־יִשְׂרָאֵ֑ל בְּיַ֖ד מַלְאָכִֽי׃ masaʾ devar־yehwah ʾel־yiseraʾel beyad maleʾakhiy׃
2 אָהַ֤בְתִּי אֶתְכֶם֙ אָמַ֣ר יְהוָ֔ה וַאֲמַרְתֶּ֖ם בַּמָּ֣ה אֲהַבְתָּ֑נוּ הֲלֹוא־אָ֨ח עֵשָׂ֤ו לְיַֽעֲקֹב֙ נְאֻם־יְהוָ֔ה וָאֹהַ֖ב אֶֽת־יַעֲקֹֽב׃ ʾahavetiy ʾetekhem ʾamar yehwah waʾamaretem bamah ʾahavetanu halowʾ־ʾaḥ ʿesaw leyaʿaqov neʾum־yehwah waʾohav ʾet־yaʿaqov׃
3 וְאֶת־עֵשָׂ֖ו שָׂנֵ֑אתִי וָאָשִׂ֤ים אֶת־הָרָיו֙ שְׁמָמָ֔ה וְאֶת־נַחֲלָתֹ֖ו לְתַנֹּ֥ות מִדְבָּֽר׃ weʾet־ʿesaw saneʾtiy waʾasiym ʾet־harayw shemamah weʾet־naḥalatow letanowt midebar׃
4 כִּֽי־תֹאמַ֨ר אֱדֹ֜ום רֻשַּׁ֗שְׁנוּ וְנָשׁוּב֙ וְנִבְנֶ֣ה חֳרָבֹ֔ות כֹּ֤ה אָמַר֙ יְהוָ֣ה צְבָאֹ֔ות הֵ֥מָּה יִבְנ֖וּ וַאֲנִ֣י אֶהֱרֹ֑וס וְקָרְא֤וּ לָהֶם֙ גְּב֣וּל רִשְׁעָ֔ה וְהָעָ֛ם אֲשֶׁר־זָעַ֥ם יְהוָ֖ה עַד־עֹולָֽם׃ kiy־toʾmar ʾedowm rushashenu wenashuv weniveneh ḥoravowt koh ʾamar yehwah tsevaʾowt hemah yivenu waʾaniy ʾeherows weqareʾu lahem gevul risheʿah wehaʿam ʾasher־zaʿam yehwah ʿad־ʿowlam׃
5 וְעֵינֵיכֶ֖ם תִּרְאֶ֑ינָה וְאַתֶּ֤ם תֹּֽאמְרוּ֙ יִגְדַּ֣ל יְהוָ֔ה מֵעַ֖ל לִגְב֥וּל יִשְׂרָאֵֽל׃ weʿeyneykhem tireʾeynah weʾatem toʾmeru yigedal yehwah meʿal ligevul yiseraʾel׃
6 בֵּ֛ן יְכַבֵּ֥ד אָ֖ב וְעֶ֣בֶד אֲדֹנָ֑יו וְאִם־אָ֣ב אָ֣נִי אַיֵּ֣ה כְבֹודִ֡י וְאִם־אֲדֹונִ֣ים אָנִי֩ אַיֵּ֨ה מֹורָאִ֜י אָמַ֣ר ׀ יְהוָ֣ה צְבָאֹ֗ות לָכֶם֙ הַכֹּֽהֲנִים֙ בֹּוזֵ֣י שְׁמִ֔י וַאֲמַרְתֶּ֕ם בַּמֶּ֥ה בָזִ֖ינוּ אֶת־שְׁמֶֽךָ׃ ben yekhabed ʾav weʿeved ʾadonayw weʾim־ʾav ʾaniy ʾayeh khevowdiy weʾim־ʾadowniym ʾaniy ʾayeh mowraʾiy ʾamar ׀ yehwah tsevaʾowt lakhem hakohaniym bowzey shemiy waʾamaretem bameh vaziynu ʾet־shemekha׃
7 מַגִּישִׁ֤ים עַֽל־מִזְבְּחִי֙ לֶ֣חֶם מְגֹאָ֔ל וַאֲמַרְתֶּ֖ם בַּמֶּ֣ה גֵֽאַלְנ֑וּךָ בֶּאֱמָרְכֶ֕ם שֻׁלְחַ֥ן יְהוָ֖ה נִבְזֶ֥ה הֽוּא׃ magiyshiym ʿal־mizebeḥiy leḥem megoʾal waʾamaretem bameh geʾalenukha beʾemarekhem shuleḥan yehwah nivezeh huʾ׃
8 וְכִֽי־תַגִּשׁ֨וּן עִוֵּ֤ר לִזְבֹּ֙חַ֙ אֵ֣ין רָ֔ע וְכִ֥י תַגִּ֛ישׁוּ פִּסֵּ֥חַ וְחֹלֶ֖ה אֵ֣ין רָ֑ע הַקְרִיבֵ֨הוּ נָ֜א לְפֶחָתֶ֗ךָ הֲיִרְצְךָ֙ אֹ֚ו הֲיִשָּׂ֣א פָנֶ֔יךָ אָמַ֖ר יְהוָ֥ה צְבָאֹֽות׃ wekhiy־tagishun ʿiuer lizeboaḥ ʾeyn raʿ wekhiy tagiyshu piseaḥ weḥoleh ʾeyn raʿ haqeriyvehu naʾ lefeḥatekha hayiretsekha ʾow hayisaʾ faneykha ʾamar yehwah tsevaʾowt׃
9 וְעַתָּ֛ה חַלּוּ־נָ֥א פְנֵי־אֵ֖ל וִֽיחָנֵ֑נוּ מִיֶּדְכֶם֙ הָ֣יְתָה זֹּ֔את הֲיִשָּׂ֤א מִכֶּם֙ פָּנִ֔ים אָמַ֖ר יְהוָ֥ה צְבָאֹֽות׃ weʿatah ḥalu־naʾ feney־ʾel wiyḥanenu miyedekhem hayetah zoʾt hayisaʾ mikem paniym ʾamar yehwah tsevaʾowt׃
10 מִ֤י גַם־בָּכֶם֙ וְיִסְגֹּ֣ר דְּלָתַ֔יִם וְלֹֽא־תָאִ֥ירוּ מִזְבְּחִ֖י חִנָּ֑ם אֵֽין־לִ֨י חֵ֜פֶץ בָּכֶ֗ם אָמַר֙ יְהוָ֣ה צְבָאֹ֔ות וּמִנְחָ֖ה לֹֽא־אֶרְצֶ֥ה מִיֶּדְכֶֽם׃ miy gam־bakhem weyisegor delatayim weloʾ־taʾiyru mizebeḥiy ḥinam ʾeyn־liy ḥefets bakhem ʾamar yehwah tsevaʾowt umineḥah loʾ־ʾeretseh miyedekhem׃
11 כִּ֣י מִמִּזְרַח־שֶׁ֜מֶשׁ וְעַד־מְבֹואֹ֗ו גָּדֹ֤ול שְׁמִי֙ בַּגֹּויִ֔ם וּבְכָל־מָקֹ֗ום מֻקְטָ֥ר מֻגָּ֛שׁ לִשְׁמִ֖י וּמִנְחָ֣ה טְהֹורָ֑ה כִּֽי־גָדֹ֤ול שְׁמִי֙ בַּגֹּויִ֔ם אָמַ֖ר יְהוָ֥ה צְבָאֹֽות׃ kiy mimizeraḥ־shemesh weʿad־mevowʾow gadowl shemiy bagowyim uvekhal־maqowm muqeṭar mugash lishemiy umineḥah ṭehowrah kiy־gadowl shemiy bagowyim ʾamar yehwah tsevaʾowt׃
12 וְאַתֶּ֖ם מְחַלְּלִ֣ים אֹותֹ֑ו בֶּאֱמָרְכֶ֗ם שֻׁלְחַ֤ן אֲדֹנָי֙ מְגֹאָ֣ל ה֔וּא וְנִיבֹ֖ו נִבְזֶ֥ה אָכְלֹֽו׃ weʾatem meḥaleliym ʾowtow beʾemarekhem shuleḥan ʾadonay megoʾal huʾ weniyvow nivezeh ʾakhelow׃
13 וַאֲמַרְתֶּם֩ הִנֵּ֨ה מַתְּלָאָ֜ה וְהִפַּחְתֶּ֣ם אֹותֹ֗ו אָמַר֙ יְהוָ֣ה צְבָאֹ֔ות וַהֲבֵאתֶ֣ם גָּז֗וּל וְאֶת־הַפִּסֵּ֙חַ֙ וְאֶת־הַ֣חֹולֶ֔ה וַהֲבֵאתֶ֖ם אֶת־הַמִּנְחָ֑ה הַאֶרְצֶ֥ה אֹותָ֛הּ מִיֶּדְכֶ֖ם אָמַ֥ר יְהוָֽה׃ ס waʾamaretem hineh matelaʾah wehipaḥetem ʾowtow ʾamar yehwah tsevaʾowt wahaveʾtem gazul weʾet־hapiseaḥ weʾet־haḥowleh wahaveʾtem ʾet־hamineḥah haʾeretseh ʾowtah miyedekhem ʾamar yehwah׃ s
14 וְאָר֣וּר נֹוכֵ֗ל וְיֵ֤שׁ בְּעֶדְרֹו֙ זָכָ֔ר וְנֹדֵ֛ר וְזֹבֵ֥חַ מָשְׁחָ֖ת לַֽאדֹנָ֑י כִּי֩ מֶ֨לֶךְ גָּדֹ֜ול אָ֗נִי אָמַר֙ יְהוָ֣ה צְבָאֹ֔ות וּשְׁמִ֖י נֹורָ֥א בַגֹּויִֽם׃ weʾarur nowkhel weyesh beʿederow zakhar wenoder wezoveaḥ masheḥat laʾdonay kiy melekhe gadowl ʾaniy ʾamar yehwah tsevaʾowt ushemiy nowraʾ vagowyim׃