Ésaïe 14

¹ כִּי֩ יְרַחֵ֨ם יְהוָ֜ה אֶֽת־יַעֲקֹ֗ב וּבָחַ֥ר עֹוד֙ בְּיִשְׂרָאֵ֔ל וְהִנִּיחָ֖ם עַל־אַדְמָתָ֑ם וְנִלְוָ֤ה הַגֵּר֙ עֲלֵיהֶ֔ם וְנִסְפְּח֖וּ עַל־בֵּ֥ית יַעֲקֹֽב׃ kiy yeraḥem yehwah ʾet־yaʿaqov uvaḥar ʿowd beyiseraʾel wehiniyḥam ʿal־ʾadematam wenilewah hager ʿaleyhem wenisepeḥu ʿal־beyt yaʿaqov׃

² וּלְקָח֣וּם עַמִּים֮ וֶהֱבִיא֣וּם אֶל־מְקֹומָם֒ וְהִֽתְנַחֲל֣וּם בֵּֽית־יִשְׂרָאֵ֗ל עַ֚ל אַדְמַ֣ת יְהוָ֔ה לַעֲבָדִ֖ים וְלִשְׁפָחֹ֑ות וְהָיוּ֙ שֹׁבִ֣ים לְשֹֽׁבֵיהֶ֔ם וְרָד֖וּ בְּנֹגְשֵׂיהֶֽם׃ ס uleqaḥum ʿamiym weheviyʾum ʾel־meqowmam wehitenaḥalum beyt־yiseraʾel ʿal ʾademat yehwah laʿavadiym welishefaḥowt wehayu shoviym leshoveyhem weradu benogeseyhem׃ s

³ וְהָיָ֗ה בְּיֹ֨ום הָנִ֤יחַ יְהוָה֙ לְךָ֔ מֵֽעָצְבְּךָ֖ וּמֵרָגְזֶ֑ךָ וּמִן־הָעֲבֹדָ֥ה הַקָּשָׁ֖ה אֲשֶׁ֥ר עֻבַּד־בָּֽךְ׃ wehayah beyowm haniyḥa yehwah lekha meʿatsebekha umeragezekha umin־haʿavodah haqashah ʾasher ʿubad־bakhe׃

⁴ וְנָשָׂ֜אתָ הַמָּשָׁ֥ל הַזֶּ֛ה עַל־מֶ֥לֶךְ בָּבֶ֖ל וְאָמָ֑רְתָּ אֵ֚יךְ שָׁבַ֣ת נֹגֵ֔שׂ שָׁבְתָ֖ה מַדְהֵבָֽה׃ wenasaʾta hamashal hazeh ʿal־melekhe bavel weʾamareta ʾeykhe shavat noges shavetah madehevah׃

⁵ שָׁבַ֥ר יְהוָ֖ה מַטֵּ֣ה רְשָׁעִ֑ים שֵׁ֖בֶט מֹשְׁלִֽים׃ shavar yehwah maṭeh reshaʿiym sheveṭ mosheliym׃

⁶ מַכֶּ֤ה עַמִּים֙ בְּעֶבְרָ֔ה מַכַּ֖ת בִּלְתִּ֣י סָרָ֑ה רֹדֶ֤ה בָאַף֙ גֹּויִ֔ם מֻרְדָּ֖ף בְּלִ֥י חָשָֽׂךְ׃ makeh ʿamiym beʿeverah makat biletiy sarah rodeh vaʾaf gowyim muredaf beliy ḥasakhe׃

⁷ נָ֥חָה שָׁקְטָ֖ה כָּל־הָאָ֑רֶץ פָּצְח֖וּ רִנָּֽה׃ naḥah shaqeṭah kal־haʾarets patseḥu rinah׃

⁸ גַּם־בְּרֹושִׁ֛ים שָׂמְח֥וּ לְךָ֖ אַרְזֵ֣י לְבָנֹ֑ון מֵאָ֣ז שָׁכַ֔בְתָּ לֹֽא־יַעֲלֶ֥ה הַכֹּרֵ֖ת עָלֵֽינוּ׃ gam־berowshiym sameḥu lekha ʾarezey levanown meʾaz shakhaveta loʾ־yaʿaleh hakoret ʿaleynu׃

⁹ שְׁאֹ֗ול מִתַּ֛חַת רָגְזָ֥ה לְךָ֖ לִקְרַ֣את בֹּואֶ֑ךָ עֹורֵ֨ר לְךָ֤ רְפָאִים֙ כָּל־עַתּ֣וּדֵי אָ֔רֶץ הֵקִים֙ מִכִּסְאֹותָ֔ם כֹּ֖ל מַלְכֵ֥י גֹויִֽם׃ sheʾowl mitaḥat ragezah lekha liqeraʾt bowʾekha ʿowrer lekha refaʾiym kal־ʿatudey ʾarets heqiym mikiseʾowtam kol malekhey gowyim׃

¹⁰ כֻּלָּ֣ם יַֽעֲנ֔וּ וְיֹאמְר֖וּ אֵלֶ֑יךָ גַּם־אַתָּ֛ה חֻלֵּ֥יתָ כָמֹ֖ונוּ אֵלֵ֥ינוּ נִמְשָֽׁלְתָּ׃ kulam yaʿanu weyoʾmeru ʾeleykha gam־ʾatah ḥuleyta khamownu ʾeleynu nimeshaleta׃

¹¹ הוּרַ֥ד שְׁאֹ֛ול גְאֹונֶ֖ךָ הֶמְיַ֣ת נְבָלֶ֑יךָ תַּחְתֶּ֙יךָ֙ יֻצַּ֣ע רִמָּ֔ה וּמְכַסֶּ֖יךָ תֹּולֵעָֽה׃ hurad sheʾowl geʾownekha hemeyat nevaleykha taḥeteykha yutsaʿ rimah umekhaseykha towleʿah׃

¹² אֵ֛יךְ נָפַ֥לְתָּ מִשָּׁמַ֖יִם הֵילֵ֣ל בֶּן־שָׁ֑חַר נִגְדַּ֣עְתָּ לָאָ֔רֶץ חֹולֵ֖שׁ עַל־גֹּויִֽם׃ ʾeykhe nafaleta mishamayim heylel ben־shaḥar nigedaʿeta laʾarets ḥowlesh ʿal־gowyim׃

¹³ וְאַתָּ֞ה אָמַ֤רְתָּ בִֽלְבָבְךָ֙ הַשָּׁמַ֣יִם אֶֽעֱלֶ֔ה מִמַּ֥עַל לְכֹֽוכְבֵי־אֵ֖ל אָרִ֣ים כִּסְאִ֑י וְאֵשֵׁ֥ב בְּהַר־מֹועֵ֖ד בְּיַרְכְּתֵ֥י צָפֹֽון׃ weʾatah ʾamareta vilevavekha hashamayim ʾeʿeleh mimaʿal lekhowkhevey־ʾel ʾariym kiseʾiy weʾeshev behar־mowʿed beyareketey tsafown׃

¹⁴ אֶעֱלֶ֖ה עַל־בָּ֣מֳתֵי עָ֑ב אֶדַּמֶּ֖ה לְעֶלְיֹֽון׃ ʾeʿeleh ʿal־bamotey ʿav ʾedameh leʿeleyown׃

¹⁵ אַ֧ךְ אֶל־שְׁאֹ֛ול תּוּרָ֖ד אֶל־יַרְכְּתֵי־בֹֽור׃ ʾakhe ʾel־sheʾowl turad ʾel־yareketey־vowr׃

¹⁶ רֹאֶ֙יךָ֙ אֵלֶ֣יךָ יַשְׁגִּ֔יחוּ אֵלֶ֖יךָ יִתְבֹּונָ֑נוּ הֲזֶ֤ה הָאִישׁ֙ מַרְגִּ֣יז הָאָ֔רֶץ מַרְעִ֖ישׁ מַמְלָכֹֽות׃ roʾeykha ʾeleykha yashegiyḥu ʾeleykha yitebownanu hazeh haʾiysh maregiyz haʾarets mareʿiysh mamelakhowt׃

¹⁷ שָׂ֥ם תֵּבֵ֛ל כַּמִּדְבָּ֖ר וְעָרָ֣יו הָרָ֑ס אֲסִירָ֖יו לֹא־פָ֥תַח בָּֽיְתָה׃ sam tevel kamidebar weʿarayw haras ʾasiyrayw loʾ־fataḥ bayetah׃

¹⁸ כָּל־מַלְכֵ֥י גֹויִ֖ם כֻּלָּ֑ם שָׁכְב֥וּ בְכָבֹ֖וד אִ֥ישׁ בְּבֵיתֹֽו׃ kal־malekhey gowyim kulam shakhevu vekhavowd ʾiysh beveytow׃

¹⁹ וְאַתָּ֞ה הָשְׁלַ֤כְתָּ מִֽקִּבְרְךָ֙ כְּנֵ֣צֶר נִתְעָ֔ב לְב֥וּשׁ הֲרֻגִ֖ים מְטֹ֣עֲנֵי חָ֑רֶב יֹורְדֵ֥י אֶל־אַבְנֵי־בֹ֖ור כְּפֶ֥גֶר מוּבָֽס׃ weʾatah hashelakheta miqiverekha kenetser niteʿav levush harugiym meṭoʿaney ḥarev yowredey ʾel־ʾaveney־vowr kefeger muvas׃

²⁰ לֹֽא־תֵחַ֤ד אִתָּם֙ בִּקְבוּרָ֔ה כִּֽי־אַרְצְךָ֥ שִׁחַ֖תָּ עַמְּךָ֣ הָרָ֑גְתָּ לֹֽא־יִקָּרֵ֥א לְעֹולָ֖ם זֶ֥רַע מְרֵעִֽים׃ loʾ־teḥad ʾitam biqevurah kiy־ʾaretsekha shiḥata ʿamekha harageta loʾ־yiqareʾ leʿowlam zeraʿ mereʿiym׃

²¹ הָכִ֧ינוּ לְבָנָ֛יו מַטְבֵּ֖חַ בַּעֲוֹ֣ן אֲבֹותָ֑ם בַּל־יָקֻ֙מוּ֙ וְיָ֣רְשׁוּ אָ֔רֶץ וּמָלְא֥וּ פְנֵֽי־תֵבֵ֖ל עָרִֽים׃ hakhiynu levanayw maṭebeaḥ baʿaon ʾavowtam bal־yaqumu weyareshu ʾarets umaleʾu feney־tevel ʿariym׃

²² וְקַמְתִּ֣י עֲלֵיהֶ֔ם נְאֻ֖ם יְהוָ֣ה צְבָאֹ֑ות וְהִכְרַתִּ֨י לְבָבֶ֜ל שֵׁ֥ם וּשְׁאָ֛ר וְנִ֥ין וָנֶ֖כֶד נְאֻם־יְהוָֽה׃ weqametiy ʿaleyhem neʾum yehwah tsevaʾowt wehikheratiy levavel shem usheʾar weniyn wanekhed neʾum־yehwah׃

²³ וְשַׂמְתִּ֛יהָ לְמֹורַ֥שׁ קִפֹּ֖ד וְאַגְמֵי־מָ֑יִם וְטֵֽאטֵאתִ֙יהָ֙ בְּמַטְאֲטֵ֣א הַשְׁמֵ֔ד נְאֻ֖ם יְהוָ֥ה צְבָאֹֽות׃ פ wesametiyha lemowrash qipod weʾagemey־mayim weṭeʾṭeʾtiyha bemaṭeʾaṭeʾ hashemed neʾum yehwah tsevaʾowt׃ f

²⁴ נִשְׁבַּ֛ע יְהוָ֥ה צְבָאֹ֖ות לֵאמֹ֑ר אִם־לֹ֞א כַּאֲשֶׁ֤ר דִּמִּ֙יתִי֙ כֵּ֣ן הָיָ֔תָה וְכַאֲשֶׁ֥ר יָעַ֖צְתִּי הִ֥יא תָקֽוּם׃ nishebaʿ yehwah tsevaʾowt leʾmor ʾim־loʾ kaʾasher dimiytiy ken hayatah wekhaʾasher yaʿatsetiy hiyʾ taqum׃

²⁵ לִשְׁבֹּ֤ר אַשּׁוּר֙ בְּאַרְצִ֔י וְעַל־הָרַ֖י אֲבוּסֶ֑נּוּ וְסָ֤ר מֵֽעֲלֵיהֶם֙ עֻלֹּ֔ו וְסֻ֨בֳּלֹ֔ו מֵעַ֥ל שִׁכְמֹ֖ו יָסֽוּר׃ lishebor ʾashur beʾaretsiy weʿal־haray ʾavusenu wesar meʿaleyhem ʿulow wesubolow meʿal shikhemow yasur׃

²⁶ זֹ֛את הָעֵצָ֥ה הַיְּעוּצָ֖ה עַל־כָּל־הָאָ֑רֶץ וְזֹ֛את הַיָּ֥ד הַנְּטוּיָ֖ה עַל־כָּל־הַגֹּויִֽם׃ zoʾt haʿetsah hayeʿutsah ʿal־kal־haʾarets wezoʾt hayad haneṭuyah ʿal־kal־hagowyim׃

²⁷ כִּֽי־יְהוָ֧ה צְבָאֹ֛ות יָעָ֖ץ וּמִ֣י יָפֵ֑ר וְיָדֹ֥ו הַנְּטוּיָ֖ה וּמִ֥י יְשִׁיבֶֽנָּה׃ פ kiy־yehwah tsevaʾowt yaʿats umiy yafer weyadow haneṭuyah umiy yeshiyvenah׃ f

²⁸ בִּשְׁנַת־מֹ֖ות הַמֶּ֣לֶךְ אָחָ֑ז הָיָ֖ה הַמַּשָּׂ֥א הַזֶּֽה׃ bishenat־mowt hamelekhe ʾaḥaz hayah hamasaʾ hazeh׃

²⁹ אַֽל־תִּשְׂמְחִ֤י פְלֶ֙שֶׁת֙ כֻּלֵּ֔ךְ כִּ֥י נִשְׁבַּ֖ר שֵׁ֣בֶט מַכֵּ֑ךְ כִּֽי־מִשֹּׁ֤רֶשׁ נָחָשׁ֙ יֵ֣צֵא צֶ֔פַע וּפִרְיֹ֖ו שָׂרָ֥ף מְעֹופֵֽף׃ ʾal־tisemeḥiy feleshet kulekhe kiy nishebar sheveṭ makekhe kiy־mishoresh naḥash yetseʾ tsefaʿ ufireyow saraf meʿowfef׃

³⁰ וְרָעוּ֙ בְּכֹורֵ֣י דַלִּ֔ים וְאֶבְיֹונִ֖ים לָבֶ֣טַח יִרְבָּ֑צוּ וְהֵמַתִּ֤י בָֽרָעָב֙ שָׁרְשֵׁ֔ךְ וּשְׁאֵרִיתֵ֖ךְ יַהֲרֹֽג׃ weraʿu bekhowrey daliym weʾeveyowniym laveṭaḥ yirebatsu wehematiy varaʿav shareshekhe usheʾeriytekhe yaharog׃

³¹ הֵילִ֤ילִֽי שַׁ֙עַר֙ זַֽעֲקִי־עִ֔יר נָמֹ֖וג פְּלֶ֣שֶׁת כֻּלֵּ֑ךְ כִּ֤י מִצָּפֹון֙ עָשָׁ֣ן בָּ֔א וְאֵ֥ין בֹּודֵ֖ד בְּמֹועָדָֽיו׃ heyliyliy shaʿar zaʿaqiy־ʿiyr namowg peleshet kulekhe kiy mitsafown ʿashan baʾ weʾeyn bowded bemowʿadayw׃

³² וּמַֽה־יַּעֲנֶ֖ה מַלְאֲכֵי־גֹ֑וי כִּ֤י יְהוָה֙ יִסַּ֣ד צִיֹּ֔ון וּבָ֥הּ יֶחֱס֖וּ עֲנִיֵּ֥י עַמֹּֽו׃ ס umah־yaʿaneh maleʾakhey־gowy kiy yehwah yisad tsiyown uvah yeḥesu ʿaniyey ʿamow׃ s