1 Samuel 8

¹ וַיְהִ֕י כַּאֲשֶׁ֥ר זָקֵ֖ן שְׁמוּאֵ֑ל וַיָּ֧שֶׂם אֶת־בָּנָ֛יו שֹׁפְטִ֖ים לְיִשְׂרָאֵֽל׃ wayehiy kaʾasher zaqen shemuʾel wayasem ʾet־banayw shofeṭiym leyiseraʾel׃

² וַיְהִ֞י שֶׁם־בְּנֹ֤ו הַבְּכֹור֙ יֹואֵ֔ל וְשֵׁ֥ם מִשְׁנֵ֖הוּ אֲבִיָּ֑ה שֹׁפְטִ֖ים בִּבְאֵ֥ר שָֽׁבַע׃ wayehiy shem־benow habekhowr yowʾel weshem mishenehu ʾaviyah shofeṭiym biveʾer shavaʿ׃

³ וְלֹֽא־הָלְכ֤וּ בָנָיו֙ [בְּדַרְכֹו כ] (בִּדְרָכָ֔יו ק) וַיִּטּ֖וּ אַחֲרֵ֣י הַבָּ֑צַע וַיִּ֨קְחוּ־שֹׁ֔חַד וַיַּטּ֖וּ מִשְׁפָּֽט׃ פ weloʾ־halekhu vanayw [bedarekhow kh] (biderakhayw q) wayiṭu ʾaḥarey habatsaʿ wayiqeḥu־shoḥad wayaṭu mishepaṭ׃ f

⁴ וַיִּֽתְקַבְּצ֔וּ כֹּ֖ל זִקְנֵ֣י יִשְׂרָאֵ֑ל וַיָּבֹ֥אוּ אֶל־שְׁמוּאֵ֖ל הָרָמָֽתָה׃ wayiteqabetsu kol ziqeney yiseraʾel wayavoʾu ʾel־shemuʾel haramatah׃

⁵ וַיֹּאמְר֣וּ אֵלָ֗יו הִנֵּה֙ אַתָּ֣ה זָקַ֔נְתָּ וּבָנֶ֕יךָ לֹ֥א הָלְכ֖וּ בִּדְרָכֶ֑יךָ עַתָּ֗ה שִֽׂימָה־לָּ֥נוּ מֶ֛לֶךְ לְשָׁפְטֵ֖נוּ כְּכָל־הַגֹּויִֽם׃ wayoʾmeru ʾelayw hineh ʾatah zaqaneta uvaneykha loʾ halekhu biderakheykha ʿatah siymah־lanu melekhe leshafeṭenu kekhal־hagowyim׃

⁶ וַיֵּ֤רַע הַדָּבָר֙ בְּעֵינֵ֣י שְׁמוּאֵ֔ל כַּאֲשֶׁ֣ר אָמְר֔וּ תְּנָה־לָּ֥נוּ מֶ֖לֶךְ לְשָׁפְטֵ֑נוּ וַיִּתְפַּלֵּ֥ל שְׁמוּאֵ֖ל אֶל־יְהוָֽה׃ פ wayeraʿ hadavar beʿeyney shemuʾel kaʾasher ʾameru tenah־lanu melekhe leshafeṭenu wayitepalel shemuʾel ʾel־yehwah׃ f

⁷ וַיֹּ֤אמֶר יְהוָה֙ אֶל־שְׁמוּאֵ֔ל שְׁמַע֙ בְּקֹ֣ול הָעָ֔ם לְכֹ֥ל אֲשֶׁר־יֹאמְר֖וּ אֵלֶ֑יךָ כִּ֣י לֹ֤א אֹֽתְךָ֙ מָאָ֔סוּ כִּֽי־אֹתִ֥י מָאֲס֖וּ מִמְּלֹ֥ךְ עֲלֵיהֶֽם׃ wayoʾmer yehwah ʾel־shemuʾel shemaʿ beqowl haʿam lekhol ʾasher־yoʾmeru ʾeleykha kiy loʾ ʾotekha maʾasu kiy־ʾotiy maʾasu mimelokhe ʿaleyhem׃

⁸ כְּכָֽל־הַמַּעֲשִׂ֣ים אֲשֶׁר־עָשׂ֗וּ מִיֹּום֩ הַעֲלֹתִ֨י אֹתָ֤ם מִמִּצְרַ֙יִם֙ וְעַד־הַיֹּ֣ום הַזֶּ֔ה וַיַּ֣עַזְבֻ֔נִי וַיַּעַבְד֖וּ אֱלֹהִ֣ים אֲחֵרִ֑ים כֵּ֛ן הֵ֥מָּה עֹשִׂ֖ים גַּם־לָֽךְ׃ kekhal־hamaʿasiym ʾasher־ʿasu miyowm haʿalotiy ʾotam mimitserayim weʿad־hayowm hazeh wayaʿazevuniy wayaʿavedu ʾelohiym ʾaḥeriym ken hemah ʿosiym gam־lakhe׃

⁹ וְעַתָּ֖ה שְׁמַ֣ע בְּקֹולָ֑ם אַ֗ךְ כִּֽי־הָעֵ֤ד תָּעִיד֙ בָּהֶ֔ם וְהִגַּדְתָּ֣ לָהֶ֔ם מִשְׁפַּ֣ט הַמֶּ֔לֶךְ אֲשֶׁ֥ר יִמְלֹ֖ךְ עֲלֵיהֶֽם׃ ס weʿatah shemaʿ beqowlam ʾakhe kiy־haʿed taʿiyd bahem wehigadeta lahem mishepaṭ hamelekhe ʾasher yimelokhe ʿaleyhem׃ s

¹⁰ וַיֹּ֣אמֶר שְׁמוּאֵ֔ל אֵ֖ת כָּל־דִּבְרֵ֣י יְהוָ֑ה אֶל־הָעָ֕ם הַשֹּׁאֲלִ֥ים מֵאִתֹּ֖ו מֶֽלֶךְ׃ ס wayoʾmer shemuʾel ʾet kal־diverey yehwah ʾel־haʿam hashoʾaliym meʾitow melekhe׃ s

¹¹ וַיֹּ֕אמֶר זֶ֗ה יִֽהְיֶה֙ מִשְׁפַּ֣ט הַמֶּ֔לֶךְ אֲשֶׁ֥ר יִמְלֹ֖ךְ עֲלֵיכֶ֑ם אֶת־בְּנֵיכֶ֣ם יִקָּ֗ח וְשָׂ֥ם לֹו֙ בְּמֶרְכַּבְתֹּ֣ו וּבְפָרָשָׁ֔יו וְרָצ֖וּ לִפְנֵ֥י מֶרְכַּבְתֹּֽו׃ wayoʾmer zeh yiheyeh mishepaṭ hamelekhe ʾasher yimelokhe ʿaleykhem ʾet־beneykhem yiqaḥ wesam low bemerekavetow uvefarashayw weratsu lifeney merekavetow׃

¹² וְלָשׂ֣וּם לֹ֔ו שָׂרֵ֥י אֲלָפִ֖ים וְשָׂרֵ֣י חֲמִשִּׁ֑ים וְלַחֲרֹ֤שׁ חֲרִישֹׁו֙ וְלִקְצֹ֣ר קְצִירֹ֔ו וְלַעֲשֹׂ֥ות כְּלֵֽי־מִלְחַמְתֹּ֖ו וּכְלֵ֥י רִכְבֹּֽו׃ welasum low sarey ʾalafiym wesarey ḥamishiym welaḥarosh ḥariyshow weliqetsor qetsiyrow welaʿasowt keley־mileḥametow ukheley rikhebow׃

¹³ וְאֶת־בְּנֹותֵיכֶ֖ם יִקָּ֑ח לְרַקָּחֹ֥ות וּלְטַבָּחֹ֖ות וּלְאֹפֹֽות׃ weʾet־benowteykhem yiqaḥ leraqaḥowt uleṭabaḥowt uleʾofowt׃

¹⁴ וְאֶתשְׂ֠־דֹֽותֵיכֶם וְאֶת־כַּרְמֵיכֶ֧ם וְזֵיתֵיכֶ֛ם הַטֹּובִ֖ים יִקָּ֑ח וְנָתַ֖ן לַעֲבָדָֽיו׃ weʾetse־dowteykhem weʾet־karemeykhem wezeyteykhem haṭowviym yiqaḥ wenatan laʿavadayw׃

¹⁵ וְזַרְעֵיכֶ֥ם וְכַרְמֵיכֶ֖ם יַעְשֹׂ֑ר וְנָתַ֥ן לְסָרִיסָ֖יו וְלַעֲבָדָֽיו׃ wezareʿeykhem wekharemeykhem yaʿesor wenatan lesariysayw welaʿavadayw׃

¹⁶ וְאֶת־עַבְדֵיכֶם֩ וְֽאֶת־שִׁפְחֹ֨ותֵיכֶ֜ם וְאֶת־בַּחוּרֵיכֶ֧ם הַטֹּובִ֛ים וְאֶת־חֲמֹורֵיכֶ֖ם יִקָּ֑ח וְעָשָׂ֖ה לִמְלַאכְתֹּֽו׃ weʾet־ʿavedeykhem weʾet־shifeḥowteykhem weʾet־baḥureykhem haṭowviym weʾet־ḥamowreykhem yiqaḥ weʿasah limelaʾkhetow׃

¹⁷ צֹאנְכֶ֖ם יַעְשֹׂ֑ר וְאַתֶּ֖ם תִּֽהְיוּ־לֹ֥ו לַעֲבָדִֽים׃ tsoʾnekhem yaʿesor weʾatem tiheyu־low laʿavadiym׃

¹⁸ וּזְעַקְתֶּם֙ בַּיֹּ֣ום הַה֔וּא מִלִּפְנֵ֣י מַלְכְּכֶ֔ם אֲשֶׁ֥ר בְּחַרְתֶּ֖ם לָכֶ֑ם וְלֹֽא־יַעֲנֶ֧ה יְהוָ֛ה אֶתְכֶ֖ם בַּיֹּ֥ום הַהֽוּא׃ uzeʿaqetem bayowm hahuʾ milifeney malekekhem ʾasher beḥaretem lakhem weloʾ־yaʿaneh yehwah ʾetekhem bayowm hahuʾ׃

¹⁹ וַיְמָאֲנ֣וּ הָעָ֔ם לִשְׁמֹ֖עַ בְּקֹ֣ול שְׁמוּאֵ֑ל וַיֹּאמְר֣וּ לֹּ֔א כִּ֥י אִם־מֶ֖לֶךְ יִֽהְיֶ֥ה עָלֵֽינוּ׃ wayemaʾanu haʿam lishemoaʿ beqowl shemuʾel wayoʾmeru loʾ kiy ʾim־melekhe yiheyeh ʿaleynu׃

²⁰ וְהָיִ֥ינוּ גַם־אֲנַ֖חְנוּ כְּכָל־הַגֹּויִ֑ם וּשְׁפָטָ֤נוּ מַלְכֵּ֙נוּ֙ וְיָצָ֣א לְפָנֵ֔ינוּ וְנִלְחַ֖ם אֶת־מִלְחֲמֹתֵֽנוּ׃ wehayiynu gam־ʾanaḥenu kekhal־hagowyim ushefaṭanu malekenu weyatsaʾ lefaneynu wenileḥam ʾet־mileḥamotenu׃

²¹ וַיִּשְׁמַ֣ע שְׁמוּאֵ֔ל אֵ֖ת כָּל־דִּבְרֵ֣י הָעָ֑ם וַֽיְדַבְּרֵ֖ם בְּאָזְנֵ֥י יְהוָֽה׃ פ wayishemaʿ shemuʾel ʾet kal־diverey haʿam wayedaberem beʾazeney yehwah׃ f

²² וַיֹּ֨אמֶר יְהוָ֤ה אֶל־שְׁמוּאֵל֙ שְׁמַ֣ע בְּקֹולָ֔ם וְהִמְלַכְתָּ֥ לָהֶ֖ם מֶ֑לֶךְ וַיֹּ֤אמֶר שְׁמוּאֵל֙ אֶל־אַנְשֵׁ֣י יִשְׂרָאֵ֔ל לְכ֖וּ אִ֥ישׁ לְעִירֹֽו׃ פ wayoʾmer yehwah ʾel־shemuʾel shemaʿ beqowlam wehimelakheta lahem melekhe wayoʾmer shemuʾel ʾel־ʾaneshey yiseraʾel lekhu ʾiysh leʿiyrow׃ f