Amos 8

¹ כֹּ֥ה הִרְאַ֖נִי אֲדֹנָ֣י יְהוִ֑ה וְהִנֵּ֖ה כְּל֥וּב קָֽיִץ׃ koh hireʾaniy ʾadonay yehwih wehineh keluv qayits׃

² וַיֹּ֗אמֶר מָֽה־אַתָּ֤ה רֹאֶה֙ עָמֹ֔וס וָאֹמַ֖ר כְּל֣וּב קָ֑יִץ וַיֹּ֨אמֶר יְהוָ֜ה אֵלַ֗י בָּ֤א הַקֵּץ֙ אֶל־עַמִּ֣י יִשְׂרָאֵ֔ל לֹא־אֹוסִ֥יף עֹ֖וד עֲבֹ֥ור לֹֽו׃ wayoʾmer mah־ʾatah roʾeh ʿamows waʾomar keluv qayits wayoʾmer yehwah ʾelay baʾ haqets ʾel־ʿamiy yiseraʾel loʾ־ʾowsiyf ʿowd ʿavowr low׃

³ וְהֵילִ֜ילוּ שִׁירֹ֤ות הֵיכָל֙ בַּיֹּ֣ום הַה֔וּא נְאֻ֖ם אֲדֹנָ֣י יְהוִ֑ה רַ֣ב הַפֶּ֔גֶר בְּכָל־מָקֹ֖ום הִשְׁלִ֥יךְ הָֽס׃ פ weheyliylu shiyrowt heykhal bayowm hahuʾ neʾum ʾadonay yehwih rav hapeger bekhal־maqowm hisheliykhe has׃ f

⁴ שִׁמְעוּ־זֹ֕את הַשֹּׁאֲפִ֖ים אֶבְיֹ֑ון וְלַשְׁבִּ֖ית [עַנְוֵי־ כ] (עֲנִיֵּי־אָֽרֶץ׃ ק) shimeʿu־zoʾt hashoʾafiym ʾeveyown welashebiyt [ʿanewey־ kh] (ʿaniyey־ʾarets׃ q)

⁵ לֵאמֹ֗ר מָתַ֞י יַעֲבֹ֤ר הַחֹ֙דֶשׁ֙ וְנַשְׁבִּ֣ירָה שֶּׁ֔בֶר וְהַשַּׁבָּ֖ת וְנִפְתְּחָה־בָּ֑ר לְהַקְטִ֤ין אֵיפָה֙ וּלְהַגְדִּ֣יל שֶׁ֔קֶל וּלְעַוֵּ֖ת מֹאזְנֵ֥י מִרְמָֽה׃ leʾmor matay yaʿavor haḥodesh wenashebiyrah shever wehashabat wenifeteḥah־bar lehaqeṭiyn ʾeyfah ulehagediyl sheqel uleʿauet moʾzeney miremah׃

⁶ לִקְנֹ֤ות בַּכֶּ֙סֶף֙ דַּלִּ֔ים וְאֶבְיֹ֖ון בַּעֲב֣וּר נַעֲלָ֑יִם וּמַפַּ֥ל בַּ֖ר נַשְׁבִּֽיר׃ liqenowt bakesef daliym weʾeveyown baʿavur naʿalayim umapal bar nashebiyr׃

⁷ נִשְׁבַּ֥ע יְהוָ֖ה בִּגְאֹ֣ון יַעֲקֹ֑ב אִם־אֶשְׁכַּ֥ח לָנֶ֖צַח כָּל־מַעֲשֵׂיהֶֽם׃ nishebaʿ yehwah bigeʾown yaʿaqov ʾim־ʾeshekaḥ lanetsaḥ kal־maʿaseyhem׃

⁸ הַ֤עַל זֹאת֙ לֹֽא־תִרְגַּ֣ז הָאָ֔רֶץ וְאָבַ֖ל כָּל־יֹושֵׁ֣ב בָּ֑הּ וְעָלְתָ֤ה כָאֹר֙ כֻּלָּ֔הּ וְנִגְרְשָׁ֥ה [וְנִשְׁקָה כ] (וְנִשְׁקְעָ֖ה ק) כִּיאֹ֥ור מִצְרָֽיִם׃ ס haʿal zoʾt loʾ־tiregaz haʾarets weʾaval kal־yowshev bah weʿaletah khaʾor kulah wenigereshah [wenisheqah kh] (wenisheqeʿah q) kiyʾowr mitserayim׃ s

⁹ וְהָיָ֣ה ׀ בַּיֹּ֣ום הַה֗וּא נְאֻם֙ אֲדֹנָ֣י יְהוִ֔ה וְהֵבֵאתִ֥י הַשֶּׁ֖מֶשׁ בַּֽצָּהֳרָ֑יִם וְהַחֲשַׁכְתִּ֥י לָאָ֖רֶץ בְּיֹ֥ום אֹֽור׃ wehayah ׀ bayowm hahuʾ neʾum ʾadonay yehwih weheveʾtiy hashemesh batsahorayim wehaḥashakhetiy laʾarets beyowm ʾowr׃

¹⁰ וְהָפַכְתִּ֨י חַגֵּיכֶ֜ם לְאֵ֗בֶל וְכָל־שִֽׁירֵיכֶם֙ לְקִינָ֔ה וְהַעֲלֵיתִ֤י עַל־כָּל־מָתְנַ֙יִם֙ שָׂ֔ק וְעַל־כָּל־רֹ֖אשׁ קָרְחָ֑ה וְשַׂמְתִּ֙יהָ֙ כְּאֵ֣בֶל יָחִ֔יד וְאַחֲרִיתָ֖הּ כְּיֹ֥ום מָֽר׃ wehafakhetiy ḥageykhem leʾevel wekhal־shiyreykhem leqiynah wehaʿaleytiy ʿal־kal־matenayim saq weʿal־kal־roʾsh qareḥah wesametiyha keʾevel yaḥiyd weʾaḥariytah keyowm mar׃

¹¹ הִנֵּ֣ה ׀ יָמִ֣ים בָּאִ֗ים נְאֻם֙ אֲדֹנָ֣י יְהוִ֔ה וְהִשְׁלַחְתִּ֥י רָעָ֖ב בָּאָ֑רֶץ לֹֽא־רָעָ֤ב לַלֶּ֙חֶם֙ וְלֹֽא־צָמָ֣א לַמַּ֔יִם כִּ֣י אִם־לִשְׁמֹ֔עַ אֵ֖ת דִּבְרֵ֥י יְהוָֽה׃ hineh ׀ yamiym baʾiym neʾum ʾadonay yehwih wehishelaḥetiy raʿav baʾarets loʾ־raʿav laleḥem weloʾ־tsamaʾ lamayim kiy ʾim־lishemoaʿ ʾet diverey yehwah׃

¹² וְנָעוּ֙ מִיָּ֣ם עַד־יָ֔ם וּמִצָּפֹ֖ון וְעַד־מִזְרָ֑ח יְשֹֽׁוטְט֛וּ לְבַקֵּ֥שׁ אֶת־דְּבַר־יְהוָ֖ה וְלֹ֥א יִמְצָֽאוּ׃ wenaʿu miyam ʿad־yam umitsafown weʿad־mizeraḥ yeshowṭeṭu levaqesh ʾet־devar־yehwah weloʾ yimetsaʾu׃

¹³ בַּיֹּ֨ום הַה֜וּא תִּ֠תְעַלַּפְנָה הַבְּתוּלֹ֧ת הַיָּפֹ֛ות וְהַבַּחוּרִ֖ים בַּצָּמָֽא׃ bayowm hahuʾ titeʿalafenah habetulot hayafowt wehabaḥuriym batsamaʾ׃

¹⁴ הַנִּשְׁבָּעִים֙ בְּאַשְׁמַ֣ת שֹֽׁמְרֹ֔ון וְאָמְר֗וּ חֵ֤י אֱלֹהֶ֙יךָ֙ דָּ֔ן וְחֵ֖י דֶּ֣רֶךְ בְּאֵֽר־שָׁ֑בַע וְנָפְל֖וּ וְלֹא־יָק֥וּמוּ עֹֽוד׃ ס hanishebaʿiym beʾashemat shomerown weʾameru ḥey ʾeloheykha dan weḥey derekhe beʾer־shavaʿ wenafelu weloʾ־yaqumu ʿowd׃ s