1 עַל־מִשְׁכָּבִי֙ בַּלֵּילֹ֔ות בִּקַּ֕שְׁתִּי אֵ֥ת שֶׁאָהֲבָ֖ה נַפְשִׁ֑י בִּקַּשְׁתִּ֖יו וְלֹ֥א מְצָאתִֽיו׃ ʿal־mishekaviy baleylowt biqashetiy ʾet sheʾahavah nafeshiy biqashetiyw weloʾ metsaʾtiyw׃
2 אָק֨וּמָה נָּ֜א וַאֲסֹובְבָ֣ה בָעִ֗יר בַּשְּׁוָקִים֙ וּבָ֣רְחֹבֹ֔ות אֲבַקְשָׁ֕ה אֵ֥ת שֶׁאָהֲבָ֖ה נַפְשִׁ֑י בִּקַּשְׁתִּ֖יו וְלֹ֥א מְצָאתִֽיו׃ ʾaqumah naʾ waʾasowvevah vaʿiyr bashewaqiym uvareḥovowt ʾavaqeshah ʾet sheʾahavah nafeshiy biqashetiyw weloʾ metsaʾtiyw׃
3 מְצָא֙וּנִי֙ הַשֹּׁ֣מְרִ֔ים הַסֹּבְבִ֖ים בָּעִ֑יר אֵ֛ת שֶׁאָהֲבָ֥ה נַפְשִׁ֖י רְאִיתֶֽם׃ metsaʾuniy hashomeriym hasoveviym baʿiyr ʾet sheʾahavah nafeshiy reʾiytem׃
4 כִּמְעַט֙ שֶׁעָבַ֣רְתִּי מֵהֶ֔ם עַ֣ד שֶֽׁמָּצָ֔אתִי אֵ֥ת שֶׁאָהֲבָ֖ה נַפְשִׁ֑י אֲחַזְתִּיו֙ וְלֹ֣א אַרְפֶּ֔נּוּ עַד־שֶׁ֤הֲבֵיאתִיו֙ אֶל־בֵּ֣ית אִמִּ֔י וְאֶל־חֶ֖דֶר הֹורָתִֽי׃ kimeʿaṭ sheʿavaretiy mehem ʿad shematsaʾtiy ʾet sheʾahavah nafeshiy ʾaḥazetiyw weloʾ ʾarepenu ʿad־shehaveyʾtiyw ʾel־beyt ʾimiy weʾel־ḥeder howratiy׃
5 הִשְׁבַּ֨עְתִּי אֶתְכֶ֜ם בְּנֹ֤ות יְרוּשָׁלִַ֙ם֙ בִּצְבָאֹ֔ות אֹ֖ו בְּאַיְלֹ֣ות הַשָּׂדֶ֑ה אִם־תָּעִ֧ירוּ ׀ וְֽאִם־תְּעֹֽורְר֛וּ אֶת־הָאַהֲבָ֖ה עַ֥ד שֶׁתֶּחְפָּֽץ׃ ס hishebaʿetiy ʾetekhem benowt yerushalim bitsevaʾowt ʾow beʾayelowt hasadeh ʾim־taʿiyru ׀ weʾim־teʿowreru ʾet־haʾahavah ʿad sheteḥepats׃ s
6 מִ֣י זֹ֗את עֹלָה֙ מִן־הַמִּדְבָּ֔ר כְּתִֽימֲרֹ֖ות עָשָׁ֑ן מְקֻטֶּ֤רֶת מֹור֙ וּלְבֹונָ֔ה מִכֹּ֖ל אַבְקַ֥ת רֹוכֵֽל׃ miy zoʾt ʿolah min־hamidebar ketiymarowt ʿashan mequṭeret mowr ulevownah mikol ʾaveqat rowkhel׃
7 הִנֵּ֗ה מִטָּתֹו֙ שֶׁלִּשְׁלֹמֹ֔ה שִׁשִּׁ֥ים גִּבֹּרִ֖ים סָבִ֣יב לָ֑הּ מִגִּבֹּרֵ֖י יִשְׂרָאֵֽל׃ hineh miṭatow shelishelomoh shishiym giboriym saviyv lah migiborey yiseraʾel׃
8 כֻּלָּם֙ אֲחֻ֣זֵי חֶ֔רֶב מְלֻמְּדֵ֖י מִלְחָמָ֑ה אִ֤ישׁ חַרְבֹּו֙ עַל־יְרֵכֹ֔ו מִפַּ֖חַד בַּלֵּילֹֽות׃ ס kulam ʾaḥuzey ḥerev melumedey mileḥamah ʾiysh ḥarebow ʿal־yerekhow mipaḥad baleylowt׃ s
9 אַפִּרְיֹ֗ון עָ֤שָׂה לֹו֙ הַמֶּ֣לֶךְ שְׁלֹמֹ֔ה מֵעֲצֵ֖י הַלְּבָנֹֽון׃ ʾapireyown ʿasah low hamelekhe shelomoh meʿatsey halevanown׃
10 עַמּוּדָיו֙ עָ֣שָׂה כֶ֔סֶף רְפִידָתֹ֣ו זָהָ֔ב מֶרְכָּבֹ֖ו אַרְגָּמָ֑ן תֹּוכֹו֙ רָצ֣וּף אַהֲבָ֔ה מִבְּנֹ֖ות יְרוּשָׁלִָֽם׃ ʿamudayw ʿasah khesef refiydatow zahav merekavow ʾaregaman towkhow ratsuf ʾahavah mibenowt yerushalim׃
11 צְאֶ֧ינָה ׀ וּֽרְאֶ֛ינָה בְּנֹ֥ות צִיֹּ֖ון בַּמֶּ֣לֶךְ שְׁלֹמֹ֑ה בָּעֲטָרָ֗ה שֶׁעִטְּרָה־לֹּ֤ו אִמֹּו֙ בְּיֹ֣ום חֲתֻנָּתֹ֔ו וּבְיֹ֖ום שִׂמְחַ֥ת לִבֹּֽו׃ ס tseʾeynah ׀ ureʾeynah benowt tsiyown bamelekhe shelomoh baʿaṭarah sheʿiṭerah־low ʾimow beyowm ḥatunatow uveyowm simeḥat libow׃ s