Ésaïe 19

¹ מַשָּׂ֖א מִצְרָ֑יִם הִנֵּ֨ה יְהוָ֜ה רֹכֵ֨ב עַל־עָ֥ב קַל֙ וּבָ֣א מִצְרַ֔יִם וְנָע֞וּ אֱלִילֵ֤י מִצְרַ֙יִם֙ מִפָּנָ֔יו וּלְבַ֥ב מִצְרַ֖יִם יִמַּ֥ס בְּקִרְבֹּֽו׃ masaʾ mitserayim hineh yehwah rokhev ʿal־ʿav qal uvaʾ mitserayim wenaʿu ʾeliyley mitserayim mipanayw ulevav mitserayim yimas beqirebow׃

² וְסִכְסַכְתִּ֤י מִצְרַ֙יִם֙ בְּמִצְרַ֔יִם וְנִלְחֲמ֥וּ אִישׁ־בְּאָחִ֖יו וְאִ֣ישׁ בְּרֵעֵ֑הוּ עִ֣יר בְּעִ֔יר מַמְלָכָ֖ה בְּמַמְלָכָֽה׃ wesikhesakhetiy mitserayim bemitserayim wenileḥamu ʾiysh־beʾaḥiyw weʾiysh bereʿehu ʿiyr beʿiyr mamelakhah bemamelakhah׃

³ וְנָבְקָ֤ה רֽוּחַ־מִצְרַ֙יִם֙ בְּקִרְבֹּ֔ו וַעֲצָתֹ֖ו אֲבַלֵּ֑עַ וְדָרְשׁ֤וּ אֶל־הָֽאֱלִילִים֙ וְאֶל־הָ֣אִטִּ֔ים וְאֶל־הָאֹבֹ֖ות וְאֶל־הַיִּדְּעֹנִֽים׃ wenaveqah ruaḥ־mitserayim beqirebow waʿatsatow ʾavaleaʿ wedareshu ʾel־haʾeliyliym weʾel־haʾiṭiym weʾel־haʾovowt weʾel־hayideʿoniym׃

⁴ וְסִכַּרְתִּי֙ אֶת־מִצְרַ֔יִם בְּיַ֖ד אֲדֹנִ֣ים קָשֶׁ֑ה וּמֶ֤לֶךְ עַז֙ יִמְשָׁל־בָּ֔ם נְאֻ֥ם הָאָדֹ֖ון יְהוָ֥ה צְבָאֹֽות׃ wesikaretiy ʾet־mitserayim beyad ʾadoniym qasheh umelekhe ʿaz yimeshal־bam neʾum haʾadown yehwah tsevaʾowt׃

⁵ וְנִשְּׁתוּ־מַ֖יִם מֵֽהַיָּ֑ם וְנָהָ֖ר יֶחֱרַ֥ב וְיָבֵֽשׁ׃ wenishetu־mayim mehayam wenahar yeḥerav weyavesh׃

⁶ וְהֶאֶזְנִ֣יחוּ נְהָרֹ֔ות דָּלֲל֥וּ וְחָרְב֖וּ יְאֹרֵ֣י מָצֹ֑ור קָנֶ֥ה וָס֖וּף קָמֵֽלוּ׃ weheʾezeniyḥu neharowt dalalu weḥarevu yeʾorey matsowr qaneh wasuf qamelu׃

⁷ עָרֹ֥ות עַל־יְאֹ֖ור עַל־פִּ֣י יְאֹ֑ור וְכֹל֙ מִזְרַ֣ע יְאֹ֔ור יִיבַ֥שׁ נִדַּ֖ף וְאֵינֶֽנּוּ׃ ʿarowt ʿal־yeʾowr ʿal־piy yeʾowr wekhol mizeraʿ yeʾowr yiyvash nidaf weʾeynenu׃

⁸ וְאָנוּ֙ הַדַּיָּגִ֔ים וְאָ֣בְל֔וּ כָּל־מַשְׁלִיכֵ֥י בַיְאֹ֖ור חַכָּ֑ה וּפֹרְשֵׂ֥י מִכְמֹ֛רֶת עַל־פְּנֵי־מַ֖יִם אֻמְלָֽלוּ׃ weʾanu hadayagiym weʾavelu kal־masheliykhey vayeʾowr ḥakah uforesey mikhemoret ʿal־peney־mayim ʾumelalu׃

⁹ וּבֹ֛שׁוּ עֹבְדֵ֥י פִשְׁתִּ֖ים שְׂרִיקֹ֑ות וְאֹרְגִ֖ים חֹורָֽי׃ uvoshu ʿovedey fishetiym seriyqowt weʾoregiym ḥowray׃

¹⁰ וְהָי֥וּ שָׁתֹתֶ֖יהָ מְדֻכָּאִ֑ים כָּל־עֹ֥שֵׂי שֶׂ֖כֶר אַגְמֵי־נָֽפֶשׁ׃ wehayu shatoteyha medukaʾiym kal־ʿosey sekher ʾagemey־nafesh׃

¹¹ אַךְ־אֱוִלִים֙ שָׂ֣רֵי צֹ֔עַן חַכְמֵי֙ יֹעֲצֵ֣י פַרְעֹ֔ה עֵצָ֖ה נִבְעָרָ֑ה אֵ֚יךְ תֹּאמְר֣וּ אֶל־פַּרְעֹ֔ה בֶּן־חֲכָמִ֥ים אֲנִ֖י בֶּן־מַלְכֵי־קֶֽדֶם׃ ʾakhe־ʾewiliym sarey tsoʿan ḥakhemey yoʿatsey fareʿoh ʿetsah niveʿarah ʾeykhe toʾmeru ʾel־pareʿoh ben־ḥakhamiym ʾaniy ben־malekhey־qedem׃

¹² אַיָּם֙ אֵפֹ֣וא חֲכָמֶ֔יךָ וְיַגִּ֥ידוּ נָ֖א לָ֑ךְ וְיֵ֣דְע֔וּ מַה־יָּעַ֛ץ יְהוָ֥ה צְבָאֹ֖ות עַל־מִצְרָֽיִם׃ ʾayam ʾefowʾ ḥakhameykha weyagiydu naʾ lakhe weyedeʿu mah־yaʿats yehwah tsevaʾowt ʿal־mitserayim׃

¹³ נֹֽואֲלוּ֙ שָׂ֣רֵי צֹ֔עַן נִשְּׁא֖וּ שָׂ֣רֵי נֹ֑ף הִתְע֥וּ אֶת־מִצְרַ֖יִם פִּנַּ֥ת שְׁבָטֶֽיהָ׃ nowʾalu sarey tsoʿan nisheʾu sarey nof hiteʿu ʾet־mitserayim pinat shevaṭeyha׃

¹⁴ יְהוָ֛ה מָסַ֥ךְ בְּקִרְבָּ֖הּ ר֣וּחַ עִוְעִ֑ים וְהִתְע֤וּ אֶת־מִצְרַ֙יִם֙ בְּכָֽל־מַעֲשֵׂ֔הוּ כְּהִתָּעֹ֥ות שִׁכֹּ֖ור בְּקִיאֹֽו׃ yehwah masakhe beqirebah ruaḥ ʿiweʿiym wehiteʿu ʾet־mitserayim bekhal־maʿasehu kehitaʿowt shikowr beqiyʾow׃

¹⁵ וְלֹֽא־יִהְיֶ֥ה לְמִצְרַ֖יִם מַֽעֲשֶׂ֑ה אֲשֶׁ֧ר יַעֲשֶׂ֛ה רֹ֥אשׁ וְזָנָ֖ב כִּפָּ֥ה וְאַגְמֹֽון׃ ס weloʾ־yiheyeh lemitserayim maʿaseh ʾasher yaʿaseh roʾsh wezanav kipah weʾagemown׃ s

¹⁶ בַּיֹּ֣ום הַה֔וּא יִֽהְיֶ֥ה מִצְרַ֖יִם כַּנָּשִׁ֑ים וְחָרַ֣ד ׀ וּפָחַ֗ד מִפְּנֵי֙ תְּנוּפַת֙ יַד־יְהוָ֣ה צְבָאֹ֔ות אֲשֶׁר־ה֖וּא מֵנִ֥יף עָלָֽיו׃ bayowm hahuʾ yiheyeh mitserayim kanashiym weḥarad ׀ ufaḥad mipeney tenufat yad־yehwah tsevaʾowt ʾasher־huʾ meniyf ʿalayw׃

¹⁷ וְ֠הָיְתָה אַדְמַ֨ת יְהוּדָ֤ה לְמִצְרַ֙יִם֙ לְחָגָּ֔א כֹּל֩ אֲשֶׁ֨ר יַזְכִּ֥יר אֹתָ֛הּ אֵלָ֖יו יִפְחָ֑ד מִפְּנֵ֗י עֲצַת֙ יְהוָ֣ה צְבָאֹ֔ות אֲשֶׁר־ה֖וּא יֹועֵ֥ץ עָלָֽיו׃ ס wehayetah ʾademat yehudah lemitserayim leḥagaʾ kol ʾasher yazekiyr ʾotah ʾelayw yifeḥad mipeney ʿatsat yehwah tsevaʾowt ʾasher־huʾ yowʿets ʿalayw׃ s

¹⁸ בַּיֹּ֣ום הַה֡וּא יִהְיוּ֩ חָמֵ֨שׁ עָרִ֜ים בְּאֶ֣רֶץ מִצְרַ֗יִם מְדַבְּרֹות֙ שְׂפַ֣ת כְּנַ֔עַן וְנִשְׁבָּעֹ֖ות לַיהוָ֣ה צְבָאֹ֑ות עִ֣יר הַהֶ֔רֶס יֵאָמֵ֖ר לְאֶחָֽת׃ ס bayowm hahuʾ yiheyu ḥamesh ʿariym beʾerets mitserayim medaberowt sefat kenaʿan wenishebaʿowt layhwah tsevaʾowt ʿiyr haheres yeʾamer leʾeḥat׃ s

¹⁹ בַּיֹּ֣ום הַה֗וּא יִֽהְיֶ֤ה מִזְבֵּ֙חַ֙ לַֽיהוָ֔ה בְּתֹ֖וךְ אֶ֣רֶץ מִצְרָ֑יִם וּמַצֵּבָ֥ה אֵֽצֶל־גְּבוּלָ֖הּ לַֽיהוָֽה׃ bayowm hahuʾ yiheyeh mizebeaḥ layhwah betowkhe ʾerets mitserayim umatsevah ʾetsel־gevulah layhwah׃

²⁰ וְהָיָ֨ה לְאֹ֥ות וּלְעֵ֛ד לַֽיהוָ֥ה צְבָאֹ֖ות בְּאֶ֣רֶץ מִצְרָ֑יִם כִּֽי־יִצְעֲק֤וּ אֶל־יְהוָה֙ מִפְּנֵ֣י לֹֽחֲצִ֔ים וְיִשְׁלַ֥ח לָהֶ֛ם מֹושִׁ֥יעַ וָרָ֖ב וְהִצִּילָֽם׃ wehayah leʾowt uleʿed layhwah tsevaʾowt beʾerets mitserayim kiy־yitseʿaqu ʾel־yehwah mipeney loḥatsiym weyishelaḥ lahem mowshiyʿa warav wehitsiylam׃

²¹ וְנֹודַ֤ע יְהוָה֙ לְמִצְרַ֔יִם וְיָדְע֥וּ מִצְרַ֛יִם אֶת־יְהוָ֖ה בַּיֹּ֣ום הַה֑וּא וְעָֽבְדוּ֙ זֶ֣בַח וּמִנְחָ֔ה וְנָדְרוּ־נֵ֥דֶר לַֽיהוָ֖ה וְשִׁלֵּֽמוּ׃ wenowdaʿ yehwah lemitserayim weyadeʿu mitserayim ʾet־yehwah bayowm hahuʾ weʿavedu zevaḥ umineḥah wenaderu־neder layhwah weshilemu׃

²² וְנָגַ֧ף יְהוָ֛ה אֶת־מִצְרַ֖יִם נָגֹ֣ף וְרָפֹ֑וא וְשָׁ֙בוּ֙ עַד־יְהוָ֔ה וְנֶעְתַּ֥ר לָהֶ֖ם וּרְפָאָֽם׃ wenagaf yehwah ʾet־mitserayim nagof werafowʾ weshavu ʿad־yehwah weneʿetar lahem urefaʾam׃

²³ בַּיֹּ֣ום הַה֗וּא תִּהְיֶ֨ה מְסִלָּ֤ה מִמִּצְרַ֙יִם֙ אַשּׁ֔וּרָה וּבָֽא־אַשּׁ֥וּר בְּמִצְרַ֖יִם וּמִצְרַ֣יִם בְּאַשּׁ֑וּר וְעָבְד֥וּ מִצְרַ֖יִם אֶת־אַשּֽׁוּר׃ ס bayowm hahuʾ tiheyeh mesilah mimitserayim ʾashurah uvaʾ־ʾashur bemitserayim umitserayim beʾashur weʿavedu mitserayim ʾet־ʾashur׃ s

²⁴ בַּיֹּ֣ום הַה֗וּא יִהְיֶ֤ה יִשְׂרָאֵל֙ שְׁלִ֣ישִׁיָּ֔ה לְמִצְרַ֖יִם וּלְאַשּׁ֑וּר בְּרָכָ֖ה בְּקֶ֥רֶב הָאָֽרֶץ׃ bayowm hahuʾ yiheyeh yiseraʾel sheliyshiyah lemitserayim uleʾashur berakhah beqerev haʾarets׃

²⁵ אֲשֶׁ֧ר בֵּרֲכֹ֛ו יְהוָ֥ה צְבָאֹ֖ות לֵאמֹ֑ר בָּר֨וּךְ עַמִּ֜י מִצְרַ֗יִם וּמַעֲשֵׂ֤ה יָדַי֙ אַשּׁ֔וּר וְנַחֲלָתִ֖י יִשְׂרָאֵֽל׃ ס ʾasher berakhow yehwah tsevaʾowt leʾmor barukhe ʿamiy mitserayim umaʿaseh yaday ʾashur wenaḥalatiy yiseraʾel׃ s