1 Rois 8

¹ אָ֣ז יַקְהֵ֣ל שְׁלֹמֹ֣ה אֶת־זִקְנֵ֣י יִשְׂרָאֵ֡ל אֶת־כָּל־רָאשֵׁ֣י הַמַּטֹּות֩ נְשִׂיאֵ֨י הָאָבֹ֜ות לִבְנֵ֧י יִשְׂרָאֵ֛ל אֶל־הַמֶּ֥לֶךְ שְׁלֹמֹ֖ה יְרוּשָׁלִָ֑ם לְֽהַעֲלֹ֞ות אֶת־אֲרֹ֧ון בְּרִית־יְהוָ֛ה מֵעִ֥יר דָּוִ֖ד הִ֥יא צִיֹּֽון׃ ʾaz yaqehel shelomoh ʾet־ziqeney yiseraʾel ʾet־kal־raʾshey hamaṭowt nesiyʾey haʾavowt liveney yiseraʾel ʾel־hamelekhe shelomoh yerushalim lehaʿalowt ʾet־ʾarown beriyt־yehwah meʿiyr dawid hiyʾ tsiyown׃

² וַיִּקָּ֨הֲל֜וּ אֶל־הַמֶּ֤לֶךְ שְׁלֹמֹה֙ כָּל־אִ֣ישׁ יִשְׂרָאֵ֔ל בְּיֶ֥רַח הָאֵֽתָנִ֖ים בֶּחָ֑ג ה֖וּא הַחֹ֥דֶשׁ הַשְּׁבִיעִֽי׃ wayiqahalu ʾel־hamelekhe shelomoh kal־ʾiysh yiseraʾel beyeraḥ haʾetaniym beḥag huʾ haḥodesh hasheviyʿiy׃

³ וַיָּבֹ֕אוּ כֹּ֖ל זִקְנֵ֣י יִשְׂרָאֵ֑ל וַיִּשְׂא֥וּ הַכֹּהֲנִ֖ים אֶת־הָאָרֹֽון׃ wayavoʾu kol ziqeney yiseraʾel wayiseʾu hakohaniym ʾet־haʾarown׃

⁴ וַֽיַּעֲל֞וּ אֶת־אֲרֹ֤ון יְהוָה֙ וְאֶת־אֹ֣הֶל מֹועֵ֔ד וְאֶֽת־כָּל־כְּלֵ֥י הַקֹּ֖דֶשׁ אֲשֶׁ֣ר בָּאֹ֑הֶל וַיַּעֲל֣וּ אֹתָ֔ם הַכֹּהֲנִ֖ים וְהַלְוִיִּֽם׃ wayaʿalu ʾet־ʾarown yehwah weʾet־ʾohel mowʿed weʾet־kal־keley haqodesh ʾasher baʾohel wayaʿalu ʾotam hakohaniym wehalewiyim׃

⁵ וְהַמֶּ֣לֶךְ שְׁלֹמֹ֗ה וְכָל־עֲדַ֤ת יִשְׂרָאֵל֙ הַנֹּועָדִ֣ים עָלָ֔יו אִתֹּ֖ו לִפְנֵ֣י הָֽאָרֹ֑ון מְזַבְּחִים֙ צֹ֣אן וּבָקָ֔ר אֲשֶׁ֧ר לֹֽא־יִסָּפְר֛וּ וְלֹ֥א יִמָּנ֖וּ מֵרֹֽב׃ wehamelekhe shelomoh wekhal־ʿadat yiseraʾel hanowʿadiym ʿalayw ʾitow lifeney haʾarown mezabeḥiym tsoʾn uvaqar ʾasher loʾ־yisaferu weloʾ yimanu merov׃

⁶ וַיָּבִ֣אוּ הַ֠כֹּהֲנִים אֶת־אֲרֹ֨ון בְּרִית־יְהוָ֧ה אֶל־מְקֹומֹ֛ו אֶל־דְּבִ֥יר הַבַּ֖יִת אֶל־קֹ֣דֶשׁ הַקֳּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃ wayaviʾu hakohaniym ʾet־ʾarown beriyt־yehwah ʾel־meqowmow ʾel־deviyr habayit ʾel־qodesh haqodashiym ʾel־taḥat kanefey hakeruviym׃

⁷ כִּ֤י הַכְּרוּבִים֙ פֹּרְשִׂ֣ים כְּנָפַ֔יִם אֶל־מְקֹ֖ום הָֽאָרֹ֑ון וַיָּסֹ֧כּוּ הַכְּרֻבִ֛ים עַל־הָאָרֹ֥ון וְעַל־בַּדָּ֖יו מִלְמָֽעְלָה׃ kiy hakeruviym poresiym kenafayim ʾel־meqowm haʾarown wayasoku hakeruviym ʿal־haʾarown weʿal־badayw milemaʿelah׃

⁸ וַֽיַּאֲרִכוּ֮ הַבַּדִּים֒ וַיֵּרָאוּ֩ רָאשֵׁ֨י הַבַּדִּ֤ים מִן־הַקֹּ֙דֶשׁ֙ עַל־פְּנֵ֣י הַדְּבִ֔יר וְלֹ֥א יֵרָא֖וּ הַח֑וּצָה וַיִּ֣הְיוּ שָׁ֔ם עַ֖ד הַיֹּ֥ום הַזֶּֽה׃ wayaʾarikhu habadiym wayeraʾu raʾshey habadiym min־haqodesh ʿal־peney hadeviyr weloʾ yeraʾu haḥutsah wayiheyu sham ʿad hayowm hazeh׃

⁹ אֵ֚ין בָּֽאָרֹ֔ון רַ֗ק שְׁנֵי֙ לֻחֹ֣ות הָאֲבָנִ֔ים אֲשֶׁ֨ר הִנִּ֥חַ שָׁ֛ם מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת יְהוָה֙ עִם־בְּנֵ֣י יִשְׂרָאֵ֔ל בְּצֵאתָ֖ם מֵאֶ֥רֶץ מִצְרָֽיִם׃ ʾeyn baʾarown raq sheney luḥowt haʾavaniym ʾasher hiniaḥ sham mosheh beḥorev ʾasher karat yehwah ʿim־beney yiseraʾel betseʾtam meʾerets mitserayim׃

¹⁰ וַיְהִ֕י בְּצֵ֥את הַכֹּהֲנִ֖ים מִן־הַקֹּ֑דֶשׁ וְהֶעָנָ֥ן מָלֵ֖א אֶת־בֵּ֥ית יְהוָֽה׃ wayehiy betseʾt hakohaniym min־haqodesh weheʿanan maleʾ ʾet־beyt yehwah׃

¹¹ וְלֹֽא־יָכְל֧וּ הַכֹּהֲנִ֛ים לַעֲמֹ֥ד לְשָׁרֵ֖ת מִפְּנֵ֥י הֶֽעָנָ֑ן כִּי־מָלֵ֥א כְבֹוד־יְהוָ֖ה אֶת־בֵּ֥ית יְהוָֽה׃ פ weloʾ־yakhelu hakohaniym laʿamod lesharet mipeney heʿanan kiy־maleʾ khevowd־yehwah ʾet־beyt yehwah׃ f

¹² אָ֖ז אָמַ֣ר שְׁלֹמֹ֑ה יְהוָ֣ה אָמַ֔ר לִשְׁכֹּ֖ן בָּעֲרָפֶֽל׃ ʾaz ʾamar shelomoh yehwah ʾamar lishekon baʿarafel׃

¹³ בָּנֹ֥ה בָנִ֛יתִי בֵּ֥ית זְבֻ֖ל לָ֑ךְ מָכֹ֥ון לְשִׁבְתְּךָ֖ עֹולָמִֽים׃ banoh vaniytiy beyt zevul lakhe makhown leshivetekha ʿowlamiym׃

¹⁴ וַיַּסֵּ֤ב הַמֶּ֙לֶךְ֙ אֶת־פָּנָ֔יו וַיְבָ֕רֶךְ אֵ֖ת כָּל־קְהַ֣ל יִשְׂרָאֵ֑ל וְכָל־קְהַ֥ל יִשְׂרָאֵ֖ל עֹמֵֽד׃ wayasev hamelekhe ʾet־panayw wayevarekhe ʾet kal־qehal yiseraʾel wekhal־qehal yiseraʾel ʿomed׃

¹⁵ וַיֹּ֗אמֶר בָּר֤וּךְ יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ דִּבֶּ֣ר בְּפִ֔יו אֵ֖ת דָּוִ֣ד אָבִ֑י וּבְיָדֹ֥ו מִלֵּ֖א לֵאמֹֽר׃ wayoʾmer barukhe yehwah ʾelohey yiseraʾel ʾasher diber befiyw ʾet dawid ʾaviy uveyadow mileʾ leʾmor׃

¹⁶ מִן־הַיֹּ֗ום אֲשֶׁ֨ר הֹוצֵ֜אתִי אֶת־עַמִּ֣י אֶת־יִשְׂרָאֵל֮ מִמִּצְרַיִם֒ לֹֽא־בָחַ֣רְתִּי בְעִ֗יר מִכֹּל֙ שִׁבְטֵ֣י יִשְׂרָאֵ֔ל לִבְנֹ֣ות בַּ֔יִת לִהְיֹ֥ות שְׁמִ֖י שָׁ֑ם וָאֶבְחַ֣ר בְּדָוִ֔ד לִֽהְיֹ֖ות עַל־עַמִּ֥י יִשְׂרָאֵֽל׃ min־hayowm ʾasher howtseʾtiy ʾet־ʿamiy ʾet־yiseraʾel mimitserayim loʾ־vaḥaretiy veʿiyr mikol shiveṭey yiseraʾel livenowt bayit liheyowt shemiy sham waʾeveḥar bedawid liheyowt ʿal־ʿamiy yiseraʾel׃

¹⁷ וַיְהִ֕י עִם־לְבַ֖ב דָּוִ֣ד אָבִ֑י לִבְנֹ֣ות בַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃ wayehiy ʿim־levav dawid ʾaviy livenowt bayit leshem yehwah ʾelohey yiseraʾel׃

¹⁸ וַיֹּ֤אמֶר יְהוָה֙ אֶל־דָּוִ֣ד אָבִ֔י יַ֗עַן אֲשֶׁ֤ר הָיָה֙ עִם־לְבָ֣בְךָ֔ לִבְנֹ֥ות בַּ֖יִת לִשְׁמִ֑י הֱטִיבֹ֔תָ כִּ֥י הָיָ֖ה עִם־לְבָבֶֽךָ׃ wayoʾmer yehwah ʾel־dawid ʾaviy yaʿan ʾasher hayah ʿim־levavekha livenowt bayit lishemiy heṭiyvota kiy hayah ʿim־levavekha׃

¹⁹ רַ֣ק אַתָּ֔ה לֹ֥א תִבְנֶ֖ה הַבָּ֑יִת כִּ֤י אִם־בִּנְךָ֙ הַיֹּצֵ֣א מֵחֲלָצֶ֔יךָ הֽוּא־יִבְנֶ֥ה הַבַּ֖יִת לִשְׁמִֽי׃ raq ʾatah loʾ tiveneh habayit kiy ʾim־binekha hayotseʾ meḥalatseykha huʾ־yiveneh habayit lishemiy׃

²⁰ וַיָּ֣קֶם יְהוָ֔ה אֶת־דְּבָרֹ֖ו אֲשֶׁ֣ר דִּבֵּ֑ר וָאָקֻ֡ם תַּחַת֩ דָּוִ֨ד אָבִ֜י וָאֵשֵׁ֣ב עַל־כִּסֵּ֣א יִשְׂרָאֵ֗ל כַּֽאֲשֶׁר֙ דִּבֶּ֣ר יְהוָ֔ה וָאֶבְנֶ֣ה הַבַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃ wayaqem yehwah ʾet־devarow ʾasher diber waʾaqum taḥat dawid ʾaviy waʾeshev ʿal־kiseʾ yiseraʾel kaʾasher diber yehwah waʾeveneh habayit leshem yehwah ʾelohey yiseraʾel׃

²¹ וָאָשִׂ֨ם שָׁ֤ם מָקֹום֙ לָֽאָרֹ֔ון אֲשֶׁר־שָׁ֖ם בְּרִ֣ית יְהוָ֑ה אֲשֶׁ֤ר כָּרַת֙ עִם־אֲבֹתֵ֔ינוּ בְּהֹוצִיאֹ֥ו אֹתָ֖ם מֵאֶ֥רֶץ מִצְרָֽיִם׃ ס waʾasim sham maqowm laʾarown ʾasher־sham beriyt yehwah ʾasher karat ʿim־ʾavoteynu behowtsiyʾow ʾotam meʾerets mitserayim׃ s

²² וַיַּעֲמֹ֣ד שְׁלֹמֹ֗ה לִפְנֵי֙ מִזְבַּ֣ח יְהוָ֔ה נֶ֖גֶד כָּל־קְהַ֣ל יִשְׂרָאֵ֑ל וַיִּפְרֹ֥שׂ כַּפָּ֖יו הַשָּׁמָֽיִם׃ wayaʿamod shelomoh lifeney mizebaḥ yehwah neged kal־qehal yiseraʾel wayiferos kapayw hashamayim׃

²³ וַיֹּאמַ֗ר יְהוָ֞ה אֱלֹהֵ֤י יִשְׂרָאֵל֙ אֵין־כָּמֹ֣וךָ אֱלֹהִ֔ים בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּ֑חַת שֹׁמֵ֤ר הַבְּרִית֙ וְֽהַחֶ֔סֶד לַעֲבָדֶ֕יךָ הַהֹלְכִ֥ים לְפָנֶ֖יךָ בְּכָל־לִבָּֽם׃ wayoʾmar yehwah ʾelohey yiseraʾel ʾeyn־kamowkha ʾelohiym bashamayim mimaʿal weʿal־haʾarets mitaḥat shomer haberiyt wehaḥesed laʿavadeykha haholekhiym lefaneykha bekhal־libam׃

²⁴ אֲשֶׁ֣ר שָׁמַ֗רְתָּ לְעַבְדְּךָ֙ דָּוִ֣ד אָבִ֔י אֵ֥ת אֲשֶׁר־דִּבַּ֖רְתָּ לֹ֑ו וַתְּדַבֵּ֥ר בְּפִ֛יךָ וּבְיָדְךָ֥ מִלֵּ֖אתָ כַּיֹּ֥ום הַזֶּֽה׃ ʾasher shamareta leʿavedekha dawid ʾaviy ʾet ʾasher־dibareta low watedaber befiykha uveyadekha mileʾta kayowm hazeh׃

²⁵ וְעַתָּ֞ה יְהוָ֣ה ׀ אֱלֹהֵ֣י יִשְׂרָאֵ֗ל מֹר לְעַבְדְּךָ֙ דָוִ֤ד אָבִי֙ אֵת֩ אֲשֶׁ֨ר דִּבַּ֤רְתָּ לֹּו֙ לֵאמֹ֔ר לֹא־יִכָּרֵ֨ת לְךָ֥ אִישׁ֙ מִלְּפָנַ֔י יֹשֵׁ֖ב עַל־כִּסֵּ֣א יִשְׂרָאֵ֑ל רַ֠ק אִם־יִשְׁמְר֨וּ בָנֶ֤יךָ אֶת־דַּרְכָּם֙ לָלֶ֣כֶת לְפָנַ֔י כַּאֲשֶׁ֥ר הָלַ֖כְתָּ לְפָנָֽי׃ weʿatah yehwah ׀ ʾelohey yiseraʾel mor leʿavedekha dawid ʾaviy ʾet ʾasher dibareta low leʾmor loʾ־yikaret lekha ʾiysh milefanay yoshev ʿal־kiseʾ yiseraʾel raq ʾim־yishemeru vaneykha ʾet־darekam lalekhet lefanay kaʾasher halakheta lefanay׃

²⁶ וְעַתָּ֖ה אֱלֹהֵ֣י יִשְׂרָאֵ֑ל יֵאָ֤מֶן נָא֙ [דְּבָרֶיךָ כ] (דְּבָ֣רְךָ֔ ק) אֲשֶׁ֣ר דִּבַּ֔רְתָּ לְעַבְדְּךָ֖ דָּוִ֥ד אָבִֽי׃ weʿatah ʾelohey yiseraʾel yeʾamen naʾ [devareykha kh] (devarekha q) ʾasher dibareta leʿavedekha dawid ʾaviy׃

²⁷ כִּ֚י הַֽאֻמְנָ֔ם יֵשֵׁ֥ב אֱלֹהִ֖ים עַל־הָאָ֑רֶץ הִ֠נֵּה הַשָּׁמַ֜יִם וּשְׁמֵ֤י הַשָּׁמַ֙יִם֙ לֹ֣א יְכַלְכְּל֔וּךָ אַ֕ף כִּֽי־הַבַּ֥יִת הַזֶּ֖ה אֲשֶׁ֥ר בָּנִֽיתִי׃ kiy haʾumenam yeshev ʾelohiym ʿal־haʾarets hineh hashamayim ushemey hashamayim loʾ yekhalekelukha ʾaf kiy־habayit hazeh ʾasher baniytiy׃

²⁸ וּפָנִ֜יתָ אֶל־תְּפִלַּ֧ת עַבְדְּךָ֛ וְאֶל־תְּחִנָּתֹ֖ו יְהוָ֣ה אֱלֹהָ֑י לִשְׁמֹ֤עַ אֶל־הָֽרִנָּה֙ וְאֶל־הַתְּפִלָּ֔ה אֲשֶׁ֧ר עַבְדְּךָ֛ מִתְפַּלֵּ֥ל לְפָנֶ֖יךָ הַיֹּֽום׃ ufaniyta ʾel־tefilat ʿavedekha weʾel־teḥinatow yehwah ʾelohay lishemoaʿ ʾel־harinah weʾel־hatefilah ʾasher ʿavedekha mitepalel lefaneykha hayowm׃

²⁹ לִהְיֹות֩ עֵינֶ֨ךָ פְתֻחֹ֜ות אֶל־הַבַּ֤יִת הַזֶּה֙ לַ֣יְלָה וָיֹ֔ום אֶל־הַ֨מָּקֹ֔ום אֲשֶׁ֣ר אָמַ֔רְתָּ יִהְיֶ֥ה שְׁמִ֖י שָׁ֑ם לִשְׁמֹ֙עַ֙ אֶל־הַתְּפִלָּ֔ה אֲשֶׁ֣ר יִתְפַּלֵּ֣ל עַבְדְּךָ֔ אֶל־הַמָּקֹ֖ום הַזֶּֽה׃ liheyowt ʿeynekha fetuḥowt ʾel־habayit hazeh layelah wayowm ʾel־hamaqowm ʾasher ʾamareta yiheyeh shemiy sham lishemoaʿ ʾel־hatefilah ʾasher yitepalel ʿavedekha ʾel־hamaqowm hazeh׃

³⁰ וְשָׁ֨מַעְתָּ֜ אֶל־תְּחִנַּ֤ת עַבְדְּךָ֙ וְעַמְּךָ֣ יִשְׂרָאֵ֔ל אֲשֶׁ֥ר יִֽתְפַּֽלְל֖וּ אֶל־הַמָּקֹ֣ום הַזֶּ֑ה וְ֠אַתָּה תִּשְׁמַ֞ע אֶל־מְקֹ֤ום שִׁבְתְּךָ֙ אֶל־הַשָּׁמַ֔יִם וְשָׁמַעְתָּ֖ וְסָלָֽחְתָּ׃ weshamaʿeta ʾel־teḥinat ʿavedekha weʿamekha yiseraʾel ʾasher yitepalelu ʾel־hamaqowm hazeh weʾatah tishemaʿ ʾel־meqowm shivetekha ʾel־hashamayim weshamaʿeta wesalaḥeta׃

³¹ אֵת֩ אֲשֶׁ֨ר יֶחֱטָ֥א אִישׁ֙ לְרֵעֵ֔הוּ וְנָֽשָׁא־בֹ֥ו אָלָ֖ה לְהַֽאֲלֹתֹ֑ו וּבָ֗א אָלָ֛ה לִפְנֵ֥י מִֽזְבַּחֲךָ֖ בַּבַּ֥יִת הַזֶּֽה׃ ʾet ʾasher yeḥeṭaʾ ʾiysh lereʿehu wenashaʾ־vow ʾalah lehaʾalotow uvaʾ ʾalah lifeney mizebaḥakha babayit hazeh׃

³² וְאַתָּ֣ה ׀ תִּשְׁמַ֣ע הַשָּׁמַ֗יִם וְעָשִׂ֙יתָ֙ וְשָׁפַטְתָּ֣ אֶת־עֲבָדֶ֔יךָ לְהַרְשִׁ֣יעַ רָשָׁ֔ע לָתֵ֥ת דַּרְכֹּ֖ו בְּרֹאשֹׁ֑ו וּלְהַצְדִּ֣יק צַדִּ֔יק לָ֥תֶת לֹ֖ו כְּצִדְקָתֹֽו׃ ס weʾatah ׀ tishemaʿ hashamayim weʿasiyta weshafaṭeta ʾet־ʿavadeykha lehareshiyʿa rashaʿ latet darekow beroʾshow ulehatsediyq tsadiyq latet low ketsideqatow׃ s

³³ בְּֽהִנָּגֵ֞ף עַמְּךָ֧ יִשְׂרָאֵ֛ל לִפְנֵ֥י אֹויֵ֖ב אֲשֶׁ֣ר יֶחֶטְאוּ־לָ֑ךְ וְשָׁ֤בוּ אֵלֶ֙יךָ֙ וְהֹוד֣וּ אֶת־שְׁמֶ֔ךָ וְהִֽתְפַּֽלְל֧וּ וְהִֽתְחַנְּנ֛וּ אֵלֶ֖יךָ בַּבַּ֥יִת הַזֶּֽה׃ behinagef ʿamekha yiseraʾel lifeney ʾowyev ʾasher yeḥeṭeʾu־lakhe weshavu ʾeleykha wehowdu ʾet־shemekha wehitepalelu wehiteḥanenu ʾeleykha babayit hazeh׃

³⁴ וְאַתָּה֙ תִּשְׁמַ֣ע הַשָּׁמַ֔יִם וְסָ֣לַחְתָּ֔ לְחַטַּ֖את עַמְּךָ֣ יִשְׂרָאֵ֑ל וַהֲשֵֽׁבֹתָם֙ אֶל־הָ֣אֲדָמָ֔ה אֲשֶׁ֥ר נָתַ֖תָּ לַאֲבֹותָֽם׃ ס weʾatah tishemaʿ hashamayim wesalaḥeta leḥaṭaʾt ʿamekha yiseraʾel wahashevotam ʾel־haʾadamah ʾasher natata laʾavowtam׃ s

³⁵ בְּהֵעָצֵ֥ר שָׁמַ֛יִם וְלֹא־יִהְיֶ֥ה מָטָ֖ר כִּ֣י יֶחֶטְאוּ־לָ֑ךְ וְהִֽתְפַּֽלְל֞וּ אֶל־הַמָּקֹ֤ום הַזֶּה֙ וְהֹוד֣וּ אֶת־שְׁמֶ֔ךָ וּמֵחַטָּאתָ֥ם יְשׁוּב֖וּן כִּ֥י תַעֲנֵֽם׃ beheʿatser shamayim weloʾ־yiheyeh maṭar kiy yeḥeṭeʾu־lakhe wehitepalelu ʾel־hamaqowm hazeh wehowdu ʾet־shemekha umeḥaṭaʾtam yeshuvun kiy taʿanem׃

³⁶ וְאַתָּ֣ה ׀ תִּשְׁמַ֣ע הַשָּׁמַ֗יִם וְסָ֨לַחְתָּ֜ לְחַטַּ֤את עֲבָדֶ֙יךָ֙ וְעַמְּךָ֣ יִשְׂרָאֵ֔ל כִּ֥י תֹורֵ֛ם אֶת־הַדֶּ֥רֶךְ הַטֹּובָ֖ה אֲשֶׁ֣ר יֵֽלְכוּ־בָ֑הּ וְנָתַתָּ֤ה מָטָר֙ עַל־אַרְצְךָ֔ אֲשֶׁר־נָתַ֥תָּה לְעַמְּךָ֖ לְנַחֲלָֽה׃ ס weʾatah ׀ tishemaʿ hashamayim wesalaḥeta leḥaṭaʾt ʿavadeykha weʿamekha yiseraʾel kiy towrem ʾet־haderekhe haṭowvah ʾasher yelekhu־vah wenatatah maṭar ʿal־ʾaretsekha ʾasher־natatah leʿamekha lenaḥalah׃ s

³⁷ רָעָ֞ב כִּֽי־יִהְיֶ֣ה בָאָ֗רֶץ דֶּ֣בֶר כִּֽי־יִ֠הְיֶה שִׁדָּפֹ֨ון יֵרָקֹ֜ון אַרְבֶּ֤ה חָסִיל֙ כִּ֣י יִהְיֶ֔ה כִּ֧י יָֽצַר־לֹ֛ו אֹיְבֹ֖ו בְּאֶ֣רֶץ שְׁעָרָ֑יו כָּל־נֶ֖גַע כָּֽל־מַחֲלָֽה׃ raʿav kiy־yiheyeh vaʾarets dever kiy־yiheyeh shidafown yeraqown ʾarebeh ḥasiyl kiy yiheyeh kiy yatsar־low ʾoyevow beʾerets sheʿarayw kal־negaʿ kal־maḥalah׃

³⁸ כָּל־תְּפִלָּ֣ה כָל־תְּחִנָּ֗ה אֲשֶׁ֤ר תִֽהְיֶה֙ לְכָל־הָ֣אָדָ֔ם לְכֹ֖ל עַמְּךָ֣ יִשְׂרָאֵ֑ל אֲשֶׁ֣ר יֵדְע֗וּן אִ֚ישׁ נֶ֣גַע לְבָבֹ֔ו וּפָרַ֥שׂ כַּפָּ֖יו אֶל־הַבַּ֥יִת הַזֶּֽה׃ kal־tefilah khal־teḥinah ʾasher tiheyeh lekhal־haʾadam lekhol ʿamekha yiseraʾel ʾasher yedeʿun ʾiysh negaʿ levavow ufaras kapayw ʾel־habayit hazeh׃

³⁹ וְ֠אַתָּה תִּשְׁמַ֨ע הַשָּׁמַ֜יִם מְכֹ֤ון שִׁבְתֶּ֙ךָ֙ וְסָלַחְתָּ֣ וְעָשִׂ֔יתָ וְנָתַתָּ֤ לָאִישׁ֙ כְּכָל־דְּרָכָ֔יו אֲשֶׁ֥ר תֵּדַ֖ע אֶת־לְבָבֹ֑ו כִּֽי־אַתָּ֤ה יָדַ֙עְתָּ֙ לְבַדְּךָ֔ אֶת־לְבַ֖ב כָּל־בְּנֵ֥י הָאָדָֽם׃ weʾatah tishemaʿ hashamayim mekhown shivetekha wesalaḥeta weʿasiyta wenatata laʾiysh kekhal־derakhayw ʾasher tedaʿ ʾet־levavow kiy־ʾatah yadaʿeta levadekha ʾet־levav kal־beney haʾadam׃

⁴⁰ לְמַ֙עַן֙ יִֽרָא֔וּךָ כָּל־הַ֨יָּמִ֔ים אֲשֶׁר־הֵ֥ם חַיִּ֖ים עַל־פְּנֵ֣י הָאֲדָמָ֑ה אֲשֶׁ֥ר נָתַ֖תָּה לַאֲבֹתֵֽינוּ׃ lemaʿan yiraʾukha kal־hayamiym ʾasher־hem ḥayiym ʿal־peney haʾadamah ʾasher natatah laʾavoteynu׃

⁴¹ וְגַם֙ אֶל־הַנָּכְרִ֔י אֲשֶׁ֛ר לֹא־מֵעַמְּךָ֥ יִשְׂרָאֵ֖ל ה֑וּא וּבָ֛א מֵאֶ֥רֶץ רְחֹוקָ֖ה לְמַ֥עַן שְׁמֶֽךָ׃ wegam ʾel־hanakheriy ʾasher loʾ־meʿamekha yiseraʾel huʾ uvaʾ meʾerets reḥowqah lemaʿan shemekha׃

⁴² כִּ֤י יִשְׁמְעוּן֙ אֶת־שִׁמְךָ֣ הַגָּדֹ֔ול וְאֶת־יָֽדְךָ֙ הַֽחֲזָקָ֔ה וּֽזְרֹעֲךָ֖ הַנְּטוּיָ֑ה וּבָ֥א וְהִתְפַּלֵּ֖ל אֶל־הַבַּ֥יִת הַזֶּֽה׃ kiy yishemeʿun ʾet־shimekha hagadowl weʾet־yadekha haḥazaqah uzeroʿakha haneṭuyah uvaʾ wehitepalel ʾel־habayit hazeh׃

⁴³ אַתָּ֞ה תִּשְׁמַ֤ע הַשָּׁמַ֙יִם֙ מְכֹ֣ון שִׁבְתֶּ֔ךָ וְעָשִׂ֕יתָ כְּכֹ֛ל אֲשֶׁר־יִקְרָ֥א אֵלֶ֖יךָ הַנָּכְרִ֑י לְמַ֣עַן יֵדְעוּן֩ כָּל־עַמֵּ֨י הָאָ֜רֶץ אֶת־שְׁמֶ֗ךָ לְיִרְאָ֤ה אֹֽתְךָ֙ כְּעַמְּךָ֣ יִשְׂרָאֵ֔ל וְלָדַ֕עַת כִּי־שִׁמְךָ֣ נִקְרָ֔א עַל־הַבַּ֥יִת הַזֶּ֖ה אֲשֶׁ֥ר בָּנִֽיתִי׃ ʾatah tishemaʿ hashamayim mekhown shivetekha weʿasiyta kekhol ʾasher־yiqeraʾ ʾeleykha hanakheriy lemaʿan yedeʿun kal־ʿamey haʾarets ʾet־shemekha leyireʾah ʾotekha keʿamekha yiseraʾel weladaʿat kiy־shimekha niqeraʾ ʿal־habayit hazeh ʾasher baniytiy׃

⁴⁴ כִּי־יֵצֵ֨א עַמְּךָ֤ לַמִּלְחָמָה֙ עַל־אֹ֣יְבֹ֔ו בַּדֶּ֖רֶךְ אֲשֶׁ֣ר תִּשְׁלָחֵ֑ם וְהִתְפַּֽלְל֣וּ אֶל־יְהוָ֗ה דֶּ֤רֶךְ הָעִיר֙ אֲשֶׁ֣ר בָּחַ֣רְתָּ בָּ֔הּ וְהַבַּ֖יִת אֲשֶׁר־בָּנִ֥תִי לִשְׁמֶֽךָ׃ kiy־yetseʾ ʿamekha lamileḥamah ʿal־ʾoyevow baderekhe ʾasher tishelaḥem wehitepalelu ʾel־yehwah derekhe haʿiyr ʾasher baḥareta bah wehabayit ʾasher־banitiy lishemekha׃

⁴⁵ וְשָׁמַעְתָּ֙ הַשָּׁמַ֔יִם אֶת־תְּפִלָּתָ֖ם וְאֶת־תְּחִנָּתָ֑ם וְעָשִׂ֖יתָ מִשְׁפָּטָֽם׃ weshamaʿeta hashamayim ʾet־tefilatam weʾet־teḥinatam weʿasiyta mishepaṭam׃

⁴⁶ כִּ֣י יֶֽחֶטְאוּ־לָ֗ךְ כִּ֣י אֵ֤ין אָדָם֙ אֲשֶׁ֣ר לֹא־יֶחֱטָ֔א וְאָנַפְתָּ֣ בָ֔ם וּנְתַתָּ֖ם לִפְנֵ֣י אֹויֵ֑ב וְשָׁב֤וּם שֹֽׁבֵיהֶם֙ אֶל־אֶ֣רֶץ הָאֹויֵ֔ב רְחֹוקָ֖ה אֹ֥ו קְרֹובָֽה׃ kiy yeḥeṭeʾu־lakhe kiy ʾeyn ʾadam ʾasher loʾ־yeḥeṭaʾ weʾanafeta vam unetatam lifeney ʾowyev weshavum shoveyhem ʾel־ʾerets haʾowyev reḥowqah ʾow qerowvah׃

⁴⁷ וְהֵשִׁ֙יבוּ֙ אֶל־לִבָּ֔ם בָּאָ֖רֶץ אֲשֶׁ֣ר נִשְׁבּוּ־שָׁ֑ם וְשָׁ֣בוּ ׀ וְהִֽתְחַנְּנ֣וּ אֵלֶ֗יךָ בְּאֶ֤רֶץ שֹֽׁבֵיהֶם֙ לֵאמֹ֔ר חָטָ֥אנוּ וְהֶעֱוִ֖ינוּ רָשָֽׁעְנוּ׃ weheshiyvu ʾel־libam baʾarets ʾasher nishebu־sham weshavu ׀ wehiteḥanenu ʾeleykha beʾerets shoveyhem leʾmor ḥaṭaʾnu weheʿewiynu rashaʿenu׃

⁴⁸ וְשָׁ֣בוּ אֵלֶ֗יךָ בְּכָל־לְבָבָם֙ וּבְכָל־נַפְשָׁ֔ם בְּאֶ֥רֶץ אֹיְבֵיהֶ֖ם אֲשֶׁר־שָׁב֣וּ אֹתָ֑ם וְהִֽתְפַּֽלְל֣וּ אֵלֶ֗יךָ דֶּ֤רֶךְ אַרְצָם֙ אֲשֶׁ֣ר נָתַ֣תָּה לַאֲבֹותָ֔ם הָעִיר֙ אֲשֶׁ֣ר בָּחַ֔רְתָּ וְהַבַּ֖יִת אֲשֶׁר־ [בָּנִיתָ כ] (בָּנִ֥יתִי ק) לִשְׁמֶֽךָ׃ weshavu ʾeleykha bekhal־levavam uvekhal־nafesham beʾerets ʾoyeveyhem ʾasher־shavu ʾotam wehitepalelu ʾeleykha derekhe ʾaretsam ʾasher natatah laʾavowtam haʿiyr ʾasher baḥareta wehabayit ʾasher־ [baniyta kh] (baniytiy q) lishemekha׃

⁴⁹ וְשָׁמַעְתָּ֤ הַשָּׁמַ֙יִם֙ מְכֹ֣ון שִׁבְתְּךָ֔ אֶת־תְּפִלָּתָ֖ם וְאֶת־תְּחִנָּתָ֑ם וְעָשִׂ֖יתָ מִשְׁפָּטָֽם׃ weshamaʿeta hashamayim mekhown shivetekha ʾet־tefilatam weʾet־teḥinatam weʿasiyta mishepaṭam׃

⁵⁰ וְסָלַחְתָּ֤ לְעַמְּךָ֙ אֲשֶׁ֣ר חָֽטְאוּ־לָ֔ךְ וּלְכָל־פִּשְׁעֵיהֶ֖ם אֲשֶׁ֣ר פָּשְׁעוּ־בָ֑ךְ וּנְתַתָּ֧ם לְרַחֲמִ֛ים לִפְנֵ֥י שֹׁבֵיהֶ֖ם וְרִֽחֲמֽוּם׃ wesalaḥeta leʿamekha ʾasher ḥaṭeʾu־lakhe ulekhal־pisheʿeyhem ʾasher pasheʿu־vakhe unetatam leraḥamiym lifeney shoveyhem weriḥamum׃

⁵¹ כִּֽי־עַמְּךָ֥ וְנַחֲלָתְךָ֖ הֵ֑ם אֲשֶׁ֤ר הֹוצֵ֙אתָ֙ מִמִּצְרַ֔יִם מִתֹּ֖וךְ כּ֥וּר הַבַּרְזֶֽל׃ kiy־ʿamekha wenaḥalatekha hem ʾasher howtseʾta mimitserayim mitowkhe kur habarezel׃

⁵² לִהְיֹ֨ות עֵינֶ֤יךָ פְתֻחֹות֙ אֶל־תְּחִנַּ֣ת עַבְדְּךָ֔ וְאֶל־תְּחִנַּ֖ת עַמְּךָ֣ יִשְׂרָאֵ֑ל לִשְׁמֹ֣עַ אֲלֵיהֶ֔ם בְּכֹ֖ל קָרְאָ֥ם אֵלֶֽיךָ׃ liheyowt ʿeyneykha fetuḥowt ʾel־teḥinat ʿavedekha weʾel־teḥinat ʿamekha yiseraʾel lishemoaʿ ʾaleyhem bekhol qareʾam ʾeleykha׃

⁵³ כִּֽי־אַתָּ֞ה הִבְדַּלְתָּ֤ם לְךָ֙ לְֽנַחֲלָ֔ה מִכֹּ֖ל עַמֵּ֣י הָאָ֑רֶץ כַּאֲשֶׁ֨ר דִּבַּ֜רְתָּ בְּיַ֣ד ׀ מֹשֶׁ֣ה עַבְדֶּ֗ךָ בְּהֹוצִיאֲךָ֧ אֶת־אֲבֹתֵ֛ינוּ מִמִּצְרַ֖יִם אֲדֹנָ֥י יְהוִֽה׃ פ kiy־ʾatah hivedaletam lekha lenaḥalah mikol ʿamey haʾarets kaʾasher dibareta beyad ׀ mosheh ʿavedekha behowtsiyʾakha ʾet־ʾavoteynu mimitserayim ʾadonay yehwih׃ f

⁵⁴ וַיְהִ֣י ׀ כְּכַלֹּ֣ות שְׁלֹמֹ֗ה לְהִתְפַּלֵּל֙ אֶל־יְהוָ֔ה אֵ֛ת כָּל־הַתְּפִלָּ֥ה וְהַתְּחִנָּ֖ה הַזֹּ֑את קָ֞ם מִלִּפְנֵ֨י מִזְבַּ֤ח יְהוָה֙ מִכְּרֹ֣עַ עַל־בִּרְכָּ֔יו וְכַפָּ֖יו פְּרֻשֹׂ֥ות הַשָּׁמָֽיִם׃ wayehiy ׀ kekhalowt shelomoh lehitepalel ʾel־yehwah ʾet kal־hatefilah wehateḥinah hazoʾt qam milifeney mizebaḥ yehwah mikeroaʿ ʿal־birekayw wekhapayw perusowt hashamayim׃

⁵⁵ וַֽיַּעְמֹ֕ד וַיְבָ֕רֶךְ אֵ֖ת כָּל־קְהַ֣ל יִשְׂרָאֵ֑ל קֹ֥ול גָּדֹ֖ול לֵאמֹֽר׃ wayaʿemod wayevarekhe ʾet kal־qehal yiseraʾel qowl gadowl leʾmor׃

⁵⁶ בָּר֣וּךְ יְהוָ֗ה אֲשֶׁ֨ר נָתַ֤ן מְנוּחָה֙ לְעַמֹּ֣ו יִשְׂרָאֵ֔ל כְּכֹ֖ל אֲשֶׁ֣ר דִּבֵּ֑ר לֹֽא־נָפַ֞ל דָּבָ֣ר אֶחָ֗ד מִכֹּל֙ דְּבָרֹ֣ו הַטֹּ֔וב אֲשֶׁ֣ר דִּבֶּ֔ר בְּיַ֖ד מֹשֶׁ֥ה עַבְדֹּֽו׃ barukhe yehwah ʾasher natan menuḥah leʿamow yiseraʾel kekhol ʾasher diber loʾ־nafal davar ʾeḥad mikol devarow haṭowv ʾasher diber beyad mosheh ʿavedow׃

⁵⁷ יְהִ֨י יְהוָ֤ה אֱלֹהֵ֙ינוּ֙ עִמָּ֔נוּ כַּאֲשֶׁ֥ר הָיָ֖ה עִם־אֲבֹתֵ֑ינוּ אַל־יַעַזְבֵ֖נוּ וְאַֽל־יִטְּשֵֽׁנוּ׃ yehiy yehwah ʾeloheynu ʿimanu kaʾasher hayah ʿim־ʾavoteynu ʾal־yaʿazevenu weʾal־yiṭeshenu׃

⁵⁸ לְהַטֹּ֥ות לְבָבֵ֖נוּ אֵלָ֑יו לָלֶ֣כֶת בְּכָל־דְּרָכָ֗יו וְלִשְׁמֹ֨ר מִצְוֹתָ֤יו וְחֻקָּיו֙ וּמִשְׁפָּטָ֔יו אֲשֶׁ֥ר צִוָּ֖ה אֶת־אֲבֹתֵֽינוּ׃ lehaṭowt levavenu ʾelayw lalekhet bekhal־derakhayw welishemor mitseotayw weḥuqayw umishepaṭayw ʾasher tsiuah ʾet־ʾavoteynu׃

⁵⁹ וְיִֽהְי֨וּ דְבָרַ֜י אֵ֗לֶּה אֲשֶׁ֤ר הִתְחַנַּ֙נְתִּי֙ לִפְנֵ֣י יְהוָ֔ה קְרֹבִ֛ים אֶל־יְהוָ֥ה אֱלֹהֵ֖ינוּ יֹומָ֣ם וָלָ֑יְלָה לַעֲשֹׂ֣ות ׀ מִשְׁפַּ֣ט עַבְדֹּ֗ו וּמִשְׁפַּ֛ט עַמֹּ֥ו יִשְׂרָאֵ֖ל דְּבַר־יֹ֥ום בְּיֹומֹֽו׃ weyiheyu devaray ʾeleh ʾasher hiteḥananetiy lifeney yehwah qeroviym ʾel־yehwah ʾeloheynu yowmam walayelah laʿasowt ׀ mishepaṭ ʿavedow umishepaṭ ʿamow yiseraʾel devar־yowm beyowmow׃

⁶⁰ לְמַ֗עַן דַּ֚עַת כָּל־עַמֵּ֣י הָאָ֔רֶץ כִּ֥י יְהוָ֖ה ה֣וּא הָאֱלֹהִ֑ים אֵ֖ין עֹֽוד׃ lemaʿan daʿat kal־ʿamey haʾarets kiy yehwah huʾ haʾelohiym ʾeyn ʿowd׃

⁶¹ וְהָיָ֤ה לְבַבְכֶם֙ שָׁלֵ֔ם עִ֖ם יְהוָ֣ה אֱלֹהֵ֑ינוּ לָלֶ֧כֶת בְּחֻקָּ֛יו וְלִשְׁמֹ֥ר מִצְוֹתָ֖יו כַּיֹּ֥ום הַזֶּֽה׃ wehayah levavekhem shalem ʿim yehwah ʾeloheynu lalekhet beḥuqayw welishemor mitseotayw kayowm hazeh׃

⁶² וְֽהַמֶּ֔לֶךְ וְכָל־יִשְׂרָאֵ֖ל עִמֹּ֑ו זֹבְחִ֥ים זֶ֖בַח לִפְנֵ֥י יְהוָֽה׃ wehamelekhe wekhal־yiseraʾel ʿimow zoveḥiym zevaḥ lifeney yehwah׃

⁶³ וַיִּזְבַּ֣ח שְׁלֹמֹ֗ה אֵ֣ת זֶ֣בַח הַשְּׁלָמִים֮ אֲשֶׁ֣ר זָבַ֣ח לַיהוָה֒ בָּקָ֗ר עֶשְׂרִ֤ים וּשְׁנַ֙יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙ אֶת־בֵּ֣ית יְהוָ֔ה הַמֶּ֖לֶךְ וְכָל־בְּנֵ֥י יִשְׂרָאֵֽל׃ wayizebaḥ shelomoh ʾet zevaḥ hashelamiym ʾasher zavaḥ layhwah baqar ʿeseriym ushenayim ʾelef wetsoʾn meʾah weʿeseriym ʾalef wayaḥenekhu ʾet־beyt yehwah hamelekhe wekhal־beney yiseraʾel׃

⁶⁴ בַּיֹּ֣ום הַה֗וּא קִדַּ֨שׁ הַמֶּ֜לֶךְ אֶת־תֹּ֣וךְ הֶחָצֵ֗ר אֲשֶׁר֙ לִפְנֵ֣י בֵית־יְהוָ֔ה כִּי־עָ֣שָׂה שָׁ֗ם אֶת־הָֽעֹלָה֙ וְאֶת־הַמִּנְחָ֔ה וְאֵ֖ת חֶלְבֵ֣י הַשְּׁלָמִ֑ים כִּֽי־מִזְבַּ֤ח הַנְּחֹ֙שֶׁת֙ אֲשֶׁ֣ר לִפְנֵ֣י יְהוָ֔ה קָטֹ֗ן מֵֽהָכִיל֙ אֶת־הָעֹלָ֣ה וְאֶת־הַמִּנְחָ֔ה וְאֵ֖ת חֶלְבֵ֥י הַשְּׁלָמִֽים׃ bayowm hahuʾ qidash hamelekhe ʾet־towkhe heḥatser ʾasher lifeney veyt־yehwah kiy־ʿasah sham ʾet־haʿolah weʾet־hamineḥah weʾet ḥelevey hashelamiym kiy־mizebaḥ haneḥoshet ʾasher lifeney yehwah qaṭon mehakhiyl ʾet־haʿolah weʾet־hamineḥah weʾet ḥelevey hashelamiym׃

⁶⁵ וַיַּ֣עַשׂ שְׁלֹמֹ֣ה בָֽעֵת־הַהִ֣יא ׀ אֶת־הֶחָ֡ג וְכָל־יִשְׂרָאֵ֣ל עִמֹּו֩ קָהָ֨ל גָּדֹ֜ול מִלְּבֹ֥וא חֲמָ֣ת ׀ עַד־נַ֣חַל מִצְרַ֗יִם לִפְנֵי֙ יְהוָ֣ה אֱלֹהֵ֔ינוּ שִׁבְעַ֥ת יָמִ֖ים וְשִׁבְעַ֣ת יָמִ֑ים אַרְבָּעָ֥ה עָשָׂ֖ר יֹֽום׃ wayaʿas shelomoh vaʿet־hahiyʾ ׀ ʾet־heḥag wekhal־yiseraʾel ʿimow qahal gadowl milevowʾ ḥamat ׀ ʿad־naḥal mitserayim lifeney yehwah ʾeloheynu shiveʿat yamiym weshiveʿat yamiym ʾarebaʿah ʿasar yowm׃

⁶⁶ בַּיֹּ֤ום הַשְּׁמִינִי֙ שִׁלַּ֣ח אֶת־הָעָ֔ם וַֽיְבָרֲכ֖וּ אֶת־הַמֶּ֑לֶךְ וַיֵּלְכ֣וּ לְאָהֳלֵיהֶ֗ם שְׂמֵחִים֙ וְטֹ֣ובֵי לֵ֔ב עַ֣ל כָּל־הַטֹּובָ֗ה אֲשֶׁ֨ר עָשָׂ֤ה יְהוָה֙ לְדָוִ֣ד עַבְדֹּ֔ו וּלְיִשְׂרָאֵ֖ל עַמֹּֽו׃ bayowm hashemiyniy shilaḥ ʾet־haʿam wayevarakhu ʾet־hamelekhe wayelekhu leʾaholeyhem semeḥiym weṭowvey lev ʿal kal־haṭowvah ʾasher ʿasah yehwah ledawid ʿavedow uleyiseraʾel ʿamow׃