Osée 7

¹ כְּרָפְאִ֣י לְיִשְׂרָאֵ֗ל וְנִגְלָ֞ה עֲוֹ֤ן אֶפְרַ֙יִם֙ וְרָעֹ֣ות שֹֽׁמְרֹ֔ון כִּ֥י פָעֲל֖וּ שָׁ֑קֶר וְגַנָּ֣ב יָבֹ֔וא פָּשַׁ֥ט גְּד֖וּד בַּחֽוּץ׃ kerafeʾiy leyiseraʾel wenigelah ʿaon ʾeferayim weraʿowt shomerown kiy faʿalu shaqer weganav yavowʾ pashaṭ gedud baḥuts׃

² וּבַל־יֹֽאמְרוּ֙ לִלְבָבָ֔ם כָּל־רָעָתָ֖ם זָכָ֑רְתִּי עַתָּה֙ סְבָב֣וּם מַֽעַלְלֵיהֶ֔ם נֶ֥גֶד פָּנַ֖י הָיֽוּ׃ uval־yoʾmeru lilevavam kal־raʿatam zakharetiy ʿatah sevavum maʿaleleyhem neged panay hayu׃

³ בְּרָעָתָ֖ם יְשַׂמְּחוּ־מֶ֑לֶךְ וּבְכַחֲשֵׁיהֶ֖ם שָׂרִֽים׃ beraʿatam yesameḥu־melekhe uvekhaḥasheyhem sariym׃

⁴ כֻּלָּם֙ מְנָ֣אֲפִ֔ים כְּמֹ֣ו תַנּ֔וּר בֹּעֵ֖רָה מֵֽאֹפֶ֑ה יִשְׁבֹּ֣ות מֵעִ֔יר מִלּ֥וּשׁ בָּצֵ֖ק עַד־חֻמְצָתֹֽו׃ kulam menaʾafiym kemow tanur boʿerah meʾofeh yishebowt meʿiyr milush batseq ʿad־ḥumetsatow׃

⁵ יֹ֣ום מַלְכֵּ֔נוּ הֶחֱל֥וּ שָׂרִ֖ים חֲמַ֣ת מִיָּ֑יִן מָשַׁ֥ךְ יָדֹ֖ו אֶת־לֹצְצִֽים׃ yowm malekenu heḥelu sariym ḥamat miyayin mashakhe yadow ʾet־lotsetsiym׃

⁶ כִּֽי־קֵרְב֧וּ כַתַּנּ֛וּר לִבָּ֖ם בְּאָרְבָּ֑ם כָּל־הַלַּ֙יְלָה֙ יָשֵׁ֣ן אֹֽפֵהֶ֔ם בֹּ֕קֶר ה֥וּא בֹעֵ֖ר כְּאֵ֥שׁ לֶהָבָֽה׃ kiy־qerevu khatanur libam beʾarebam kal־halayelah yashen ʾofehem boqer huʾ voʿer keʾesh lehavah׃

⁷ כֻּלָּ֤ם יֵחַ֙מּוּ֙ כַּתַּנּ֔וּר וְאָכְל֖וּ אֶת־שֹֽׁפְטֵיהֶ֑ם כָּל־מַלְכֵיהֶ֣ם נָפָ֔לוּ אֵין־קֹרֵ֥א בָהֶ֖ם אֵלָֽי׃ kulam yeḥamu katanur weʾakhelu ʾet־shofeṭeyhem kal־malekheyhem nafalu ʾeyn־qoreʾ vahem ʾelay׃

⁸ אֶפְרַ֕יִם בָּעַמִּ֖ים ה֣וּא יִתְבֹּולָ֑ל אֶפְרַ֛יִם הָיָ֥ה עֻגָ֖ה בְּלִ֥י הֲפוּכָֽה׃ ʾeferayim baʿamiym huʾ yitebowlal ʾeferayim hayah ʿugah beliy hafukhah׃

⁹ אָכְל֤וּ זָרִים֙ כֹּחֹ֔ו וְה֖וּא לֹ֣א יָדָ֑ע גַּם־שֵׂיבָה֙ זָ֣רְקָה בֹּ֔ו וְה֖וּא לֹ֥א יָדָֽע׃ ʾakhelu zariym koḥow wehuʾ loʾ yadaʿ gam־seyvah zareqah bow wehuʾ loʾ yadaʿ׃

¹⁰ וְעָנָ֥ה גְאֹֽון־יִשְׂרָאֵ֖ל בְּפָנָ֑יו וְלֹֽא־שָׁ֙בוּ֙ אֶל־יְהוָ֣ה אֱלֹֽהֵיהֶ֔ם וְלֹ֥א בִקְשֻׁ֖הוּ בְּכָל־זֹֽאת׃ weʿanah geʾown־yiseraʾel befanayw weloʾ־shavu ʾel־yehwah ʾeloheyhem weloʾ viqeshuhu bekhal־zoʾt׃

¹¹ וַיְהִ֣י אֶפְרַ֔יִם כְּיֹונָ֥ה פֹותָ֖ה אֵ֣ין לֵ֑ב מִצְרַ֥יִם קָרָ֖אוּ אַשּׁ֥וּר הָלָֽכוּ׃ wayehiy ʾeferayim keyownah fowtah ʾeyn lev mitserayim qaraʾu ʾashur halakhu׃

¹² כַּאֲשֶׁ֣ר יֵלֵ֗כוּ אֶפְרֹ֤ושׂ עֲלֵיהֶם֙ רִשְׁתִּ֔י כְּעֹ֥וף הַשָּׁמַ֖יִם אֹֽורִידֵ֑ם אַיְסִרֵ֕ם כְּשֵׁ֖מַע לַעֲדָתָֽם׃ ס kaʾasher yelekhu ʾeferows ʿaleyhem rishetiy keʿowf hashamayim ʾowriydem ʾayesirem keshemaʿ laʿadatam׃ s

¹³ אֹ֤וי לָהֶם֙ כִּֽי־נָדְד֣וּ מִמֶּ֔נִּי שֹׁ֥ד לָהֶ֖ם כִּֽי־פָ֣שְׁעוּ בִ֑י וְאָנֹכִ֣י אֶפְדֵּ֔ם וְהֵ֕מָּה דִּבְּר֥וּ עָלַ֖י כְּזָבִֽים׃ ʾowy lahem kiy־nadedu mimeniy shod lahem kiy־fasheʿu viy weʾanokhiy ʾefedem wehemah diberu ʿalay kezaviym׃

¹⁴ וְלֹֽא־זָעֲק֤וּ אֵלַי֙ בְּלִבָּ֔ם כִּ֥י יְיֵלִ֖ילוּ עַל־מִשְׁכְּבֹותָ֑ם עַל־דָּגָ֧ן וְתִירֹ֛ושׁ יִתְגֹּורָ֖רוּ יָס֥וּרוּ בִֽי׃ weloʾ־zaʿaqu ʾelay belibam kiy yeyeliylu ʿal־mishekevowtam ʿal־dagan wetiyrowsh yitegowraru yasuru viy׃

¹⁵ וַאֲנִ֣י יִסַּ֔רְתִּי חִזַּ֖קְתִּי זְרֹֽועֹתָ֑ם וְאֵלַ֖י יְחַשְּׁבוּ־רָֽע׃ waʾaniy yisaretiy ḥizaqetiy zerowʿotam weʾelay yeḥashevu־raʿ׃

¹⁶ יָשׁ֣וּבוּ ׀ לֹ֣א עָ֗ל הָיוּ֙ כְּקֶ֣שֶׁת רְמִיָּ֔ה יִפְּל֥וּ בַחֶ֛רֶב שָׂרֵיהֶ֖ם מִזַּ֣עַם לְשֹׁונָ֑ם זֹ֥ו לַעְגָּ֖ם בְּאֶ֥רֶץ מִצְרָֽיִם׃ yashuvu ׀ loʾ ʿal hayu keqeshet remiyah yipelu vaḥerev sareyhem mizaʿam leshownam zow laʿegam beʾerets mitserayim׃