1 וְזֹ֥את תֹּורַ֖ת הָאָשָׁ֑ם קֹ֥דֶשׁ קָֽדָשִׁ֖ים הֽוּא׃ wezoʾt towrat haʾasham qodesh qadashiym huʾ׃
2 בִּמְקֹ֗ום אֲשֶׁ֤ר יִשְׁחֲטוּ֙ אֶת־הָ֣עֹלָ֔ה יִשְׁחֲט֖וּ אֶת־הָאָשָׁ֑ם וְאֶת־דָּמֹ֛ו יִזְרֹ֥ק עַל־הַמִּזְבֵּ֖חַ סָבִֽיב׃ bimeqowm ʾasher yisheḥaṭu ʾet־haʿolah yisheḥaṭu ʾet־haʾasham weʾet־damow yizeroq ʿal־hamizebeaḥ saviyv׃
3 וְאֵ֥ת כָּל־חֶלְבֹּ֖ו יַקְרִ֣יב מִמֶּ֑נּוּ אֵ֚ת הָֽאַלְיָ֔ה וְאֶת־הַחֵ֖לֶב הַֽמְכַסֶּ֥ה אֶת־הַקֶּֽרֶב׃ weʾet kal־ḥelebow yaqeriyv mimenu ʾet haʾaleyah weʾet־haḥelev hamekhaseh ʾet־haqerev׃
4 וְאֵת֙ שְׁתֵּ֣י הַכְּלָיֹ֔ת וְאֶת־הַחֵ֙לֶב֙ אֲשֶׁ֣ר עֲלֵיהֶ֔ן אֲשֶׁ֖ר עַל־הַכְּסָלִ֑ים וְאֶת־הַיֹּתֶ֙רֶת֙ עַל־הַכָּבֵ֔ד עַל־הַכְּלָיֹ֖ת יְסִירֶֽנָּה׃ weʾet shetey hakelayot weʾet־haḥelev ʾasher ʿaleyhen ʾasher ʿal־hakesaliym weʾet־hayoteret ʿal־hakaved ʿal־hakelayot yesiyrenah׃
5 וְהִקְטִ֨יר אֹתָ֤ם הַכֹּהֵן֙ הַמִּזְבֵּ֔חָה אִשֶּׁ֖ה לַיהוָ֑ה אָשָׁ֖ם הֽוּא׃ wehiqeṭiyr ʾotam hakohen hamizebeḥah ʾisheh layhwah ʾasham huʾ׃
6 כָּל־זָכָ֥ר בַּכֹּהֲנִ֖ים יֹאכְלֶ֑נּוּ בְּמָקֹ֤ום קָדֹושׁ֙ יֵאָכֵ֔ל קֹ֥דֶשׁ קָֽדָשִׁ֖ים הֽוּא׃ kal־zakhar bakohaniym yoʾkhelenu bemaqowm qadowsh yeʾakhel qodesh qadashiym huʾ׃
7 כַּֽחַטָּאת֙ כָּֽאָשָׁ֔ם תֹּורָ֥ה אַחַ֖ת לָהֶ֑ם הַכֹּהֵ֛ן אֲשֶׁ֥ר יְכַפֶּר־בֹּ֖ו לֹ֥ו יִהְיֶֽה׃ kaḥaṭaʾt kaʾasham towrah ʾaḥat lahem hakohen ʾasher yekhaper־bow low yiheyeh׃
8 וְהַ֨כֹּהֵ֔ן הַמַּקְרִ֖יב אֶת־עֹ֣לַת אִ֑ישׁ עֹ֤ור הָֽעֹלָה֙ אֲשֶׁ֣ר הִקְרִ֔יב לַכֹּהֵ֖ן לֹ֥ו יִהְיֶֽה׃ wehakohen hamaqeriyv ʾet־ʿolat ʾiysh ʿowr haʿolah ʾasher hiqeriyv lakohen low yiheyeh׃
9 וְכָל־מִנְחָ֗ה אֲשֶׁ֤ר תֵּֽאָפֶה֙ בַּתַּנּ֔וּר וְכָל־נַעֲשָׂ֥ה בַמַּרְחֶ֖שֶׁת וְעַֽל־מַחֲבַ֑ת לַכֹּהֵ֛ן הַמַּקְרִ֥יב אֹתָ֖הּ לֹ֥ו תִֽהְיֶֽה׃ wekhal־mineḥah ʾasher teʾafeh batanur wekhal־naʿasah vamareḥeshet weʿal־maḥavat lakohen hamaqeriyv ʾotah low tiheyeh׃
10 וְכָל־מִנְחָ֥ה בְלוּלָֽה־בַשֶּׁ֖מֶן וַחֲרֵבָ֑ה לְכָל־בְּנֵ֧י אַהֲרֹ֛ן תִּהְיֶ֖ה אִ֥ישׁ כְּאָחִֽיו׃ פ wekhal־mineḥah velulah־vashemen waḥarevah lekhal־beney ʾaharon tiheyeh ʾiysh keʾaḥiyw׃ f
11 וְזֹ֥את תֹּורַ֖ת זֶ֣בַח הַשְּׁלָמִ֑ים אֲשֶׁ֥ר יַקְרִ֖יב לַיהוָֽה׃ wezoʾt towrat zevaḥ hashelamiym ʾasher yaqeriyv layhwah׃
12 אִ֣ם עַל־תֹּודָה֮ יַקְרִיבֶנּוּ֒ וְהִקְרִ֣יב ׀ עַל־זֶ֣בַח הַתֹּודָ֗ה חַלֹּ֤ות מַצֹּות֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצֹּ֖ות מְשֻׁחִ֣ים בַּשָּׁ֑מֶן וְסֹ֣לֶת מֻרְבֶּ֔כֶת חַלֹּ֖ת בְּלוּלֹ֥ת בַּשָּֽׁמֶן׃ ʾim ʿal־towdah yaqeriyvenu wehiqeriyv ׀ ʿal־zevaḥ hatowdah ḥalowt matsowt belulot bashemen ureqiyqey matsowt meshuḥiym bashamen wesolet murebekhet ḥalot belulot bashamen׃
13 עַל־חַלֹּת֙ לֶ֣חֶם חָמֵ֔ץ יַקְרִ֖יב קָרְבָּנֹ֑ו עַל־זֶ֖בַח תֹּודַ֥ת שְׁלָמָֽיו׃ ʿal־ḥalot leḥem ḥamets yaqeriyv qarebanow ʿal־zevaḥ towdat shelamayw׃
14 וְהִקְרִ֨יב מִמֶּ֤נּוּ אֶחָד֙ מִכָּל־קָרְבָּ֔ן תְּרוּמָ֖ה לַיהוָ֑ה לַכֹּהֵ֗ן הַזֹּרֵ֛ק אֶת־דַּ֥ם הַשְּׁלָמִ֖ים לֹ֥ו יִהְיֶֽה׃ wehiqeriyv mimenu ʾeḥad mikal־qareban terumah layhwah lakohen hazoreq ʾet־dam hashelamiym low yiheyeh׃
15 וּבְשַׂ֗ר זֶ֚בַח תֹּודַ֣ת שְׁלָמָ֔יו בְּיֹ֥ום קָרְבָּנֹ֖ו יֵאָכֵ֑ל לֹֽא־יַנִּ֥יחַ מִמֶּ֖נּוּ עַד־בֹּֽקֶר׃ uvesar zevaḥ towdat shelamayw beyowm qarebanow yeʾakhel loʾ־yaniyḥa mimenu ʿad־boqer׃
16 וְאִם־נֶ֣דֶר ׀ אֹ֣ו נְדָבָ֗ה זֶ֚בַח קָרְבָּנֹ֔ו בְּיֹ֛ום הַקְרִיבֹ֥ו אֶת־זִבְחֹ֖ו יֵאָכֵ֑ל וּמִֽמָּחֳרָ֔ת וְהַנֹּותָ֥ר מִמֶּ֖נּוּ יֵאָכֵֽל׃ weʾim־neder ׀ ʾow nedavah zevaḥ qarebanow beyowm haqeriyvow ʾet־ziveḥow yeʾakhel umimaḥorat wehanowtar mimenu yeʾakhel׃
17 וְהַנֹּותָ֖ר מִבְּשַׂ֣ר הַזָּ֑בַח בַּיֹּום֙ הַשְּׁלִישִׁ֔י בָּאֵ֖שׁ יִשָּׂרֵֽף׃ wehanowtar mibesar hazavaḥ bayowm hasheliyshiy baʾesh yisaref׃
18 וְאִ֣ם הֵאָכֹ֣ל יֵ֠אָכֵל מִבְּשַׂר־זֶ֨בַח שְׁלָמָ֜יו בַּיֹּ֣ום הַשְּׁלִישִׁי֮ לֹ֣א יֵרָצֶה֒ הַמַּקְרִ֣יב אֹתֹ֗ו לֹ֧א יֵחָשֵׁ֛ב לֹ֖ו פִּגּ֣וּל יִהְיֶ֑ה וְהַנֶּ֛פֶשׁ הָאֹכֶ֥לֶת מִמֶּ֖נּוּ עֲוֹנָ֥הּ תִּשָּֽׂא׃ weʾim heʾakhol yeʾakhel mibesar־zevaḥ shelamayw bayowm hasheliyshiy loʾ yeratseh hamaqeriyv ʾotow loʾ yeḥashev low pigul yiheyeh wehanefesh haʾokhelet mimenu ʿaonah tisaʾ׃
19 וְהַבָּשָׂ֞ר אֲשֶׁר־יִגַּ֤ע בְּכָל־טָמֵא֙ לֹ֣א יֵֽאָכֵ֔ל בָּאֵ֖שׁ יִשָּׂרֵ֑ף וְהַ֨בָּשָׂ֔ר כָּל־טָהֹ֖ור יֹאכַ֥ל בָּשָֽׂר׃ wehabasar ʾasher־yigaʿ bekhal־ṭameʾ loʾ yeʾakhel baʾesh yisaref wehabasar kal־ṭahowr yoʾkhal basar׃
20 וְהַנֶּ֜פֶשׁ אֲשֶׁר־תֹּאכַ֣ל בָּשָׂ֗ר מִזֶּ֤בַח הַשְּׁלָמִים֙ אֲשֶׁ֣ר לַיהוָ֔ה וְטֻמְאָתֹ֖ו עָלָ֑יו וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃ wehanefesh ʾasher־toʾkhal basar mizevaḥ hashelamiym ʾasher layhwah weṭumeʾatow ʿalayw wenikheretah hanefesh hahiwʾ meʿameyha׃
21 וְנֶ֜פֶשׁ כִּֽי־תִגַּ֣ע בְּכָל־טָמֵ֗א בְּטֻמְאַ֤ת אָדָם֙ אֹ֣ו ׀ בִּבְהֵמָ֣ה טְמֵאָ֗ה אֹ֚ו בְּכָל־שֶׁ֣קֶץ טָמֵ֔א וְאָכַ֛ל מִבְּשַׂר־זֶ֥בַח הַשְּׁלָמִ֖ים אֲשֶׁ֣ר לַיהוָ֑ה וְנִכְרְתָ֛ה הַנֶּ֥פֶשׁ הַהִ֖וא מֵעַמֶּֽיהָ׃ פ wenefesh kiy־tigaʿ bekhal־ṭameʾ beṭumeʾat ʾadam ʾow ׀ bivehemah ṭemeʾah ʾow bekhal־sheqets ṭameʾ weʾakhal mibesar־zevaḥ hashelamiym ʾasher layhwah wenikheretah hanefesh hahiwʾ meʿameyha׃ f
22 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
23 דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר כָּל־חֵ֜לֶב שֹׁ֥ור וְכֶ֛שֶׂב וָעֵ֖ז לֹ֥א תֹאכֵֽלוּ׃ daber ʾel־beney yiseraʾel leʾmor kal־ḥelev showr wekhesev waʿez loʾ toʾkhelu׃
24 וְחֵ֤לֶב נְבֵלָה֙ וְחֵ֣לֶב טְרֵפָ֔ה יֵעָשֶׂ֖ה לְכָל־מְלָאכָ֑ה וְאָכֹ֖ל לֹ֥א תֹאכְלֻֽהוּ׃ weḥelev nevelah weḥelev ṭerefah yeʿaseh lekhal־melaʾkhah weʾakhol loʾ toʾkheluhu׃
25 כִּ֚י כָּל־אֹכֵ֣ל חֵ֔לֶב מִן־הַ֨בְּהֵמָ֔ה אֲשֶׁ֨ר יַקְרִ֥יב מִמֶּ֛נָּה אִשֶּׁ֖ה לַיהוָ֑ה וְנִכְרְתָ֛ה הַנֶּ֥פֶשׁ הָאֹכֶ֖לֶת מֵֽעַמֶּֽיהָ׃ kiy kal־ʾokhel ḥelev min־habehemah ʾasher yaqeriyv mimenah ʾisheh layhwah wenikheretah hanefesh haʾokhelet meʿameyha׃
26 וְכָל־דָּם֙ לֹ֣א תֹאכְל֔וּ בְּכֹ֖ל מֹושְׁבֹתֵיכֶ֑ם לָעֹ֖וף וְלַבְּהֵמָֽה׃ wekhal־dam loʾ toʾkhelu bekhol mowshevoteykhem laʿowf welabehemah׃
27 כָּל־נֶ֖פֶשׁ אֲשֶׁר־תֹּאכַ֣ל כָּל־דָּ֑ם וְנִכְרְתָ֛ה הַנֶּ֥פֶשׁ הַהִ֖וא מֵֽעַמֶּֽיהָ׃ פ kal־nefesh ʾasher־toʾkhal kal־dam wenikheretah hanefesh hahiwʾ meʿameyha׃ f
28 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
29 דַּבֵּ֛ר אֶל־בְּנֵ֥י יִשְׂרָאֵ֖ל לֵאמֹ֑ר הַמַּקְרִ֞יב אֶת־זֶ֤בַח שְׁלָמָיו֙ לַיהוָ֔ה יָבִ֧יא אֶת־קָרְבָּנֹ֛ו לַיהוָ֖ה מִזֶּ֥בַח שְׁלָמָֽיו׃ daber ʾel־beney yiseraʾel leʾmor hamaqeriyv ʾet־zevaḥ shelamayw layhwah yaviyʾ ʾet־qarebanow layhwah mizevaḥ shelamayw׃
30 יָדָ֣יו תְּבִיאֶ֔ינָה אֵ֖ת אִשֵּׁ֣י יְהוָ֑ה אֶת־הַחֵ֤לֶב עַל־הֶֽחָזֶה֙ יְבִיאֶ֔נּוּ אֵ֣ת הֶחָזֶ֗ה לְהָנִ֥יף אֹתֹ֛ו תְּנוּפָ֖ה לִפְנֵ֥י יְהוָֽה׃ yadayw teviyʾeynah ʾet ʾishey yehwah ʾet־haḥelev ʿal־heḥazeh yeviyʾenu ʾet heḥazeh lehaniyf ʾotow tenufah lifeney yehwah׃
31 וְהִקְטִ֧יר הַכֹּהֵ֛ן אֶת־הַחֵ֖לֶב הַמִּזְבֵּ֑חָה וְהָיָה֙ הֶֽחָזֶ֔ה לְאַהֲרֹ֖ן וּלְבָנָֽיו׃ wehiqeṭiyr hakohen ʾet־haḥelev hamizebeḥah wehayah heḥazeh leʾaharon ulevanayw׃
32 וְאֵת֙ שֹׁ֣וק הַיָּמִ֔ין תִּתְּנ֥וּ תְרוּמָ֖ה לַכֹּהֵ֑ן מִזִּבְחֵ֖י שַׁלְמֵיכֶֽם׃ weʾet showq hayamiyn titenu terumah lakohen miziveḥey shalemeykhem׃
33 הַמַּקְרִ֞יב אֶת־דַּ֧ם הַשְּׁלָמִ֛ים וְאֶת־הַחֵ֖לֶב מִבְּנֵ֣י אַהֲרֹ֑ן לֹ֧ו תִהְיֶ֛ה שֹׁ֥וק הַיָּמִ֖ין לְמָנָֽה׃ hamaqeriyv ʾet־dam hashelamiym weʾet־haḥelev mibeney ʾaharon low tiheyeh showq hayamiyn lemanah׃
34 כִּי֩ אֶת־חֲזֵ֨ה הַתְּנוּפָ֜ה וְאֵ֣ת ׀ שֹׁ֣וק הַתְּרוּמָ֗ה לָקַ֙חְתִּי֙ מֵאֵ֣ת בְּנֵֽי־יִשְׂרָאֵ֔ל מִזִּבְחֵ֖י שַׁלְמֵיהֶ֑ם וָאֶתֵּ֣ן אֹ֠תָם לְאַהֲרֹ֨ן הַכֹּהֵ֤ן וּלְבָנָיו֙ לְחָק־עֹולָ֔ם מֵאֵ֖ת בְּנֵ֥י יִשְׂרָאֵֽל׃ kiy ʾet־ḥazeh hatenufah weʾet ׀ showq haterumah laqaḥetiy meʾet beney־yiseraʾel miziveḥey shalemeyhem waʾeten ʾotam leʾaharon hakohen ulevanayw leḥaq־ʿowlam meʾet beney yiseraʾel׃
35 זֹ֣את מִשְׁחַ֤ת אַהֲרֹן֙ וּמִשְׁחַ֣ת בָּנָ֔יו מֵאִשֵּׁ֖י יְהוָ֑ה בְּיֹום֙ הִקְרִ֣יב אֹתָ֔ם לְכַהֵ֖ן לַיהוָֽה׃ zoʾt misheḥat ʾaharon umisheḥat banayw meʾishey yehwah beyowm hiqeriyv ʾotam lekhahen layhwah׃
36 אֲשֶׁר֩ צִוָּ֨ה יְהוָ֜ה לָתֵ֣ת לָהֶ֗ם בְּיֹום֙ מָשְׁחֹ֣ו אֹתָ֔ם מֵאֵ֖ת בְּנֵ֣י יִשְׂרָאֵ֑ל חֻקַּ֥ת עֹולָ֖ם לְדֹרֹתָֽם׃ ʾasher tsiuah yehwah latet lahem beyowm masheḥow ʾotam meʾet beney yiseraʾel ḥuqat ʿowlam ledorotam׃
37 זֹ֣את הַתֹּורָ֗ה לָֽעֹלָה֙ לַמִּנְחָ֔ה וְלַֽחַטָּ֖את וְלָאָשָׁ֑ם וְלַ֨מִּלּוּאִ֔ים וּלְזֶ֖בַח הַשְּׁלָמִֽים׃ zoʾt hatowrah laʿolah lamineḥah welaḥaṭaʾt welaʾasham welamiluʾiym ulezevaḥ hashelamiym׃
38 אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה בְּהַ֣ר סִינָ֑י בְּיֹ֨ום צַוֹּתֹ֜ו אֶת־בְּנֵ֣י יִשְׂרָאֵ֗ל לְהַקְרִ֧יב אֶת־קָרְבְּנֵיהֶ֛ם לַיהוָ֖ה בְּמִדְבַּ֥ר סִינָֽי׃ פ ʾasher tsiuah yehwah ʾet־mosheh behar siynay beyowm tsaotow ʾet־beney yiseraʾel lehaqeriyv ʾet־qarebeneyhem layhwah bemidebar siynay׃ f