1 וּבְנֵ֨י רְאוּבֵ֥ן בְּכֹֽור־יִשְׂרָאֵל֮ כִּ֣י ה֣וּא הַבְּכֹור֒ וּֽבְחַלְּלֹו֙ יְצוּעֵ֣י אָבִ֔יו נִתְּנָה֙ בְּכֹ֣רָתֹ֔ו לִבְנֵ֥י יֹוסֵ֖ף בֶּן־יִשְׂרָאֵ֑ל וְלֹ֥א לְהִתְיַחֵ֖שׂ לַבְּכֹרָֽה׃ uveney reʾuven bekhowr־yiseraʾel kiy huʾ habekhowr uveḥalelow yetsuʿey ʾaviyw nitenah bekhoratow liveney yowsef ben־yiseraʾel weloʾ lehiteyaḥes labekhorah׃
2 כִּ֤י יְהוּדָה֙ גָּבַ֣ר בְּאֶחָ֔יו וּלְנָגִ֖יד מִמֶּ֑נּוּ וְהַבְּכֹרָ֖ה לְיֹוסֵֽף׃ ס kiy yehudah gavar beʾeḥayw ulenagiyd mimenu wehabekhorah leyowsef׃ s
3 בְּנֵ֥י רְאוּבֵ֖ן בְּכֹ֣ור יִשְׂרָאֵ֑ל חֲנֹ֥וךְ וּפַלּ֖וּא חֶצְרֹ֥ון וְכַרְמִֽי׃ beney reʾuven bekhowr yiseraʾel ḥanowkhe ufaluʾ ḥetserown wekharemiy׃
4 בְּנֵ֖י יֹואֵ֑ל שְׁמַֽעְיָ֥ה בְנֹ֛ו גֹּ֥וג בְּנֹ֖ו שִׁמְעִ֥י בְנֹֽו׃ beney yowʾel shemaʿeyah venow gowg benow shimeʿiy venow׃
5 מִיכָ֥ה בְנֹ֛ו רְאָיָ֥ה בְנֹ֖ו בַּ֥עַל בְּנֹֽו׃ miykhah venow reʾayah venow baʿal benow׃
6 בְּאֵרָ֣ה בְנֹ֔ו אֲשֶׁ֣ר הֶגְלָ֔ה תִּלְּגַ֥ת פִּלְנְאֶ֖סֶר מֶ֣לֶךְ אַשֻּׁ֑ר ה֥וּא נָשִׂ֖יא לָרֽאוּבֵנִֽי׃ beʾerah venow ʾasher hegelah tilegat pileneʾeser melekhe ʾashur huʾ nasiyʾ larʾuveniy׃
7 וְאֶחָיו֙ לְמִשְׁפְּחֹתָ֔יו בְּהִתְיַחֵ֖שׂ לְתֹלְדֹותָ֑ם הָרֹ֥אשׁ יְעִיאֵ֖ל וּזְכַרְיָֽהוּ׃ weʾeḥayw lemishepeḥotayw behiteyaḥes letoledowtam haroʾsh yeʿiyʾel uzekhareyahu׃
8 וּבֶ֙לַע֙ בֶּן־עָזָ֔ז בֶּן־שֶׁ֖מַע בֶּן־יֹואֵ֑ל ה֚וּא יֹושֵׁ֣ב בַּעֲרֹעֵ֔ר וְעַד־נְבֹ֖ו וּבַ֥עַל מְעֹֽון׃ uvelaʿ ben־ʿazaz ben־shemaʿ ben־yowʾel huʾ yowshev baʿaroʿer weʿad־nevow uvaʿal meʿown׃
9 וְלַמִּזְרָ֗ח יָשַׁב֙ עַד־לְבֹ֣וא מִדְבָּ֔רָה לְמִן־הַנָּהָ֖ר פְּרָ֑ת כִּ֧י מִקְנֵיהֶ֛ם רָב֖וּ בְּאֶ֥רֶץ גִּלְעָֽד׃ welamizeraḥ yashav ʿad־levowʾ midebarah lemin־hanahar perat kiy miqeneyhem ravu beʾerets gileʿad׃
10 וּבִימֵ֣י שָׁא֗וּל עָשׂ֤וּ מִלְחָמָה֙ עִם־הַֽהַגְרִאִ֔ים וַֽיִּפְּל֖וּ בְּיָדָ֑ם וַיֵּשְׁבוּ֙ בְּאָ֣הֳלֵיהֶ֔ם עַֽל־כָּל־פְּנֵ֖י מִזְרָ֥ח לַגִּלְעָֽד׃ פ uviymey shaʾul ʿasu mileḥamah ʿim־hahageriʾiym wayipelu beyadam wayeshevu beʾaholeyhem ʿal־kal־peney mizeraḥ lagileʿad׃ f
11 וּבְנֵי־גָ֣ד לְנֶגְדָּ֗ם יָֽשְׁב֛וּ בְּאֶ֥רֶץ הַבָּשָׁ֖ן עַד־סַלְכָֽה׃ uveney־gad lenegedam yashevu beʾerets habashan ʿad־salekhah׃
12 יֹואֵ֣ל הָרֹ֔אשׁ וְשָׁפָ֖ם הַמִּשְׁנֶ֑ה וְיַעְנַ֥י וְשָׁפָ֖ט בַּבָּשָֽׁן׃ yowʾel haroʾsh weshafam hamisheneh weyaʿenay weshafaṭ babashan׃
13 וַאֲחֵיהֶ֞ם לְבֵ֣ית אֲבֹותֵיהֶ֗ם מִֽיכָאֵ֡ל וּמְשֻׁלָּ֡ם וְ֠שֶׁבַע וְיֹורַ֧י וְיַעְכָּ֛ן וְזִ֥יעַ וָעֵ֖בֶר שִׁבְעָֽה׃ ס waʾaḥeyhem leveyt ʾavowteyhem miykhaʾel umeshulam weshevaʿ weyowray weyaʿekan weziyʿa waʿever shiveʿah׃ s
14 אֵ֣לֶּה ׀ בְּנֵ֣י אֲבִיחַ֗יִל בֶּן־חוּרִ֡י בֶּן־יָ֠רֹוחַ בֶּן־גִּלְעָ֧ד בֶּן־מִיכָאֵ֛ל בֶּן־יְשִׁישַׁ֥י בֶּן־יַחְדֹּ֖ו בֶּן־בּֽוּז׃ ʾeleh ׀ beney ʾaviyḥayil ben־ḥuriy ben־yarowḥa ben־gileʿad ben־miykhaʾel ben־yeshiyshay ben־yaḥedow ben־buz׃
15 אֲחִי֙ בֶּן־עַבְדִּיאֵ֣ל בֶּן־גּוּנִ֔י רֹ֖אשׁ לְבֵ֥ית אֲבֹותָֽם׃ ʾaḥiy ben־ʿavediyʾel ben־guniy roʾsh leveyt ʾavowtam׃
16 וַיֵּֽשְׁב֛וּ בַּגִּלְעָ֥ד בַּבָּשָׁ֖ן וּבִבְנֹתֶ֑יהָ וּבְכָֽל־מִגְרְשֵׁ֥י שָׁרֹ֖ון עַל־תֹּוצְאֹותָֽם׃ wayeshevu bagileʿad babashan uvivenoteyha uvekhal־migereshey sharown ʿal־towtseʾowtam׃
17 כֻּלָּם֙ הִתְיַחְשׂ֔וּ בִּימֵ֖י יֹותָ֣ם מֶֽלֶךְ־יְהוּדָ֑ה וּבִימֵ֖י יָרָבְעָ֥ם מֶֽלֶךְ־יִשְׂרָאֵֽל׃ פ kulam hiteyaḥesu biymey yowtam melekhe־yehudah uviymey yaraveʿam melekhe־yiseraʾel׃ f
18 בְּנֵֽי־רְאוּבֵ֨ן וְגָדִ֜י וַחֲצִ֥י שֵֽׁבֶט־מְנַשֶּׁה֮ מִן־בְּנֵי־חַיִל֒ אֲ֠נָשִׁים נֹשְׂאֵ֨י מָגֵ֤ן וְחֶ֙רֶב֙ וְדֹ֣רְכֵי קֶ֔שֶׁת וּלְמוּדֵ֖י מִלְחָמָ֑ה אַרְבָּעִ֨ים וְאַרְבָּעָ֥ה אֶ֛לֶף וּשְׁבַע־מֵאֹ֥ות וְשִׁשִּׁ֖ים יֹצְאֵ֥י צָבָֽא׃ beney־reʾuven wegadiy waḥatsiy sheveṭ־menasheh min־beney־ḥayil ʾanashiym noseʾey magen weḥerev wedorekhey qeshet ulemudey mileḥamah ʾarebaʿiym weʾarebaʿah ʾelef ushevaʿ־meʾowt weshishiym yotseʾey tsavaʾ׃
19 וַיַּעֲשׂ֥וּ מִלְחָמָ֖ה עִם־הַֽהַגְרִיאִ֑ים וִיט֥וּר וְנָפִ֖ישׁ וְנֹודָֽב׃ wayaʿasu mileḥamah ʿim־hahageriyʾiym wiyṭur wenafiysh wenowdav׃
20 וַיֵּעָזְר֣וּ עֲלֵיהֶ֔ם וַיִּנָּתְנ֤וּ בְיָדָם֙ הַֽהַגְרִיאִ֔ים וְכֹ֖ל שֶׁ֣עִמָּהֶ֑ם כִּ֠י לֵאלֹהִ֤ים זָעֲקוּ֙ בַּמִּלְחָמָ֔ה וְנַעְתֹּ֥ור לָהֶ֖ם כִּי־בָ֥טְחוּ בֹֽו׃ wayeʿazeru ʿaleyhem wayinatenu veyadam hahageriyʾiym wekhol sheʿimahem kiy leʾlohiym zaʿaqu bamileḥamah wenaʿetowr lahem kiy־vaṭeḥu vow׃
21 וַיִּשְׁבּ֣וּ מִקְנֵיהֶ֗ם גְּֽמַלֵּיהֶ֞ם חֲמִשִּׁ֥ים אֶ֙לֶף֙ וְצֹ֗אן מָאתַ֤יִם וַחֲמִשִּׁים֙ אֶ֔לֶף וַחֲמֹורִ֖ים אַלְפָּ֑יִם וְנֶ֥פֶשׁ אָדָ֖ם מֵ֥אָה אָֽלֶף׃ wayishebu miqeneyhem gemaleyhem ḥamishiym ʾelef wetsoʾn maʾtayim waḥamishiym ʾelef waḥamowriym ʾalepayim wenefesh ʾadam meʾah ʾalef׃
22 כִּֽי־חֲלָלִ֤ים רַבִּים֙ נָפָ֔לוּ כִּ֥י מֵהָאֱלֹהִ֖ים הַמִּלְחָמָ֑ה וַיֵּשְׁב֥וּ תַחְתֵּיהֶ֖ם עַד־הַגֹּלָֽה׃ פ kiy־ḥalaliym rabiym nafalu kiy mehaʾelohiym hamileḥamah wayeshevu taḥeteyhem ʿad־hagolah׃ f
23 וּבְנֵ֗י חֲצִי֙ שֵׁ֣בֶט מְנַשֶּׁ֔ה יָשְׁב֖וּ בָּאָ֑רֶץ מִבָּשָׁ֞ן עַד־בַּ֧עַל חֶרְמֹ֛ון וּשְׂנִ֥יר וְהַר־חֶרְמֹ֖ון הֵ֥מָּה רָבֽוּ׃ uveney ḥatsiy sheveṭ menasheh yashevu baʾarets mibashan ʿad־baʿal ḥeremown useniyr wehar־ḥeremown hemah ravu׃
24 וְאֵ֖לֶּה רָאשֵׁ֣י בֵית־אֲבֹותָ֑ם וְעֵ֡פֶר וְיִשְׁעִ֡י וֶאֱלִיאֵ֡ל וְ֠עַזְרִיאֵל וְיִרְמְיָ֨ה וְהֹודַוְיָ֜ה וְיַחְדִּיאֵ֗ל אֲנָשִׁים֙ גִּבֹּ֣ורֵי חַ֔יִל אַנְשֵׁ֣י שֵׁמֹ֔ות רָאשִׁ֖ים לְבֵ֥ית אֲבֹותָֽם׃ weʾeleh raʾshey veyt־ʾavowtam weʿefer weyisheʿiy weʾeliyʾel weʿazeriyʾel weyiremeyah wehowdaweyah weyaḥediyʾel ʾanashiym gibowrey ḥayil ʾaneshey shemowt raʾshiym leveyt ʾavowtam׃
25 וַיִּֽמְעֲל֔וּ בֵּאלֹהֵ֖י אֲבֹותֵיהֶ֑ם וַיִּזְנ֗וּ אַחֲרֵי֙ אֱלֹהֵ֣י עַמֵּי־הָאָ֔רֶץ אֲשֶׁר־הִשְׁמִ֥יד אֱלֹהִ֖ים מִפְּנֵיהֶֽם׃ wayimeʿalu beʾlohey ʾavowteyhem wayizenu ʾaḥarey ʾelohey ʿamey־haʾarets ʾasher־hishemiyd ʾelohiym mipeneyhem׃
26 וַיָּעַר֩ אֱלֹהֵ֨י יִשְׂרָאֵ֜ל אֶת־ר֣וּחַ ׀ פּ֣וּל מֶֽלֶךְ־אַשּׁ֗וּר וְאֶת־ר֙וּחַ֙ תִּלְּגַ֤ת פִּלְנֶ֙סֶר֙ מֶ֣לֶךְ אַשּׁ֔וּר וַיַּגְלֵם֙ לָראוּבֵנִ֣י וְלַגָּדִ֔י וְלַחֲצִ֖י שֵׁ֣בֶט מְנַשֶּׁ֑ה וַ֠יְבִיאֵם לַחְלַ֨ח וְחָבֹ֤ור וְהָרָא֙ וּנְהַ֣ר גֹּוזָ֔ן עַ֖ד הַיֹּ֥ום הַזֶּֽה׃ פ wayaʿar ʾelohey yiseraʾel ʾet־ruaḥ ׀ pul melekhe־ʾashur weʾet־ruaḥ tilegat pileneser melekhe ʾashur wayagelem larʾuveniy welagadiy welaḥatsiy sheveṭ menasheh wayeviyʾem laḥelaḥ weḥavowr weharaʾ unehar gowzan ʿad hayowm hazeh׃ f
27 בְּנֵ֖י לֵוִ֑י גֵּרְשֹׁ֕ון קְהָ֖ת וּמְרָרִֽי׃ beney lewiy gereshown qehat umerariy׃
28 וּבְנֵ֖י קְהָ֑ת עַמְרָ֣ם יִצְהָ֔ר וְחֶבְרֹ֖ון וְעֻזִּיאֵֽל׃ ס uveney qehat ʿameram yitsehar weḥeverown weʿuziyʾel׃ s
29 וּבְנֵ֣י עַמְרָ֔ם אַהֲרֹ֥ן וּמֹשֶׁ֖ה וּמִרְיָ֑ם ס וּבְנֵ֣י אַהֲרֹ֔ן נָדָב֙ וַאֲבִיה֔וּא אֶלְעָזָ֖ר וְאִיתָמָֽר׃ ס uveney ʿameram ʾaharon umosheh umireyam s uveney ʾaharon nadav waʾaviyhuʾ ʾeleʿazar weʾiytamar׃ s
30 אֶלְעָזָר֙ הֹולִ֣יד אֶת־פִּֽינְחָ֔ס פִּֽינְחָ֖ס הֹלִ֥יד אֶת־אֲבִישֽׁוּעַ׃ ʾeleʿazar howliyd ʾet־piyneḥas piyneḥas holiyd ʾet־ʾaviyshuaʿ׃
31 וַאֲבִישׁ֙וּעַ֙ הֹולִ֣יד אֶת־בֻּקִּ֔י וּבֻקִּ֖י הֹולִ֥יד אֶת־עֻזִּֽי׃ waʾaviyshuaʿ howliyd ʾet־buqiy uvuqiy howliyd ʾet־ʿuziy׃
32 וְעֻזִּי֙ הֹולִ֣יד אֶת־זְרַֽחְיָ֔ה וּֽזְרַֽחְיָ֖ה הֹולִ֥יד אֶת־מְרָיֹֽות׃ weʿuziy howliyd ʾet־zeraḥeyah uzeraḥeyah howliyd ʾet־merayowt׃
33 מְרָיֹות֙ הֹולִ֣יד אֶת־אֲמַרְיָ֔ה וַאֲמַרְיָ֖ה הֹולִ֥יד אֶת־אֲחִיטֽוּב׃ merayowt howliyd ʾet־ʾamareyah waʾamareyah howliyd ʾet־ʾaḥiyṭuv׃
34 וַאֲחִיטוּב֙ הֹולִ֣יד אֶת־צָדֹ֔וק וְצָדֹ֖וק הֹולִ֥יד אֶת־אֲחִימָֽעַץ׃ waʾaḥiyṭuv howliyd ʾet־tsadowq wetsadowq howliyd ʾet־ʾaḥiymaʿats׃
35 וַאֲחִימַ֙עַץ֙ הֹולִ֣יד אֶת־עֲזַרְיָ֔ה וַעֲזַרְיָ֖ה הֹולִ֥יד אֶת־יֹוחָנָֽן׃ waʾaḥiymaʿats howliyd ʾet־ʿazareyah waʿazareyah howliyd ʾet־yowḥanan׃
36 וְיֹוחָנָ֖ן הֹולִ֣יד אֶת־עֲזַרְיָ֑ה ה֚וּא אֲשֶׁ֣ר כִּהֵ֔ן בַּבַּ֕יִת אֲשֶׁר־בָּנָ֥ה שְׁלֹמֹ֖ה בִּירוּשָׁלִָֽם׃ weyowḥanan howliyd ʾet־ʿazareyah huʾ ʾasher kihen babayit ʾasher־banah shelomoh biyrushalim׃
37 וַיֹּ֥ולֶד עֲזַרְיָ֖ה אֶת־אֲמַרְיָ֑ה וַאֲמַרְיָ֖ה הֹולִ֥יד אֶת־אֲחִיטֽוּב׃ wayowled ʿazareyah ʾet־ʾamareyah waʾamareyah howliyd ʾet־ʾaḥiyṭuv׃
38 וַאֲחִיטוּב֙ הֹולִ֣יד אֶת־צָדֹ֔וק וְצָדֹ֖וק הֹולִ֥יד אֶת־שַׁלּֽוּם׃ waʾaḥiyṭuv howliyd ʾet־tsadowq wetsadowq howliyd ʾet־shalum׃
39 וְשַׁלּוּם֙ הֹולִ֣יד אֶת־חִלְקִיָּ֔ה וְחִלְקִיָּ֖ה הֹולִ֥יד אֶת־עֲזַרְיָֽה׃ weshalum howliyd ʾet־ḥileqiyah weḥileqiyah howliyd ʾet־ʿazareyah׃
40 וַעֲזַרְיָה֙ הֹולִ֣יד אֶת־שְׂרָיָ֔ה וּשְׂרָיָ֖ה הֹולִ֥יד אֶת־יְהֹוצָדָֽק׃ waʿazareyah howliyd ʾet־serayah userayah howliyd ʾet־yehowtsadaq׃
41 וִיהֹוצָדָ֣ק הָלַ֔ךְ בְּהַגְלֹ֣ות יְהוָ֔ה אֶת־יְהוּדָ֖ה וִירוּשָׁלִָ֑ם בְּיַ֖ד נְבֻכַדְנֶאצַּֽר׃ ס wiyhowtsadaq halakhe behagelowt yehwah ʾet־yehudah wiyrushalim beyad nevukhadeneʾtsar׃ s