1 שִׁ֥יר הַשִּׁירִ֖ים אֲשֶׁ֥ר לִשְׁלֹמֹֽה׃ shiyr hashiyriym ʾasher lishelomoh׃
2 יִשָּׁקֵ֙נִי֙ מִנְּשִׁיקֹ֣ות פִּ֔יהוּ כִּֽי־טֹובִ֥ים דֹּדֶ֖יךָ מִיָּֽיִן׃ yishaqeniy mineshiyqowt piyhu kiy־ṭowviym dodeykha miyayin׃
3 לְרֵ֙יחַ֙ שְׁמָנֶ֣יךָ טֹובִ֔ים שֶׁ֖מֶן תּוּרַ֣ק שְׁמֶ֑ךָ עַל־כֵּ֖ן עֲלָמֹ֥ות אֲהֵבֽוּךָ׃ lereyḥa shemaneykha ṭowviym shemen turaq shemekha ʿal־ken ʿalamowt ʾahevukha׃
4 מָשְׁכֵ֖נִי אַחֲרֶ֣יךָ נָּר֑וּצָה הֱבִיאַ֨נִי הַמֶּ֜לֶךְ חֲדָרָ֗יו נָגִ֤ילָה וְנִשְׂמְחָה֙ בָּ֔ךְ נַזְכִּ֤ירָה דֹדֶ֙יךָ֙ מִיַּ֔יִן מֵישָׁרִ֖ים אֲהֵבֽוּךָ׃ ס mashekheniy ʾaḥareykha narutsah heviyʾaniy hamelekhe ḥadarayw nagiylah wenisemeḥah bakhe nazekiyrah dodeykha miyayin meyshariym ʾahevukha׃ s
5 שְׁחֹורָ֤ה אֲנִי֙ וְֽנָאוָ֔ה בְּנֹ֖ות יְרוּשָׁלִָ֑ם כְּאָהֳלֵ֣י קֵדָ֔ר כִּירִיעֹ֖ות שְׁלֹמֹֽה׃ sheḥowrah ʾaniy wenaʾwah benowt yerushalim keʾaholey qedar kiyriyʿowt shelomoh׃
6 אַל־תִּרְא֙וּנִי֙ שֶׁאֲנִ֣י שְׁחַרְחֹ֔רֶת שֶׁשֱּׁזָפַ֖תְנִי הַשָּׁ֑מֶשׁ בְּנֵ֧י אִמִּ֣י נִֽחֲרוּ־בִ֗י שָׂמֻ֙נִי֙ נֹטֵרָ֣ה אֶת־הַכְּרָמִ֔ים כַּרְמִ֥י שֶׁלִּ֖י לֹ֥א נָטָֽרְתִּי׃ ʾal־tireʾuniy sheʾaniy sheḥareḥoret sheshezafateniy hashamesh beney ʾimiy niḥaru־viy samuniy noṭerah ʾet־hakeramiym karemiy sheliy loʾ naṭaretiy׃
7 הַגִּ֣ידָה לִּ֗י שֶׁ֤אָהֲבָה֙ נַפְשִׁ֔י אֵיכָ֣ה תִרְעֶ֔ה אֵיכָ֖ה תַּרְבִּ֣יץ בַּֽצָּהֳרָ֑יִם שַׁלָּמָ֤ה אֶֽהְיֶה֙ כְּעֹ֣טְיָ֔ה עַ֖ל עֶדְרֵ֥י חֲבֵרֶֽיךָ׃ hagiydah liy sheʾahavah nafeshiy ʾeykhah tireʿeh ʾeykhah tarebiyts batsahorayim shalamah ʾeheyeh keʿoṭeyah ʿal ʿederey ḥavereykha׃
8 אִם־לֹ֤א תֵדְעִי֙ לָ֔ךְ הַיָּפָ֖ה בַּנָּשִׁ֑ים צְֽאִי־לָ֞ךְ בְּעִקְבֵ֣י הַצֹּ֗אן וּרְעִי֙ אֶת־גְּדִיֹּתַ֔יִךְ עַ֖ל מִשְׁכְּנֹ֥ות הָרֹעִֽים׃ ס ʾim־loʾ tedeʿiy lakhe hayafah banashiym tseʾiy־lakhe beʿiqevey hatsoʾn ureʿiy ʾet־gediyotayikhe ʿal mishekenowt haroʿiym׃ s
9 לְסֻסָתִי֙ בְּרִכְבֵ֣י פַרְעֹ֔ה דִּמִּיתִ֖יךְ רַעְיָתִֽי׃ lesusatiy berikhevey fareʿoh dimiytiykhe raʿeyatiy׃
10 נָאו֤וּ לְחָיַ֙יִךְ֙ בַּתֹּרִ֔ים צַוָּארֵ֖ךְ בַּחֲרוּזִֽים׃ naʾwu leḥayayikhe batoriym tsauaʾrekhe baḥaruziym׃
11 תֹּורֵ֤י זָהָב֙ נַעֲשֶׂה־לָּ֔ךְ עִ֖ם נְקֻדֹּ֥ות הַכָּֽסֶף׃ towrey zahav naʿaseh־lakhe ʿim nequdowt hakasef׃
12 עַד־שֶׁ֤הַמֶּ֙לֶךְ֙ בִּמְסִבֹּ֔ו נִרְדִּ֖י נָתַ֥ן רֵיחֹֽו׃ ʿad־shehamelekhe bimesibow nirediy natan reyḥow׃
13 צְרֹ֨ור הַמֹּ֤ר ׀ דֹּודִי֙ לִ֔י בֵּ֥ין שָׁדַ֖י יָלִֽין׃ tserowr hamor ׀ dowdiy liy beyn shaday yaliyn׃
14 אֶשְׁכֹּ֨ל הַכֹּ֤פֶר ׀ דֹּודִי֙ לִ֔י בְּכַרְמֵ֖י עֵ֥ין גֶּֽדִי׃ ס ʾeshekol hakofer ׀ dowdiy liy bekharemey ʿeyn gediy׃ s
15 הִנָּ֤ךְ יָפָה֙ רַעְיָתִ֔י הִנָּ֥ךְ יָפָ֖ה עֵינַ֥יִךְ יֹונִֽים׃ hinakhe yafah raʿeyatiy hinakhe yafah ʿeynayikhe yowniym׃
16 הִנְּךָ֙ יָפֶ֤ה דֹודִי֙ אַ֣ף נָעִ֔ים אַף־עַרְשֵׂ֖נוּ רַעֲנָנָֽה׃ hinekha yafeh dowdiy ʾaf naʿiym ʾaf־ʿaresenu raʿananah׃
17 קֹרֹ֤ות בָּתֵּ֙ינוּ֙ אֲרָזִ֔ים [רַחִיטֵנוּ כ] (רַהִיטֵ֖נוּ ק) בְּרֹותִֽים׃ qorowt bateynu ʾaraziym [raḥiyṭenu kh] (rahiyṭenu q) berowtiym׃