Psaumes 139

¹ לַ֭מְנַצֵּחַ לְדָוִ֣ד מִזְמֹ֑ור יְהוָ֥ה חֲ֝קַרְתַּ֗נִי וַתֵּדָֽע׃ lamenatseaḥ ledawid mizemowr yehwah ḥaqaretaniy watedaʿ׃

² אַתָּ֣ה יָ֭דַעְתָּ שִׁבְתִּ֣י וְקוּמִ֑י בַּ֥נְתָּה לְ֝רֵעִ֗י מֵרָחֹֽוק׃ ʾatah yadaʿeta shivetiy wequmiy banetah lereʿiy meraḥowq׃

³ אָרְחִ֣י וְרִבְעִ֣י זֵרִ֑יתָ וְֽכָל־דְּרָכַ֥י הִסְכַּֽנְתָּה׃ ʾareḥiy weriveʿiy zeriyta wekhal־derakhay hisekanetah׃

⁴ כִּ֤י אֵ֣ין מִ֭לָּה בִּלְשֹׁונִ֑י הֵ֥ן יְ֝הוָ֗ה יָדַ֥עְתָּ כֻלָּֽהּ׃ kiy ʾeyn milah bileshowniy hen yehwah yadaʿeta khulah׃

⁵ אָחֹ֣ור וָקֶ֣דֶם צַרְתָּ֑נִי וַתָּ֖שֶׁת עָלַ֣י כַּפֶּֽכָה׃ ʾaḥowr waqedem tsaretaniy watashet ʿalay kapekhah׃

⁶ [פִּלְאִיָּה כ] (פְּלִ֣יאָֽה ק) דַ֣עַת מִמֶּ֑נִּי נִ֝שְׂגְּבָ֗ה לֹא־א֥וּכַֽל לָֽהּ׃ [pileʾiyah kh] (peliyʾah q) daʿat mimeniy nisegevah loʾ־ʾukhal lah׃

⁷ אָ֭נָ֥ה אֵלֵ֣ךְ מֵרוּחֶ֑ךָ וְ֝אָ֗נָה מִפָּנֶ֥יךָ אֶבְרָֽח׃ ʾanah ʾelekhe meruḥekha weʾanah mipaneykha ʾeveraḥ׃

⁸ אִם־אֶסַּ֣ק מַיִם שָׁ֣ם אָ֑תָּה וְאַצִּ֖יעָה שְּׁאֹ֣ול הִנֶּֽךָּ׃ ʾim־ʾesaq mayim sham ʾatah weʾatsiyʿah sheʾowl hineka׃

⁹ אֶשָּׂ֥א כַנְפֵי־שָׁ֑חַר אֶ֝שְׁכְּנָ֗ה בְּאַחֲרִ֥ית יָֽם׃ ʾesaʾ khanefey־shaḥar ʾeshekenah beʾaḥariyt yam׃

¹⁰ גַּםשָׁ֭־ם יָדְךָ֣ תַנְחֵ֑נִי וְֽתֹאחֲזֵ֥נִי יְמִינֶֽךָ׃ gamsha־m yadekha taneḥeniy wetoʾḥazeniy yemiynekha׃

¹¹ וָ֭אֹמַר אַךְ־חֹ֣שֶׁךְ יְשׁוּפֵ֑נִי וְ֝לַ֗יְלָה אֹ֣ור בַּעֲדֵֽנִי׃ waʾomar ʾakhe־ḥoshekhe yeshufeniy welayelah ʾowr baʿadeniy׃

¹² גַּם־חֹשֶׁךְ֮ לֹֽא־יַחְשִׁ֪יךְ מִ֫מֶּ֥ךָ וְ֭לַיְלָה כַּיֹּ֣ום יָאִ֑יר כַּ֝חֲשֵׁיכָ֗ה כָּאֹורָֽה׃ gam־ḥoshekhe loʾ־yaḥeshiykhe mimekha welayelah kayowm yaʾiyr kaḥasheykhah kaʾowrah׃

¹³ כִּֽי־אַ֭תָּה קָנִ֣יתָ כִלְיֹתָ֑י תְּ֝סֻכֵּ֗נִי בְּבֶ֣טֶן אִמִּֽי׃ kiy־ʾatah qaniyta khileyotay tesukeniy beveṭen ʾimiy׃

¹⁴ אֹֽודְךָ֗ עַ֤ל כִּ֥י נֹורָאֹ֗ות נִ֫פְלֵ֥יתִי נִפְלָאִ֥ים מַעֲשֶׂ֑יךָ וְ֝נַפְשִׁ֗י יֹדַ֥עַת מְאֹֽד׃ ʾowdekha ʿal kiy nowraʾowt nifeleytiy nifelaʾiym maʿaseykha wenafeshiy yodaʿat meʾod׃

¹⁵ לֹא־נִכְחַ֥ד עָצְמִ֗י מִ֫מֶּ֥ךָּ אֲשֶׁר־עֻשֵּׂ֥יתִי בַסֵּ֑תֶר רֻ֝קַּ֗מְתִּי בְּֽתַחְתִּיֹּ֥ות אָֽרֶץ׃ loʾ־nikheḥad ʿatsemiy mimeka ʾasher־ʿuseytiy vaseter ruqametiy betaḥetiyowt ʾarets׃

¹⁶ גָּלְמִ֤י ׀ רָ֘א֤וּ עֵינֶ֗יךָ וְעַֽל־סִפְרְךָ֮ כֻּלָּ֪ם יִכָּ֫תֵ֥בוּ יָמִ֥ים יֻצָּ֑רוּ [וְלֹא כ] (וְלֹ֖ו ק) אֶחָ֣ד בָּהֶֽם׃ galemiy ׀ raʾu ʿeyneykha weʿal־siferekha kulam yikatevu yamiym yutsaru [weloʾ kh] (welow q) ʾeḥad bahem׃

¹⁷ וְלִ֗י מַה־יָּקְר֣וּ רֵעֶ֣יךָ אֵ֑ל מֶ֥ה עָ֝צְמוּ רָאשֵׁיהֶֽם׃ weliy mah־yaqeru reʿeykha ʾel meh ʿatsemu raʾsheyhem׃

¹⁸ אֶ֭סְפְּרֵם מֵחֹ֣ול יִרְבּ֑וּן הֱ֝קִיצֹ֗תִי וְעֹודִ֥י עִמָּֽךְ׃ ʾeseperem meḥowl yirebun heqiytsotiy weʿowdiy ʿimakhe׃

¹⁹ אִם־תִּקְטֹ֖ל אֱלֹ֥והַּ ׀ רָשָׁ֑ע וְאַנְשֵׁ֥י דָ֝מִ֗ים ס֣וּרוּ מֶֽנִּי׃ ʾim־tiqeṭol ʾelowha ׀ rashaʿ weʾaneshey damiym suru meniy׃

²⁰ אֲשֶׁ֣ר יֹ֭אמְרֻךָ לִמְזִמָּ֑ה נָשֻׂ֖א לַשָּׁ֣וְא עָרֶֽיךָ׃ ʾasher yoʾmerukha limezimah nasuʾ lashaweʾ ʿareykha׃

²¹ הֲלֹֽוא־מְשַׂנְאֶ֖יךָ יְהוָ֥ה ׀ אֶשְׂנָ֑א וּ֝בִתְקֹומְמֶ֗יךָ אֶתְקֹוטָֽט׃ halowʾ־mesaneʾeykha yehwah ׀ ʾesenaʾ uviteqowmemeykha ʾeteqowṭaṭ׃

²² תַּכְלִ֣ית שִׂנְאָ֣ה שְׂנֵאתִ֑ים לְ֝אֹויְבִ֗ים הָ֣יוּ לִֽי׃ takheliyt sineʾah seneʾtiym leʾowyeviym hayu liy׃

²³ חָקְרֵ֣נִי אֵ֭ל וְדַ֣ע לְבָבִ֑י בְּ֝חָנֵ֗נִי וְדַ֣ע שַׂרְעַפָּֽי׃ ḥaqereniy ʾel wedaʿ levaviy beḥaneniy wedaʿ sareʿapay׃

²⁴ וּרְאֵ֗ה אִם־דֶּֽרֶךְ־עֹ֥צֶב בִּ֑י וּ֝נְחֵ֗נִי בְּדֶ֣רֶךְ עֹולָֽם׃ ureʾeh ʾim־derekhe־ʿotsev biy uneḥeniy bederekhe ʿowlam׃