1 וַיֹּ֣אמֶר דָּוִ֔ד הֲכִ֣י יֶשׁ־עֹ֔וד אֲשֶׁ֥ר נֹותַ֖ר לְבֵ֣ית שָׁא֑וּל וְאֶעֱשֶׂ֤ה עִמֹּו֙ חֶ֔סֶד בַּעֲב֖וּר יְהֹונָתָֽן׃ wayoʾmer dawid hakhiy yesh־ʿowd ʾasher nowtar leveyt shaʾul weʾeʿeseh ʿimow ḥesed baʿavur yehownatan׃
2 וּלְבֵ֨ית שָׁא֥וּל עֶ֙בֶד֙ וּשְׁמֹ֣ו צִיבָ֔א וַיִּקְרְאוּ־לֹ֖ו אֶל־דָּוִ֑ד וַיֹּ֨אמֶר הַמֶּ֧לֶךְ אֵלָ֛יו הַאַתָּ֥ה צִיבָ֖א וַיֹּ֥אמֶר עַבְדֶּֽךָ׃ uleveyt shaʾul ʿeved ushemow tsiyvaʾ wayiqereʾu־low ʾel־dawid wayoʾmer hamelekhe ʾelayw haʾatah tsiyvaʾ wayoʾmer ʿavedekha׃
3 וַיֹּ֣אמֶר הַמֶּ֗לֶךְ הַאֶ֨פֶס עֹ֥וד אִישׁ֙ לְבֵ֣ית שָׁא֔וּל וְאֶעֱשֶׂ֥ה עִמֹּ֖ו חֶ֣סֶד אֱלֹהִ֑ים וַיֹּ֤אמֶר צִיבָא֙ אֶל־הַמֶּ֔לֶךְ עֹ֛וד בֵּ֥ן לִיהֹונָתָ֖ן נְכֵ֥ה רַגְלָֽיִם׃ wayoʾmer hamelekhe haʾefes ʿowd ʾiysh leveyt shaʾul weʾeʿeseh ʿimow ḥesed ʾelohiym wayoʾmer tsiyvaʾ ʾel־hamelekhe ʿowd ben liyhownatan nekheh ragelayim׃
4 וַיֹּֽאמֶר־לֹ֥ו הַמֶּ֖לֶךְ אֵיפֹ֣ה ה֑וּא וַיֹּ֤אמֶר צִיבָא֙ אֶל־הַמֶּ֔לֶךְ הִנֵּה־ה֗וּא בֵּ֛ית מָכִ֥יר בֶּן־עַמִּיאֵ֖ל בְּלֹ֥ו דְבָֽר׃ wayoʾmer־low hamelekhe ʾeyfoh huʾ wayoʾmer tsiyvaʾ ʾel־hamelekhe hineh־huʾ beyt makhiyr ben־ʿamiyʾel below devar׃
5 וַיִּשְׁלַ֖ח הַמֶּ֣לֶךְ דָּוִ֑ד וַיִּקָּחֵ֗הוּ מִבֵּ֛ית מָכִ֥יר בֶּן־עַמִּיאֵ֖ל מִלֹּ֥ו דְבָֽר׃ wayishelaḥ hamelekhe dawid wayiqaḥehu mibeyt makhiyr ben־ʿamiyʾel milow devar׃
6 וַ֠יָּבֹא מְפִיבֹ֨שֶׁת בֶּן־יְהֹונָתָ֤ן בֶּן־שָׁאוּל֙ אֶל־דָּוִ֔ד וַיִּפֹּ֥ל עַל־פָּנָ֖יו וַיִּשְׁתָּ֑חוּ וַיֹּ֤אמֶר דָּוִד֙ מְפִיבֹ֔שֶׁת וַיֹּ֖אמֶר הִנֵּ֥ה עַבְדֶּֽךָ׃ wayavoʾ mefiyvoshet ben־yehownatan ben־shaʾul ʾel־dawid wayipol ʿal־panayw wayishetaḥu wayoʾmer dawid mefiyvoshet wayoʾmer hineh ʿavedekha׃
7 וַיֹּאמֶר֩ לֹ֨ו דָוִ֜ד אַל־תִּירָ֗א כִּ֣י עָשֹׂה֩ אֶעֱשֶׂ֨ה עִמְּךָ֥ חֶ֙סֶד֙ בַּֽעֲבוּר֙ יְהֹונָתָ֣ן אָבִ֔יךָ וַהֲשִׁבֹתִ֣י לְךָ֔ אֶֽת־כָּל־שְׂדֵ֖ה שָׁא֣וּל אָבִ֑יךָ וְאַתָּ֗ה תֹּ֥אכַל לֶ֛חֶם עַל־שֻׁלְחָנִ֖י תָּמִֽיד׃ wayoʾmer low dawid ʾal־tiyraʾ kiy ʿasoh ʾeʿeseh ʿimekha ḥesed baʿavur yehownatan ʾaviykha wahashivotiy lekha ʾet־kal־sedeh shaʾul ʾaviykha weʾatah toʾkhal leḥem ʿal־shuleḥaniy tamiyd׃
8 וַיִּשְׁתַּ֕חוּ וַיֹּ֖אמֶר מֶ֣ה עַבְדֶּ֑ךָ כִּ֣י פָנִ֔יתָ אֶל־הַכֶּ֥לֶב הַמֵּ֖ת אֲשֶׁ֥ר כָּמֹֽונִי׃ wayishetaḥu wayoʾmer meh ʿavedekha kiy faniyta ʾel־hakelev hamet ʾasher kamowniy׃
9 וַיִּקְרָ֣א הַמֶּ֗לֶךְ אֶל־צִיבָ֛א נַ֥עַר שָׁא֖וּל וַיֹּ֣אמֶר אֵלָ֑יו כֹּל֩ אֲשֶׁ֨ר הָיָ֤ה לְשָׁאוּל֙ וּלְכָל־בֵּיתֹ֔ו נָתַ֖תִּי לְבֶן־אֲדֹנֶֽיךָ׃ wayiqeraʾ hamelekhe ʾel־tsiyvaʾ naʿar shaʾul wayoʾmer ʾelayw kol ʾasher hayah leshaʾul ulekhal־beytow natatiy leven־ʾadoneykha׃
10 וְעָבַ֣דְתָּ לֹּ֣ו אֶֽת־הָאֲדָמָ֡ה אַתָּה֩ וּבָנֶ֨יךָ וַעֲבָדֶ֜יךָ וְהֵבֵ֗אתָ וְהָיָ֨ה לְבֶן־אֲדֹנֶ֤יךָ לֶּ֙חֶם֙ וַאֲכָלֹ֔ו וּמְפִיבֹ֙שֶׁת֙ בֶּן־אֲדֹנֶ֔יךָ יֹאכַ֥ל תָּמִ֛יד לֶ֖חֶם עַל־שֻׁלְחָנִ֑י וּלְצִיבָ֗א חֲמִשָּׁ֥ה עָשָׂ֛ר בָּנִ֖ים וְעֶשְׂרִ֥ים עֲבָדִֽים׃ weʿavadeta low ʾet־haʾadamah ʾatah uvaneykha waʿavadeykha weheveʾta wehayah leven־ʾadoneykha leḥem waʾakhalow umefiyvoshet ben־ʾadoneykha yoʾkhal tamiyd leḥem ʿal־shuleḥaniy uletsiyvaʾ ḥamishah ʿasar baniym weʿeseriym ʿavadiym׃
11 וַיֹּ֤אמֶר צִיבָא֙ אֶל־הַמֶּ֔לֶךְ כְּכֹל֩ אֲשֶׁ֨ר יְצַוֶּ֜ה אֲדֹנִ֤י הַמֶּ֙לֶךְ֙ אֶת־עַבְדֹּ֔ו כֵּ֖ן יַעֲשֶׂ֣ה עַבְדֶּ֑ךָ וּמְפִיבֹ֗שֶׁת אֹכֵל֙ עַל־שֻׁלְחָנִ֔י כְּאַחַ֖ד מִבְּנֵ֥י הַמֶּֽלֶךְ׃ wayoʾmer tsiyvaʾ ʾel־hamelekhe kekhol ʾasher yetsaueh ʾadoniy hamelekhe ʾet־ʿavedow ken yaʿaseh ʿavedekha umefiyvoshet ʾokhel ʿal־shuleḥaniy keʾaḥad mibeney hamelekhe׃
12 וְלִמְפִיבֹ֥שֶׁת בֵּן־קָטָ֖ן וּשְׁמֹ֣ו מִיכָ֑א וְכֹל֙ מֹושַׁ֣ב בֵּית־צִיבָ֔א עֲבָדִ֖ים לִמְפִיבֹֽשֶׁת׃ welimefiyvoshet ben־qaṭan ushemow miykhaʾ wekhol mowshav beyt־tsiyvaʾ ʿavadiym limefiyvoshet׃
13 וּמְפִיבֹ֗שֶׁת יֹשֵׁב֙ בִּיר֣וּשָׁלִַ֔ם כִּ֣י עַל־שֻׁלְחַ֥ן הַמֶּ֛לֶךְ תָּמִ֖יד ה֣וּא אֹכֵ֑ל וְה֥וּא פִּסֵּ֖חַ שְׁתֵּ֥י רַגְלָֽיו׃ פ umefiyvoshet yoshev biyrushalim kiy ʿal־shuleḥan hamelekhe tamiyd huʾ ʾokhel wehuʾ piseaḥ shetey ragelayw׃ f