1 וַיִּשְׁמַ֗ע אֶת־דִּבְרֵ֤י בְנֵֽי־לָבָן֙ לֵאמֹ֔ר לָקַ֣ח יַעֲקֹ֔ב אֵ֖ת כָּל־אֲשֶׁ֣ר לְאָבִ֑ינוּ וּמֵאֲשֶׁ֣ר לְאָבִ֔ינוּ עָשָׂ֕ה אֵ֥ת כָּל־הַכָּבֹ֖ד הַזֶּֽה׃ wayishemaʿ ʾet־diverey veney־lavan leʾmor laqaḥ yaʿaqov ʾet kal־ʾasher leʾaviynu umeʾasher leʾaviynu ʿasah ʾet kal־hakavod hazeh׃
2 וַיַּ֥רְא יַעֲקֹ֖ב אֶת־פְּנֵ֣י לָבָ֑ן וְהִנֵּ֥ה אֵינֶנּ֛וּ עִמֹּ֖ו כִּתְמֹ֥ול שִׁלְשֹֽׁום׃ wayareʾ yaʿaqov ʾet־peney lavan wehineh ʾeynenu ʿimow kitemowl shileshowm׃
3 וַיֹּ֤אמֶר יְהוָה֙ אֶֽל־יַעֲקֹ֔ב שׁ֛וּב אֶל־אֶ֥רֶץ אֲבֹותֶ֖יךָ וּלְמֹולַדְתֶּ֑ךָ וְאֶֽהְיֶ֖ה עִמָּֽךְ׃ wayoʾmer yehwah ʾel־yaʿaqov shuv ʾel־ʾerets ʾavowteykha ulemowladetekha weʾeheyeh ʿimakhe׃
4 וַיִּשְׁלַ֣ח יַעֲקֹ֔ב וַיִּקְרָ֖א לְרָחֵ֣ל וּלְלֵאָ֑ה הַשָּׂדֶ֖ה אֶל־צֹאנֹֽו׃ wayishelaḥ yaʿaqov wayiqeraʾ leraḥel uleleʾah hasadeh ʾel־tsoʾnow׃
5 וַיֹּ֣אמֶר לָהֶ֗ן רֹאֶ֤ה אָנֹכִי֙ אֶת־פְּנֵ֣י אֲבִיכֶ֔ן כִּֽי־אֵינֶ֥נּוּ אֵלַ֖י כִּתְמֹ֣ל שִׁלְשֹׁ֑ם וֵֽאלֹהֵ֣י אָבִ֔י הָיָ֖ה עִמָּדִֽי׃ wayoʾmer lahen roʾeh ʾanokhiy ʾet־peney ʾaviykhen kiy־ʾeynenu ʾelay kitemol shileshom weʾlohey ʾaviy hayah ʿimadiy׃
6 וְאַתֵּ֖נָה יְדַעְתֶּ֑ן כִּ֚י בְּכָל־כֹּחִ֔י עָבַ֖דְתִּי אֶת־אֲבִיכֶֽן׃ weʾatenah yedaʿeten kiy bekhal־koḥiy ʿavadetiy ʾet־ʾaviykhen׃
7 וַאֲבִיכֶן֙ הֵ֣תֶל בִּ֔י וְהֶחֱלִ֥ף אֶת־מַשְׂכֻּרְתִּ֖י עֲשֶׂ֣רֶת מֹנִ֑ים וְלֹֽא־נְתָנֹ֣ו אֱלֹהִ֔ים לְהָרַ֖ע עִמָּדִֽי׃ waʾaviykhen hetel biy weheḥelif ʾet־masekuretiy ʿaseret moniym weloʾ־netanow ʾelohiym leharaʿ ʿimadiy׃
8 אִם־כֹּ֣ה יֹאמַ֗ר נְקֻדִּים֙ יִהְיֶ֣ה שְׂכָרֶ֔ךָ וְיָלְד֥וּ כָל־הַצֹּ֖אן נְקֻדִּ֑ים וְאִם־כֹּ֣ה יֹאמַ֗ר עֲקֻדִּים֙ יִהְיֶ֣ה שְׂכָרֶ֔ךָ וְיָלְד֥וּ כָל־הַצֹּ֖אן עֲקֻדִּֽים׃ ʾim־koh yoʾmar nequdiym yiheyeh sekharekha weyaledu khal־hatsoʾn nequdiym weʾim־koh yoʾmar ʿaqudiym yiheyeh sekharekha weyaledu khal־hatsoʾn ʿaqudiym׃
9 וַיַּצֵּ֧ל אֱלֹהִ֛ים אֶת־מִקְנֵ֥ה אֲבִיכֶ֖ם וַיִּתֶּן־לִֽי׃ wayatsel ʾelohiym ʾet־miqeneh ʾaviykhem wayiten־liy׃
10 וַיְהִ֗י בְּעֵת֙ יַחֵ֣ם הַצֹּ֔אן וָאֶשָּׂ֥א עֵינַ֛י וָאֵ֖רֶא בַּחֲלֹ֑ום וְהִנֵּ֤ה הָֽעַתֻּדִים֙ הָעֹלִ֣ים עַל־הַצֹּ֔אן עֲקֻדִּ֥ים נְקֻדִּ֖ים וּבְרֻדִּֽים׃ wayehiy beʿet yaḥem hatsoʾn waʾesaʾ ʿeynay waʾereʾ baḥalowm wehineh haʿatudiym haʿoliym ʿal־hatsoʾn ʿaqudiym nequdiym uverudiym׃
11 וַיֹּ֨אמֶר אֵלַ֜י מַלְאַ֧ךְ הָאֱלֹהִ֛ים בַּחֲלֹ֖ום יַֽעֲקֹ֑ב וָאֹמַ֖ר הִנֵּֽנִי׃ wayoʾmer ʾelay maleʾakhe haʾelohiym baḥalowm yaʿaqov waʾomar hineniy׃
12 וַיֹּ֗אמֶר שָׂא־נָ֨א עֵינֶ֤יךָ וּרְאֵה֙ כָּל־הָֽעַתֻּדִים֙ הָעֹלִ֣ים עַל־הַצֹּ֔אן עֲקֻדִּ֥ים נְקֻדִּ֖ים וּבְרֻדִּ֑ים כִּ֣י רָאִ֔יתִי אֵ֛ת כָּל־אֲשֶׁ֥ר לָבָ֖ן עֹ֥שֶׂה לָּֽךְ׃ wayoʾmer saʾ־naʾ ʿeyneykha ureʾeh kal־haʿatudiym haʿoliym ʿal־hatsoʾn ʿaqudiym nequdiym uverudiym kiy raʾiytiy ʾet kal־ʾasher lavan ʿoseh lakhe׃
13 אָנֹכִ֤י הָאֵל֙ בֵּֽית־אֵ֔ל אֲשֶׁ֨ר מָשַׁ֤חְתָּ שָּׁם֙ מַצֵּבָ֔ה אֲשֶׁ֨ר נָדַ֥רְתָּ לִּ֛י שָׁ֖ם נֶ֑דֶר עַתָּ֗ה ק֥וּם צֵא֙ מִן־הָאָ֣רֶץ הַזֹּ֔את וְשׁ֖וּב אֶל־אֶ֥רֶץ מֹולַדְתֶּֽךָ׃ ʾanokhiy haʾel beyt־ʾel ʾasher mashaḥeta sham matsevah ʾasher nadareta liy sham neder ʿatah qum tseʾ min־haʾarets hazoʾt weshuv ʾel־ʾerets mowladetekha׃
14 וַתַּ֤עַן רָחֵל֙ וְלֵאָ֔ה וַתֹּאמַ֖רְנָה לֹ֑ו הַעֹ֥וד לָ֛נוּ חֵ֥לֶק וְנַחֲלָ֖ה בְּבֵ֥ית אָבִֽינוּ׃ wataʿan raḥel weleʾah watoʾmarenah low haʿowd lanu ḥeleq wenaḥalah beveyt ʾaviynu׃
15 הֲלֹ֧וא נָכְרִיֹּ֛ות נֶחְשַׁ֥בְנוּ לֹ֖ו כִּ֣י מְכָרָ֑נוּ וַיֹּ֥אכַל גַּם־אָכֹ֖ול אֶת־כַּסְפֵּֽנוּ׃ halowʾ nakheriyowt neḥeshavenu low kiy mekharanu wayoʾkhal gam־ʾakhowl ʾet־kasepenu׃
16 כִּ֣י כָל־הָעֹ֗שֶׁר אֲשֶׁ֨ר הִצִּ֤יל אֱלֹהִים֙ מֵֽאָבִ֔ינוּ לָ֥נוּ ה֖וּא וּלְבָנֵ֑ינוּ וְעַתָּ֗ה כֹּל֩ אֲשֶׁ֨ר אָמַ֧ר אֱלֹהִ֛ים אֵלֶ֖יךָ עֲשֵֽׂה׃ kiy khal־haʿosher ʾasher hitsiyl ʾelohiym meʾaviynu lanu huʾ ulevaneynu weʿatah kol ʾasher ʾamar ʾelohiym ʾeleykha ʿaseh׃
17 וַיָּ֖קָם יַעֲקֹ֑ב וַיִּשָּׂ֛א אֶת־בָּנָ֥יו וְאֶת־נָשָׁ֖יו עַל־הַגְּמַלִּֽים׃ wayaqam yaʿaqov wayisaʾ ʾet־banayw weʾet־nashayw ʿal־hagemaliym׃
18 וַיִּנְהַ֣ג אֶת־כָּל־מִקְנֵ֗הוּ וְאֶת־כָּל־רְכֻשֹׁו֙ אֲשֶׁ֣ר רָכָ֔שׁ מִקְנֵה֙ קִנְיָנֹ֔ו אֲשֶׁ֥ר רָכַ֖שׁ בְּפַדַּ֣ן אֲרָ֑ם לָבֹ֛וא אֶל־יִצְחָ֥ק אָבִ֖יו אַ֥רְצָה כְּנָֽעַן׃ wayinehag ʾet־kal־miqenehu weʾet־kal־rekhushow ʾasher rakhash miqeneh qineyanow ʾasher rakhash befadan ʾaram lavowʾ ʾel־yitseḥaq ʾaviyw ʾaretsah kenaʿan׃
19 וְלָבָ֣ן הָלַ֔ךְ לִגְזֹ֖ז אֶת־צֹאנֹ֑ו וַתִּגְנֹ֣ב רָחֵ֔ל אֶת־הַתְּרָפִ֖ים אֲשֶׁ֥ר לְאָבִֽיהָ׃ welavan halakhe ligezoz ʾet־tsoʾnow watigenov raḥel ʾet־haterafiym ʾasher leʾaviyha׃
20 וַיִּגְנֹ֣ב יַעֲקֹ֔ב אֶת־לֵ֥ב לָבָ֖ן הָאֲרַמִּ֑י עַל־בְּלִי֙ הִגִּ֣יד לֹ֔ו כִּ֥י בֹרֵ֖חַ הֽוּא׃ wayigenov yaʿaqov ʾet־lev lavan haʾaramiy ʿal־beliy higiyd low kiy voreaḥ huʾ׃
21 וַיִּבְרַ֥ח הוּא֙ וְכָל־אֲשֶׁר־לֹ֔ו וַיָּ֖קָם וַיַּעֲבֹ֣ר אֶת־הַנָּהָ֑ר וַיָּ֥שֶׂם אֶת־פָּנָ֖יו הַ֥ר הַגִּלְעָֽד׃ wayiveraḥ huʾ wekhal־ʾasher־low wayaqam wayaʿavor ʾet־hanahar wayasem ʾet־panayw har hagileʿad׃
22 וַיֻּגַּ֥ד לְלָבָ֖ן בַּיֹּ֣ום הַשְּׁלִישִׁ֑י כִּ֥י בָרַ֖ח יַעֲקֹֽב׃ wayugad lelavan bayowm hasheliyshiy kiy varaḥ yaʿaqov׃
23 וַיִּקַּ֤ח אֶת־אֶחָיו֙ עִמֹּ֔ו וַיִּרְדֹּ֣ף אַחֲרָ֔יו דֶּ֖רֶךְ שִׁבְעַ֣ת יָמִ֑ים וַיַּדְבֵּ֥ק אֹתֹ֖ו בְּהַ֥ר הַגִּלְעָֽד׃ wayiqaḥ ʾet־ʾeḥayw ʿimow wayiredof ʾaḥarayw derekhe shiveʿat yamiym wayadebeq ʾotow behar hagileʿad׃
24 וַיָּבֹ֧א אֱלֹהִ֛ים אֶל־לָבָ֥ן הָאֲרַמִּ֖י בַּחֲלֹ֣ם הַלָּ֑יְלָה וַיֹּ֣אמֶר לֹ֗ו הִשָּׁ֧מֶר לְךָ֛ פֶּן־תְּדַבֵּ֥ר עִֽם־יַעֲקֹ֖ב מִטֹּ֥וב עַד־רָֽע׃ wayavoʾ ʾelohiym ʾel־lavan haʾaramiy baḥalom halayelah wayoʾmer low hishamer lekha pen־tedaber ʿim־yaʿaqov miṭowv ʿad־raʿ׃
25 וַיַּשֵּׂ֥ג לָבָ֖ן אֶֽת־יַעֲקֹ֑ב וְיַעֲקֹ֗ב תָּקַ֤ע אֶֽת־אָהֳלֹו֙ בָּהָ֔ר וְלָבָ֛ן תָּקַ֥ע אֶת־אֶחָ֖יו בְּהַ֥ר הַגִּלְעָֽד׃ wayaseg lavan ʾet־yaʿaqov weyaʿaqov taqaʿ ʾet־ʾaholow bahar welavan taqaʿ ʾet־ʾeḥayw behar hagileʿad׃
26 וַיֹּ֤אמֶר לָבָן֙ לְיַעֲקֹ֔ב מֶ֣ה עָשִׂ֔יתָ וַתִּגְנֹ֖ב אֶת־לְבָבִ֑י וַתְּנַהֵג֙ אֶת־בְּנֹתַ֔י כִּשְׁבֻיֹ֖ות חָֽרֶב׃ wayoʾmer lavan leyaʿaqov meh ʿasiyta watigenov ʾet־levaviy watenaheg ʾet־benotay kishevuyowt ḥarev׃
27 לָ֤מָּה נַחְבֵּ֙אתָ֙ לִבְרֹ֔חַ וַתִּגְנֹ֖ב אֹתִ֑י וְלֹא־הִגַּ֣דְתָּ לִּ֔י וָֽאֲשַׁלֵּחֲךָ֛ בְּשִׂמְחָ֥ה וּבְשִׁרִ֖ים בְּתֹ֥ף וּבְכִנֹּֽור׃ lamah naḥebeʾta liveroaḥ watigenov ʾotiy weloʾ־higadeta liy waʾashaleḥakha besimeḥah uveshiriym betof uvekhinowr׃
28 וְלֹ֣א נְטַשְׁתַּ֔נִי לְנַשֵּׁ֥ק לְבָנַ֖י וְלִבְנֹתָ֑י עַתָּ֖ה הִסְכַּ֥לְתָּֽ עֲשֹֽׂו׃ weloʾ neṭashetaniy lenasheq levanay welivenotay ʿatah hisekaleta ʿasow׃
29 יֶשׁ־לְאֵ֣ל יָדִ֔י לַעֲשֹׂ֥ות עִמָּכֶ֖ם רָ֑ע וֵֽאלֹהֵ֨י אֲבִיכֶ֜ם אֶ֣מֶשׁ ׀ אָמַ֧ר אֵלַ֣י לֵאמֹ֗ר הִשָּׁ֧מֶר לְךָ֛ מִדַּבֵּ֥ר עִֽם־יַעֲקֹ֖ב מִטֹּ֥וב עַד־רָֽע׃ yesh־leʾel yadiy laʿasowt ʿimakhem raʿ weʾlohey ʾaviykhem ʾemesh ׀ ʾamar ʾelay leʾmor hishamer lekha midaber ʿim־yaʿaqov miṭowv ʿad־raʿ׃
30 וְעַתָּה֙ הָלֹ֣ךְ הָלַ֔כְתָּ כִּֽי־נִכְסֹ֥ף נִכְסַ֖פְתָּה לְבֵ֣ית אָבִ֑יךָ לָ֥מָּה גָנַ֖בְתָּ אֶת־אֱלֹהָֽי׃ weʿatah halokhe halakheta kiy־nikhesof nikhesafetah leveyt ʾaviykha lamah ganaveta ʾet־ʾelohay׃
31 וַיַּ֥עַן יַעֲקֹ֖ב וַיֹּ֣אמֶר לְלָבָ֑ן כִּ֣י יָרֵ֔אתִי כִּ֣י אָמַ֔רְתִּי פֶּן־תִּגְזֹ֥ל אֶת־בְּנֹותֶ֖יךָ מֵעִמִּֽי׃ wayaʿan yaʿaqov wayoʾmer lelavan kiy yareʾtiy kiy ʾamaretiy pen־tigezol ʾet־benowteykha meʿimiy׃
32 עִ֠ם אֲשֶׁ֨ר תִּמְצָ֣א אֶת־אֱלֹהֶיךָ֮ לֹ֣א יִֽחְיֶה֒ נֶ֣גֶד אַחֵ֧ינוּ הַֽכֶּר־לְךָ֛ מָ֥ה עִמָּדִ֖י וְקַֽח־לָ֑ךְ וְלֹֽא־יָדַ֣ע יַעֲקֹ֔ב כִּ֥י רָחֵ֖ל גְּנָבָֽתַם׃ ʿim ʾasher timetsaʾ ʾet־ʾeloheykha loʾ yiḥeyeh neged ʾaḥeynu haker־lekha mah ʿimadiy weqaḥ־lakhe weloʾ־yadaʿ yaʿaqov kiy raḥel genavatam׃
33 וַיָּבֹ֨א לָבָ֜ן בְּאֹ֥הֶל יַעֲקֹ֣ב ׀ וּבְאֹ֣הֶל לֵאָ֗ה וּבְאֹ֛הֶל שְׁתֵּ֥י הָאֲמָהֹ֖ת וְלֹ֣א מָצָ֑א וַיֵּצֵא֙ מֵאֹ֣הֶל לֵאָ֔ה וַיָּבֹ֖א בְּאֹ֥הֶל רָחֵֽל׃ wayavoʾ lavan beʾohel yaʿaqov ׀ uveʾohel leʾah uveʾohel shetey haʾamahot weloʾ matsaʾ wayetseʾ meʾohel leʾah wayavoʾ beʾohel raḥel׃
34 וְרָחֵ֞ל לָקְחָ֣ה אֶת־הַתְּרָפִ֗ים וַתְּשִׂמֵ֛ם בְּכַ֥ר הַגָּמָ֖ל וַתֵּ֣שֶׁב עֲלֵיהֶ֑ם וַיְמַשֵּׁ֥שׁ לָבָ֛ן אֶת־כָּל־הָאֹ֖הֶל וְלֹ֥א מָצָֽא׃ weraḥel laqeḥah ʾet־haterafiym watesimem bekhar hagamal wateshev ʿaleyhem wayemashesh lavan ʾet־kal־haʾohel weloʾ matsaʾ׃
35 וַתֹּ֣אמֶר אֶל־אָבִ֗יהָ אַל־יִ֙חַר֙ בְּעֵינֵ֣י אֲדֹנִ֔י כִּ֣י לֹ֤וא אוּכַל֙ לָק֣וּם מִפָּנֶ֔יךָ כִּי־דֶ֥רֶךְ נָשִׁ֖ים לִ֑י וַיְחַפֵּ֕שׂ וְלֹ֥א מָצָ֖א אֶת־הַתְּרָפִֽים׃ watoʾmer ʾel־ʾaviyha ʾal־yiḥar beʿeyney ʾadoniy kiy lowʾ ʾukhal laqum mipaneykha kiy־derekhe nashiym liy wayeḥapes weloʾ matsaʾ ʾet־haterafiym׃
36 וַיִּ֥חַר לְיַעֲקֹ֖ב וַיָּ֣רֶב בְּלָבָ֑ן וַיַּ֤עַן יַעֲקֹב֙ וַיֹּ֣אמֶר לְלָבָ֔ן מַה־פִּשְׁעִי֙ מַ֣ה חַטָּאתִ֔י כִּ֥י דָלַ֖קְתָּ אַחֲרָֽי׃ wayiḥar leyaʿaqov wayarev belavan wayaʿan yaʿaqov wayoʾmer lelavan mah־pisheʿiy mah ḥaṭaʾtiy kiy dalaqeta ʾaḥaray׃
37 כִּֽי־מִשַּׁ֣שְׁתָּ אֶת־כָּל־כֵּלַ֗י מַה־מָּצָ֙אתָ֙ מִכֹּ֣ל כְּלֵי־בֵיתֶ֔ךָ שִׂ֣ים כֹּ֔ה נֶ֥גֶד אַחַ֖י וְאַחֶ֑יךָ וְיֹוכִ֖יחוּ בֵּ֥ין שְׁנֵֽינוּ׃ kiy־mishasheta ʾet־kal־kelay mah־matsaʾta mikol keley־veytekha siym koh neged ʾaḥay weʾaḥeykha weyowkhiyḥu beyn sheneynu׃
38 זֶה֩ עֶשְׂרִ֨ים שָׁנָ֤ה אָנֹכִי֙ עִמָּ֔ךְ רְחֵלֶ֥יךָ וְעִזֶּ֖יךָ לֹ֣א שִׁכֵּ֑לוּ וְאֵילֵ֥י צֹאנְךָ֖ לֹ֥א אָכָֽלְתִּי׃ zeh ʿeseriym shanah ʾanokhiy ʿimakhe reḥeleykha weʿizeykha loʾ shikelu weʾeyley tsoʾnekha loʾ ʾakhaletiy׃
39 טְרֵפָה֙ לֹא־הֵבֵ֣אתִי אֵלֶ֔יךָ אָנֹכִ֣י אֲחַטֶּ֔נָּה מִיָּדִ֖י תְּבַקְשֶׁ֑נָּה גְּנֻֽבְתִ֣י יֹ֔ום וּגְנֻֽבְתִ֖י לָֽיְלָה׃ ṭerefah loʾ־heveʾtiy ʾeleykha ʾanokhiy ʾaḥaṭenah miyadiy tevaqeshenah genuvetiy yowm ugenuvetiy layelah׃
40 הָיִ֧יתִי בַיֹּ֛ום אֲכָלַ֥נִי חֹ֖רֶב וְקֶ֣רַח בַּלָּ֑יְלָה וַתִּדַּ֥ד שְׁנָתִ֖י מֵֽעֵינָֽי׃ hayiytiy vayowm ʾakhalaniy ḥorev weqeraḥ balayelah watidad shenatiy meʿeynay׃
41 זֶה־לִּ֞י עֶשְׂרִ֣ים שָׁנָה֮ בְּבֵיתֶךָ֒ עֲבַדְתִּ֜יךָ אַרְבַּֽע־עֶשְׂרֵ֤ה שָׁנָה֙ בִּשְׁתֵּ֣י בְנֹתֶ֔יךָ וְשֵׁ֥שׁ שָׁנִ֖ים בְּצֹאנֶ֑ךָ וַתַּחֲלֵ֥ף אֶת־מַשְׂכֻּרְתִּ֖י עֲשֶׂ֥רֶת מֹנִֽים׃ zeh־liy ʿeseriym shanah beveytekha ʿavadetiykha ʾarebaʿ־ʿesereh shanah bishetey venoteykha weshesh shaniym betsoʾnekha wataḥalef ʾet־masekuretiy ʿaseret moniym׃
42 לוּלֵ֡י אֱלֹהֵ֣י אָבִי֩ אֱלֹהֵ֨י אַבְרָהָ֜ם וּפַ֤חַד יִצְחָק֙ הָ֣יָה לִ֔י כִּ֥י עַתָּ֖ה רֵיקָ֣ם שִׁלַּחְתָּ֑נִי אֶת־עָנְיִ֞י וְאֶת־יְגִ֧יעַ כַּפַּ֛י רָאָ֥ה אֱלֹהִ֖ים וַיֹּ֥וכַח אָֽמֶשׁ׃ luley ʾelohey ʾaviy ʾelohey ʾaveraham ufaḥad yitseḥaq hayah liy kiy ʿatah reyqam shilaḥetaniy ʾet־ʿaneyiy weʾet־yegiyʿa kapay raʾah ʾelohiym wayowkhaḥ ʾamesh׃
43 וַיַּ֨עַן לָבָ֜ן וַיֹּ֣אמֶר אֶֽל־יַעֲקֹ֗ב הַבָּנֹ֨ות בְּנֹתַ֜י וְהַבָּנִ֤ים בָּנַי֙ וְהַצֹּ֣אן צֹאנִ֔י וְכֹ֛ל אֲשֶׁר־אַתָּ֥ה רֹאֶ֖ה לִי־ה֑וּא וְלִבְנֹתַ֞י מָֽה־אֶֽעֱשֶׂ֤ה לָאֵ֙לֶּה֙ הַיֹּ֔ום אֹ֥ו לִבְנֵיהֶ֖ן אֲשֶׁ֥ר יָלָֽדוּ׃ wayaʿan lavan wayoʾmer ʾel־yaʿaqov habanowt benotay wehabaniym banay wehatsoʾn tsoʾniy wekhol ʾasher־ʾatah roʾeh liy־huʾ welivenotay mah־ʾeʿeseh laʾeleh hayowm ʾow liveneyhen ʾasher yaladu׃
44 וְעַתָּ֗ה לְכָ֛ה נִכְרְתָ֥ה בְרִ֖ית אֲנִ֣י וָאָ֑תָּה וְהָיָ֥ה לְעֵ֖ד בֵּינִ֥י וּבֵינֶֽךָ׃ weʿatah lekhah nikheretah veriyt ʾaniy waʾatah wehayah leʿed beyniy uveynekha׃
45 וַיִּקַּ֥ח יַעֲקֹ֖ב אָ֑בֶן וַיְרִימֶ֖הָ מַצֵּבָֽה׃ wayiqaḥ yaʿaqov ʾaven wayeriymeah matsevah׃
46 וַיֹּ֨אמֶר יַעֲקֹ֤ב לְאֶחָיו֙ לִקְט֣וּ אֲבָנִ֔ים וַיִּקְח֥וּ אֲבָנִ֖ים וַיַּֽעֲשׂוּ־גָ֑ל וַיֹּ֥אכְלוּ שָׁ֖ם עַל־הַגָּֽל׃ wayoʾmer yaʿaqov leʾeḥayw liqeṭu ʾavaniym wayiqeḥu ʾavaniym wayaʿasu־gal wayoʾkhelu sham ʿal־hagal׃
47 וַיִּקְרָא־לֹ֣ו לָבָ֔ן יְגַ֖ר שָׂהֲדוּתָ֑א וְיַֽעֲקֹ֔ב קָ֥רָא לֹ֖ו גַּלְעֵֽד׃ wayiqeraʾ־low lavan yegar sahadutaʾ weyaʿaqov qaraʾ low galeʿed׃
48 וַיֹּ֣אמֶר לָבָ֔ן הַגַּ֨ל הַזֶּ֥ה עֵ֛ד בֵּינִ֥י וּבֵינְךָ֖ הַיֹּ֑ום עַל־כֵּ֥ן קָרָֽא־שְׁמֹ֖ו גַּלְעֵֽד׃ wayoʾmer lavan hagal hazeh ʿed beyniy uveynekha hayowm ʿal־ken qaraʾ־shemow galeʿed׃
49 וְהַמִּצְפָּה֙ אֲשֶׁ֣ר אָמַ֔ר יִ֥צֶף יְהוָ֖ה בֵּינִ֣י וּבֵינֶ֑ךָ כִּ֥י נִסָּתֵ֖ר אִ֥ישׁ מֵרֵעֵֽהוּ׃ wehamitsepah ʾasher ʾamar yitsef yehwah beyniy uveynekha kiy nisater ʾiysh mereʿehu׃
50 אִם־תְּעַנֶּ֣ה אֶת־בְּנֹתַ֗י וְאִם־תִּקַּ֤ח נָשִׁים֙ עַל־בְּנֹתַ֔י אֵ֥ין אִ֖ישׁ עִמָּ֑נוּ רְאֵ֕ה אֱלֹהִ֥ים עֵ֖ד בֵּינִ֥י וּבֵינֶֽךָ׃ ʾim־teʿaneh ʾet־benotay weʾim־tiqaḥ nashiym ʿal־benotay ʾeyn ʾiysh ʿimanu reʾeh ʾelohiym ʿed beyniy uveynekha׃
51 וַיֹּ֥אמֶר לָבָ֖ן לְיַעֲקֹ֑ב הִנֵּ֣ה ׀ הַגַּ֣ל הַזֶּ֗ה וְהִנֵּה֙ הַמַצֵּבָ֔ה אֲשֶׁ֥ר יָרִ֖יתִי בֵּינִ֥י וּבֵינֶֽךָ׃ wayoʾmer lavan leyaʿaqov hineh ׀ hagal hazeh wehineh hamatsevah ʾasher yariytiy beyniy uveynekha׃
52 עֵ֚ד הַגַּ֣ל הַזֶּ֔ה וְעֵדָ֖ה הַמַּצֵּבָ֑ה אִם־אָ֗נִי לֹֽא־אֶֽעֱבֹ֤ר אֵלֶ֙יךָ֙ אֶת־הַגַּ֣ל הַזֶּ֔ה וְאִם־אַ֠תָּה לֹא־תַעֲבֹ֨ר אֵלַ֜י אֶת־הַגַּ֥ל הַזֶּ֛ה וְאֶת־הַמַּצֵּבָ֥ה הַזֹּ֖את לְרָעָֽה׃ ʿed hagal hazeh weʿedah hamatsevah ʾim־ʾaniy loʾ־ʾeʿevor ʾeleykha ʾet־hagal hazeh weʾim־ʾatah loʾ־taʿavor ʾelay ʾet־hagal hazeh weʾet־hamatsevah hazoʾt leraʿah׃
53 אֱלֹהֵ֨י אַבְרָהָ֜ם וֵֽאלֹהֵ֤י נָחֹור֙ יִשְׁפְּט֣וּ בֵינֵ֔ינוּ אֱלֹהֵ֖י אֲבִיהֶ֑ם וַיִּשָּׁבַ֣ע יַעֲקֹ֔ב בְּפַ֖חַד אָבִ֥יו יִצְחָֽק׃ ʾelohey ʾaveraham weʾlohey naḥowr yishepeṭu veyneynu ʾelohey ʾaviyhem wayishavaʿ yaʿaqov befaḥad ʾaviyw yitseḥaq׃
54 וַיִּזְבַּ֨ח יַעֲקֹ֥ב זֶ֙בַח֙ בָּהָ֔ר וַיִּקְרָ֥א לְאֶחָ֖יו לֶאֱכָל־לָ֑חֶם וַיֹּ֣אכְלוּ לֶ֔חֶם וַיָּלִ֖ינוּ בָּהָֽר׃ wayizebaḥ yaʿaqov zevaḥ bahar wayiqeraʾ leʾeḥayw leʾekhal־laḥem wayoʾkhelu leḥem wayaliynu bahar׃
