1 Samuel 31

¹ וּפְלִשְׁתִּ֖ים נִלְחָמִ֣ים בְּיִשְׂרָאֵ֑ל וַיָּנֻ֜סוּ אַנְשֵׁ֤י יִשְׂרָאֵל֙ מִפְּנֵ֣י פְלִשְׁתִּ֔ים וַיִּפְּל֥וּ חֲלָלִ֖ים בְּהַ֥ר הַגִּלְבֹּֽעַ׃ ufelishetiym nileḥamiym beyiseraʾel wayanusu ʾaneshey yiseraʾel mipeney felishetiym wayipelu ḥalaliym behar hagileboaʿ׃

² וַיַּדְבְּק֣וּ פְלִשְׁתִּ֔ים אֶת־שָׁא֖וּל וְאֶת־בָּנָ֑יו וַיַּכּ֣וּ פְלִשְׁתִּ֗ים אֶת־יְהֹונָתָ֧ן וְאֶת־אֲבִינָדָ֛ב וְאֶת־מַלְכִּי־שׁ֖וּעַ בְּנֵ֥י שָׁאֽוּל׃ wayadebequ felishetiym ʾet־shaʾul weʾet־banayw wayaku felishetiym ʾet־yehownatan weʾet־ʾaviynadav weʾet־malekiy־shuaʿ beney shaʾul׃

³ וַתִּכְבַּ֤ד הַמִּלְחָמָה֙ אֶל־שָׁא֔וּל וַיִּמְצָאֻ֥הוּ הַמֹּורִ֖ים אֲנָשִׁ֣ים בַּקָּ֑שֶׁת וַיָּ֥חֶל מְאֹ֖ד מֵהַמֹּורִֽים׃ watikhebad hamileḥamah ʾel־shaʾul wayimetsaʾuhu hamowriym ʾanashiym baqashet wayaḥel meʾod mehamowriym׃

⁴ וַיֹּ֣אמֶר שָׁאוּל֩ לְנֹשֵׂ֨א כֵלָ֜יו שְׁלֹ֥ף חַרְבְּךָ֣ ׀ וְדָקְרֵ֣נִי בָ֗הּ פֶּן־יָ֠בֹואוּ הָעֲרֵלִ֨ים הָאֵ֤לֶּה וּדְקָרֻ֙נִי֙ וְהִתְעַלְּלוּ־בִ֔י וְלֹ֤א אָבָה֙ נֹשֵׂ֣א כֵלָ֔יו כִּ֥י יָרֵ֖א מְאֹ֑ד וַיִּקַּ֤ח שָׁאוּל֙ אֶת־הַחֶ֔רֶב וַיִּפֹּ֖ל עָלֶֽיהָ׃ wayoʾmer shaʾul lenoseʾ khelayw shelof ḥarebekha ׀ wedaqereniy vah pen־yavowʾu haʿareliym haʾeleh udeqaruniy wehiteʿalelu־viy weloʾ ʾavah noseʾ khelayw kiy yareʾ meʾod wayiqaḥ shaʾul ʾet־haḥerev wayipol ʿaleyha׃

⁵ וַיַּ֥רְא נֹשֵֽׂא־כֵלָ֖יו כִּ֣י מֵ֣ת שָׁא֑וּל וַיִּפֹּ֥ל גַּם־ה֛וּא עַל־חַרְבֹּ֖ו וַיָּ֥מָת עִמֹּֽו׃ wayareʾ noseʾ־khelayw kiy met shaʾul wayipol gam־huʾ ʿal־ḥarebow wayamat ʿimow׃

⁶ וַיָּ֣מָת שָׁא֡וּל וּשְׁלֹ֣שֶׁת בָּנָיו֩ וְנֹשֵׂ֨א כֵלָ֜יו גַּ֧ם כָּל־אֲנָשָׁ֛יו בַּיֹּ֥ום הַה֖וּא יַחְדָּֽו׃ wayamat shaʾul usheloshet banayw wenoseʾ khelayw gam kal־ʾanashayw bayowm hahuʾ yaḥedaw׃

⁷ וַיִּרְא֣וּ אַנְשֵֽׁי־יִ֠שְׂרָאֵל אֲשֶׁר־בְּעֵ֨בֶר הָעֵ֜מֶק וַאֲשֶׁ֣ר ׀ בְּעֵ֣בֶר הַיַּרְדֵּ֗ן כִּֽי־נָ֙סוּ֙ אַנְשֵׁ֣י יִשְׂרָאֵ֔ל וְכִי־מֵ֖תוּ שָׁא֣וּל וּבָנָ֑יו וַיַּעַזְב֤וּ אֶת־הֶֽעָרִים֙ וַיָּנֻ֔סוּ וַיָּבֹ֣אוּ פְלִשְׁתִּ֔ים וַיֵּֽשְׁב֖וּ בָּהֶֽן׃ ס wayireʾu ʾaneshey־yiseraʾel ʾasher־beʿever haʿemeq waʾasher ׀ beʿever hayareden kiy־nasu ʾaneshey yiseraʾel wekhiy־metu shaʾul uvanayw wayaʿazevu ʾet־heʿariym wayanusu wayavoʾu felishetiym wayeshevu bahen׃ s

⁸ וַֽיְהִי֙ מִֽמָּחֳרָ֔ת וַיָּבֹ֣אוּ פְלִשְׁתִּ֔ים לְפַשֵּׁ֖ט אֶת־הַחֲלָלִ֑ים וַֽיִּמְצְא֤וּ אֶת־שָׁאוּל֙ וְאֶת־שְׁלֹ֣שֶׁת בָּנָ֔יו נֹפְלִ֖ים בְּהַ֥ר הַגִּלְבֹּֽעַ׃ wayehiy mimaḥorat wayavoʾu felishetiym lefasheṭ ʾet־haḥalaliym wayimetseʾu ʾet־shaʾul weʾet־sheloshet banayw nofeliym behar hagileboaʿ׃

⁹ וַֽיִּכְרְתוּ֙ אֶת־רֹאשֹׁ֔ו וַיַּפְשִׁ֖יטוּ אֶת־כֵּלָ֑יו וַיְשַׁלְּח֨וּ בְאֶֽרֶץ־פְּלִשְׁתִּ֜ים סָבִ֗יב לְבַשֵּׂ֛ר בֵּ֥ית עֲצַבֵּיהֶ֖ם וְאֶת־הָעָֽם׃ wayikheretu ʾet־roʾshow wayafeshiyṭu ʾet־kelayw wayeshaleḥu veʾerets־pelishetiym saviyv levaser beyt ʿatsabeyhem weʾet־haʿam׃

¹⁰ וַיָּשִׂ֙מוּ֙ אֶת־כֵּלָ֔יו בֵּ֖ית עַשְׁתָּרֹ֑ות וְאֶת־גְּוִיָּתֹו֙ תָּקְע֔וּ בְּחֹומַ֖ת בֵּ֥ית שָֽׁן׃ wayasimu ʾet־kelayw beyt ʿashetarowt weʾet־gewiyatow taqeʿu beḥowmat beyt shan׃

¹¹ וַיִּשְׁמְע֣וּ אֵלָ֔יו יֹשְׁבֵ֖י יָבֵ֣ישׁ גִּלְעָ֑ד אֵ֛ת אֲשֶׁר־עָשׂ֥וּ פְלִשְׁתִּ֖ים לְשָׁאֽוּל׃ wayishemeʿu ʾelayw yoshevey yaveysh gileʿad ʾet ʾasher־ʿasu felishetiym leshaʾul׃

¹² וַיָּק֜וּמוּ כָּל־אִ֣ישׁ חַיִל֮ וַיֵּלְכ֣וּ כָל־הַלַּיְלָה֒ וַיִּקְח֞וּ אֶת־גְּוִיַּ֣ת שָׁא֗וּל וְאֵת֙ גְּוִיֹּ֣ת בָּנָ֔יו מֵחֹומַ֖ת בֵּ֣ית שָׁ֑ן וַיָּבֹ֣אוּ יָבֵ֔שָׁה וַיִּשְׂרְפ֥וּ אֹתָ֖ם שָֽׁם׃ wayaqumu kal־ʾiysh ḥayil wayelekhu khal־halayelah wayiqeḥu ʾet־gewiyat shaʾul weʾet gewiyot banayw meḥowmat beyt shan wayavoʾu yaveshah wayiserefu ʾotam sham׃

¹³ וַיִּקְחוּ֙ אֶת־עַצְמֹ֣תֵיהֶ֔ם וַיִּקְבְּר֥וּ תַֽחַת־הָאֶ֖שֶׁל בְּיָבֵ֑שָׁה וַיָּצֻ֖מוּ שִׁבְעַ֥ת יָמִֽים׃ פ wayiqeḥu ʾet־ʿatsemoteyhem wayiqeberu taḥat־haʾeshel beyaveshah wayatsumu shiveʿat yamiym׃ f