1 מַשָּׂ֖א מֹואָ֑ב כִּ֠י בְּלֵ֞יל שֻׁדַּ֨ד עָ֤ר מֹואָב֙ נִדְמָ֔ה כִּ֗י בְּלֵ֛יל שֻׁדַּ֥ד קִיר־מֹואָ֖ב נִדְמָֽה׃ masaʾ mowʾav kiy beleyl shudad ʿar mowʾav nidemah kiy beleyl shudad qiyr־mowʾav nidemah׃

2 עָלָ֨ה הַבַּ֧יִת וְדִיבֹ֛ן הַבָּמֹ֖ות לְבֶ֑כִי עַל־נְבֹ֞ו וְעַ֤ל מֵֽידְבָא֙ מֹואָ֣ב יְיֵלִ֔יל בְּכָל־רֹאשָׁ֣יו קָרְחָ֔ה כָּל־זָקָ֖ן גְּרוּעָֽה׃ ʿalah habayit wediyvon habamowt levekhiy ʿal־nevow weʿal meydevaʾ mowʾav yeyeliyl bekhal־roʾshayw qareḥah kal־zaqan geruʿah׃

3 בְּחוּצֹתָ֖יו חָ֣גְרוּ שָׂ֑ק עַ֣ל גַּגֹּותֶ֧יהָ וּבִרְחֹבֹתֶ֛יהָ כֻּלֹּ֥ה יְיֵלִ֖יל יֹרֵ֥ד בַּבֶּֽכִי׃ beḥutsotayw ḥageru saq ʿal gagowteyha uvireḥovoteyha kuloh yeyeliyl yored babekhiy׃

4 וַתִּזְעַ֤ק חֶשְׁבֹּון֙ וְאֶלְעָלֵ֔ה עַד־יַ֖הַץ נִשְׁמַ֣ע קֹולָ֑ם עַל־כֵּ֗ן חֲלֻצֵ֤י מֹואָב֙ יָרִ֔יעוּ נַפְשֹׁ֖ו יָ֥רְעָה לֹּֽו׃ watizeʿaq ḥeshebown weʾeleʿaleh ʿad־yahats nishemaʿ qowlam ʿal־ken ḥalutsey mowʾav yariyʿu nafeshow yareʿah low׃

5 לִבִּי֙ לְמֹואָ֣ב יִזְעָ֔ק בְּרִיחֶ֕הָ עַד־צֹ֖עַר עֶגְלַ֣ת שְׁלִשִׁיָּ֑ה כִּ֣י ׀ מַעֲלֵ֣ה הַלּוּחִ֗ית בִּבְכִי֙ יַֽעֲלֶה־בֹּ֔ו כִּ֚י דֶּ֣רֶךְ חֹורֹנַ֔יִם זַעֲקַת־שֶׁ֖בֶר יְעֹעֵֽרוּ׃ libiy lemowʾav yizeʿaq beriyḥeah ʿad־tsoʿar ʿegelat shelishiyah kiy ׀ maʿaleh haluḥiyt bivekhiy yaʿaleh־bow kiy derekhe ḥowronayim zaʿaqat־shever yeʿoʿeru׃

6 כִּֽי־מֵ֥י נִמְרִ֖ים מְשַׁמֹּ֣ות יִֽהְי֑וּ כִּֽי־יָבֵ֤שׁ חָצִיר֙ כָּ֣לָה דֶ֔שֶׁא יֶ֖רֶק לֹ֥א הָיָֽה׃ kiy־mey nimeriym meshamowt yiheyu kiy־yavesh ḥatsiyr kalah desheʾ yereq loʾ hayah׃

7 עַל־כֵּ֖ן יִתְרָ֣ה עָשָׂ֑ה וּפְקֻדָּתָ֔ם עַ֛ל נַ֥חַל הָעֲרָבִ֖ים יִשָּׂאֽוּם׃ ʿal־ken yiterah ʿasah ufequdatam ʿal naḥal haʿaraviym yisaʾum׃

8 כִּֽי־הִקִּ֥יפָה הַזְּעָקָ֖ה אֶת־גְּב֣וּל מֹואָ֑ב עַד־אֶגְלַ֙יִם֙ יִלְלָתָ֔הּ וּבְאֵ֥ר אֵילִ֖ים יִלְלָתָֽהּ׃ kiy־hiqiyfah hazeʿaqah ʾet־gevul mowʾav ʿad־ʾegelayim yilelatah uveʾer ʾeyliym yilelatah׃

9 כִּ֣י מֵ֤י דִימֹון֙ מָ֣לְאוּ דָ֔ם כִּֽי־אָשִׁ֥ית עַל־דִּימֹ֖ון נֹוסָפֹ֑ות לִפְלֵיטַ֤ת מֹואָב֙ אַרְיֵ֔ה וְלִשְׁאֵרִ֖ית אֲדָמָֽה׃ kiy mey diymown maleʾu dam kiy־ʾashiyt ʿal־diymown nowsafowt lifeleyṭat mowʾav ʾareyeh welisheʾeriyt ʾadamah׃