1 Chroniques 29

¹ וַיֹּ֨אמֶר דָּוִ֤יד הַמֶּ֙לֶךְ֙ לְכָל־הַקָּהָ֔ל שְׁלֹמֹ֨ה בְנִ֥י אֶחָ֛ד בָּֽחַר־בֹּ֥ו אֱלֹהִ֖ים נַ֣עַר וָרָ֑ךְ וְהַמְּלָאכָ֣ה גְדֹולָ֔ה כִּ֣י לֹ֤א לְאָדָם֙ הַבִּירָ֔ה כִּ֖י לַיהוָ֥ה אֱלֹהִֽים׃ wayoʾmer dawiyd hamelekhe lekhal־haqahal shelomoh veniy ʾeḥad baḥar־bow ʾelohiym naʿar warakhe wehamelaʾkhah gedowlah kiy loʾ leʾadam habiyrah kiy layhwah ʾelohiym׃

² וּֽכְכָל־כֹּחִ֞י הֲכִינֹ֣ותִי לְבֵית־אֱלֹהַ֗י הַזָּהָ֣ב ׀ לַ֠זָּהָב וְהַכֶּ֨סֶף לַכֶּ֜סֶף וְהַנְּחֹ֣שֶׁת לַנְּחֹ֗שֶׁת הַבַּרְזֶל֙ לַבַּרְזֶ֔ל וְהָעֵצִ֖ים לָעֵצִ֑ים אַבְנֵי־שֹׁ֨הַם וּמִלּוּאִ֜ים אַבְנֵי־פ֣וּךְ וְרִקְמָ֗ה וְכֹ֨ל אֶ֧בֶן יְקָרָ֛ה וְאַבְנֵי־שַׁ֖יִשׁ לָרֹֽב׃ ukhekhal־koḥiy hakhiynowtiy leveyt־ʾelohay hazahav ׀ lazahav wehakesef lakesef wehaneḥoshet laneḥoshet habarezel labarezel wehaʿetsiym laʿetsiym ʾaveney־shoham umiluʾiym ʾaveney־fukhe weriqemah wekhol ʾeven yeqarah weʾaveney־shayish larov׃

³ וְעֹ֗וד בִּרְצֹותִי֙ בְּבֵ֣ית אֱלֹהַ֔י יֶשׁ־לִ֥י סְגֻלָּ֖ה זָהָ֣ב וָכָ֑סֶף נָתַ֤תִּי לְבֵית־אֱלֹהַי֙ לְמַ֔עְלָה מִכָּל־הֲכִינֹ֖ותִי לְבֵ֥ית הַקֹּֽדֶשׁ׃ weʿowd biretsowtiy beveyt ʾelohay yesh־liy segulah zahav wakhasef natatiy leveyt־ʾelohay lemaʿelah mikal־hakhiynowtiy leveyt haqodesh׃

⁴ שְׁלֹ֧שֶׁת אֲלָפִ֛ים כִּכְּרֵ֥י זָהָ֖ב מִזְּהַ֣ב אֹופִ֑יר וְשִׁבְעַ֨ת אֲלָפִ֤ים כִּכַּר־כֶּ֙סֶף֙ מְזֻקָּ֔ק לָט֖וּחַ קִירֹ֥ות הַבָּתִּֽים׃ sheloshet ʾalafiym kikerey zahav mizehav ʾowfiyr weshiveʿat ʾalafiym kikar־kesef mezuqaq laṭuaḥ qiyrowt habatiym׃

⁵ לַזָּהָ֤ב לַזָּהָב֙ וְלַכֶּ֣סֶף לַכֶּ֔סֶף וּלְכָל־מְלָאכָ֖ה בְּיַ֣ד חָרָשִׁ֑ים וּמִ֣י מִתְנַדֵּ֔ב לְמַלֹּ֥אות יָדֹ֛ו הַיֹּ֖ום לַיהוָֽה׃ lazahav lazahav welakesef lakesef ulekhal־melaʾkhah beyad ḥarashiym umiy mitenadev lemaloʾwt yadow hayowm layhwah׃

⁶ וַיִּֽתְנַדְּבוּ֩ שָׂרֵ֨י הָאָבֹ֜ות וְשָׂרֵ֣י ׀ שִׁבְטֵ֣י יִשְׂרָאֵ֗ל וְשָׂרֵ֤י הָאֲלָפִים֙ וְהַמֵּאֹ֔ות וּלְשָׂרֵ֖י מְלֶ֥אכֶת הַמֶּֽלֶךְ׃ wayitenadevu sarey haʾavowt wesarey ׀ shiveṭey yiseraʾel wesarey haʾalafiym wehameʾowt ulesarey meleʾkhet hamelekhe׃

⁷ וַֽיִּתְּנ֞וּ לַעֲבֹודַ֣ת בֵּית־הָאֱלֹהִ֗ים זָהָ֞ב כִּכָּרִ֣ים חֲמֵֽשֶׁת־אֲלָפִים֮ וַאֲדַרְכֹנִ֣ים רִבֹּו֒ וְכֶ֗סֶף כִּכָּרִים֙ עֲשֶׂ֣רֶת אֲלָפִ֔ים וּנְחֹ֕שֶׁת רִבֹּ֛ו וּשְׁמֹונַ֥ת אֲלָפִ֖ים כִּכָּרִ֑ים וּבַרְזֶ֖ל מֵֽאָה־אֶ֥לֶף כִּכָּרִֽים׃ wayitenu laʿavowdat beyt־haʾelohiym zahav kikariym ḥameshet־ʾalafiym waʾadarekhoniym ribow wekhesef kikariym ʿaseret ʾalafiym uneḥoshet ribow ushemownat ʾalafiym kikariym uvarezel meʾah־ʾelef kikariym׃

⁸ וְהַנִּמְצָ֤א אִתֹּו֙ אֲבָנִ֔ים נָתְנ֖וּ לְאֹוצַ֣ר בֵּית־יְהוָ֑ה עַ֥ל יַד־יְחִיאֵ֖ל הַגֵּרְשֻׁנִּֽי׃ wehanimetsaʾ ʾitow ʾavaniym natenu leʾowtsar beyt־yehwah ʿal yad־yeḥiyʾel hagereshuniy׃

⁹ וַיִּשְׂמְח֤וּ הָעָם֙ עַל־הִֽתְנַדְּבָ֔ם כִּ֚י בְּלֵ֣ב שָׁלֵ֔ם הִֽתְנַדְּב֖וּ לַיהוָ֑ה וְגַם֙ דָּוִ֣יד הַמֶּ֔לֶךְ שָׂמַ֖ח שִׂמְחָ֥ה גְדֹולָֽה׃ פ wayisemeḥu haʿam ʿal־hitenadevam kiy belev shalem hitenadevu layhwah wegam dawiyd hamelekhe samaḥ simeḥah gedowlah׃ f

¹⁰ וַיְבָ֤רֶךְ דָּוִיד֙ אֶת־יְהוָ֔ה לְעֵינֵ֖י כָּל־הַקָּהָ֑ל וַיֹּ֣אמֶר דָּוִ֗יד בָּר֨וּךְ אַתָּ֤ה יְהוָה֙ אֱלֹהֵי֙ יִשְׂרָאֵ֣ל אָבִ֔ינוּ מֵעֹולָ֖ם וְעַד־עֹולָֽם׃ wayevarekhe dawiyd ʾet־yehwah leʿeyney kal־haqahal wayoʾmer dawiyd barukhe ʾatah yehwah ʾelohey yiseraʾel ʾaviynu meʿowlam weʿad־ʿowlam׃

¹¹ לְךָ֣ יְ֠הוָה הַגְּדֻלָּ֨ה וְהַגְּבוּרָ֤ה וְהַתִּפְאֶ֙רֶת֙ וְהַנֵּ֣צַח וְהַהֹ֔וד כִּי־כֹ֖ל בַּשָּׁמַ֣יִם וּבָאָ֑רֶץ לְךָ֤ יְהוָה֙ הַמַּמְלָכָ֔ה וְהַמִּתְנַשֵּׂ֖א לְכֹ֥ל ׀ לְרֹֽאשׁ׃ lekha yehwah hagedulah wehagevurah wehatifeʾeret wehanetsaḥ wehahowd kiy־khol bashamayim uvaʾarets lekha yehwah hamamelakhah wehamitenaseʾ lekhol ׀ leroʾsh׃

¹² וְהָעֹ֤שֶׁר וְהַכָּבֹוד֙ מִלְּפָנֶ֔יךָ וְאַתָּה֙ מֹושֵׁ֣ל בַּכֹּ֔ל וּבְיָדְךָ֖ כֹּ֣חַ וּגְבוּרָ֑ה וּבְיָ֣דְךָ֔ לְגַדֵּ֥ל וּלְחַזֵּ֖ק לַכֹּֽל׃ wehaʿosher wehakavowd milefaneykha weʾatah mowshel bakol uveyadekha koaḥ ugevurah uveyadekha legadel uleḥazeq lakol׃

¹³ וְעַתָּ֣ה אֱלֹהֵ֔ינוּ מֹודִ֥ים אֲנַ֖חְנוּ לָ֑ךְ וּֽמְהַֽלְלִ֖ים לְשֵׁ֥ם תִּפְאַרְתֶּֽךָ׃ weʿatah ʾeloheynu mowdiym ʾanaḥenu lakhe umehaleliym leshem tifeʾaretekha׃

¹⁴ וְכִ֨י מִ֤י אֲנִי֙ וּמִ֣י עַמִּ֔י כִּֽי־נַעְצֹ֣ר כֹּ֔חַ לְהִתְנַדֵּ֖ב כָּזֹ֑את כִּֽי־מִמְּךָ֣ הַכֹּ֔ל וּמִיָּדְךָ֖ נָתַ֥נּוּ לָֽךְ׃ wekhiy miy ʾaniy umiy ʿamiy kiy־naʿetsor koaḥ lehitenadev kazoʾt kiy־mimekha hakol umiyadekha natanu lakhe׃

¹⁵ כִּֽי־גֵרִ֨ים אֲנַ֧חְנוּ לְפָנֶ֛יךָ וְתֹושָׁבִ֖ים כְּכָל־אֲבֹתֵ֑ינוּ כַּצֵּ֧ל ׀ יָמֵ֛ינוּ עַל־הָאָ֖רֶץ וְאֵ֥ין מִקְוֶֽה׃ kiy־geriym ʾanaḥenu lefaneykha wetowshaviym kekhal־ʾavoteynu katsel ׀ yameynu ʿal־haʾarets weʾeyn miqeweh׃

¹⁶ יְהוָ֣ה אֱלֹהֵ֔ינוּ כֹ֣ל הֶהָמֹ֤ון הַזֶּה֙ אֲשֶׁ֣ר הֲכִינֹ֔נוּ לִבְנֹֽות־לְךָ֥ בַ֖יִת לְשֵׁ֣ם קָדְשֶׁ֑ךָ מִיָּדְךָ֥ [הִיא כ] (ה֖וּא ק) וּלְךָ֥ הַכֹּֽל׃ yehwah ʾeloheynu khol hehamown hazeh ʾasher hakhiynonu livenowt־lekha vayit leshem qadeshekha miyadekha [hiyʾ kh] (huʾ q) ulekha hakol׃

¹⁷ וְיָדַ֣עְתִּי אֱלֹהַ֔י כִּ֤י אַתָּה֙ בֹּחֵ֣ן לֵבָ֔ב וּמֵישָׁרִ֖ים תִּרְצֶ֑ה אֲנִ֗י בְּיֹ֤שֶׁר לְבָבִי֙ הִתְנַדַּ֣בְתִּי כָל־אֵ֔לֶּה וְעַתָּ֗ה עַמְּךָ֙ הַנִּמְצְאוּ־פֹ֔ה רָאִ֥יתִי בְשִׂמְחָ֖ה לְהִֽתְנַדֶּב־לָֽךְ׃ weyadaʿetiy ʾelohay kiy ʾatah boḥen levav umeyshariym tiretseh ʾaniy beyosher levaviy hitenadavetiy khal־ʾeleh weʿatah ʿamekha hanimetseʾu־foh raʾiytiy vesimeḥah lehitenadev־lakhe׃

¹⁸ יְהוָ֗ה אֱ֠לֹהֵי אַבְרָהָ֞ם יִצְחָ֤ק וְיִשְׂרָאֵל֙ אֲבֹתֵ֔ינוּ שֳׁמְרָה־זֹּ֣את לְעֹולָ֔ם לְיֵ֥צֶר מַחְשְׁבֹ֖ות לְבַ֣ב עַמֶּ֑ךָ וְהָכֵ֥ן לְבָבָ֖ם אֵלֶֽיךָ׃ yehwah ʾelohey ʾaveraham yitseḥaq weyiseraʾel ʾavoteynu shomerah־zoʾt leʿowlam leyetser maḥeshevowt levav ʿamekha wehakhen levavam ʾeleykha׃

¹⁹ וְלִשְׁלֹמֹ֣ה בְנִ֗י תֵּ֚ן לֵבָ֣ב שָׁלֵ֔ם לִשְׁמֹור֙ מִצְוֹתֶ֔יךָ עֵדְוֹתֶ֖יךָ וְחֻקֶּ֑יךָ וְלַעֲשֹׂ֣ות הַכֹּ֔ל וְלִבְנֹ֖ות הַבִּירָ֥ה אֲשֶׁר־הֲכִינֹֽותִי׃ פ welishelomoh veniy ten levav shalem lishemowr mitseoteykha ʿedeoteykha weḥuqeykha welaʿasowt hakol welivenowt habiyrah ʾasher־hakhiynowtiy׃ f

²⁰ וַיֹּ֤אמֶר דָּוִיד֙ לְכָל־הַקָּהָ֔ל בָּֽרְכוּ־נָ֖א אֶת־יְהוָ֣ה אֱלֹהֵיכֶ֑ם וַיְבָרֲכ֣וּ כָֽל־הַקָּהָ֗ל לַיהוָה֙ אֱלֹהֵ֣י אֲבֹֽתֵיהֶ֔ם וַיִּקְּד֧וּ וַיִּֽשְׁתַּחֲו֛וּ לַיהוָ֖ה וְלַמֶּֽלֶךְ׃ wayoʾmer dawiyd lekhal־haqahal barekhu־naʾ ʾet־yehwah ʾeloheykhem wayevarakhu khal־haqahal layhwah ʾelohey ʾavoteyhem wayiqedu wayishetaḥawu layhwah welamelekhe׃

²¹ וַיִּזְבְּח֣וּ לַיהוָ֣ה ׀ זְ֠בָחִים וַיַּעֲל֨וּ עֹלֹ֜ות לַיהוָ֗ה לְֽמָחֳרַת֮ הַיֹּ֣ום הַהוּא֒ פָּרִ֨ים אֶ֜לֶף אֵילִ֥ים אֶ֛לֶף כְּבָשִׂ֥ים אֶ֖לֶף וְנִסְכֵּיהֶ֑ם וּזְבָחִ֥ים לָרֹ֖ב לְכָל־יִשְׂרָאֵֽל׃ wayizebeḥu layhwah ׀ zevaḥiym wayaʿalu ʿolowt layhwah lemaḥorat hayowm hahuʾ pariym ʾelef ʾeyliym ʾelef kevasiym ʾelef wenisekeyhem uzevaḥiym larov lekhal־yiseraʾel׃

²² וַיֹּאכְל֨וּ וַיִּשְׁתּ֜וּ לִפְנֵ֧י יְהוָ֛ה בַּיֹּ֥ום הַה֖וּא בְּשִׂמְחָ֣ה גְדֹולָ֑ה וַיַּמְלִ֤יכוּ שֵׁנִית֙ לִשְׁלֹמֹ֣ה בֶן־דָּוִ֔יד וַיִּמְשְׁח֧וּ לַיהוָ֛ה לְנָגִ֥יד וּלְצָדֹ֖וק לְכֹהֵֽן׃ wayoʾkhelu wayishetu lifeney yehwah bayowm hahuʾ besimeḥah gedowlah wayameliykhu sheniyt lishelomoh ven־dawiyd wayimesheḥu layhwah lenagiyd uletsadowq lekhohen׃

²³ וַיֵּ֣שֶׁב לֹמֹה עַל־כִּסֵּ֨א יְהוָ֧ה ׀ לְמֶ֛לֶךְ תַּֽחַת־דָּוִ֥יד אָבִ֖יו וַיַּצְלַ֑ח וַיִּשְׁמְע֥וּ אֵלָ֖יו כָּל־יִשְׂרָאֵֽל׃ wayeshev lomoh ʿal־kiseʾ yehwah ׀ lemelekhe taḥat־dawiyd ʾaviyw wayatselaḥ wayishemeʿu ʾelayw kal־yiseraʾel׃

²⁴ וְכָל־הַשָּׂרִים֙ וְהַגִּבֹּרִ֔ים וְגַ֕ם כָּל־בְּנֵ֖י הַמֶּ֣לֶךְ דָּוִ֑יד נָ֣תְנוּ יָ֔ד תַּ֖חַת שְׁלֹמֹ֥ה הַמֶּֽלֶךְ׃ wekhal־hasariym wehagiboriym wegam kal־beney hamelekhe dawiyd natenu yad taḥat shelomoh hamelekhe׃

²⁵ וַיְגַדֵּ֨ל יְהוָ֤ה אֶת־שְׁלֹמֹה֙ לְמַ֔עְלָה לְעֵינֵ֖י כָּל־יִשְׂרָאֵ֑ל וַיִּתֵּ֤ן עָלָיו֙ הֹ֣וד מַלְכ֔וּת אֲ֠שֶׁר לֹֽא־הָיָ֧ה עַל־כָּל־מֶ֛לֶךְ לְפָנָ֖יו עַל־יִשְׂרָאֵֽל׃ פ wayegadel yehwah ʾet־shelomoh lemaʿelah leʿeyney kal־yiseraʾel wayiten ʿalayw howd malekhut ʾasher loʾ־hayah ʿal־kal־melekhe lefanayw ʿal־yiseraʾel׃ f

²⁶ וְדָוִיד֙ בֶּן־יִשָׁ֔י מָלַ֖ךְ עַל־כָּל־יִשְׂרָאֵֽל׃ wedawiyd ben־yishay malakhe ʿal־kal־yiseraʾel׃

²⁷ וְהַיָּמִ֗ים אֲשֶׁ֤ר מָלַךְ֙ עַל־יִשְׂרָאֵ֔ל אַרְבָּעִ֖ים שָׁנָ֑ה בְּחֶבְרֹ֤ון מָלַךְ֙ שֶׁ֣בַע שָׁנִ֔ים וּבִירוּשָׁלִַ֥ם מָלַ֖ךְ שְׁלֹשִׁ֥ים וְשָׁלֹֽושׁ׃ wehayamiym ʾasher malakhe ʿal־yiseraʾel ʾarebaʿiym shanah beḥeverown malakhe shevaʿ shaniym uviyrushalim malakhe sheloshiym weshalowsh׃

²⁸ וַיָּ֙מָת֙ בְּשֵׂיבָ֣ה טֹובָ֔ה שְׂבַ֥ע יָמִ֖ים עֹ֣שֶׁר וְכָבֹ֑וד וַיִּמְלֹ֛ךְ שְׁלֹמֹ֥ה בְנֹ֖ו תַּחְתָּֽיו׃ wayamat beseyvah ṭowvah sevaʿ yamiym ʿosher wekhavowd wayimelokhe shelomoh venow taḥetayw׃

²⁹ וְדִבְרֵי֙ דָּוִ֣יד הַמֶּ֔לֶךְ הָרִאשֹׁנִ֖ים וְהָאֲחרֹנִ֑ים הִנָּ֣ם כְּתוּבִ֗ים עַל־דִּבְרֵי֙ שְׁמוּאֵ֣ל הָרֹאֶ֔ה וְעַל־דִּבְרֵי֙ נָתָ֣ן הַנָּבִ֔יא וְעַל־דִּבְרֵ֖י גָּ֥ד הַחֹזֶֽה׃ wediverey dawiyd hamelekhe hariʾshoniym wehaʾaḥroniym hinam ketuviym ʿal־diverey shemuʾel haroʾeh weʿal־diverey natan hanaviyʾ weʿal־diverey gad haḥozeh׃

³⁰ עִ֥ם כָּל־מַלְכוּתֹ֖ו וּגְבוּרָתֹ֑ו וְהָעִתִּ֗ים אֲשֶׁ֨ר עָבְר֤וּ עָלָיו֙ וְעַל־יִשְׂרָאֵ֔ל וְעַ֖ל כָּל־מַמְלְכֹ֥ות הָאֲרָצֹֽות׃ פ ʿim kal־malekhutow ugevuratow wehaʿitiym ʾasher ʿaveru ʿalayw weʿal־yiseraʾel weʿal kal־mamelekhowt haʾaratsowt׃ f