1 Chroniques 21

¹ וַיַּֽעֲמֹ֥ד שָׂטָ֖ן עַל־יִשְׂרָאֵ֑ל וַיָּ֙סֶת֙ אֶת־דָּוִ֔יד לִמְנֹ֖ות אֶת־יִשְׂרָאֵֽל׃ wayaʿamod saṭan ʿal־yiseraʾel wayaset ʾet־dawiyd limenowt ʾet־yiseraʾel׃

² וַיֹּ֨אמֶר דָּוִ֤יד אֶל־יֹואָב֙ וְאֶל־שָׂרֵ֣י הָעָ֔ם לְכ֗וּ סִפְרוּ֙ אֶת־יִשְׂרָאֵ֔ל מִבְּאֵ֥ר שֶׁ֖בַע וְעַד־דָּ֑ן וְהָבִ֣יאוּ אֵלַ֔י וְאֵדְעָ֖ה אֶת־מִסְפָּרָֽם׃ wayoʾmer dawiyd ʾel־yowʾav weʾel־sarey haʿam lekhu siferu ʾet־yiseraʾel mibeʾer shevaʿ weʿad־dan wehaviyʾu ʾelay weʾedeʿah ʾet־miseparam׃

³ וַיֹּ֣אמֶר יֹואָ֗ב יֹוסֵף֩ יְהוָ֨ה עַל־עַמֹּ֤ו ׀ כָּהֵם֙ מֵאָ֣ה פְעָמִ֔ים הֲלֹא֙ אֲדֹנִ֣י הַמֶּ֔לֶךְ כֻּלָּ֥ם לַאדֹנִ֖י לַעֲבָדִ֑ים לָ֣מָּה יְבַקֵּ֥שׁ זֹאת֙ אֲדֹנִ֔י לָ֛מָּה יִהְיֶ֥ה לְאַשְׁמָ֖ה לְיִשְׂרָאֵֽל׃ wayoʾmer yowʾav yowsef yehwah ʿal־ʿamow ׀ kahem meʾah feʿamiym haloʾ ʾadoniy hamelekhe kulam laʾdoniy laʿavadiym lamah yevaqesh zoʾt ʾadoniy lamah yiheyeh leʾashemah leyiseraʾel׃

⁴ וּדְבַר־הַמֶּ֖לֶךְ חָזַ֣ק עַל־יֹואָ֑ב וַיֵּצֵ֣א יֹואָ֗ב וַיִּתְהַלֵּךְ֙ בְּכָל־יִשְׂרָאֵ֔ל וַיָּבֹ֖א יְרוּשָׁלִָֽם׃ udevar־hamelekhe ḥazaq ʿal־yowʾav wayetseʾ yowʾav wayitehalekhe bekhal־yiseraʾel wayavoʾ yerushalim׃

⁵ וַיִּתֵּ֥ן יֹואָ֛ב אֶת־מִסְפַּ֥ר מִפְקַד־הָעָ֖ם אֶל־דָּוִ֑יד וַיְהִ֣י כָֽל־יִשְׂרָאֵ֡ל אֶ֣לֶף אֲלָפִים֩ וּמֵאָ֨ה אֶ֤לֶף אִישׁ֙ שֹׁ֣לֵֽף חֶ֔רֶב וִֽיהוּדָ֕ה אַרְבַּע֩ מֵאֹ֨ות וְשִׁבְעִ֥ים אֶ֛לֶף אִ֖ישׁ שֹׁ֥לֵֽף חָֽרֶב׃ wayiten yowʾav ʾet־misepar mifeqad־haʿam ʾel־dawiyd wayehiy khal־yiseraʾel ʾelef ʾalafiym umeʾah ʾelef ʾiysh sholef ḥerev wiyhudah ʾarebaʿ meʾowt weshiveʿiym ʾelef ʾiysh sholef ḥarev׃

⁶ וְלֵוִי֙ וּבִנְיָמִ֔ן לֹ֥א פָקַ֖ד בְּתֹוכָ֑ם כִּֽי־נִתְעַ֥ב דְּבַר־הַמֶּ֖לֶךְ אֶת־יֹואָֽב׃ welewiy uvineyamin loʾ faqad betowkham kiy־niteʿav devar־hamelekhe ʾet־yowʾav׃

⁷ וַיֵּ֙רַע֙ בְּעֵינֵ֣י הָאֱלֹהִ֔ים עַל־הַדָּבָ֖ר הַזֶּ֑ה וַיַּ֖ךְ אֶת־יִשְׂרָאֵֽל׃ פ wayeraʿ beʿeyney haʾelohiym ʿal־hadavar hazeh wayakhe ʾet־yiseraʾel׃ f

⁸ וַיֹּ֤אמֶר דָּוִיד֙ אֶל־הָ֣אֱלֹהִ֔ים חָטָ֣אתִֽי מְאֹ֔ד אֲשֶׁ֥ר עָשִׂ֖יתִי אֶת־הַדָּבָ֣ר הַזֶּ֑ה וְעַתָּ֗ה הַֽעֲבֶר־נָא֙ אֶת־עֲוֹ֣ון עַבְדְּךָ֔ כִּ֥י נִסְכַּ֖לְתִּי מְאֹֽד׃ פ wayoʾmer dawiyd ʾel־haʾelohiym ḥaṭaʾtiy meʾod ʾasher ʿasiytiy ʾet־hadavar hazeh weʿatah haʿaver־naʾ ʾet־ʿaown ʿavedekha kiy nisekaletiy meʾod׃ f

⁹ וַיְדַבֵּ֤ר יְהוָה֙ אֶל־גָּ֔ד חֹזֵ֥ה דָוִ֖יד לֵאמֹֽר׃ wayedaber yehwah ʾel־gad ḥozeh dawiyd leʾmor׃

¹⁰ לֵךְ֩ וְדִבַּרְתָּ֨ אֶל־דָּוִ֜יד לֵאמֹ֗ר כֹּ֚ה אָמַ֣ר יְהוָ֔ה שָׁלֹ֕ושׁ אֲנִ֖י נֹטֶ֣ה עָלֶ֑יךָ בְּחַר־לְךָ֛ אַחַ֥ת מֵהֵ֖נָּה וְאֶֽעֱשֶׂה־לָּֽךְ׃ lekhe wedibareta ʾel־dawiyd leʾmor koh ʾamar yehwah shalowsh ʾaniy noṭeh ʿaleykha beḥar־lekha ʾaḥat mehenah weʾeʿeseh־lakhe׃

¹¹ וַיָּ֥בֹא גָ֖ד אֶל־דָּוִ֑יד וַיֹּ֥אמֶר לֹ֛ו כֹּֽה־אָמַ֥ר יְהוָ֖ה קַבֶּל־לָֽךְ׃ wayavoʾ gad ʾel־dawiyd wayoʾmer low koh־ʾamar yehwah qabel־lakhe׃

¹² אִם־שָׁלֹ֨ושׁ שָׁנִ֜ים רָעָ֗ב וְאִם־שְׁלֹשָׁ֨ה חֳדָשִׁ֜ים נִסְפֶּ֥ה מִפְּנֵי־צָרֶיךָ֮ וְחֶ֣רֶב אֹויְבֶ֣ךָ ׀ לְמַשֶּׂגֶת֒ וְאִם־שְׁלֹ֣שֶׁת יָ֠מִים חֶ֣רֶב יְהוָ֤ה וְדֶ֙בֶר֙ בָּאָ֔רֶץ וּמַלְאַ֣ךְ יְהוָ֔ה מַשְׁחִ֖ית בְּכָל־גְּב֣וּל יִשְׂרָאֵ֑ל וְעַתָּ֣ה רְאֵ֔ה מָֽה־אָשִׁ֥יב אֶת־שֹׁלְחִ֖י דָּבָֽר׃ פ ʾim־shalowsh shaniym raʿav weʾim־sheloshah ḥodashiym nisepeh mipeney־tsareykha weḥerev ʾowyevekha ׀ lemaseget weʾim־sheloshet yamiym ḥerev yehwah wedever baʾarets umaleʾakhe yehwah masheḥiyt bekhal־gevul yiseraʾel weʿatah reʾeh mah־ʾashiyv ʾet־sholeḥiy davar׃ f

¹³ וַיֹּ֧אמֶר דָּוִ֛יד אֶל־גָּ֖ד צַר־לִ֣י מְאֹ֑ד אֶפְּלָה־נָּ֣א בְיַד־יְהוָ֗ה כִּֽי־רַבִּ֤ים רַחֲמָיו֙ מְאֹ֔ד וּבְיַד־אָדָ֖ם אַל־אֶפֹּֽל׃ wayoʾmer dawiyd ʾel־gad tsar־liy meʾod ʾepelah־naʾ veyad־yehwah kiy־rabiym raḥamayw meʾod uveyad־ʾadam ʾal־ʾepol׃

¹⁴ וַיִּתֵּ֧ן יְהוָ֛ה דֶּ֖בֶר בְּיִשְׂרָאֵ֑ל וַיִּפֹּל֙ מִיִּשְׂרָאֵ֔ל שִׁבְעִ֥ים אֶ֖לֶף אִֽישׁ׃ wayiten yehwah dever beyiseraʾel wayipol miyiseraʾel shiveʿiym ʾelef ʾiysh׃

¹⁵ וַיִּשְׁלַח֩ הָאֱלֹהִ֨ים ׀ מַלְאָ֥ךְ ׀ לִֽירוּשָׁלִַם֮ לְהַשְׁחִיתָהּ֒ וּכְהַשְׁחִ֗ית רָאָ֤ה יְהוָה֙ וַיִּנָּ֣חֶם עַל־הָֽרָעָ֔ה וַיֹּ֨אמֶר לַמַּלְאָ֤ךְ הַמַּשְׁחִית֙ רַ֔ב עַתָּ֖ה הֶ֣רֶף יָדֶ֑ךָ וּמַלְאַ֤ךְ יְהוָה֙ עֹמֵ֔ד עִם־גֹּ֖רֶן אָרְנָ֥ן הַיְבוּסִֽי׃ ס wayishelaḥ haʾelohiym ׀ maleʾakhe ׀ liyrushalim lehasheḥiytah ukhehasheḥiyt raʾah yehwah wayinaḥem ʿal־haraʿah wayoʾmer lamaleʾakhe hamasheḥiyt rav ʿatah heref yadekha umaleʾakhe yehwah ʿomed ʿim־goren ʾarenan hayevusiy׃ s

¹⁶ וַיִּשָּׂ֨א דָוִ֜יד אֶת־עֵינָ֗יו וַיַּ֞רְא אֶת־מַלְאַ֤ךְ יְהוָה֙ עֹמֵ֗ד בֵּ֤ין הָאָ֙רֶץ֙ וּבֵ֣ין הַשָּׁמַ֔יִם וְחַרְבֹּ֤ו שְׁלוּפָה֙ בְּיָדֹ֔ו נְטוּיָ֖ה עַל־יְרוּשָׁלִָ֑ם וַיִּפֹּ֨ל דָּוִ֧יד וְהַזְּקֵנִ֛ים מְכֻסִּ֥ים בַּשַּׂקִּ֖ים עַל־פְּנֵיהֶֽם׃ wayisaʾ dawiyd ʾet־ʿeynayw wayareʾ ʾet־maleʾakhe yehwah ʿomed beyn haʾarets uveyn hashamayim weḥarebow shelufah beyadow neṭuyah ʿal־yerushalim wayipol dawiyd wehazeqeniym mekhusiym basaqiym ʿal־peneyhem׃

¹⁷ וַיֹּ֣אמֶר דָּוִ֣יד אֶֽל־הָאֱלֹהִ֡ים הֲלֹא֩ אֲנִ֨י אָמַ֜רְתִּי לִמְנֹ֣ות בָּעָ֗ם וַאֲנִי־ה֤וּא אֲשֶׁר־חָטָ֙אתִי֙ וְהָרֵ֣עַ הֲרֵעֹ֔ותִי וְאֵ֥לֶּה הַצֹּ֖אן מֶ֣ה עָשׂ֑וּ יְהוָ֣ה אֱלֹהַ֗י תְּהִ֨י נָ֤א יָֽדְךָ֙ בִּ֚י וּבְבֵ֣ית אָבִ֔י וּֽבְעַמְּךָ֖ לֹ֥א לְמַגֵּפָֽה׃ ס wayoʾmer dawiyd ʾel־haʾelohiym haloʾ ʾaniy ʾamaretiy limenowt baʿam waʾaniy־huʾ ʾasher־ḥaṭaʾtiy wehareaʿ hareʿowtiy weʾeleh hatsoʾn meh ʿasu yehwah ʾelohay tehiy naʾ yadekha biy uveveyt ʾaviy uveʿamekha loʾ lemagefah׃ s

¹⁸ וּמַלְאַ֧ךְ יְהוָ֛ה אָמַ֥ר אֶל־גָּ֖ד לֵאמֹ֣ר לְדָוִ֑יד כִּ֣י ׀ יַעֲלֶ֣ה דָוִ֗יד לְהָקִ֤ים מִזְבֵּ֙חַ֙ לַיהוָ֔ה בְּגֹ֖רֶן אָרְנָ֥ן הַיְבֻסִֽי׃ umaleʾakhe yehwah ʾamar ʾel־gad leʾmor ledawiyd kiy ׀ yaʿaleh dawiyd lehaqiym mizebeaḥ layhwah begoren ʾarenan hayevusiy׃

¹⁹ וַיַּ֤עַל דָּוִיד֙ בִּדְבַר־גָּ֔ד אֲשֶׁ֥ר דִּבֶּ֖ר בְּשֵׁ֥ם יְהוָֽה׃ wayaʿal dawiyd bidevar־gad ʾasher diber beshem yehwah׃

²⁰ וַיָּ֣שָׁב אָרְנָ֗ן וַיַּרְא֙ אֶת־הַמַּלְאָ֔ךְ וְאַרְבַּ֧עַת בָּנָ֛יו עִמֹּ֖ו מִֽתְחַבְּאִ֑ים וְאָרְנָ֖ן דָּ֥שׁ חִטִּֽים׃ wayashav ʾarenan wayareʾ ʾet־hamaleʾakhe weʾarebaʿat banayw ʿimow miteḥabeʾiym weʾarenan dash ḥiṭiym׃

²¹ וַיָּבֹ֥א דָוִ֖יד עַד־אָרְנָ֑ן וַיַּבֵּ֤ט אָרְנָן֙ וַיַּ֣רְא אֶת־דָּוִ֔יד וַיֵּצֵא֙ מִן־הַגֹּ֔רֶן וַיִּשְׁתַּ֧חוּ לְדָוִ֛יד אַפַּ֖יִם אָֽרְצָה׃ wayavoʾ dawiyd ʿad־ʾarenan wayabeṭ ʾarenan wayareʾ ʾet־dawiyd wayetseʾ min־hagoren wayishetaḥu ledawiyd ʾapayim ʾaretsah׃

²² וַיֹּ֨אמֶר דָּוִ֜יד אֶל־אָרְנָ֗ן תְּנָה־לִּי֙ מְקֹ֣ום הַגֹּ֔רֶן וְאֶבְנֶה־בֹּ֥ו מִזְבֵּ֖חַ לַיהוָ֑ה בְּכֶ֤סֶף מָלֵא֙ תְּנֵ֣הוּ לִ֔י וְתֵעָצַ֥ר הַמַּגֵּפָ֖ה מֵעַ֥ל הָעָֽם׃ wayoʾmer dawiyd ʾel־ʾarenan tenah־liy meqowm hagoren weʾeveneh־bow mizebeaḥ layhwah bekhesef maleʾ tenehu liy weteʿatsar hamagefah meʿal haʿam׃

²³ וַיֹּ֨אמֶר אָרְנָ֤ן אֶל־דָּוִיד֙ קַֽח־לָ֔ךְ וְיַ֛עַשׂ אֲדֹנִ֥י הַמֶּ֖לֶךְ הַטֹּ֣וב בְּעֵינָ֑יו רְאֵה֩ נָתַ֨תִּי הַבָּקָ֜ר לָֽעֹלֹ֗ות וְהַמֹּורִגִּ֧ים לָעֵצִ֛ים וְהַחִטִּ֥ים לַמִּנְחָ֖ה הַכֹּ֥ל נָתָֽתִּי׃ wayoʾmer ʾarenan ʾel־dawiyd qaḥ־lakhe weyaʿas ʾadoniy hamelekhe haṭowv beʿeynayw reʾeh natatiy habaqar laʿolowt wehamowrigiym laʿetsiym wehaḥiṭiym lamineḥah hakol natatiy׃

²⁴ וַיֹּ֨אמֶר הַמֶּ֤לֶךְ דָּוִיד֙ לְאָרְנָ֔ן לֹ֕א כִּֽי־קָנֹ֥ה אֶקְנֶ֖ה בְּכֶ֣סֶף מָלֵ֑א כִּ֠י לֹא־אֶשָּׂ֤א אֲשֶׁר־לְךָ֙ לַיהוָ֔ה וְהַעֲלֹ֥ות עֹולָ֖ה חִנָּֽם׃ wayoʾmer hamelekhe dawiyd leʾarenan loʾ kiy־qanoh ʾeqeneh bekhesef maleʾ kiy loʾ־ʾesaʾ ʾasher־lekha layhwah wehaʿalowt ʿowlah ḥinam׃

²⁵ וַיִּתֵּ֥ן דָּוִ֛יד לְאָרְנָ֖ן בַּמָּקֹ֑ום שִׁקְלֵ֣י זָהָ֔ב מִשְׁקָ֖ל שֵׁ֥שׁ מֵאֹֽות׃ wayiten dawiyd leʾarenan bamaqowm shiqeley zahav misheqal shesh meʾowt׃

²⁶ וַיִּבֶן֩ שָׁ֨ם דָּוִ֤יד מִזְבֵּ֙חַ֙ לַיהוָ֔ה וַיַּ֥עַל עֹלֹ֖ות וּשְׁלָמִ֑ים וַיִּקְרָא֙ אֶל־יְהוָ֔ה וַיַּֽעֲנֵ֤הוּ בָאֵשׁ֙ מִן־הַשָּׁמַ֔יִם עַ֖ל מִזְבַּ֥ח הָעֹלָֽה׃ פ wayiven sham dawiyd mizebeaḥ layhwah wayaʿal ʿolowt ushelamiym wayiqeraʾ ʾel־yehwah wayaʿanehu vaʾesh min־hashamayim ʿal mizebaḥ haʿolah׃ f

²⁷ וַיֹּ֤אמֶר יְהוָה֙ לַמַּלְאָ֔ךְ וַיָּ֥שֶׁב חַרְבֹּ֖ו אֶל־נְדָנָֽהּ׃ wayoʾmer yehwah lamaleʾakhe wayashev ḥarebow ʾel־nedanah׃

²⁸ בָּעֵ֣ת הַהִ֔יא בִּרְאֹ֤ות דָּוִיד֙ כִּי־עָנָ֣הוּ יְהוָ֔ה בְּגֹ֖רֶן אָרְנָ֣ן הַיְבוּסִ֑י וַיִּזְבַּ֖ח שָֽׁם׃ baʿet hahiyʾ bireʾowt dawiyd kiy־ʿanahu yehwah begoren ʾarenan hayevusiy wayizebaḥ sham׃

²⁹ וּמִשְׁכַּ֣ן יְ֠הוָה אֲשֶׁר־עָשָׂ֨ה מֹשֶׁ֧ה בַמִּדְבָּ֛ר וּמִזְבַּ֥ח הָעֹולָ֖ה בָּעֵ֣ת הַהִ֑יא בַּבָּמָ֖ה בְּגִבְעֹֽון׃ umishekan yehwah ʾasher־ʿasah mosheh vamidebar umizebaḥ haʿowlah baʿet hahiyʾ babamah begiveʿown׃

³⁰ וְלֹא־יָכֹ֥ל דָּוִ֛יד לָלֶ֥כֶת לְפָנָ֖יו לִדְרֹ֣שׁ אֱלֹהִ֑ים כִּ֣י נִבְעַ֔ת מִפְּנֵ֕י חֶ֖רֶב מַלְאַ֥ךְ יְהוָֽה׃ ס weloʾ־yakhol dawiyd lalekhet lefanayw liderosh ʾelohiym kiy niveʿat mipeney ḥerev maleʾakhe yehwah׃ s